مشاهدة النسخة كاملة : شنطة رمضان ... بين الدحك و النرفزة .....
ra7ooom 28 Oct 2006, 01:18 AM السلام عليكم و رحمة الله و بركاته
كل عام و أنتم بخير ... تقبل الله منا و منكم إن شاء الله و جعلنا من عتقائه
من النار يارب ...
أنا فرحانه إني هلحق أكون من الأوائل في حاجة عندكو هنا .:1syellow1: . تعبتوني
بأمانة يعني :ahmed7: ...
أتشرف بأن أجعل أول موضوع أكتبه سواء في منتدانا ده أو في منتدى عمرو
خالد هو عن ذكرياتنا و مواقفنا في
شنطة رمضان و مشاريعها من إطعام و لبس عيد و لعب و حلوى العيد و
شارع الخير و مشروع 3 آلاف و جبة و غيرها و
غيرها و غيرها .....
ياريت نكتب هنا و نفتكر مع بعض الأيام الحلوة دي ... الزعيق :51: و
النرفزة:ahmed35: و الشخط :ahmed22: و الدحك :1syellow1: و كووووووووووووووووول
:ahmed:
حاجة عدت علينا .... ويسلام لو المهندس هاني يتكرم و يشارك معانا هنا
بزعيقتين ولا حاجة .... بصراحة كنا مفتقيدنها
في الشنطة يا بشمهندس (حسبي الله و نعم الوكيل) ....
أنا هسيب عايدة تتكلم الأول بما إن هيه الليدر بتاعنا :ahmed6: ... تمام يافندم ...
في انتظار مواقفكم و ذكرياتكم ....
يللا ... غمض عنيك .. سيب كل جزء في جسمك ...
ريلااااااااااااااااااااااااااااااكس ... خد نفس عميق ... طلعه ببطء ... استعيد معايا
الذكريات و احكيلنا .....(حبة nlpبأه )
aida kilany 28 Oct 2006, 01:37 PM السلام عليكم ورحمة الله وبركاته
أختي العزيزة رحمة ربنا يعزك ويبارك فيكي وجزاكي الله خيرا علي إنك طلبتي مني إني أبدأ بس في ملحوظة صغيرة إن الضحك بالضاد مش بالدال عموما احنا عاوزين نعمل موضوع لشنطة رمضان 2006 وموضوع لشنطة رمضان 2005 وموضوع للإطعام اليومي 2006 وعلي فكرة في مواقف متصورة فيديو وطبعا مستنين أخونا هاني بذكرياته عن شنطة رمضان العام الماضي وإن شاء الله نحكيله إحنا مواقف هذا العام لنه كان مشغول جدا جدا وماكنش بيسأل علينا
السلام عليكم ورحمة الله وبركاته
من غير لغبطه انا علياء عيد وحبيت او ىكلمة نيه عشان كده دخلت بيها على المنتدى بتاعنا
واحب اشكر( رحمه )على الموضوع الجميل ده
وعايزه احكى عن حد نعرفه كان بيقول عن رمضان وشنطة رمضان السنه دى ان بالرغم من ان زهوة الشنطه السنه اللى فاتت كانت اكتر الا ان الشنطه السنه دى عندها هى اكتر وافضل ولما سألتها ليه قالت ازاى ما تكونش احسن وانا شميت فيها رائحة الجنه؟؟؟؟؟؟؟؟؟؟
قلت لها ازاااى ؟؟ قالت لى من يومين بعد اما خلصنا الاسر والتعبئه والتوزيع وكنت حاسه انى مظبطه النوايا والحمد لله والمجهود مع انه اقل من السنه اللى فاتت بس ربنا مبارك فيه وكان فى اوائل رمضان وكانت حلقة اسم الله الفتاح فى برنامج باسمك نحيا واستاذ عمرو قال فى الحلقه ان ممكن ربنا ما يفتحش عليك الا فى اخر يوم فى رمضان.........
قعدت طوووووووووووووول الليل اسال نفسى يعنى مش ممكن ربنا يبكينى من خشيته الا اخر يوم فى رمضان ازاى ده ممكن اتجنن طب انا ممكن استحمل بس يكون فى رساله من ربنا يقول لى فيها انه راضى عن اى حاجه بعملها اهى تصبيرها لحد اما ييجى البكاء
وقعدت كده لحد الفجر وصليت الفجر وقعدت استغفر وحبيت استشعر الاستغفار فتخيلت نفسى وانا اقف بين يدى الله واقول يا رب اغفر يارب سلم يارب يارب يارب وانا احاول البكاء واحاول واحاول ...................... وفجأه شميت رائحه مش من الدنيا ابدا والله العظيم وقعدت املى بيها صدرى استنشق دون زفييييييييير ةاحول شم كل شىء حولى المراتب الكراسى الهدوم والمخدات ومفيش فايده لآ مش رائحه طبيعيه ابدا واقول سبحان الله الريحه دى منيين وشعرت ان حد بيقولى دى رائحة الجنه فأنتفضت من مكانى وقلت والله ما استاهل يا رب والله ما استاهل يا رب وقمت جرى مش عارفه اعمل ايه وبكيت بكيت كثيرا وخفت حد يسمعنى من عائلتى رجعت حجرتى مره تانيه وعدت للاستغفار.. ومره تانيه اشم نفس الرائحه فقمت وبكيت من جديد ولكن هذه المره لم اتذكر كم من الوقت استغرقت فى البكاء ووضعت وجهى بين يدى وانا اقول اللهم لك الحمد كما ينبغى لجلال وجهك وعظيم سلطانك ....................................الى ما شاء الله. البنت صاحبة القصه بنت عاديه جدا شبهنا بتعمل اللى بنعمله بس الزياده انها قالت يارب بجد قالت وهى عارفه ان ربنا اكيد هيستجيب...
الللهم لك الحمد كما ينبغى لجلال وجهك وعظيم سلطانك
ra7ooom 28 Oct 2006, 10:53 PM السلام عليكم ورحمة الله وبركاته
أختي العزيزة رحمة ربنا يعزك ويبارك فيكي وجزاكي الله خيرا علي إنك طلبتي مني إني أبدأ بس في ملحوظة صغيرة إن الضحك بالضاد مش بالدال
شكرا يافندم على التنويه ده بس أنا أصداها .. من باب الغلاسة يعني ...
