بس الله الرحمن الرحيم
السلام عليكم ورحمة الله وبركاته
حقيقي والله زعلانة زعل جامد أوي أوي أوي مش ممكن اللي شفته النهارده كنت نازله مع ولاء وحيد الجامعة علشان بتعمل تحقيق عن الانتخابات الطلبية ويلا حسرة القلب طبعا الدنيا في التراوة وماحدش من الطلبه عارف حاجة عن حاجة ولا حتي الدكاترة يعرفوا إن في انتخابات طلابية كل ده كوم ولما عرفت إن في كليات نسبة الترشيح فيها صفر زعلت أكتر وأكتر وخصوصا كليات زي صيدلة وطب أسنان انا طبعا زعلت علي ما آل إليه حال شبابنا من استهتار وعدم إكتراث بالأمور بس اللي زعلني أكتر وأكتر إن شباب وبنات صناع بيكونوا ايجابين بس في شغل صناع غير كده ملهمش دعوة إزاي يا جماعة إزاي هايكون في تغيير في المجتمع من غير مانكون أعضاء فعالين فيه؟ يا جماعة إزاي عاوزين يبقي فيه تنمية من غير ما يكون في مشاركة في مناحي الحياة في مظاهر الحياة العامة في مجتمعنا ولو احنا ما شاركناش مين اللي هايشارك؟ ياريت نبطل نقسم الأمور ونكون إيجابين في كل شئ

السلام عليكم ورحمة اللة وبركاتة

عندك حق واللة يا استاذة فى موضوع الانتخابات دى بصفى كنت امين دفعتى لسنتين وامين عام اللجنة الثقافية لاتحاد عام كلية طب بشرى

كنا بنتحايل على الناس علشان يشاركوا لكن مكنش حد بيشارك وعلى فكرة الى الناس متعرفهوش دة الى بيدى فرصة للناس تزور وتفبرك الانتخابات بسهولة ويسر وحصلت امامى كذا مرة

الى الناس متعرفهوش ان الاتحاد دة زى كنز بيدخل لبعض الموظفين من وراة بلاوى سودا واموال طائلة فلازم يكون فى رقيب ويكون فى ناس ايجابين يعرفوا يوجهوا الناس دى ويستخدموا الفلوس فى اتجاة صح

ياريت فعلا الناس تعرف كدة والشباب يشاركوا
لكن للاسف كلة مهتم ببنت مرتبط بيها او واحد صاحبة يقعد معاه شوية اوانا جاى احضر محاضرة وخلاص وياعم انا مالى

بس دة كلة يندرج تحت اسم السلبية

وشكرا ليكى يا استاذة ولاء اولا انك فكرتى فى تحقيق فى هذا الموضوع
وشكرا ليكى استاذة عايدة انك اثرتى الموضوع دة على المنتدى

N.b

صحيح هو حضرتك واستاذة ولاء ساكنين فى نفس الشقة اصلكم على طول مع بعض ((سؤال غلس ))

جزاكم اللة خيرا

السلام عليكم ورحمة الله وبركاته

جزاكم الله خيرا على اهتمامكم بهذا الأمر
الحقيقة ان المسألة مسألة أولويات
وان طلبة الكليات العملية خصوصا أولوياتهم الدراسة..والتفوق
هذا لا يعني السلبية وعدم المشاركة في الأنشطة الطلابية

لأنها تكسب خبرة وقدرة على المشاركة المجتمعية
لكن ..الأولوية للدراسة..وكل واحد يوزن الحاجة حسب قيمتها اللي هتضيفها ليه وللمجتمع
وبالنسبة للطلبة من صناع الحياة ..فعمل صناع الحياة يعتبر بالنسبة لهم مجالا جيدا للنشاط وللخبرة
لكن النشاط الطلابي ممكن أن يكون وسيلة لنشر فكر التنمية والنهضة في أكبر عدد

كمان الناس اللي أخدت معانا كورسات وإعدادات مؤهلة أكثر من غيرهم لإفادة غيرهم بشكل أفضل
يعني نرتب أولوياتنا ..ونوزن أمورنا..نرتب أوقاتنا
نعرف الحاجة اللي هنعملها هتفيدنا بإيه..وممكن نفيد فيها بإيه

واللي يرتب وقته من أول العام ويذاكر ولا يراكم
هو بس اللي هيكون عنده فرصة للمشاركة في أنشطة وغيرها
علشان يكونوا قدوة صح
ونشارك ونكون إيجابيين

والله الموفق والمستعان

السلام عليكم ورحمة اللة وبركاتة

انا بصراحة مكنتش اقصد طلبة صناع خالص علشان كلامى ميتفهمش غلط
انا اقصد الطلبة العادية

