:bism:
اخوانى واخواتى الكرام..
السلام عليكم ورحمة الله وبركاته

فان الانسان اذا اخلص فى عمله كان كلا من العبد وعمله مقبولين عند الله تعالى.لذالك فان يوم الجمعة 16/3/2006الموافق 26صفر1428كنا كلنا على موعد مع عمل نسال الله ان يتقبله منا وان يكتبه فى ميزان حسناتنا..
هذا اليوم كان من اجمل الايام التى شهدتها مع الفريق من حيث:
1-اختصاص يوم الجمعة لهذه المناسبة.
2-رؤيتى لاخوانى الكرام الذين يصعب على-حاليا-رؤيتهم.
3-كان الكل فى اصرار على العمل طلبا لرضا الرب.
4-تذكرهم للاطفال اليتامى وادخال الفرحة والسرور فى قلوبهم.
والكثير والكثير..
ولكن كان هناك بعض الامور السلبية وارجوا من الله ان يغفر لنا الزلات
التى قد تدخل على العمل فتحبطه..
ايضا كانت هناك بعض ردود افعال على هذا اليوم..كله-بلا استثناء-اجمع
على ان اليوم كان ممتعا ودعوا الله بان يتقبل..
البعض كان زعلان من بعض الاشياء..ياريت يكتبوها علشان تبقى صورة
اليوم واضحة ونتعلم من الاخطاء اللى قابلناها ومتتكررش..
مسك الختام
اللهم تقبل منا الاعمال كلها واجعلها كلها خالصة لوجهك الكريم

بسم الله الرحمن الرحيم
انا لسه راجع بيتى وتعبان جدااااااااااااااا بس حبيت اكون صاحب ضربه البدايه المره دى وابدا انا بالموضوع
طبعا ياجماعه اغلبنا شارك فى اليوم بتاع النهارده وكلنا شوفنا قد ايه هو كان يوم جميل
لا هو فعلامش جميل وبس هو من اجمل الايام فى الفريق كله
الصراحه انا مش قادر اكتب عن كل حاجه بس يالا احنا عايزين المشاركات كلها تبدا بقى وكل واحد يقول رايه ايه فى اليوم
وانا مستنى منكم كل كلامكم وفى اقرب وقت انا كمان هقول على راى الخاص بيا ان شاء الله

ok dissy..
we wiill play football 2morrow
please come..for important..

تقبل الله منا ومنكم ربنا يعزكم جميعا
انا راجعه مبسوطة جدا جدا من اليوم لنه بفضل الله فعلا كان يوم جميل في ايجابيات كتير لليوم وفيه برده سلبيات المهم والجميل إن مافيش سلبية بتتكرر يعني السلبيات اللي اتكلمنا عليها المرة اللي فاتت الحمد لله كتير منها ماكنش موجود النهارده فيه تعليقات كتير نفسي أكتبها بس نفسي أحيي أربع أفراد وهاقول ليه؟
المهندس حفظي
المهندس محمد باسم
المهندس وليد مهدي
الأستاذ الفاضل عماد الجندي(اللي تشرفنا بلقائه اليوم)
السبب انهم كانوا ماسكين فريقين جامدين عثمان وعلي وربنا يبارك فيهم ويعزهم سابوا معاهم بصمة جميلة أوي ياريت ياريت تكملوا مع الفرقتين دول علي طول وتحطوا استراتيجيه للتعاملمعاهم علشان كل مرة يوصل لهم معني جديد جزيتم خيرا وربنا يجعله في ميزان حسنتكم.
شكر لكل اللي شارك في نجاح اليوم ولنا لقاءات حول السلبيات والايجابيات في مشاركات لاحقه

ربنا يكتب هذا اليوم فى ميزان حسناتنا كلنا..
وان شاء الله نفتكر اليوم دة واحنا فى الجنة..

واحيى فعلا العمالقة اللى كانوا مشرفين على فريقى
على وعثمان-رضى الله عنهما-لانهم فعلا استلموا
مهمة شاقة..وربنا يتقبل..

