مشاهدة النسخة كاملة : :::قواعد التعامل داخل الفريق:::
لجنة الدعاية 25 Feb 2007, 07:14 AM :bism:
السلام عليكم و رحمة الله و بركاته إخوتى و آخواتى فى الله صناع الحياة لله بالاسماعيلية
قواعد التعامل داخل الفريق
عقد اليوم بالجمعية النسائية إجتماع لوضع قواعد للتعامل بين الأفراد داخل الفريق و تم الاتفاق على ما يلى :
1. الإجتماعات
§ مواعيد الاجتماعات التى تضم أخوات و شباب تنتهى فى الساعة 8 م كحد أقصى فى الشتاء , و الساعة 9 م كحد أقصى فى الصيف .
§ تمنع الاجتماعات المنزلية التى تضم الشباب و الأخوات.
§ الأفكار المطلوب مناقشتها فى تلك الاجتماعات تطرح على مائدة الاجتماع الذى ينتهى بمجرد القيام من على طاولة الاجتماع و يمنع الأحاديث الجانبية بعده تماما بين الشباب و الأخوات.
2. التخاطب بالألقاب
§ إلتزام الأعضاء بمخاطبة بعضهم البعض بالألقاب.
3. المعارض
§ عند إقامة معرض سيتم تقسيم المعرض إلى قسم للرجال و قسم أخر منفصل للأخوات(منفصل فى التعامل و البيع و وقت الطعام) و الصلة الوحيدة بين الفريقين هى المحصل المالى.
4. المناسبات الاجتماعية فى الفريق (الأفراح على سبيل المثال):
§ بالنسبة للمناسبات الخاصة بالشباب مثل زفاف أحد الشباب مثلا فالمدعو للحضور هم الشباب فقط.
§ يمكن للأخوات الذهاب للفرح فى حالة إذا كانوا على معرفة بالعروسة بشرط أن يكون هناك فصل بين الأخوات فى مكان و الرجال فى مكان أخر منفصل.
5. الإتصالات :
§ يمنع الاتصال بشكل عام بين الشباب و الأخوات إلا فى حالات الضرورة الشديدة و التى قد يترتب علي عدم إجرائها مشكلة فى العمل (العمل فقط).
§ بالنسبة للمنتدى الالتزام بعدم مخاطبة الأخوات لبعضهم البعض بأسماء التدليل و الشباب كذلك.
§ يمنع المحادثات على الماسنجر بين الشباب و الأخوات.
§ ملفات العمل يمكن نقلها عن طريق البريد الالكترونى .
6. قاعدة عامة فى كل أعمال الفريق:
§ سيطبق على المعارض و القوافل و ..... مبدأ إنه لن يشارك فيها أحد إلا ان كان له دور فى خطة العمل فى اليوم.
القواعد دى هدف اللى حطوها (جزاهم الله كل خير) هو مصلحة الفريق ككل
هدفها تنقية العمل مما قد يشوبه من أمور قد تضيع ثوابه على الجميع
القواعد نافذة المفعول بدءا من اليوم
و جزاكم الله خيرا
السلام عليكم و رحمة الله و بركاته
محمدحسام 25 Feb 2007, 11:01 PM ربنا يبارك في الجميع
اللي مش فاهم اي حاجة في اللي فات يسأل عن اي قاعدة
اللي عنده اقتراحات ياريت يقولها يمكن يضيف لينا
والله ياجماعة الموضوع مش تكتيف ولكن اللي عنده اي تعليق ياريت ياريت يقول
كلنا بنستفيد من بعض
وجزاكم الله خيرا جميعا
احب اضيف ان مش معنى القواعد اتحطت ان مفيش مكان لراي حد الكل ممكن يضيف
maram amer 27 Feb 2007, 05:54 PM جزاكم الله كل خير
كان لي تعقيب بسيط (في قواعد المناسبات )
أنا من رأيي إن المناسبات دي لا تتعلق بفريق العمل أو أي شغل في صناع يعني دي حاجه شخصيه وصاحب المناسة هو اللي يحدد مين المدعوين أو الطريقة اللي هتتم بيها المناسبه دي.ده أولا
تانيا/ احنا قعدنا نحط قواعد اختلاط واجتماعات وتصويت وفي الكلام ده من زمان
أعتقد إن القاعدة العريضة جداللإختلاط ملخصة بكل بساطة في الأيه (فسقى لهما ثم تولى إلى الظل)
يعني يا جماعة من غير كل التعب ده إذا كان في ضرورة للتعامل بين البنات والشباب هنعمل الضرورة دي وخلاص عشان مش كل واحد قبل ما يعمل اي تصرف يقعد أول حاجة يسمع لنفسه قواعد الإختلاط فبل ما يتصرف.
