aida kilany
29 Oct 2006, 09:58 PM
بسم الله الرحمن الرحيم
متهيألي إن المشروع ده من أكتر المشاريع اللي مرينا فيه بمواقف وطرائف ورسائل ربانية وخصوصإن ربنا جعلنا سبب هذا العام رزقنا إننا نكون مسئولين عن المشروع كاملا خلاف العام الماضي ربنا سبحانة عز وجل كان بيقول لنا ديما فيها انا معاكم لدرجة إني موقف والله صرخت فيه وقلت شفتول يا بنات ربنا مظبطنا إزاي؟
وبالرغم إني بأمانة شديدة كنت من أقل الناس عملا في هذا المشروع إلا إني مريت بمواقف كتير لذيذة وياريت كل اللي اشترك في المشروع يكتب المواقف هنا
aida kilany
29 Oct 2006, 10:29 PM
الموقف ده من ألذ المواقف اللي مرت بيه في حياتي كلها مش في المشروع ده بس آخر جمعة في رمضان عمو بابا إسراء وأسماء وصافي بعد ما وصل الخط اليومي ليه في أبو عطوة راح يوصل سماح وعبير لخطهم الحكر وانا كنت معزومة بره البيت (الطبيخ في العشر الآواخر كان عندي في البيت في حديقة ملحقة بالمطبخ) المهم استأذنت منهم ومشيت ووقفلت باب المطبخ وباب الشقة بعد ما وصلت عند بيت جدي اللي هافطر فيه والمغرب كان بيأذن اكتشفت اني قليلة الذوق جدا سايبة البنات التلاتة ومعاهم أختنا رشا شكري في حديقة المنزل صحيح في باب يخرجعم علي الشارع لكن مش هايعرفوا يغسلوا ايدهم ولا يتوضوا وبعدبن دا عمو عقبال ما يخلص خط احكر ويوصل سماح وعبير ومحمود فؤاد لبيوتهم هايجي ياخد البنات علي العشاء اتصلت بعمو واتفقت معاه اني اوصل البنات وهو يوصل عبير وسماح ( من النوادر في حياتي اني أكون جدعة) رجعت لقيتهم بيصلوا في المسجد طبعا مالقوش مكان يتوضوا فيه في البيت ومشينا انا والبنات التلاتة الإخوات ورشا شكري وقبل بيت رشا بخمس دقايق سمعنا صوت فششششششششششششششششش بمنتهي البساطة قلت لهم تعتقدوا ممكن يكون الكاوتش؟ نزلنا( الكلام ده والناس كلها بتفطر في بيوتها ) ونكتشف ان فردة كاوتش نامت لقينا نفسنا كلنا فطسنين من الضحك وإسراء مسكت الموبيل تعمل معايا حوار عن شعوري في هذا الموقف وكنت بفتح الشنطة علشان أطلع الكوريك والمفتاح وطبعا فاتحة الكبوت علشان أطلع الاستبن وإسارء بتسألني انت غيرتي الكاوتش قبل كده قلت لها من ساعة ما أخويا سافر واللي بغير الكاوتش يا أسامة يا محمد حسام واللي مغير الفردة دي محمد حسام(الكلام ده متسجل فيدي علي موبيل إسراء) نطقت حرف الميم ولقيت عربية بتقف ايه ده دا وليد ومين اللي جنبه مين؟ محمد حسام آه والله زي ما بقول كده طبعا كان قمة الكوميديا والحمد لله لقينا معاهم بلح الشام فطرنا عليه وواحنا بنتكلم لقينا عربية الأستاذ أحمد القرعلي بتقف (أ.أحمد زميلي في الشغل وكان يوميا وهو وأولاده بيطلعوا يوزعوا ) اكتشفنا غن مافيش غير عربيات صناع هي اللي ماشية في الشارع في الوقت ده طبعا عقبال ما عمو كان وصل الكاوتش اتصلح وانا روحت للعزومة والبنات روحوا مع بابهم
aida kilany
02 Nov 2006, 11:53 PM