عموما احنا عاوزين نعمل موضوع لشنطة رمضان 2006 وموضوع لشنطة رمضان 2005 وموضوع للإطعام اليومي 2006 وعلي فكرة في مواقف متصورة فيديو وطبعا مستنين أخونا هاني بذكرياته عن شنطة رمضان العام الماضي وإن شاء الله نحكيله إحنا مواقف هذا العام لنه كان مشغول جدا جدا وماكنش بيسأل علينا
أنا كنت عاملاها كده أسهل يعني .. لكن زي ماتحبو ... شوفو عايزين الموضوع ده يبقى خاص بإيه و أنا تحت أمركو ياسعادة الليدر ....
متشكرين على تشريفك للموضوع ياباشا ..... و منتظرين اللطائف و الغرائب و الحكاوي ...
ra7ooom 28 Oct 2006, 11:05 PM السلام عليكم ورحمة الله وبركاته
من غير لغبطه انا علياء عيد وحبيت او ىكلمة نيه عشان كده دخلت بيها على المنتدى بتاعنا
واحب اشكر( رحمه )على الموضوع الجميل ده
وعايزه احكى عن حد نعرفه كان بيقول عن رمضان وشنطة رمضان السنه دى ان بالرغم من ان زهوة الشنطه السنه اللى فاتت كانت اكتر الا ان الشنطه السنه دى عندها هى اكتر وافضل ولما سألتها ليه قالت ازاى ما تكونش احسن وانا شميت فيها رائحة الجنه؟؟؟؟؟؟؟؟؟؟
قلت لها ازاااى ؟؟ قالت لى من يومين بعد اما خلصنا الاسر والتعبئه والتوزيع وكنت حاسه انى مظبطه النوايا والحمد لله والمجهود مع انه اقل من السنه اللى فاتت بس ربنا مبارك فيه وكان فى اوائل رمضان وكانت حلقة اسم الله الفتاح فى برنامج باسمك نحيا واستاذ عمرو قال فى الحلقه ان ممكن ربنا ما يفتحش عليك الا فى اخر يوم فى رمضان.........
قعدت طوووووووووووووول الليل اسال نفسى يعنى مش ممكن ربنا يبكينى من خشيته الا اخر يوم فى رمضان ازاى ده ممكن اتجنن طب انا ممكن استحمل بس يكون فى رساله من ربنا يقول لى فيها انه راضى عن اى حاجه بعملها اهى تصبيرها لحد اما ييجى البكاء
وقعدت كده لحد الفجر وصليت الفجر وقعدت استغفر وحبيت استشعر الاستغفار فتخيلت نفسى وانا اقف بين يدى الله واقول يا رب اغفر يارب سلم يارب يارب يارب وانا احاول البكاء واحاول واحاول ...................... وفجأه شميت رائحه مش من الدنيا ابدا والله العظيم وقعدت املى بيها صدرى استنشق دون زفييييييييير ةاحول شم كل شىء حولى المراتب الكراسى الهدوم والمخدات ومفيش فايده لآ مش رائحه طبيعيه ابدا واقول سبحان الله الريحه دى منيين وشعرت ان حد بيقولى دى رائحة الجنه فأنتفضت من مكانى وقلت والله ما استاهل يا رب والله ما استاهل يا رب وقمت جرى مش عارفه اعمل ايه وبكيت بكيت كثيرا وخفت حد يسمعنى من عائلتى رجعت حجرتى مره تانيه وعدت للاستغفار.. ومره تانيه اشم نفس الرائحه فقمت وبكيت من جديد ولكن هذه المره لم اتذكر كم من الوقت استغرقت فى البكاء ووضعت وجهى بين يدى وانا اقول اللهم لك الحمد كما ينبغى لجلال وجهك وعظيم سلطانك ....................................الى ما شاء الله. البنت صاحبة القصه بنت عاديه جدا شبهنا بتعمل اللى بنعمله بس الزياده انها قالت يارب بجد قالت وهى عارفه ان ربنا اكيد هيستجيب...
الللهم لك الحمد كما ينبغى لجلال وجهك وعظيم سلطانك
كل سنة و انتي طيبة يا نيتي يا حبيبتي .... ربنا يتقبل منا جميعا ...
الموقف إللي ذكرتيه رائع ... اوعدنا يارب ... مش لازم نشم .. راضيين بأي حاجة بس اوعدنا يارب إحنا كمان ....
طبعا عندي سؤال فضولي جدا و هو ... مين صاحبة القصة ؟؟؟؟!!! .... أكيد مدام متفصلة أوي كده يبقى انتي صاحبتها ... ولا إيه ؟؟؟!!!!
جزاكي الله خيرا على ردك ياجميل و مستنييين باقي المواقف ... دعواتك ...
dr_asa 29 Oct 2006, 12:16 AM سبحان اللة
Dr Amira84 31 Oct 2006, 11:19 PM ماشاء الله اختى نيه على هذه القصه بجد الواحد وهوه بيقراها حس ان جسمه اقشعر ربنا يكرمنا يارب ويبكينا من
خشيته ويقينا من قسوه القلب ويرقق قلوبنا امين يارب العالمين
Dr Amira84 02 Nov 2006, 09:39 PM السلام عليكم ورحمه الله وبركاته
ازيك اختى رحمه ايه اخبارك؟ وحشانى والله انا بشكرك انك رديتى عليا فى المنتدى الاولانى لما رجعت من السفر واسفه والله انى مش شوفت الرساله اللى انتى بعتيهالى وكان فيها شويه دعوات لانى والله مش لحقت ادخل نت يوم السفر ولسه شايفاها من كام يوم بس والله دعيتلك انتى وكل صناع وربنا يتقبل منى العمره ان شاء الله
ويلا بقى مستنيه المواقف اللى حصلتلك ...سلام عليكم
ra7ooom 02 Nov 2006, 10:20 PM السلام عليكم ورحمه الله وبركاته
ازيك اختى رحمه ايه اخبارك؟ وحشانى والله انا بشكرك انك رديتى عليا فى المنتدى الاولانى لما رجعت من السفر واسفه والله انى مش شوفت الرساله اللى انتى بعتيهالى وكان فيها شويه دعوات لانى والله مش لحقت ادخل نت يوم السفر ولسه شايفاها من كام يوم بس والله دعيتلك انتى وكل صناع وربنا يتقبل منى العمره ان شاء الله
ويلا بقى مستنيه المواقف اللى حصلتلك ...سلام عليكم
حمد لله على سلامتك ياجميل ... مفيش حاجة عادي .. المهم إنك افتكرتينا ياجميل هناك بأي دعوة ... ولا يهمك ...
في انتظار مواقفك في الشنطة .....