تالتا/ من وجة نظري الشخصية البحته :بالنسبة لموضوع فصل صناع لبنات وشباب هي فكرة عجيبة والأمر لا يحتاج لكل هذا العناء لأن _على حد معرفتي _ النبي صلى الله عليه وسلم كان بيطلع معاه واحدة من زوجاته في كل معركة وكان نساء الصحابة يخرجوا عشان يداوو الجرحى ودي بتيقى حرب يعني مفيش أصعب من ذلك على النساء ومع ذلك كن يخرجن لان كل الموضوع إن كل واحد رقيب على نفسه ومش هنمسك كل واحد نقوله اعمل دي وما تعملش دي .
وإلا هنضطر نفصل الجمهورية بنات وولاد.
وفي النهاية أنا عارفة إن قواعد الإختلاط دي وضعت لكي نتقي الشبهات وجزاكم الله كل خير
يارب يكون المعنى المقصود وصل .:sm5: :ahmed42:
يقينى بالله 02 Mar 2007, 09:27 AM جزاكم الله خيرا
وربنا يوفقكم الى ما يحب ويرضى ويجعل كل هذ فى ميزان حسنات الفريق
وربنا يجمعنى بيكم عن قريب (آمييييييييييييييييييييييين)
ra7ooom 02 Mar 2007, 04:02 PM § بالنسبة للمنتدى الالتزام بعدم مخاطبة الأخوات لبعضهم البعض بأسماء التدليل و الشباب كذلك.
بصراحة بصراحة يعني ... أنا معترضة على النقطة دي .... فيها إيه لما أقول مثلا : ياعيودة ... يادودي ... يانوسة ... يا حبيبتي ...
دي مالها و مال قواعد الإختلاط و التعامل ؟؟؟ ... أنا بجد بسأل بجد ... أنا الكلام ده بقوله لبنت .. يبأه ليه مينفعش ...
رغم إني مش مقتنعة بالنقطة دي إلا إني بطبقها لحد ما حد يرد عليا أو يقنعني أو يوصللي وجهة النظر من وضعها ... و حتى لو مااقتنعتش بردوه هنفذها لأن دي قواعد لينا ... مدام اتفقنا عليها يبأه نعملها حتى لو مش مقتنعين بيها .. يعني هيه مش مفروضة عللينا .. لأ إحنا إللي عملناها ...
ياريت أفهم وجهة النظر من ورا القاعدة دي ... (بصراحة يعني .. خناقني )
aida kilany 02 Mar 2007, 09:45 PM [CENTER][
[B]4. المناسبات الاجتماعية فى الفريق (الأفراح على سبيل المثال):
§ بالنسبة للمناسبات الخاصة بالشباب مثل زفاف أحد الشباب مثلا فالمدعو للحضور هم الشباب فقط.
§ يمكن للأخوات الذهاب للفرح فى حالة إذا كانوا على معرفة بالعروسة بشرط أن يكون هناك فصل بين الأخوات فى مكان و الرجال فى مكان أخر منفصل.