في يوم كانت المنيو بتاعتنا كشري مصري جيبنه جاهز من مطعم وكنت انا اللي واقفة بسلم الوجبات جه د.أحمد من البهتيني علشان ياخد الوجبات وأول ما عرف انها كشري زعل أوي قال لي الناس بتبص لي الأكل لو مافيش لحمة بيزعلوا قلتوا ولا يهمك هايطلع للبهتيني 30 وجبة لحمة فرح قال لي هما معاكي قلت له معايا 10 بس طيب والعشيرن قلت له مالكش دعوه وماكملتش لقيت اللي وقف قدامي هو انتوا اللي بتخدوا الوجبات؟ قلت له آه قال دول عشرين وجبه من عقيقة طبعا أخونا د.أحمد كان هايطير من الفرحة وانا ماكنتش مصدقة نفسي سبحان الله
هذا بلاغٌ للناس
15 Nov 2006, 06:19 PM
صدقوني أنا ما صدقش من ربنا غير كدة و والله الشواهد كثيييييييييييييير
و لو حكيت مش هنخلص بس كفاية اني اسمع الكلام الجمييييييييييييييل اوي دة اللي بحس اني شايف الموقف قدامي
ربنا يبارك فيكم و يعزكم بالإسلام و يعز بيكم الإسلام
نورالصباحy
15 Nov 2006, 10:37 PM
السلام عليكم ورحمة الله وبركاتة
انا برضة عندى موقف ان فى يوم كنا بنجهز للوجبات
وكنا بندور على علب واطباق عشان نغرف فيها
بس ماكنش عندنا والجامع ماكنش فية حد نستلم منة اطباق
وماكناش نعرف بيت عايدة فين ولما عرفنا البيت ماكنش فية اطباق تنفع
للطبيخ وكان وقت العصر اذن والمحلات قفلت عندنا وكان الوقف مفيش لان لازم نكون عند الجامع الساعة 4
فانزلنا ندور على محل نشترى منة الاطباق وسبحان الله
بعد مشوار صغير بالعربية لقينا محل فاتح وكان عندة كل حاجة
احنا محتاجنها وزيادة كمان وبسرعة كنا فى البيت بنجهز الوجبات
و البنات وصلوا مع باباهم فى الوقت اللى كانوا خلصوا استلام الوجبات وقفلوا العربية وماشيين
وبدات الساعة 4و ربع اجهز الفطار بتاعنا وكان الفطار لسة ماتعملش فية حاجة
وسبحان الله لما هما رجعوا كان الفطار تقريبا خلص وفطرنا فى ميعادنا العادى
aida kilany
15 Nov 2006, 10:45 PM
السلام عليكم ورحمة الله وبركاته
جزاكم الله خيرا أخي هاني علي المشاركة
واستكمل القصص
مرة برده كنت واقفة مسئولة عن التوزيع جم أخواتي سماح وعبير وطبعا سماح بعد الحادثة بتاعت العربية ماكنتش بتنزل بيها وهما الاثنين اللي عارفين منطقة الحكر وبينزلوا يوزعوها كل يوم المهم سلمت عليهم وقعدت أوزع في الوجبات وفي الآخر وانا براجع ايه اللي طلع بسأل نفسي بصوت عالي قدمهم هو الحكر طلع ولا لسه لقيت صوت سماح طبعا لسة ما احنا واقفين من الصبح قدامك طبعا ضحكت ضحكة اللي عامل عاملة اللي أخونا هاني متكلم عليها في كلمتة ومانطقتش هما عاوزين دلوقتي 15 وجبة وبنت بعربية معادلة صعبد جدا المهم لسة بنفكر لقيت عربية 128 بتاعت واحدة اسمها مريم وحيد(بنت عم رسل زوجة أخي) وقفت قصدنا ونزلت هي وصحبتها قالت لي معايا عشرين وجبه في العربية وعاوزين ننزل نوزعهم بالعربية طبعا أخدتها بالحضن وبوستها وأخدت منها خمس وجبات وإديتها مكنهم سماح وعبير ولا إله إلا الله