حبيبتى فى الله ra7ooooooooooom اشهد كل المنتدى انى احبك فى الله ........
جزاكى الله خيرا على الظن الجميل ده انى صاحبة القصه.. ولكنى مش هقول اذا كنت انا اوغيرى
بس اللى عايزه اقوله من القصه نستشعر ان الللى عند ربنا ممكن نوصل له بدعاء فيه اخلاص ورفعة ايد مليانه بكاء وقلب فيه خشوع ولسان بيقول يارب والله ما قعدت القعده دى ورفعت الايد دى الا ابيغاء مر ضاتك
مش عايزه حاجه من الدنيا الا انك تكون راضى
بس يا رحوم هو ده اللى عايزه اقوله من القصه...
ربنا يعزك ويكرمك ويبارك لك فى وقتك وعمرك وحشانى والله ونفسى اشوفك قريب انشاء الله]ادعيلى بظهر الغيب (يعنى من ورايا) وربنا المستعان
dina 05 Nov 2006, 10:38 PM السلام عليكم ورحمة الله وبركاته
من غير لغبطه انا علياء عيد وحبيت او ىكلمة نيه عشان كده دخلت بيها على المنتدى بتاعنا
واحب اشكر( رحمه )على الموضوع الجميل ده
وعايزه احكى عن حد نعرفه كان بيقول عن رمضان وشنطة رمضان السنه دى ان بالرغم من ان زهوة الشنطه السنه اللى فاتت كانت اكتر الا ان الشنطه السنه دى عندها هى اكتر وافضل ولما سألتها ليه قالت ازاى ما تكونش احسن وانا شميت فيها رائحة الجنه؟؟؟؟؟؟؟؟؟؟
قلت لها ازاااى ؟؟ قالت لى من يومين بعد اما خلصنا الاسر والتعبئه والتوزيع وكنت حاسه انى مظبطه النوايا والحمد لله والمجهود مع انه اقل من السنه اللى فاتت بس ربنا مبارك فيه وكان فى اوائل رمضان وكانت حلقة اسم الله الفتاح فى برنامج باسمك نحيا واستاذ عمرو قال فى الحلقه ان ممكن ربنا ما يفتحش عليك الا فى اخر يوم فى رمضان.........
قعدت طوووووووووووووول الليل اسال نفسى يعنى مش ممكن ربنا يبكينى من خشيته الا اخر يوم فى رمضان ازاى ده ممكن اتجنن طب انا ممكن استحمل بس يكون فى رساله من ربنا يقول لى فيها انه راضى عن اى حاجه بعملها اهى تصبيرها لحد اما ييجى البكاء
وقعدت كده لحد الفجر وصليت الفجر وقعدت استغفر وحبيت استشعر الاستغفار فتخيلت نفسى وانا اقف بين يدى الله واقول يا رب اغفر يارب سلم يارب يارب يارب وانا احاول البكاء واحاول واحاول ...................... وفجأه شميت رائحه مش من الدنيا ابدا والله العظيم وقعدت املى بيها صدرى استنشق دون زفييييييييير ةاحول شم كل شىء حولى المراتب الكراسى الهدوم والمخدات ومفيش فايده لآ مش رائحه طبيعيه ابدا واقول سبحان الله الريحه دى منيين وشعرت ان حد بيقولى دى رائحة الجنه فأنتفضت من مكانى وقلت والله ما استاهل يا رب والله ما استاهل يا رب وقمت جرى مش عارفه اعمل ايه وبكيت بكيت كثيرا وخفت حد يسمعنى من عائلتى رجعت حجرتى مره تانيه وعدت للاستغفار.. ومره تانيه اشم نفس الرائحه فقمت وبكيت من جديد ولكن هذه المره لم اتذكر كم من الوقت استغرقت فى البكاء ووضعت وجهى بين يدى وانا اقول اللهم لك الحمد كما ينبغى لجلال وجهك وعظيم سلطانك ....................................الى ما شاء الله. البنت صاحبة القصه بنت عاديه جدا شبهنا بتعمل اللى بنعمله بس الزياده انها قالت يارب بجد قالت وهى عارفه ان ربنا اكيد هيستجيب...
الللهم لك الحمد كما ينبغى لجلال وجهك وعظيم سلطانك
ماشاء الله
dina 05 Nov 2006, 10:42 PM ربنا يكرمك ويعزك يا رحمة على الموضوع ده
ra7ooom 06 Nov 2006, 05:33 PM ربنا يكرمك ويعزك يا رحمة على الموضوع ده
جزيت خيرا يا جميل ... في انتظار مشاركاتك الرائعة :)
luta 06 Nov 2006, 11:44 PM السلام عليكم و رحمة الله و بركاته
الف مبروك على الموقع دى اول مرة اشارك هنا انا اسمى لمياء
مشاركتى فى شنطة رمضان من اول التعبئة الى التوزيع كان قدرا
فى التوزيع عرفت من عايدة(وحشانى جدا)انهم محتاجين عربيات وبالفعل اتصلت بصديقتى اميرة(جزاها الله كل خير)ووفقت ان احنا نروح بعربيتها ولكن فى الصباح تعطلت العربية
بعد كده عرفنا ان فى توزيع مرة تانية ولكن ده كان بعديها بفترة ففرحنا قوى وفعلن وزعنا وكان من احلى الايام التى لم نكن مرتبين ليها:ahmed6(1):
ra7ooom 07 Nov 2006, 12:03 AM السلام عليكم و رحمة الله و بركاته
الف مبروك على الموقع دى اول مرة اشارك هنا انا اسمى لمياء
مشاركتى فى شنطة رمضان من اول التعبئة الى التوزيع كان قدرا
فى التوزيع عرفت من عايدة(وحشانى جدا)انهم محتاجين عربيات وبالفعل اتصلت بصديقتى اميرة(جزاها الله كل خير)ووفقت ان احنا نروح بعربيتها ولكن فى الصباح تعطلت العربية
بعد كده عرفنا ان فى توزيع مرة تانية ولكن ده كان بعديها بفترة ففرحنا قوى وفعلن وزعنا وكان من احلى الايام التى لم نكن مرتبين ليها
منورانا يا لمياء ...
ربنا يديم عليكي و علينا الأيام الحلوة علطول يارب ...