ما شاء الله لا قوة الا بالله

الف مبروك نجاح اليوم والى الامام ان شاء الله

اللهم تقبل منا سائر اعمالنا واجعلها كلها خالصة لوجهك الكريم

انا اول مره اشارك مع حضرتكم في يوم ال200 طفل وكنت ماسك لعبه الكراسي الموسيقيه ..ماشاء الله اليوم كان جميل فعلا ..يا جماعه اي حاجه تهون في سبيل اللي شوفناه النهارده والاطفال الحلوين وهما بيضحكوا ومبسوطين .. الحمد لله رب العالمين الدنيا لسه بخير طول ما فيها شباب حلو وزي الورد هدفه الاول والاخير ابتغاء مرضات الله ..تقبل الله منا و منكم جميعا و ربنا يجعلكم سبب في نهضه هذه الامه ان شاااااااااااااء الله .
بسم الله الرحمن الرحيم
قال رجلان من الذين يخافون انعم الله عليهما ادخلوا عليهم الباب فاذا دخلتموه فانكم غالبون وعلي الله فتوكلو ان كنتم مؤمنين
صدق الله العظيم

السلام على من اتبع الهدى وصلى على الحبيب
السلام على من اهتدى وسار على نهج المصطفى
السلام عليكم ورحمه الله وبركاته

سلام معطر برائحة المسك وعبير الاخوه الصادقة والحب في الله
سلام من قلوب تحب في الله إلى أطيب واطهر قلوب عرفت معنى الاخوه في الله
أحبائي وأخوتي المتحابون في الله هي العهد والميثاق وهى التي تعدنا بميعاد على حوض النبي الكريم هي التي تواسينا وتصبرنا على ما نراه في دنيانا
لنترقب وننتظر يوم نلقى الله عز وجل ويظلنا تحت عرشه العظيم

اللهم أمين .

أما بعد ....

نحمد الله سبحانه وتعالى
اننا أتوفقنا في إسعاد كل الأطفال اليوم ورسم البسمة على وجوهم .
.... الحمد لله ....

جزاكم الله جميعاً كل خيرا
مجهود رااااااااائع مبذول من حضرتكم فى تنظيم اليوم والبرنامج الى شفنا بيقول ان في ناس تعبت كتييير أوى أوى أوى عشان يطلع على هذا الوجه الطيب والصورة الجميلة المشرفة .

بارك الله فيكم جميعاً وجعلة فى ميزان حسناتنا كلنا ويكون ياااااااارب سبب فى دخولنا الجنة .

بشكر الدكتورة عايدة و أستاذ محمد حسام على الترحيب الجامد جداً
وان شاء الله ( علم وينفذ )
كما أشكر كل الإخوة والأخوات اللي كانوا موجودين النهاردة بجد بجد لمست حب الأطفال ليكووا أوى ما شاء الله
جزاكم الله خيراً

شكر خاص المهندس وليد مهدي أشهدكم أنى أحبة في الله
جزاه الله كل خير
حقيقي ما أحلاها انك تكون مع صحبة صالحة والإخوة في الله
فيالها من مكانه عظيمة ومنزله عالية رفيعة تجعل قلوب المسلمين متطلعة ومتعطشة
لنيل تلك المنزلة العالية ... وياله من فضل ونعمه وكرم من الله تعالى لعبادة المؤمنين المتحابين فيه والمتآخين فيه .
أسأل الله تعالى أن يجعلنا جميعاً من المتحابين و المتآخين فيه ،
و المستظلين بظل عرشه يوم لا ظل إلا ظله .
( .... اللهم امين .... )

http://www.alamuae.com/gallery/data/media/123/0205.gif

بعض اللاقطات الفيديو التي تم التقاطها للفريق ( عثمان بن عفان )

لهذا اليوم :

ياااااااارب يعجبكم تصويري وياريت محدش يعيب ....!


http://img99.imageshack.us/img99/4493/bdownload7rzhh2.gif (http://files.filefront.com//;6950862;;/)

http://img99.imageshack.us/img99/4493/bdownload7rzhh2.gif (http://files.filefront.com//;6950863;;/)

http://img99.imageshack.us/img99/4493/bdownload7rzhh2.gif (http://files.filefront.com//;6950864;;/)

http://img99.imageshack.us/img99/4493/bdownload7rzhh2.gif (http://files.filefront.com//;6950865;;/)



http://www.xxxx22xxx.com/up/upload/wh_83918989.gif

السلام عليكم ورحمة الله وبركاته
:00000005: :ahmed42: :FHF: :ahmed26: :) :sm128:
) قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ (58)

نعم إنها رحمة من الله فأحمد الله كثيراً على فضله

ما أجمله من يوم

أنا فرحان جداً

وكأن اليوم كان سائراً بنظام عجيب

والله وددت لو أموت فى مثل هذا اليوم.....