جزاكم اللة خيرا استاذة زمردة على رايك

فض مؤقت لاعتصام جامعة القاهرة
تطورت أحداث اعتصام طلاب الإخوان المسلمين أمام قبة جامعة القاهرة بعد أن تم إعلان القوائم النهائية للمرشحين بكليات التجارة ودار العلوم والآداب حيث تم شطب كل طلاب الإخوان المرشحين بالكليات الثلاث أما باقي الكليات فلم يتم إعلان القوائم بها؛ وحين علم الطلاب بشطبهم من القوائم بدأوا في التظاهر ومحاولة التظاهر خارج أسوار الجامعة فتصدت لهم قوات الأمن المركزي واستطاع بعضهم الخروج رغم الاعتداء عليهم وتظاهروا خارج أسوار الجامعة وتظاهر الباقون وهم الجزء الأكبر داخل الجامعة، وقد تعرض من خرج من الطلاب للضرب المبرح بالعصي ودستهم قوات الأمن بالأقدام مما أدى إلى حالات إغماء بين بعض الطلاب، كذلك تم اعتقال الطالب أسامة محمد الشاعر من المتظاهرين بالخارج.
وفي كلمته للمعتصمين قال محمود قطب المتحدث باسم طلاب الإخوان: إنه قد جرت اتصالات هاتفية بالدكتور علي عبد الرحمن رئيس جامعة القاهرة مع بعض أعضاء هيئة التدريس من الإخوان طلب فيها منهم التدخل لفض اعتصام الطلاب وقال إنه في حالة عدم فض الاعتصام بالطرق السلمية فإنه سيلجأ إلى فضه بالقوة!، وقد وعد الدكتور علي عبد الرحمن أعضاء هيئة التدريس من الإخوان أنه سيقوم غدًا باستقبال وفد من طلاب الإخوان للاستماع إلى مطالبهم.
وقد انفض اعتصام الطلاب منذ ساعات على إثر وعد رئيس الجامعة، وقد توعد الطلاب أنه إن لم يتم تنفيذ مطالبهم سيعاودون الاعتصام ثانية.

يوم الكوسة في جامعة حلوان
وفي جامعة حلوان أعلن طلاب الإخوان غدًا الخميس يوم "الكوسة في جامعة حلوان"، وقد استعد الطلاب لمهرجان "الكوسة" بشراء 150 كيلو سيتم تعليقها على المدرجات والقاعات وعلى الصناديق الانتخابية وسوف يتم بيعها في مقرات الانتخابات وفي نهاية المهرجان سيتم الصعود بها لرئيس الجامعة لإعطائه حصاد زراعته في سلة مُجمعة من ثمار الكوسة!.
كما يعتزم طلاب الإخوان غدًا اعتراض سير العملية الانتخابية بإغلاق مقار الانتخابات بوقفات رمزية كما فعلوا العام الماضي حيث وقفوا على المقار الانتخابية للحديث مع الطلاب وتوضيح ما حدث لهم من شطب وإيضاح عدم شرعية هذه الانتخابات.

لا حول ولا قوة الا باللة

قد جرت اتصالات هاتفية بالدكتور علي عبد الرحمن رئيس جامعة القاهرة .

بالرغم أن الرد ليس له علاقة بالموضوع بس كنت عايزة اقول لكم ان دكتور على عبد الرحمن تخصصه في الخرسانة المسلحة في هندسة القاهرة و كان يدرسها لنا في 4 - مدني
قبل أن يصبح عميدا للكلية ثم رئيسا للجامعة بعد تخرجي

السلام عليكم و رحمه الله و بركاته

أنا السنادى مارشحتش نفسى.. على الرغم أن السنه إللى فاتت كنت من أوائل المرشحين..

طيب حتسألونى ليه.. انتى بقيتى سلبيه و لا إية؟

حقولكم.. لأنى لقيت سورى.. الموضوع مطبوخ جدا.. و من قبل ما أدخل الترشيح.. كان الناس كلهم عارفين مين حيكسب..

لدرجه أنى و أنا فى إعدادى.. قلت للولاد إللى عندنا فى رابعه و اكبر منى بكتير.. قلت لهم أنتو حراميه صغيرين:ahmed7: ..

علشان كده قررت ماشاركش فى المهزله دى تانى..

فعلا عندك حق دكتورة

كلامك صحيح 100%

للأسف كلام أمنية مش صح لأن لو كل مكان فيه فساد سبناه لأصحابة يعبثوا فيه كما يترائي لهم يبقي عمر ما بلدنا هايتصلح حالها فين الجهاد؟ فين المواجه؟ فين الايجابية؟ اسمحي لي يا أمنية ويا د.أحمد أختلف معكم في الرأي دي اسمها سلبية

السلام عليكم دكتورة

انتى فهمتى وجهة نظرى غلط انا بتكلم ان كلام دكتورة امنية صح من ناحية ان الموضوع مطبخينة قبل كدة
لكن انها متدخلش تانى دة طبعا زى ما حضرتك قولتى بعد عن المواجهة ولكن يمكن ليها اسبابها

جزاكم اللة خيرا