قصه واقعيه حدثت لى ايام رمضان فى صلاه التراويح.. و حبيت أحكيها لكم.. لعلنا نشعر بقيمه هؤلاء البشر.. و إخلاصهم الشديد.. و نخاف على أنفسنا.. لأن هناك من أصبح الإخلاص جزئا لا يتجزأ منهم..

الحكايه صغيره.. بس بها معانى كبيره..

أنا كنت السنه إللى فاتت زى مانتو عارفين فى إعدادى كليه طب أسنان.. و إعدادى لمن لا يعرفها.. تؤخذ كلها فى كليه علوم بمناهج كليه العلوم و ليس لها أى علاقه بكليه طب أسنان..او صيدله..

فحدث أن هناك ماده أدبيه اسمها " حقوق الإنسان".. كانت تؤخذ فى نفس الوقت مع علوم و صيدله و اسنان..

و حدث لى موقف مع الدكتور الخاص بهذه الماده لأنه قال كلاما غريبا عن الصلاه.. و أنا قمت و دافعت.. و حصلت لى مشاكل و الحمدلله ربنا نجانى.. لكن حسيت بشعور جميل حين تدافع عن الحق..

و من خلال المشكله دى.. تعرفت على بنت من كليه علوم....و كان يبدو أن وضعها المادى قليل .. او فقير نوعا ما.. و لكنها طيبه جدا جدا... و هى قالت لى أنا معاكى فى موقفك و بدأت بينا صداقه .. صداقه فقط أنى اقول لها السلام و هى ترده على.. او العكس..إبتسامه أخوه فى الله بيننا.. حتى إنى لم أكن أعرف أسمها..

و أنتهت السنه و لله الحمد..

لكن..

فى أيام صلاه التراويح.... قابلت هذه البنت فى المسجد.. و سلمت عليها.. و أنا ارتدى الإسدال الأسود فى وقت الصلاه..

فقابلتها.. و كانت ترتدى نفس الإسدال... و قالت لى .. ماشاء الله أنتى لبستى الإسدال.. قلت لها للأسف أبى غير موافق.. بس أدعى له.. و أنتى ماشاء الله لبستيه..

عارفين قالت لى إية..

قالت لى.. ماما ماكنتش موافقه.. و قالت لى.. مش حشتريهولك.. أنتى أشتريه..

رحت بعت حلقى.. و اشتريته..

يااااااه.. كم أبكتنى تلك الكلمه فى الصلاه بعدما تركتها..

شعرت بضأله حالى..

شعرت بذهول من نفسى.. مالنا مأمنين للدنيا كده.. و الناس دى مستعده تبيع كل حاجه علشان ترضى ربنا..

مالنا فاكرين نفسنا حنعتق.. و فى ناس أكتر مننا إخلاصا.. و إلتزاما.. و تضحيه فى سبيل الله..

إلى متى سنظل هكذا؟

اللهم إنا نسألك رحمتك يارب العالمين..


بس بجد يا جماعه.. كلماتها أثرت فيا.. و أنى أحبها فعلا فى الله..

و حبيت أحكى لكم الحكايه دى.. عسى ان تمس إحساس حد منكم.. و يشعر بالذنب على فعله فعلها.. أو ضحيه فى سبيل الله أستكثرها أو اصابه العجب منها..


جزاكم الله عنى خيرا...

جزاكى اللة خيرا على القصة المؤثرة الجميلة فعلا

ماشاء الله ربنا يكرمك يا امنيه
إني أحبك في الله
بس انا ححكيلك موقف و عايزه رايك
لله الحمد انا لبسه خمار من 5 سنين تقريبا و ماما لغايه دلوقتي مش راضيه اساسا
بس الحمد لله هو موافقه
بس راضيه غير موافقه طبعا
هههههه
و الحمد لله انا لما بمشي ممكن يصبني الغرور من كتر اعتزازي بخماري
بس الحمد لله مش غرور نفس بشخصيتها
لا هو غرور من كتر حبي للخمار
المهم
جيت في رمضان و حبيت البس إسدال و قلت إن شاء الله البسه علي طول عشان بحب اللون الاسود
ماما قالت لا و الف لا
هههههه
طبعا موضحتلهاش رايي قلتلها تغير بس
فوافقت و سلمت امرها لله
المهم برده
جات واحده صحبتي و قالتلي
نجلاء
انتي لبسك كويس و واسع
و الخمار ابيض او سكري يعني مش الوان غريبه
و كلمتني كلام حسسني ان انا قللت مش زودت في لبسي
و قالتلي فين اعتزازك و حبك للخمار
حسيت سعتها بس إني قلعت الخمار
و اديقت من نفسي خالص
و قلت انا اول ما اخلع الاسدال حدايق و اتخنق
بس الحمد لله ربنا عطاني رضا كده حلو اوي
و قلت خلاص انا حلبسه مع النقاب إن شاء الله
ده طبعا لو ماما وافقت
ههههههه
بس إن شاء الله حتوافق في يوم من الايام
طبعا من الواضح إني مش بسمع كلام ماما
بس انا بحبها خالص
ربنا يخليهالي يا رب

ربنا يعزك يا اختى يا رب

أنا مش هحكى موقف ولكن سوف أحكى رؤيه رأتها أخت لى فى رمضان ليله 29 وهى أنها تقف فى مكان يشبه الصحراء هى ومجموعه من الناس ويدعون الله وهناك أشياء على الارض مثبته واحده على شكل هرم مفرغ من الجوانب ومن الأسفل ومحفور عليها كلمه محمد رسول الله وآخر قنديل ليس مضئ وكلما ذكروا اسم الرسول صلى الله عليه وسلم فى الرؤيه تتحرك الأشياء هذه ويسطع منه نور غريب لم يرى من قبل مثل بياضه وكل الناس فى الرؤيه فطنوا لذلك فأخذوا يزيدوا صلاه وتسليم على الرسول صلى الله عليه وسلم وفى نهايه الرؤيه أخبرت صديقتى بان هذه روح رسول الله صلى الله عليه وسلم تحيط بهم فزيدوا النبى صلاه وسلاما ونرجو أن نفعل له شيئا وقد سب مره أخرى من الدنمارك وغيرهم0

أبكيتيني يا أمنية ربنا يبارك فيكي
فعلاً الواحد صغير أوي أوي
و ناقصه كثيييييييييير أوي أوي
و ما بيعملش حاجة خالص
البنت دي حسستني إني و لا حاجة

يا رب ارزقنا الإخلاص لك و الأنس بك و حلاوة مناجاتك
يا من وسعت رحمته كل شيء و أنا شيء من الأشياء فلتسعني رحمتك يا كريم