السلام عليكم ورحمة الله وبركاته
والله يا جماعة انا ماكنتش شايفة مشاكل في القاعدة دي لحد اليوم النهارده 2/3/2007 عقد قران أخونا محمد سعيد انا بس هانقل لكم لقطات وانتوا بعدها إحكموا اللي حصل النهارده إيه الغلط فيه؟
العروسة سايبة الناس كلها ومستنية بنات صناع اللي عرفاهم بالاسم واحده واحده ونفسها تشفهم
والدة د.أحمد سعيد ووالدة أسماء السمطي ووالدة أخونا أسامة ووالدة أخونا محمد سعيد وهما واقفين مع بعض وكل واحدة حاسة انها عارفة التانية من سنين بالرغم إن في ناس منهم كانوا أول مرة يقابولا بعض
والدة محمد سعيد واقفة بتكلم رشا زيدان جت واحدة من إخواته البنات بتقول لرشا علي فكرة انا أخته والدته قالت لها هما ليهم فيه أكتر من اللي ليكي
والدي ووالد رشا زيدان ووالد محمد سعيد واقفين بيسلموا علي بعض وهما عارفين بعض كويس جدا
أنا مش هانكر إن في مناسابات بدون تفاصيل حصل فيها بعض التجاوزات اللي لا تليق مع ناس المفروض إننا بنقول إننا ملتزمين لكن هل معني ده إننا نلغي أي تعامل ونلغي كل تعامل؟
انا بصراحة اتعرفت علي ناس معادنهم ذهب وما أعتقدش إني ممكن أفرط فيهم لمجرد اننا بنصلح أخطاء ممكن تتصلح بطريقة تانية يعني مثلا والدة أخونا أسامة ووالدة أخونا محمود دول علي سبيل المثال فقط لكن في غيرهم كتيييييييييييييييييير أنا اتعرفت عليهم عن طريق المجموعة دي وبس بعد القواعد دي مطلوب مني أقطع أي علاقة معاهم؟ مطلوب مني ما اتصلش بيهم في المناسبات بالرغم من إنهم بيبادروا وبيتصلوا بيه وبوالدتي؟ كان مطلوب مني مثلا النهارده لما أشوف والدة أسامة علشان القواعد ما أكلمهاش؟ ياريت حد يفهمني وياريت لو حد معترض علي كلامي أو ليه وجهة نظر أخري يشرحها علشان نحط النقط علي الحروف وجزاكم الله خيرا
ra7ooom 02 Mar 2007, 10:04 PM السلام عليكم ورحمة الله وبركاته
والله يا جماعة انا ماكنتش شايفة مشاكل في القاعدة دي لحد اليوم النهارده 2/3/2007 عقد قران أخونا محمد سعيد انا بس هانقل لكم لقطات وانتوا بعدها إحكموا اللي حصل النهارده إيه الغلط فيه؟
العروسة سايبة الناس كلها ومستنية بنات صناع اللي عرفاهم بالاسم واحده واحده ونفسها تشفهم
والدة د.أحمد سعيد ووالدة أسماء السمطي ووالدة أخونا أسامة ووالدة أخونا محمد سعيد وهما واقفين مع بعض وكل واحدة حاسة انها عارفة التانية من سنين بالرغم إن في ناس منهم كانوا أول مرة يقابولا بعض
والدة محمد سعيد واقفة بتكلم رشا زيدان جت واحدة من إخواته البنات بتقول لرشا علي فكرة انا أخته والدته قالت لها هما ليهم فيه أكتر من اللي ليكي
والدي ووالد رشا زيدان ووالد محمد سعيد واقفين بيسلموا علي بعض وهما عارفين بعض كويس جدا
أنا مش هانكر إن في مناسابات بدون تفاصيل حصل فيها بعض التجاوزات اللي لا تليق مع ناس المفروض إننا بنقول إننا ملتزمين لكن هل معني ده إننا نلغي أي تعامل ونلغي كل تعامل؟
انا بصراحة اتعرفت علي ناس معادنهم ذهب وما أعتقدش إني ممكن أفرط فيهم لمجرد اننا بنصلح أخطاء ممكن تتصلح بطريقة تانية يعني مثلا والدة أخونا أسامة ووالدة أخونا محمود دول علي سبيل المثال فقط لكن في غيرهم كتيييييييييييييييييير أنا اتعرفت عليهم عن طريق المجموعة دي وبس بعد القواعد دي مطلوب مني أقطع أي علاقة معاهم؟ مطلوب مني ما اتصلش بيهم في المناسبات بالرغم من إنهم بيبادروا وبيتصلوا بيه وبوالدتي؟ كان مطلوب مني مثلا النهارده لما أشوف والدة أسامة علشان القواعد ما أكلمهاش؟ ياريت حد يفهمني وياريت لو حد معترض علي كلامي أو ليه وجهة نظر أخري يشرحها علشان نحط النقط علي الحروف وجزاكم الله خيرا
أنا معاكي ياعايدة فكل كلمة قولتيها .... ممكن نحل الموضوع ... بس مش بمنعه ... إحنا لو فصلنا فعلا بين المناسبات و الحاجات العائلية .. وبين الشغل ... مش هيكون في أي داعي لكلام الشباب مع البنات ... ولا وقوفهم مع بعض ... لكن معتقدش إنه ينفع إننا نقطع علاقاتنا مع أمهاتنا عشان خاطر حاجة ممكن تتحل بطريقة تانية .. وصح بردوه ... يعني مش هنعمل حاجة حرام .... ياريت نعيد صياغة القاعدة دي عشان منخسرش علاقات بجد جميلة بيننا ...
