dissy
27 Feb 2007, 12:18 AM
فن مخاطبة الاطفال موضوع يحتاج بالفعل لمؤتمر وجلسات عمل لأن العيال الأيام دي محتاجة طريقة حوار وتعامل غير اللي اتربينا عليها زمان العيال الأيام دى وصلوا والعالم مفتوح على بعضه مش زينا اللى اتربينا على القناة الأولى والتانية بالتيلة
خلاص مينفعش تقول للعيل دلوقتي العصفورة قالت لي وفتنت لي عليك
عصفورة إيه وهو بيفهم في الموبايل بتاعك أحسن منك ؟
ومينفعش
تخوف العيل بأبو رجل مسلوخة
لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال.
مينفعش تعاقبه بأنك تقومه من أدام فيلم بيحبه وبيتفرج عليه..
لأنه هايشوفه تاني يوم على نفس المحطة الصبح وإنت فى الشغل ويخليك زي قرطاس الجوافة.
عايز تعاقبه
نزل له فيروس على الجهاز بتاعه ودمر له الوندوز وقول له الجهاز مش هيتفرمط ويتعمل له سيت أب من أول وجديد ألا لما يتعدل ويشوف مذاكرته و يبقى محترم وبنى آدم.
لما تعوز تدلعه وتكافئه على تفوقه
مينفعش تجيب له بندقية صيد وكوره وكتب من المكتبة الخضراء والجوالقديم ده كله
تجيب له( دي اس ال) ممكن تظبطه بويب كام جامده تدخل علية ( بسكرين)
مينفعش لو أبنك سألك عن حاجه انت مش عارفها تالف أى أجابة من دماغك
بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688 ولا الشبشب ابو صابع لما يسألك أقعد معاه ع النت ودور معاه ع الأجابة المظبوطة و بلاش قلة قيمة
وأوعى تفهم الواد إن الرياضة هى أهلي وزمالك
بلا نيلللللا.. على رأى ماري منيب لأنه دلوقتى عارف لعيبه ريال مدريد
والأرسنال وعارف أسعارهم كمان .
وأذا طلب رأيك ف أكلة دليفرى من اللى بياكلوها الأيام دي
أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياواد
وصباح الروشنه
خلاص مينفعش تقول للعيل دلوقتي العصفورة قالت لي وفتنت لي عليك
عصفورة إيه وهو بيفهم في الموبايل بتاعك أحسن منك ؟
ومينفعش
تخوف العيل بأبو رجل مسلوخة
لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال.
مينفعش تعاقبه بأنك تقومه من أدام فيلم بيحبه وبيتفرج عليه..
لأنه هايشوفه تاني يوم على نفس المحطة الصبح وإنت فى الشغل ويخليك زي قرطاس الجوافة.
عايز تعاقبه
نزل له فيروس على الجهاز بتاعه ودمر له الوندوز وقول له الجهاز مش هيتفرمط ويتعمل له سيت أب من أول وجديد ألا لما يتعدل ويشوف مذاكرته و يبقى محترم وبنى آدم.
لما تعوز تدلعه وتكافئه على تفوقه
مينفعش تجيب له بندقية صيد وكوره وكتب من المكتبة الخضراء والجوالقديم ده كله
تجيب له( دي اس ال) ممكن تظبطه بويب كام جامده تدخل علية ( بسكرين)
مينفعش لو أبنك سألك عن حاجه انت مش عارفها تالف أى أجابة من دماغك
بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688 ولا الشبشب ابو صابع لما يسألك أقعد معاه ع النت ودور معاه ع الأجابة المظبوطة و بلاش قلة قيمة
وأوعى تفهم الواد إن الرياضة هى أهلي وزمالك
بلا نيلللللا.. على رأى ماري منيب لأنه دلوقتى عارف لعيبه ريال مدريد
والأرسنال وعارف أسعارهم كمان .
وأذا طلب رأيك ف أكلة دليفرى من اللى بياكلوها الأيام دي
أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياواد
وصباح الروشنه