شكرا لمرورك الكريم
amirs 14 Nov 2006, 11:00 PM ازيك يارحوم وحشانى كتير جدا وبجد الموضوع رائع والاروع منه اللى كتباه
علياء عيد قصة حلوة قوى وياستى مش هسألك مين صحبتها بس امانه عليكى تخليها تدعيلى ان ربنا يرزقنى وامى الحج عاجلا غير اجلا ودى امانة فى رقبتك
وان كنتم معرفتونيش لحد دلوقتى طبعا هزعل وهعيط :ahmed24: وهنفجر من الغيظ :ahmed7:
انا اميرة سليمان فكرنى ولا نستونى :ahmed26: :ahmed26: :ahmed26:
هذا بلاغٌ للناس 15 Nov 2006, 05:16 PM القصة الرائعة اللي كتبتيها يا علياء غطت على الضحك و البكاء
بالله عليكم ادعولي بالإخلاص و خصوصا اللي شمت الجنة ربنا يكرمها
نضحك بقى :00000005: :00000015: :1syellow1: :1syellow1: :ahmed8: :ahmed6: :00000024: :ahmed1:
يوم اول توزيع السنة اللي فاتت
كان لي الشرف إن معايا أمنية عطا و مروة زيدان و أختين من جيران أمنية في البيت
المهم دخلنا بيت أهله فعلاً حالتهم صعبة أوي يا ريت تكونوا راعيتوهم السنة دي
المهم من كثر ما الحالة صعبة كلنا طالعين حالتنا النفسية تحت الصفر و البنات بدأوا يعيطوا
و أنا لسة قدامنا اليوم طويل و نفسي أغير الجو عشان الناس تعرف تكمل بس مش قادر أقول حاجة الموقف صعب
و طلعت أختي الصغيرة أمنية و قالتلي
بص يا هاني إحنا لازم نعملهم أي حاجة و نحط جنبهم علامة أو نجمة !!!!؟؟؟؟
أنا ما صدقت
قلتلها نجمة ايه يا أمنية هوة أنا بعلملهم كراسة و امسكينا من الضحك كلنا
بس بجد قلبنا كان معصور من الوجع عليهم.
بعد أول يوم توزيع بردة رجعنا عندي ع البيت أنا و محمد و أحمد مختار و محمود فؤاد
و طلبت معانا ثقافة أنا و أحمد دختار و محمود ادبس معانا
قاعدين ناكل الكيكة الجامدة اللي عملتها خلود و ولاء جزاهم الله خيراً
مسكنا ديوان الأعمال الكاملة لبيرم التونسي و بنقرأ و نتناقش كلنا
و فجأة لقينا صوت ناقص بنبص لقينا محمود بيشخر و نايم نومة عجيبة من كثر التعب
عامل ذراعيه زي كوكو واوا كفوف ايده تحت باطه و كوعه مفرود
و رجليه على الكنبة و نايم على الأرض
نسيبه صورناه
و هو ما حرمناش و راح مقلوب على وشه و رفع رجليه لفوق زي الزاوية القائمة
و احنا بنصور فيديو و الدليل موجود
ربنا يكملكم بعقلكم
و انا لله و انا اليه راجعون
و م الآخر
حسبي الله و نعم الوكيل
ra7ooom 15 Nov 2006, 06:03 PM ازيك يارحوم وحشانى كتير جدا وبجد الموضوع رائع والاروع منه اللى كتباه
علياء عيد قصة حلوة قوى وياستى مش هسألك مين صحبتها بس امانه عليكى تخليها تدعيلى ان ربنا يرزقنى وامى الحج عاجلا غير اجلا ودى امانة فى رقبتك
وان كنتم معرفتونيش لحد دلوقتى طبعا هزعل وهعيط وهنفجر من الغيظ
انا اميرة سليمان فكرنى ولا نستونى
حبيبتي أميرة منورة المنتدى كله ياسكر ....
طبعا عارفينك ياعسل من غير ما تقولي .. من خفة دمك ...
ياريت نسمع طرائفك في الشنطة ...
ra7ooom 15 Nov 2006, 06:16 PM نورت الموضوع بمشاركتك يا بشمهندس ..
مستنيين المزيد من المواقف و الطرائف ... ربنا يعزك
الموقف الأول جميل ماشاء الله و جميل إن حضرتك قدرت تغير موود الجروب عشان تقدروا تواصلوا ...
الموقف التاني حاسه إن كان في حاجة غريبة و طريفة لكن مش فاهمين حاجة ...
و .....
حسبي الله و نعم الوكيل
هذا بلاغٌ للناس 18 Nov 2006, 06:47 PM :ahmed(1): :ahmed(1): :ahmed(1): :ahmed(1): :ahmed(1): :ahmed(1): :ahmed(1): :ahmed(1): :ahmed(1):
مرة مجموعة أحمد مختار و هو بيوزع هو و مجموعته سألوا
دة بيت فلانة
أيوة
من مدرسة كذا
أيوة
احنا جايبينلكم شنطة رمضان
نعم حضرتك
شنطة رمضان
يا ابني انا دكتور و بنتي نايمة جوة احنا مش محتاجين أصلاً
عمركم شفتوا صلصة مسبكة وش الناس اللي مع أحمد و أحمد كان عامل زي الصلصة المسبكة
و اللي نخشله نلاقي البيت كله سيراميك
و من ضمن البيوت اللي بعد ما أخده و الناس مشيت لقوا واحد طالع يجري وراهم و كمل معاهم التوزيع و دلهم على الناس المحتاجة
و من يومها و هو موكوس معانا
أسامة محمدي
و دة إن دل دل على اننا منظمين بشكل رهيب رهيب
و هو دة النظام اللي مفروض يتطبق
ra7ooom 18 Nov 2006, 10:17 PM موقف مشابه للي حضرتك قولته و بردوه مع أخونا أحمد مختار ...
كنت نازلة في كشف مع أخونا أحمد و إيمان مختار ... و كالعادة أ/أحمد هوه إللي بيخبط الأول و لوكان مفيش رجالة بندخل وهوه بيستنانا بره ... فرحنا على عنوان من العناوين و خبطتنا و سبحان الله معرفش إيه إللي دخله معانا .. مع أول خطوة جوا البيت ذهلنا .. البيت سيراميك .. الأنتريه جديد .. الغسالة الفولأوتوماتيك أعده أدامي .. الكمبيوتر في جمب ... المكتبة و السفرة منورين .. صوت الكاسيت و التليفزيون مشعليلين ... و إيمان ولا هيه هنا .. ماسكة الورقة و قاعدة تسأل في الست .. اسم حضرتك أو اسم زوج حضرتك .. و أنا متنحة و مش عارفة أعمل حاجة .. و هيه بعيد عني .. و أخيرا لفت نظري أنا و أ/أحمد إن الاسم مختلف .. في الآخر .. بصتله و تنحت و هوه خد باله و إيمان في الطراوة .. مركزة مع الست و الأسئلة .. لحد ما قولتلها : إيمان مش هوه ده الاسم إللي إحنا جايين عليه ... فطلع الاستاذ أحمد خبطلنا على شقة غلط !!!!