معانى كتييييييييير بس أناملى مش قادرة تكتب شئ

تقبل الله منا منكم جميعاً

جزى الله خيراً كل من حضر اليوم

ووالله كنا لنشتاق لوجود كل من لم يحضر
والله فرحنا جداً بوجود الباشمهندسة رشا شكرى معنا اليوم كان نفسنا نشوف معانا فى اليوم أخونا أسامه وهانى ومصطفى محمود و.....


هناك مقولة لسيدنا خالد بن الوليد استشعرتها فى هذا اليوم يقول فيها

الإعانة على قدر النية

نعم فإن الإمداد من الله على حسب الإستعداد





اللهم أرزقنا الإخلاص والحفظ والثبات والنصر
معاً لله نصنع الحياة

والسلام عليكم ورحمة الله وبركاته

بسم الله الرحمن الرحيم
فعلا اليوم جميل اووووووووووى اوووووووووى
كان احلى يوم اتعمل عندنا وان شاء الله القادم احلى واحلى
قبل كل شىء احب اشكر اووووووووووووووووووى
دكتوره عايده....استاذه رشا....استاذه ولاء:sm5: :sm5:
ياجماعه الناس دى تعبت اووووووووى والله عشان اليوم يطلع كده
يمكن انا صحيح كنت معاهم بس انا معملتش حاجه قد اللى هما عملوه

مع انهم لا يستحقوا الشكر على كل ده لان دى حاجه طبيعيه منهم واحنا متعودين منهم على كده بس فعلا جزاكم الله كل خير

بالنسبه لليوم كان فعلا حلو اوووى والعيال كانت مبسوطه جداا واليوم كله كان ماشى تمام بس هو موضوع تاخر الاكل ده جه فى الاخر كده بس برضه منقصش حاجه من قيمه اليوم وجماله
الناس كلها ماشيه مبسوطه اووووى الاطفال والمشرفين وكله كان فرحان وسعيد اوووووووووووووووووووووى:ahmed42:

تحيه خاصه جدااا لافراد فريق حماه المستقبل اللى شاركوا معانا
وانا مش بقول كده والله عشان هو فريقى بس فعلا كله شاف قد ايه الناس دى قامت بنشاط كويس اووووى فى فقره التنميه البشريه والاطفال تجاوبوا معاهم اووووووووى فعلا رفعته راسى وسط صناع كلها:ahmed41: :ahmed41: :sm5: :ahmed42: :sm1: :efsf7: :Taj31:
الف شكر ليكم كلكم( استاذه ولاء حسام...استاذه نهى...استاذه امنيه القرعلى...استاذ محمد القرعلى....استاذ محمود فؤاد..مدام عبير.)

كمان احب اتوجه بجزيل الشكر فعلا لاستاذ محمد باسم ..استاذ محمد حفظى..استاذ عماد الجندى..استاذ وليد مهدى..استاذ عمرو عيد
الناس دى تعبت اووووووووى وكل واحد قام بدوه على اكمل وجه وفعله اللى كان مطلوب واكتر والله ربنا يجازيكم كل خير ويجعله فى ميزان حسناتكم كلكم

اعضاء لجنه التعليم بقى فعلا مشاركتكم معانا كانت جميله اووووى
وقمتم بدوركم على اكمل وجه ليكم اسمى معانى الشكر منى ومن الفريق كله وربنا يجازيكم خير ويثبتكم دائما
وان شاء الله تترد لكم فى اقرب فرصه:bigsmile: :bigsmile:

اما بقى اعضاء اللجنه الصحيه والناس اللى كانت فى الغالب ماسكه انشطه احب اقولهم
جزاكم الله كل خير اللى كانوا واقفين على لعبه المنديل والمراجيح والرسم
(دكتوره صافى...دكتوره منه الله...دكتوره منه الله حسين...دكتوره هبه حسين... وباقى الاعضاء برضه
ربنا يجازيكم كل خير ويجعله فى ميزان حسناتكم جميعا وان شاء الله تترد فى اقرب قافله صحيه:119: :ahmed5: :ahmed5:

برضه ياجماعه كل الناس اللى شاركت معانا فى اليوم فعلا والله كل واحد فيكم قام بدور جمييل اااوى وانا مبسوط من الناس كلها مشوفتش حد كان متخاذل فى دوره ولا حد ساب فريقه ومهتمش بيه
ربنا يجازيكم كل خير
حتى الناس اللى اول مره تشارك معانا كانت ملتزمه جداا بدورها وقامت بيه على اكمل وجه ودى حاجه تتحسب طبعا ليهم وللقائمين على اليوم
وحسن التنظيم

دى طبعا حاجه كده من اللى انا عايز اقوله بس انتظروا منى تعليقات اكتر واكتر لا فعلا اليوم فى حاجات كتييير حلوه لازم نتكلم عليها
وبرضه حاجتين تلاته كده مش عجبونى نتكلم عليها برضه:sing2:
شكرا للجميع وجزاكم الله كل خير

:bism:
انا رجعت تاني تكلم عن اليوم لأني بصراحة لسه ما قولتش اللي عندي
خلي مشاركة للإيجابيات ومشاركة للسلبيات ومشاركة عن مشاعري تجاه هذا اليوم
وهابدأ بالكلام عن مشاعري
بصراحة انا حسيت النهاردة انه يوم العيد وإن أفراد العيلة كلهم متجمعين في البيت الكبير للعيلة حسيت الكلام ده لأن في وجوه كتير من زمان ماشفتهاش وانا عارفة انه غصب عنهم لظروف شغل أو دراسة وكنت فرحانة بدخلتهم علينا أخونا محمد سعيد وزوجتة أخونا مؤمن أخونا سيد عاشور أختي وحبيبتي رشا شكري أختنا ميس الجاويش ونادين بنتها العسولة وطبعا المهندس خليل فاكرينة أول شريك في مشروع الزراعة مشاتل الدكتور هو كان جايب بناته لنه سمع إن في يوم من مدرسة مكة وقدرا اتجمعنا معاه تاني يااااه قد إيه لمة العيلة بتبقي حلوة!!!!!!!
تاني شعور عاوزة اتكلم عنه تشريف أختنا زوجة محمد سعيد وأختنا أم خديجة وخديجة بذات نفسها وأخونا المهندس عبد الله (عاطفي) خطيب اختنا رحمة أعتقد إنكم فهتم قصدي من غير ما أعبر عنه وخطيب أختنا ولاء بيسلم عليكم وكان نفسه يكون معانا بس هو في الحقيقة مدرس فمايقدرش يشوف أطفال تاني يوم الجمعة .
كل الناس اللي شركتنا لأول مرة واللي حسيت انهم معانا من زماااااااااااان ماحستش انهم جداد أول مرة نشوفهم حقيقي في أحيان الإنسان بيحس فيها بالغربة مع ناس عارفهم إمبارح كنا حاسين بألفه مع الكل
أمهتنا وأبهتنا اللي تشرفنا بوجدكم وسطنا حقيقي ضفتوا معني كبير أوي ربنا يعزكم ومايحرمناش من تأيدكم لينا وإعنتكم لينا علي هذا العمل وجودك يا عمو عادل امبارح وسطنا كان ليه طعم تاني خالص ربنا ما يحرمنا منك ابدا.
حته إننا قلنا إن في أزمة وحتاجين الكل يقف واقفة جامدة لقيت كل واحد بيفكر ايه اللي ناقص وانا ممكن أعمله وبيقوم بيه من نفسه.
د.أحمد سعيد يا جماعة أحب أحييه كان الجندي المجهول شارك في حاجتين من غير ما حد يحس وحل مشكلتين أكبر من بعض اللحمة ربنا يعزه والحاجة الجميلة اللي أضفت رونق علي اليوم الاناشيد الجميلة اللي فعلا حسستنا بيوم للأطفال جزاكم الله خيرا يا دكتور السي دي هات كانت مفاجأة اكتر من رائعة
الأستاذ المسئول عن الدي جي جزاه الله خيرا كان جاي متبرع وطول اليوم بيضحك في وجه الأطفال ربنا يعزه.
رحلة الأتوبيس البحري أعتقد غنها كانت هيه من المولي عز وجل لأحباب الله
متهيألي انا اتكلمت عن كتير من الايجابيات في وسط الحديث عن المشاعر انتظروا السلبيات في مشاركة اخري والسلبيات ذكرها ليس تقليلا من شأن اليوم أو من شأن أي فرد وإنما فقط حتي لا نقع فيها مرة أخري وذكر فإن الذكري تنفع المؤمنين