جزيتم خيرا
fatma elzahra 07 Mar 2007, 04:27 PM أحذر!!!!!!!!!!!!!!!!!!!!!!!!!!!!! الرسول صلي الله عليه وسلم زعلان رأت احدي صديقاتي معنا في الجمعية أنها كانت في مكان ونحن مجتمعين وكالعادة الأولاد مع البنات ورأت شخصين بصوره واضحة وكأنها حقيقة وليست حلم ورأت نفسها وهي واقفة خلف المكتب وتتكلم إلينا جميعاً فقالت( هل يا تري عندما يدخل علينا الرسول صلي الله عليه وسلم ونحن مجتمعين هكذا هل سيربت علي أكتافنا ويقول لنا جدعان أحسنتم منتظركم في الجنة أم سيخرج من هنا ورأسه في الأرض وشابك ذراعيه وراء ظهره ويهز رأسه من سوء حالنا وقد تخيلت رجلا يرتدي الأبيض وأحست أن هذا هو رسول الله صلي الله عليه وسام واستيقظت علي أذان الفجر.)كنت اظنها لأنها مثلنا منشغلة بقواعد الاختلاط وتتساءل هل ما نفعله يرضي الله أم لا :ahmed26: ولكنها استيقظت علي أذان الفجر أي انه ليس من عمل الشيطان وكمان خيل لها أن الرجل الذي في الحلم هو رسول الله ها لسه هنعمل اجتماعات بينا وبين الأولاد :FHF: القواعد دي ماتنفعش ألقاب إيه هي الألقاب هتمنع النظرة هي هتمنع الشيطان والله مهينفع اللي بنعمله ده قولولي أزاي بنت بيتقال عليها ملتزمه مابتكلمش ولاد بره صناع ويوم ما تحب تعمل خير وتاخد شويه حسنات تتكلم مع الأولاد والله في بنات كتير اكتيف أعرفهم مشيوا من صناع بسب موضوع الاختلاط وعلي رأي المثل الباب الذي يأتي منه الريح سده وأستريح ليه نوارب أبوابنا للشيطان ما نسدها في وشه كلياً والله لو فاكرين الشغل هايقف لا هيمشي للاننا عملنا حاجه عشان رضا ربنا أزاي بقي يقفلها في وشنا والله لما جينا وزعنا شنطه رمضان كان معنا أولاد والشغل خلص وبرده بعد كده لما وزعنا شنطه العيد واللحمة والبطاطين وزعنها لوحدنا والشغل مشي والحمد لله ولما كنا بنتاخر كنت بأخذ أخي معي وهكذا صدقوني الدنيا مش هاتقف ومش معنا كده أننا نعلن استقلالنا عن الأولاد لا يكون تعاملهم مع احدي محارمنا مش هنغلب صدقوني وتذكروا دائما قول الله تعالي (وأما من خاف مقام ربه ونهي النفس عن الهوى فإن الجنة هي المأؤي) صدق الله العظيم وأنا مش بقول كده من باب أن انتوا مش بتعملوا الكلام ده في ناس بتعمل وفي ناس لا كفايه أن في ناس كتير بره صناع نفسهم يدخلوا بس المشكلة الاختلاط هي السبب ولو حتي كان بسيط وذكر فإن الذكري تنفع المؤمنين.والسلام عليكم ورحمه الله وبركاته
محمدحسام 07 Mar 2007, 08:50 PM بسم الله والصلاة والسلام على رسول الله صلى الله عليه وسلم
اولا موضوع مناداة البنات باسم الدلع زي ما بيقولوا ياريت ياجماعة بلاش عشان ميجيش اليوم بعد مثلا خمس سنين من دلوقتي نلاقي اتنين من الفريق في المنتدى ولد لسه جديد ميعرفش ايه الموضوع والوسط اللي فيه الكلام ده عادي يروح معقب على موضوع عاملاه بنت ويقول الموضوع ده هايل يادودي مثلا يعني او واحد من غير مايقصد وفي عز الشغل منادي واحدة باسم لأنه عارفه خلوا الكلام ده في منتدى الاخوات