و الست إلا و لازم تعرف مين إللي إحنا رايحينلهم هنا و ليه و عشان إيه ... طلعنا من عندها بالعافية ... و رحنا الشقة التانيه .. كانت تقريا الدور إللي فوقيهم ... و خبطنا كالعادة فملقيناش رجالة و دخلت أنا و إيمان .. فالست طبعا مرتحتش إلا لما بعتت بنتها جابت أحمد و دخلته و قعدت تقرر فيه ...
ra7ooom 18 Nov 2006, 10:37 PM في نفس اليوم بردوه طلعنا رحنا مكان تاني .. و كالعادة خبطنا و دخلنا و أ/أحمد استنانا بره ... طنط صاحبة البيت كانت ماشاء الله متسييغة زي مابيقولوا .. البيت عادي أو متوسط ... بنتها في ثانوية عامة بتآخد دروس عند الأساتذة المعروفين .. تقريبا في جميع المواد .. قاعدتنا و ضايفتنا .. أ/أحمد حس إننا اتأخرنا فقلق و خبط الباب و دخل .. جه أعد معانا ... و أخدنا واجبنا و أعدنا نحكي مع طنط على الدروس و الثانوية والعلمي و الأدبي و المدرسين الكويسين و ما إلى ذلك .. كانوا من وجهة نظري مش محتاجين شنطة ولا يحزنون خصوصا و إني السنة إللي فاتت كنت نزلت مناطق فعلا صعبة و السنة دي نزلت ضواحي و شوفنا الغلب بعنينا .. لكن هيه يمكن بالنسبة للمستوى إللي كانت عايشة فيه و إللي اتغير بعد وفاة زوجها .. آه تبقى متضايقة .. لكن كان من وجهة نظري ندي للغلابة الأول و بعدين لو فاض نجبلهم .. إيمان كانت متعاطفة زيادة عشان الوضع إللي اختلف إللي بقوا فيه .. كل واحدة فينا كان ليها وجهة نظر عايزة تقنع التانية بيها عشان نشوف هنكتب إيه على الاستمارة ..A ولا B ولا C ....
a.mokhtar 19 Nov 2006, 05:51 PM السلام عليكم ورحمه الله وبركاته
اولا انا بسلم على اخويا الكبير الى قلبنا قلبه وحشه اوى ومابيسألش وهو عارف نفسه
ثانيا اطلب منه انه ييحكى موقف اخر ليله فى شعبان واول يوم فى رمضان السنه الى فاتت
هذا بلاغٌ للناس 21 Nov 2006, 09:54 AM بصوا يا اخوانا أنا هشهدكم على افترى الخلق
بعد توزيع اول يوم اللي كانت ليلة الأول من رمضان
محمد سعيد رجع بالناس بتوعه بدرييييييييييييييييييييييييييي بتاع 1 او 1.30 صباحاً كدة
فلكم ان تتخيلوا على ما دخلنا الاكياس كانت الساعة كام
عموماً الكل عارف اد ايه أنا رفيع و الأكل ما بيفرقش معايا
طلعنا عملت شوربة لسان عصفور ع السريع و عشان ع السريع كانت مالحةةةةةةةةةةةةة:ahmed(1): :ahmed(1): :ahmed(1):
و بدأت أغرف و بدأ الصراع نبدأ طراويح في البيت و لا نأكل الأول
كنا ساعتها
أحمد مختار و محمود فؤاد و محمد سعيد و محمد حسام و أنا
أحمد مختار و محمد سعيد و محمد أخويا بدأوا و محمود دخل معاهم و أنا قفشت معاهم و اتضايقت لأني جعان
المهم اول ركعتين صلاهم محمد أخويا و بعدين صالحوني و دخلت معاهم في الثالثة
كل واحد فينا كان بيصلي ركعتين امام
الدنيا ماشية كويس
محمد اخويا و احمد مختار و انا لكن المصيبة جت لما دخل رامبو المنتقم:confused:
حسبي الله و نعم الوكيل
محمود دخل يصلي بينا و التجلي اشتغل:ahmed24: :ahmed24(1): :ahmed24: :ahmed26: و احنا وراه بنموت من التعب مش قادرين و هو و لا دريان بينا
يا محمود ربنا يهديك ابداً الركعة الاولى خلصت و احنا كنا طلعنا نص ارواحنا :ahmed6: :ahmed6:
التانية بدأت و على ما اتذكر ان محمد سعيد ما قدرش يقف فضل قاعد و احنا بنعيط (مش من الخشوع ساعتها من التعب)
و محمود مندمج و احنا بنموت عارفين اللحظة اللي صوت رجلك بيبقى اعلى من صوت الامام احنا كان صوت جسمنا كله كدة
فين و فييييييييييين محمود خلص و لقينا طوفان جاي من ورا
انت بتستعبط يا محمود (محمد سعيد شنقر عليه):ahmed7: :ahmed7: :ahmed8: :ahmed8: :ahmed8:
و امسكونا من الضحك و استلمنا محمود ربع ساعة تريقة
القصة ممكن يكون ناقصها كثير لو كدة فكرني يا احمد :436: :436: :436: :436:
aida kilany 21 Nov 2006, 12:51 PM متهيألي كده انك نسيت أهم حاجة لما احمد مختار كان إمام وركع ونسي يقول سمع الله لمن حمده بصوت عالي ودخل في دنيا تانية وفاق بعد ما سجد بشوية وانتوا كنتوا راكعين زي ما انتوا
the_tolerant 21 Nov 2006, 02:48 PM السلام عليكم و رحمة الله و بركاته
حاجة كمان فى نفس الموضوع رويت لى
رنين الهاتف و الموبايلات
المهندس محمود و هو بيصلى بالمجموعة
كل ما يسمع صوت تليفون بيرن يتوقف عن القراءة لحين إنتهاء رنين الهاتف ثم يعيد قراءة السورة من البداية
التليفونات رنت كتير ساعتها
السلام عليكم رحمة الله و بركاته
هذا بلاغٌ للناس 21 Nov 2006, 08:50 PM والله صح كلامك انت و عايدة يا محمد فكرتوني
كنا بنصلي و را مجانين و خصوصا اللي كان بيعيد من الاول دة
ربنا يسامحك يا محمود