اللهم لك الحمد
اللهم لك الحمد
اللهم لك الحمد
فعلا كان اليوم جميل جدا وانا بشكر ربنا انى شاركت فيه بجد انا مبسوطه خالص ... ونفسى يوم اللى جاى ييجى بسرعة واشارك فيه ... بس مليش دعوة تمسكونى لعبة الكراسى ومتخدوهاش منى :ahmed24: عشان اكون جمب الدى جى ... اصل اغانى الاطفال امبارح كانت حلوة اوى ...:ahmed42:
ربنا يجازيكم كلكم خير على اليوم ده ... وطبعا تحية خاصه للدكتورة عايده واستاذه ولاء واستاذه رشا واستاذ محمدى اللى كان ماسكلنا العصايه عشان بس لو اى حد فكر يبعد عن لعبته ...:ahmed8:
ومش هنكلم على السلبيات دلوقتى يعنى مش هنجيب سيرة سندوتشات الكفته ... بس اكيد كان ليها طعم تانى بعد طول غياب

:bism:
السلام عليكم ورحمة الله وبركاته

ياااااااااااااااااااااابختكم
ناس ليها يوم ال 200 طفل وناس ليها أبحاث تاريخ وفلسفة.
بس من كلامكم شكل اليوم كان جميل .
.فجزاكم الله كل خير على إسعاد الأطفال .
بس ياريت حد يفهمنى ايه حكاية ساندوتشات الكفتة اللى عقدتكم دى.

بسم الله و الصلاة و السلام على رسول الله

الى كل من ساهم فى يوم ال225 طفل جزاكم الله خير الجزاء و طبعا هتقولوا خلاص يعنى لازم تكتب225 و بقولكوا ايوة لازم جدا علشان محدش متخيل انا فرحانه اد ايه بالعدد ده و ربنا يزيد و يبارك ان شاء الله و يجعلنا و اياكم دايما من جنوده فى هذا اليوم ما حيينا ان شاء الله .
انا كنت بكلم عايدة و بقولها ان مش عارفة اتكلم و مش عارفة اقول ايه كل اللى عايزة اعملوا ان اشوف تعليقاتكوا و ومشاركتكوا اللى فعلا بتدخل السرور على انفسناجدا .
بس اسمحولى احكيلكم موقفين حصلوا امبارح و عايزة اعرف ايه احساسكوا تجاههم هل زى احاسى بيهم و لا لا :
الاول :- البطل فيه هو الباشمهندس نادر طفل فى فريق سيدنا عثمان بن عفان و هما فى فقرة الشوال لقيت نادر لابس شوالين و المفروض انه يلبس شوال واحد فرحتله و انا فطسانة من الضحك بقوله ايه يا نادر انت ليه لابس شوالين قالى" يا ابلة ماهو الشوال مش مكفينى فقلت اتصرف و قعدت اضحك و انا ماشية لقيته ساب اللعبة و نده على و قاللى و النبى يا ابلة اعملوا اليوم ده على طول بس انت عارفة اليوم ده احلى يوم .. اليود ده جميل اوى اوى اوى احنا كلنا مبسوطين اوى" خلص كلام نادر و مشيت و انا عمالة اسال نفسى طيب هو ايه اللى خلاه يقول كده ده المفروض انه ملهى جدا فى اللعبو مش هقولكوا بقية احساسى الا لما اسمع منكم .
الموقفالتانى :- كان بطله اسلام من فريق سيدنا ابوبكر الصديق و انا مشفتش الموقف ده بس اتحكالى من المشرفات فوجئوا بيه عمال يقولهم يا ابلة انا حاسس اننا بحلم معقول بقى انا خارج و بتفسح و بلعب و كمان اكل و هدايا و الله يا ابلة انا كده بحلم " علما بان فريق سيدنا ابو بكر اعمار الاطفال اللى كانوا فيه تترواح من 3 الى 4 سنين:FHF: :FHF: :FHF:

:bism:
جزاكم الله خيرا على اليوم اللى باين طبعا انه جميييل:ahmed42: :ahmed42:
كان نفسى اكون معاكوااااا لكن حصلت ظروف بالاضافه اننا دخلنا فى معمعه الدراسه:ahmed26: :ahmed26: ادعولنا بالله عليكوا يخفوا علينا شويه علشان نحضر معاكوا بعد كده باذن الله وبعدين احكيلى يا عيوده على ساندوتشات الكفته وعلى ( عاطفى) علشان مش فاهمه وعندك حق بقالى كتيييييييييير اوى مشفتش رشا شكرى وحاسه انها وحشانى جدا وبقولها انا بحبك فى الله .