موضوع العلاقات الشخصية احنا قلنا لو الفرح في فصل الموضوع منتهي الكل يحضر
وموضوع ان احنا نسلم على اهالي بعض برده ده موضوع عادي جداا ومنطقي لكن ممكن بردوا قدام يكون فرح في اغاني ورقص ونبص نلاقي شباب صناع داخل وبالطبيعي هيحصل كلام بين الولاد والبنات ولو في الشغل حتى الناس هتقول لكن لو قابلت حد من الكبار لازم نسلم عليهم طبعا
وعلى الفكرة المفروض انو الكل فاهم الموضوع كويس يعني محدش يقولي لو قابلت انا مثلا ابو حد من البنات مثلا مسلمش عليه ده طبعا كلام فارغ
الأخت صاحبة الرؤيا كل واحد فينا بيفسر الرؤيا على حسب ما يرى انا مش قصدي اقلل من الرؤية والله ولكن موضوع الاختلاط ده موضوع فيه كلام وفيه ارااء ولو طبقنا القواعد ربنا ييسر ونسأل الله ان يعينا على رضاه
لأن في رأي في الاختلاط ممكن تاخذي بيه واحدة تانيه غير حضرتك ماتخدش بيه
اما موضوع دوله ولاد ودولة بنات والله الموضوع مش كده ولكن احنا نفتكر احنا مجتمعين ليه ( للشغل يعني من غير الشغل ده مكناش هنعرف بعض فياريت عشان من خليش الشيطان يدخل نخليها للشغل بس )
وجزاكم الله خيرا
محمدحسام 07 Mar 2007, 09:21 PM انا قصدي ان الكلام يكون في الشغل وبس عشان الشيطان قاعد مستني اي زلة لاي حد عشان يهجم
وقصة برصيصا العابد خير دليل على كده
aida kilany 11 Aug 2007, 11:14 PM :bism:
السلام عليكم و رحمة الله و بركاته إخوتى و آخواتى فى الله صناع الحياة لله بالاسماعيلية
قواعد التعامل داخل الفريق
عقد اليوم بالجمعية النسائية إجتماع لوضع قواعد للتعامل بين الأفراد داخل الفريق و تم الاتفاق على ما يلى :
1. الإجتماعات
§ مواعيد الاجتماعات التى تضم أخوات و شباب تنتهى فى الساعة 8 م كحد أقصى فى الشتاء , و الساعة 9 م كحد أقصى فى الصيف .
§ تمنع الاجتماعات المنزلية التى تضم الشباب و الأخوات.
§ الأفكار المطلوب مناقشتها فى تلك الاجتماعات تطرح على مائدة الاجتماع الذى ينتهى بمجرد القيام من على طاولة الاجتماع و يمنع الأحاديث الجانبية بعده تماما بين الشباب و الأخوات.
2. التخاطب بالألقاب
§ إلتزام الأعضاء بمخاطبة بعضهم البعض بالألقاب.
3. المعارض
§ عند إقامة معرض سيتم تقسيم المعرض إلى قسم للرجال و قسم أخر منفصل للأخوات(منفصل فى التعامل و البيع و وقت الطعام) و الصلة الوحيدة بين الفريقين هى المحصل المالى.
4. المناسبات الاجتماعية فى الفريق (الأفراح على سبيل المثال):
§ بالنسبة للمناسبات الخاصة بالشباب مثل زفاف أحد الشباب مثلا فالمدعو للحضور هم الشباب فقط.
§ يمكن للأخوات الذهاب للفرح فى حالة إذا كانوا على معرفة بالعروسة بشرط أن يكون هناك فصل بين الأخوات فى مكان و الرجال فى مكان أخر منفصل.
5. الإتصالات :
§ يمنع الاتصال بشكل عام بين الشباب و الأخوات إلا فى حالات الضرورة الشديدة و التى قد يترتب علي عدم إجرائها مشكلة فى العمل (العمل فقط).