islamic girl 22 Nov 2006, 09:29 PM بصوا يا اخوانا أنا هشهدكم على افترى الخلق
بعد توزيع اول يوم اللي كانت ليلة الأول من رمضان
محمد سعيد رجع بالناس بتوعه بدرييييييييييييييييييييييييييي بتاع 1 او 1.30 صباحاً كدة
فلكم ان تتخيلوا على ما دخلنا الاكياس كانت الساعة كام
عموماً الكل عارف اد ايه أنا رفيع و الأكل ما بيفرقش معايا
طلعنا عملت شوربة لسان عصفور ع السريع و عشان ع السريع كانت مالحةةةةةةةةةةةةة:ahmed(1): :ahmed(1): :ahmed(1):
و بدأت أغرف و بدأ الصراع نبدأ طراويح في البيت و لا نأكل الأول
كنا ساعتها
أحمد مختار و محمود فؤاد و محمد سعيد و محمد حسام و أنا
أحمد مختار و محمد سعيد و محمد أخويا بدأوا و محمود دخل معاهم و أنا قفشت معاهم و اتضايقت لأني جعان
المهم اول ركعتين صلاهم محمد أخويا و بعدين صالحوني و دخلت معاهم في الثالثة
كل واحد فينا كان بيصلي ركعتين امام
الدنيا ماشية كويس
محمد اخويا و احمد مختار و انا لكن المصيبة جت لما دخل رامبو المنتقم:confused:
حسبي الله و نعم الوكيل
محمود دخل يصلي بينا و التجلي اشتغل:ahmed24: :ahmed24(1): :ahmed24: :ahmed26: و احنا وراه بنموت من التعب مش قادرين و هو و لا دريان بينا
يا محمود ربنا يهديك ابداً الركعة الاولى خلصت و احنا كنا طلعنا نص ارواحنا :ahmed6: :ahmed6:
التانية بدأت و على ما اتذكر ان محمد سعيد ما قدرش يقف فضل قاعد و احنا بنعيط (مش من الخشوع ساعتها من التعب)
و محمود مندمج و احنا بنموت عارفين اللحظة اللي صوت رجلك بيبقى اعلى من صوت الامام احنا كان صوت جسمنا كله كدة
فين و فييييييييييين محمود خلص و لقينا طوفان جاي من ورا
انت بتستعبط يا محمود (محمد سعيد شنقر عليه):ahmed7: :ahmed7: :ahmed8: :ahmed8: :ahmed8:
و امسكونا من الضحك و استلمنا محمود ربع ساعة تريقة
القصة ممكن يكون ناقصها كثير لو كدة فكرني يا احمد :436: :436: :436: :436:
بجد.. فطست من الضحك.. خصوصا ( مش من الخشوع.. من التعب)..
بجد كانت ايام حلوه أوى..
جزاك الله كل خير أخى فى الله هانى.. و يارب يعيدها أيام تانى و تكون معانا يارب..
محمدحسام 24 Nov 2006, 12:33 PM بسم الله والصلاة والسلام على رسول الل صلى الله عليه وسلم
من احلى المواقف اللي قابلتيني كانت لما كنا بنروح لطنط بتاعة الجندول
هي تسأل عايزين سكر
نقول اه
تقول طيب تاخدوا كام بلته (يعني 10 اكياس سكر) تاخدوه خمسه
نقولها اه ماشي ونروح واخدين سته
تقول كام دول
نقول سته (عايدة تقول بالفرنساوي شيفغتر لهو يا لهوي على ابو)
ونبص تلاقي عايدة بتقولنا يلا شيلو عشرة نروح شايلين 12
تقول كده كام نقول 12 ترح عايدة قايلة (سيفغتر اسنس مش تمام) وتروح قايلا شيلوا 15
تروح طنط قايلا عايزين مكرونة نقول ياريت المهم كنا بنحمل عربية اسامة وعربية عايدة على الآخر ونرجع واحنا بنغني (عندنا ضحية واحدة عندنا ضحية واحدة).
واختنا ولاء تقول ليه هاتخده ليه ده كله اروح انا قايل لأستاذة عايدة سكتيها عشان خاطري وكأننا هانخده في بيواتنا ووالله طنط بتاعة الجندول كانت من ايات ربنا لينا وبرنا يعلم كانت بتظهر ساعة لما الدنيا تقفل في وشنا وزي ما بنقول دايما احنا كل اللي علينا نسعى وربنا بيفتح من حتة تانية خالص .
ra7ooom 24 Nov 2006, 02:57 PM بسم الله والصلاة والسلام على رسول الل صلى الله عليه وسلم
من احلى المواقف اللي قابلتيني كانت لما كنا بنروح لطنط بتاعة الجندول
هي تسأل عايزين سكر
نقول اه
تقول طيب تاخدوا كام بلته (يعني 10 اكياس سكر) تاخدوه خمسه
نقولها اه ماشي ونروح واخدين سته
تقول كام دول
نقول سته (عايدة تقول بالفرنساوي شيفغتر لهو يا لهوي على ابو)
ونبص تلاقي عايدة بتقولنا يلا شيلو عشرة نروح شايلين 12
تقول كده كام نقول 12 ترح عايدة قايلة (سيفغتر اسنس مش تمام) وتروح قايلا شيلوا 15
تروح طنط قايلا عايزين مكرونة نقول ياريت المهم كنا بنحمل عربية اسامة وعربية عايدة على الآخر ونرجع واحنا بنغني (عندنا ضحية واحدة عندنا ضحية واحدة).
واختنا ولاء تقول ليه هاتخده ليه ده كله اروح انا قايل لأستاذة عايدة سكتيها عشان خاطري وكأننا هانخده في بيواتنا ووالله طنط بتاعة الجندول كانت من ايات ربنا لينا وبرنا يعلم كانت بتظهر ساعة لما الدنيا تقفل في وشنا وزي ما بنقول دايما احنا كل اللي علينا نسعى وربنا بيفتح من حتة تانية خالص .
بجد بجد إحنا فزااااااااااااااااااااااااع ..:ahmed5: .. استغلاليين بشكل مش ممكن ...
ربنا يعود علينا الأيام دي تاني يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااارب .....