الى اللقاء يوم ال300طفل..والى المزيد

الحمد لله رب العالمين
اليوم كان اكتر من رائع النظام والحمد لله الناس كلها كان عندها اخلاص
والاولاد كانوا مبسوطين عالاخر والمشرفات والمشرفين كانوا ماسكين الفرق بتاعتهم كويس بس فى فرق كانت عددهم كبير اوى وكلهم اشقيا زي فريق السيدة حفصة ياريت يتوزعوا شوية عالفرق التانية لانهم كانوا متعبين اوى
حاجة تانية ياريت ناخد بالنا منه المرة الجاية نحفظ الاطفال اسم الفريق بتاعهم لان العلامات بتاعتهم ساعات بتقع ونعرفهم حاجة بسيطة جدا عن صاحب اسم الفريق عشان دول قدوتنا ولازم نكون عارفينهم احسن من المغنيين والممثلين بتوع الايام دى
وجزاكم الله خيرا جميعا

على فكرة انتوا عاملين تغظونى جدا اوى خالص بتغظونى على الاخر :Icon211: :51: :icon28:

بصراحة ياجماعة اليوم كان جميييييييييييييييييييييييييييييييييييييل جدااااااااااااا وكفاية ان الواحد شاف السعادة اللي كانت في عيون الاطفال وانا كنت مشرفة في فريق ابو بكر واسلام العسل اللي الاستاذة رشا بتحكي عليه كان معايا وقعد يقولي انا نفسي اعيش هنا عشان انا مبسوط قوي وانا هنا معاكو قولتلو هاتعيش هنا ازاي والدنيا ساقعة كده وممكن المطرة تمطر قالي مش مهم هابقى اغير الهدوم وخلاص وانا طلاما مبسوط مش هابقى سقعان عشان وانا معاكوا ببقى فرحان قوي والله انا معرفتش ارد عليه لاني ساعتها كان نفسي اعيط كل اللي عملته اني طبطبت عليه وقولتله يارب تبقى مبسوط كده علطول ............ ويارب يسعدكم جميعا زي مااسعدتوا الاطفال دول وادخلتوا عليهم السرور.......وجزا الله خيرا كل اللي القائمين على هذا العمل وتنظيمه مش هاكتب اسامي علشان ماانساش حد...........والحمد الله ومااعتقدتش يعني ان اليوم في اي سلبيات غير تاخر الاكل بس المهم ان احنا كلنا في الاخر.............

اخيرا دلوقتى اقدر اتكلم بعد اليوم ده
كان يوم حلو اوى اوى ومتعب اوى بس احلى حاجة ان الكل كان مبسوط
بس بجد اصعب حاجة ان الواحد يكون مشرف على فريق كله بنات كبار وخصوصا لما يكونوا 30 بنت ( كل مرة اكون مشرفة على الكبار :ahmed26: ) لانهم غير الصغيرين بكتير

واوحش حاجة ان كله يومها كان عمال يدخلنى فى الصف ويقولى فين المشرف بتاعك مش فاهمة ليه :icon24: :ahmed8:
وكنا 6 مشرفين على المجموعة عملنا اللى ربنا قدرنا عليه بجد

صحيح الواحد راجع واخد دور برد محترم وصوتى بدور عليه لحد النهاردة مش لاقيه :FHF:

(بس بصراحة توبة اكون مشرفة لمجموعة السيدة عائشة تااااانى مش كل مرة :ahmed26: )

بس بجد والله كان يوم حلو اوووووووى
ربنا يجازى خير كل اللى تعبوا فيه وتعبوا علشان يكون حلو كده
وبجد فى ناس كتير تعبوا وكان ليهم مجهود كبير وواضح يومها ربنا يجازيهم خير كان يوم جميل اوى

وبدأنا المشوار .. وقبلنا التحدى
:ahmed29:مسرح العرائس :ahmed29:

معا لله نصنع الحياة
:welcome: :welcome: :welcome:

شارك في مسابقه كتابه قصص الاطفال ... شارك ولو بفكره