§ بالنسبة للمنتدى الالتزام بعدم مخاطبة الأخوات لبعضهم البعض بأسماء التدليل و الشباب كذلك.
§ يمنع المحادثات على الماسنجر بين الشباب و الأخوات.
§ ملفات العمل يمكن نقلها عن طريق البريد الالكترونى .
6. قاعدة عامة فى كل أعمال الفريق:
§ سيطبق على المعارض و القوافل و ..... مبدأ إنه لن يشارك فيها أحد إلا ان كان له دور فى خطة العمل فى اليوم.
القواعد دى هدف اللى حطوها (جزاهم الله كل خير) هو مصلحة الفريق ككل
هدفها تنقية العمل مما قد يشوبه من أمور قد تضيع ثوابه على الجميع
القواعد نافذة المفعول بدءا من اليوم
و جزاكم الله خيرا
السلام عليكم و رحمة الله و بركاته
وذكر فإن الذكري تنفع المؤمنين
دمعة خشوع 12 Aug 2007, 12:19 AM جزاكي الله خيرا ياعايدة والله فعلا كلنا محتاجين نفتكر القواعد دي
أصيل 12 Aug 2007, 12:26 AM القواعد دى هدف اللى حطوها
هو مصلحة الفريق ككل
جزاهم الله جميعاً كل خيراً
http://www.boshretkhair.com/vb/image.php?u=136&dateline=1182270717
صفاء القلوب 12 Aug 2007, 09:02 PM فعلا القواعد جميله وحلوه والشكل الظاهري جميل بس زي ما قال استاذ محمد لابد ان يكون كل واحد فينا رقيب علي نفسه يا جماعه مهم ان احنا نحط قواعد بس المهم ان احنا نطبقها ونلتزم بيها الكبير فينا قبل الصغير لان القواعد دي تحطت من شهور وللاسف نصفها بل ويزيد لم يطبق ياجماعه احنا جاين نرضي ربن فياريت لانعصيه باشياء قد تبدو لنا بسيطه وجزاكم الله كل خير علي التذكره
إماء الرحمن 14 Aug 2007, 01:09 AM هدفها تنقية العمل مما قد يشوبه من أمور قد تضيع ثوابه على الجميع[/right]
هذا معناه ان عدم التزام البعض بهذه القواعد دسوف يضيع الثواب على كل الفريق؟
الطريق الي جنة الفردوس 19 Sep 2007, 12:12 PM السلام عليكم ورحمة الله وبركاته
احبائي في الله , انا عندي اقتراح وممكن يتواجه باتهامات كتيرة من اختلاف الراي اللي انا قريته بين الاعضاء والاقتراح كالاتي :
ليه ميكنش نشاطات الشباب والبنات منفصلة يعني الولاد يجتمعوا في مكان والبنات في مكان او دول في ميعاد التانيين في ميعاد تاني وانا معترض تماما علي فكرة الاختلاط دي لان غض البصر مش هيكون موجود ولازم نعمل باللي امرنا بيه الله سبحانه وتعالي
( وقل للمؤمنين يغضوا من ابصارهم ويحفظوا فروجهم ) وطبعا الاية دي للشباب والبنات يعني للرجل والمراة وياريت نراجع نفسنا في حكاية الاختلاط دي
فاطمة احمد 04 Dec 2007, 12:14 PM السلام عليكم ورحمة الله وبركاته
محب البرمجة 07 Dec 2007, 09:24 PM السلام عليكم ورحمة الله وبركاته
يا اخوة واخوات
مش المهم فقط وضع القواعد المهم تطبيقها والالتزام بها
عشان مايكونش الموضوع كلام حلو وبس
لانى للاسف الشديد يوم اليتيم الاخير رغم انه يوم كان حلو وانا فرحت بيه الا ان اللى زعلنى وضيقنى اشد الضيق ما تزعلوش منى انى حسيت بحالة انفلات وتسيب فى التعامل بين بعض الشباب والبنات كلام وهزار بمناسبة وبدون مناسبة
وعلى فكرة زى ما قيل ان ده مانع لكثير من الشباب والبنات انه ينضم ويساهم فى صناع