همسة 24 Nov 2006, 04:30 PM مواقف جميلة اوى ياريتنى كنت معاكم بجد
ربنا يديم المحبة عليكم والمواقف الحلوة من غير زعيق وخناقات يارب
a.mokhtar 24 Nov 2006, 10:00 PM السلام عليكم ورحمه الله وبركاته
انا داخل اقول لمحمد حسام انها اسمها (معكرونه )
a.mokhtar 24 Nov 2006, 10:10 PM انا احب اذكر موقف من المواقف الجامده جدا الى حصل السنه الى فاتت
اارمضان الى فات
الموقف ده كان هيروح فيه واحد من الى بحبهم جدا والصراحه كننت هزعل عليه جامد
كنا يوم طللعين من شعل الشنطه تعبانين جدا ودخلنا نمنا وكان هانى نايم فى الحجره الى قبل المطببخ (للى دخل شقته (
ومره واحده صرخ هانى جامد جدا ايه
ايه ايه
ايه .................................................. .......
المروحه جناح منها طار
وجه فوق دماغ هانى بالبظبط
مؤكد طبعا كل الى فى الببيت ااتفزع وقام يشوف الصرخه ديه جت منين
لالالالالالالالالالالالالالالالالالالالالالالالالا لالالالالالالالالالالالالالالالالالالالالالال الالا
ولكن طبعا من المغفل الى يقوم من نومه فى ليله فى شعل الشنطه
ده لو البيت وقع لا قدر الله ماكان حد قام
مع مزيد من الوقائع قريبا جدا ان شاء الله
aida kilany 25 Nov 2006, 10:09 AM السلام عليكم ورحمة الله وبركاته
والله يا جماعة انا سعيدة جدا جدا بالمواقف اللي بتتحكي دي ذكريات علي ذكريات حاجة جميلة ربنا يديمها علينا نعمة ويرزقنا الإخلاص
من المواقف اللي حصلت السنة دي لما جينا أول يوم نشتري البضاعة طنط أم احمد اللي كنا بنشتري من عندها كلمتنها يوم الأربعاء في وقت معقول عشرة مشاءا تقريبا وعرفت منها إن بضاعتنا هاتوصل الخميس باليل ونروح نشيل يوم الجمعة تسعة صباحا المهم قفلت مع طنط وعادي جدا جدا عشت حياتي وفجأة يوم الخميس الساعة واحدة باليل افتكرت إننا هاننزل بكره نشيل المهم اتصلت علي أسامة لقيت ماعندوش فكرة من أساسه بأحمد مخنار وطبعا كنت بكلم إيمان علشان الوقت متأخر لقيت احمد خرج عن شعوره وأخد منها السماعة قال لي إزاي طنط تقول فجأة كده ان بكره نشيل قلت له دي قايله من امبارح إزاي ماحدش قالك قالي هو مين اللي يعرف؟ قلت له بمنتهي البراءة أنا :00000005: طيب هانتصرف إزاي دلوقتي؟ قلت له تليفونات بقي ونبلغ الناس المهم الساعة واحدة باليل كلمت أمنية وولاء علشان كله يبلغ بعضه اللي معاه ععربية يجي علشان يحمل واللي ماعهوش يجي علشان ينزل البضاعة وكالعادة الساعة 2 باليل إفتكرت حاجة لذيذة موووووووووت إننا مبلغناش مها عماد اللي الحاجة هاتروح علي بيها:00000005: اتصلت بعبير وسماح وقلت لهم اني مش واخده علي بيت مها علشان أكلمها دلوقتي كلموها انتوا . بس بالرغم من كده مش عارفة الناس اللي كانت واقفة علشان تنزل الشولة دي جت منين ولا كمية العربيات اللي كانت بتحمل حقيقي كانت حاجة تفرح
aida kilany 25 Nov 2006, 10:58 AM السلام عليكم ورحمة الله وبركاته
نحكي موقف من السنة اللي فاتت
أول يوم توزيع اللي كانوا مسكين كل الشغل وعاميل ورق الأسر اللي هايتوزع منه أخونا هاني وأخونا أحمد مختار جت الأتوبيسات وحاجة لذيذة حصلت كل واحد فيهم طلع يوزع في أتوبيس ولقيت نفسي ومعايا ولاء ومحمد حسام ود.أحمد أبو المجد فجأة معانا أوراق كتير ومطلوب مننا نتصرف وكل ما تيجي عربية نطلعها طبعا كا ن كل خمس دقايق تليفون مع هاني وخناقة ورزع للسمعات في وش بعض وجت الساعة عشرة بالليلواكتشفنا فجأة حاجة مهمة جدا جدا إننا من أول النهار ما أكلناش حتي الصبح ماكناش فطرنا ياااااااااه ماكنتش مصدقة نفسي لأني أول حاجة ديما بدور عليها اطمن اني أكلت وبعدين اشتغل المهم محمد جاب لنا سندوتشات وأكلنا وماكنتش متخيلة إن في حد كان بيراقبني وانا باكل وخلص اليوم تاني يوم ساعة صلاة العصر كده كنا عند بيت هاني ومحمد وقلنا نتغدي بدل ما يحصل زي امبارح جه الأكل فحد وكان محمد سعيد وهاني وأحمد مختار وأحمد أبو المجد وانا وولاء المهم حد فيهم قال كلوا براحة علشان معانا بنات مايتظلموش في الأكل لقيت د؟أحمد اللي ماحدش بيسمع له صوت الطيب البرئ قال بنات؟ بنات ايه انتوا أصلكم ما شفتهمش امبارح كانوا بيكلوا إزاي؟؟؟؟؟؟؟؟؟؟!!!!!!!!!!!!!!!!!!!!!!!!!1
تتوقعوا كنا بناكل إزاي؟
ra7ooom 25 Nov 2006, 01:12 PM من المواقف اللي حصلت السنة دي لما جينا أول يوم نشتري البضاعة طنط أم احمد اللي كنا بنشتري من عندها كلمتنها يوم الأربعاء في وقت معقول عشرة مشاءا تقريبا وعرفت منها إن بضاعتنا هاتوصل الخميس باليل ونروح نشيل يوم الجمعة تسعة صباحا المهم قفلت مع طنط وعادي جدا جدا عشت حياتي وفجأة يوم الخميس الساعة واحدة باليل افتكرت إننا هاننزل بكره نشيل المهم اتصلت علي أسامة لقيت ماعندوش فكرة من أساسه بأحمد مخنار وطبعا كنت بكلم إيمان علشان الوقت متأخر لقيت احمد خرج عن شعوره وأخد منها السماعة قال لي إزاي طنط تقول فجأة كده ان بكره نشيل قلت له دي قايله من امبارح إزاي ماحدش قالك قالي هو مين اللي يعرف؟ قلت له بمنتهي البراءة أنا طيب هانتصرف إزاي دلوقتي؟ قلت له تليفونات بقي ونبلغ الناس المهم الساعة واحدة باليل كلمت أمنية وولاء علشان كله يبلغ بعضه اللي معاه ععربية يجي علشان يحمل واللي ماعهوش يجي علشان ينزل البضاعة وكالعادة الساعة 2 باليل إفتكرت حاجة لذيذة موووووووووت إننا مبلغناش مها عماد اللي الحاجة هاتروح علي بيها اتصلت بعبير وسماح وقلت لهم اني مش واخده علي بيت مها علشان أكلمها دلوقتي كلموها انتوا . بس بالرغم من كده مش عارفة الناس اللي كانت واقفة علشان تنزل الشولة دي جت منين ولا كمية العربيات اللي كانت بتحمل حقيقي كانت حاجة تفرح
ههههههههههههههههههه .... فكرتيني ياعايدة باليوم ده .... بجد بجد كان تحفة .... الساعة واحدة ونص ... لقيت الموبايل بيرن ... مين ؟؟!! .... عايدة !!!!! .... طبعا قلبيي وقع لأن عايدة مبترنش غير في المنايبات الغريبة .... ياترى في إيه ؟!! ياقلبي ... رنتلها ... لقيت تليفون البيت بييرن ... رحت جري رديت قبل مابابا و ماما يصحوا .... طلعت عايدة .... خير ياعايدة وقعتي قلبي ... قالت هنروح بكرو عشان نشيل ... الساعة 9 الصبح ... و قولي للي تعرفيه .. حاضر ياباشا .... قفلت معاها و مفيش خمس دقايق لقيته بيرن تاني .. ردت بسرعة ... قلت فنفسي إيه هوه اتلغى ولا إيه ؟!! ... لقيتها أمنية ... بتقولي نفس الخبر .. حاضر ياجماعة هقول للبنات ...
أهم حاجة بأه إن بابا ميحبش حد يروحله فجأة كده و يقوله .. بابا أنا عندي مشوار دلوقتي ... أو بعد نص ساعة ... فيسلام بأه لما أكتبله ورقة عشان أعرفه إني عندي مشوار الصبح ... قلت يارب بس ميزعلش مني ... و فجأة لقيته أدامي .. إيه يابنتي في إيه .. خير ... التليفونات دي إيه ؟؟!! ... أبدا يابا أصل بكرة إن شاء الله في كزا كزا ... والله ... ربنا يعينكوا يابنتي يارب و يوفقكوا و يسهلكوا و يفتح عليكوا .... طيب ازبتي الموبايل لحسن أنا أطفي و أنام ولا حاجة و تتأخري على معادك ... حاضر يا حبيبي .. بس و الحمد لله عدت بسلام و كنا فرحانين جدا و بنتخانق على مين يشيل قبل التاني .. حتى لما جت الفاصوليا كنا بنتخانق مع الرجالة عشان نشيل ... بس طبعا أ/أحمد مختار قال محدش يشيل دي .. فكووووووووووووووووووووولنا وقفنا زي الألف ... .
aida kilany 25 Nov 2006, 02:01 PM بس طبعا أ/أحمد مختار قال محدش يشيل دي .. فكووووووووووووووووووووولنا وقفنا زي الألف ... .
هو إيه حكاية الأستاذ أحمد مختار؟؟؟؟؟؟؟؟؟؟إنتوا بتخافوا منه ولا إييييييه؟
ra7ooom 25 Nov 2006, 03:07 PM هو إيه حكاية الأستاذ أحمد مختار؟؟؟؟؟؟؟؟؟؟إنتوا بتخافوا منه ولا إييييييه؟
أعتقد إنك إنتي كمان ياعايدة بتخافي منه ..... ولا إيه ؟؟؟!!!!!!
و بعدين الموضوع مش خوف يعني ولا حاجة .. هو بس ................ بس
هذا بلاغٌ للناس 28 Nov 2006, 07:22 PM بصوا هوة انا عندي مصاااااااااااااااايب
بس اخاف محمود يزعل هاتولي اذنه اني انشر صوره
و انا هموتكم من الضحك هوة و كمان عبد الرحمن
glory 28 Nov 2006, 09:33 PM السلام عليكم ورحمة الله وبركاته
المهم محمد جاب لنا سندوتشات وأكلنا وماكنتش متخيلة إن في حد كان بيراقبني وانا باكل وخلص اليوم تاني يوم ساعة صلاة العصر كده كنا عند بيت هاني ومحمد وقلنا نتغدي بدل ما يحصل زي امبارح جه الأكل فحد وكان محمد سعيد وهاني وأحمد مختار وأحمد أبو المجد وانا وولاء المهم حد فيهم قال كلوا براحة علشان معانا بنات مايتظلموش في الأكل لقيت د؟أحمد اللي ماحدش بيسمع له صوت الطيب البرئ قال بنات؟ بنات ايه انتوا أصلكم ما شفتهمش امبارح كانوا بيكلوا إزاي؟؟؟؟؟؟؟؟؟؟!!!!!!!!!!!!!!!!!!!!!!!!!1
تتوقعوا كنا بناكل إزاي؟
بصراحة الموقف كان يخلي الحجر ينطق
اصلك ما شفتيش المنظر
انت اثناء الاكل ما كنتيش بتتكلمي
تخيلوا بقى كانوا بيكلو ازاي
:ahmed6(1): :ahmed6(1): :ahmed6(1): :ahmed6(1): :ahmed6(1): :ahmed6(1): :ahmed6(1):
على فكرة في مواقف من الز المواقف اللي مرت علينا انتوا نسيتوها ها ابقى اكتبهلكوا تباعا
مصطفى عربى 16 Feb 2007, 07:20 PM و الله على اد ما كنت بضحك على المواقف الجميلة دى على اد ما انا كنت زعلان على نفسى انى فاتنى المشاركة فى عمل زى دة و يارب انى اكون معاكوا رمضان القادم بلغنا الله اياه و انتم ان شاء الله و نحسبكم على خير و جعلة الله فى ميزان حسناتكم ان شاء الله
فاطمة احمد 14 Dec 2007, 02:40 AM بصراحه مواقف حلوه اوى
انا بقى مواقفى كانت مع هند محسن وطبعا انتو عارفين هند وحركتها
|