انا كمان وان كانت معلومة اظن اغلب اعضاء صناع الان مايعرفوهش انى كنت من اوائل المفروض المؤسسين لصناع فى اولها مع م هانى واخى الحبييب جدا احمد ابو المجد ولكن انسحبت من اولها لسببين الاول ما ينفعش اقوله علنا والتانى انى فى اول لقاء لصناع رغم انى ماحضرتوش لاسباب قهرية بس عرفت من اخوة حضروا ان فيه بنات مش محجبات واختلاط وتسيب فى المعاملة هيصة يعنى فعشان كده انسحبت ولكن اللى خلنى ارجع اتشرف انى اشارك معكم بداية من يوم اليتيم انى عرفت ان الوضع القديم اتغير وفعلا شفت وضع احسن من الاول كل البنات ما شاء الله محجبات بل فيه خمار ونقاب بس برضه يبقى خنقنى موضوع عدم وضوح حدود العلاقة بين الرجل والمراة فعليا مش كلام لانى محدش يزعل منى لاحظت فى يوم اليتيم وجود بعض التجاوزات من بعض الناس
وزى اللى قال هل لو رسول الله صلى الله عليه وسلم شاف ده حيكون مبسوط ولا حيزعل
اترك الرد ليكو
حياتى لله 31 May 2008, 11:29 PM السلام عليكم ورحمة الله وبركاتة
انا مش عضوة معاكم ومعرفش الوضع بس اسمحولى اقول رائ ؟ لاننا بردوا فى نفس موضعكم وواجهنا نفس كلامكم ؟
سؤال كل واحد فينا يسألة لنفسة ؟
انا بعمل العمل دة لية ؟ ولمين ؟ وهدفى منة اية ؟
صدقونى لو كان اجابتة امام اعينا باستمرار لن نحتاج لاى قواعد ؟
انا مع حدودية العلاقة لان من الاخر يا جماعة احنا عيزين نؤجر على تلك الاعمال
والله بكلم معاكم بكل امانة
بعد رجوعى من كل عمل نعملة برجع احاسب نفسة عملت اية فى اليوم واية اللى ممكن يكون تصرفتة مبالغ فية ؟ عرفين لية ؟ لانى ايفة اوة ان يكون مقصدى غيرة ؟ ومرادى ليس هو ؟
القواعد كويسة جداااااااااااا
ولاختلاط موجود بس بحدود وضوابط وعلى قد المطلوب بلاش المبالغات ؟
بالنسبة للذيارات ؟ ممكن يكون المشرفين عليها يركزوا على النقطة دية وينبهوا ليها كويس ويخدوا بالهم من التصرفات ؟
يا جماعة احنا مش علشان بنعمل عمل تطوعى يعنى بمزاجنا مش معناة ان محدش يلزمنا بامر احنا حرين ؟
لا طبعاااااااااااا
لانك بمكانك دة ممكن تكون سبب فى ان غيرك يقبل علية كما قد تكون قد ابعدت غيرك عنة بسبب تصرفك " حاول تكون قدوة طيبة "
دة خير كبير اووووووووووى خاف علية واحرص على اجرة ؟
موفقين اخوانى واخواتى فى الله
واعزرونى فى مداخلتى لست معكم لكنكم احس انى اخت لكم ولم اعتاد الصمت وانا اريد التكلم ؟
ربنا يجازيكم الف خير ومذيد من الاعمال والتوفيق
حياتى لله
عين كارم 26 Jan 2009, 09:00 AM السلام عليكم ورحمة الله وبركاته
انا عضوة جديدة في المنتدى واول ما قرات قواعدكم داخل المنتدى وفي فريقكم احترمت هذا الفريق جدا وتمنيت ان التحق بكم ولكن انا في بلد وانتم في بلد تاني ياريت لو تقبلوني ضيفة بافكاري
عبدالله 26 Jan 2009, 06:38 PM السلام عليكم ورحمة الله وبركاته
انا عضوة جديدة في المنتدى واول ما قرات قواعدكم داخل المنتدى وفي فريقكم احترمت هذا الفريق جدا وتمنيت ان التحق بكم ولكن انا في بلد وانتم في بلد تاني ياريت لو تقبلوني ضيفة بافكاري
حياكم الله على منتدانا المتواضع
وهلا بجميع أفكاركم هنا على المنتدى
بارك الله فيكم
|