[بتقولو محمد محسن ابو جريشه يمشى هو ده بقى السبب فى الخساره
قولو محمد فضل اللى اتخانق فى القريه الاولمبيه على 600 جنيه بتوع علاجه الاعب اللى بياخد ملاين هههههه ولا قولوا حسنى عبد ربه اللى اتخانق بسبب طقم شورت وفانله ولا قولوا هانى سعيد اللى الاهلى لسه فى دمه ولا قولوا عمرو جمال اللى نفسه يمشى ولا قولوا سيد معوض اللى بيضرب زميله فى الملعب ولا قولوا عبدالله المستهتر سورى قصدى السعيد ولا قولوا عبدالله المعوق سورى تانى قصدى الشحات اللى المفروض ما يلعبش كوره ولا حته فى الشارع ولا قولوا مدير الكوره الفاشل سيد عبد الرازق اللى خلى الخناقات ديه كلها تحصل من غير ما يلمها ولا قولوا نوفو الغبى اللى يمسك النجم ابو تريكه للغبى الشحات ويلعب عبدالله السعيد باك رايت
حسبنا الله ونعم الوكيل

عليه العوض ومنه العوض فى الفريق :icon28:

ياجماعة براحة شوية انتم ناسيين كل دول ياما ادوا النادى وساندوه

ياجماعة براحة شوية انتم ناسيين كل دول ياما ادوا النادى وساندوه
اكيد طبعاً هما ادوا النادي قبل كده بس مفيش مانع من النقد لما يكون مطلوب زي دلوقتي ..
بس النقد لازم يكون نقد صح , يعني احنا ملناش دعوة بحياتهم بره النادي مادام بيقدموا وبيعملوا اللي عليهم في الملعب ..
محمد محسن أبو جريشة , عمري ما اقتنعت بيه كلاعب كورة ,يمكن الراجل ده من أكتر الناس اللي بتحرق دم جماهير الاسماعيلي ..
سيد معوض غلط وهيتعاقب , مش هنضربه بالرصاص عشان زق زميله في الملعب ومش عشان الزقة دي خسرنا الماتش ..
حسني عبد ربه اللي اصلاً بجد ميجيش نص مستواه بتاع زمان وحاسس انه بقى في النادي زي تميمة كده من ايام البطولات لكن مش بيعمل حاجه ..وآخر كلام انه وقع للأهلي خلاص
هاني سعيد احنا مدخلناش جوه قلبه عشان نشوف الاهلي بيجري في دمه ولا لأ بس هو مكنش قد المستوى المطلوب ..
عمر جمال معروف عنه انه أناني في لعبه ودي ساعات بتبقى مطلوبة في المهاجم ..
عبد الله السعيد وعبد الشحات مستواهم مش ثابت ..
اللي انا شايف انه فعلاً سبب الخسارة الجهاز الفني بالكامل.. الجهاز الفني اللي خلى احمد سمير فرج اللي بيلعب برجله الشمال يبقى على اليمين , يعني من الاخر هتبقى رجله اللي معاها الكورة ناحية الملعب ومش هيعرف يلمها كويس بعيد عن باقي اللعيبة , نفس الجهاز الفني اللي منزل جونسون وفضل بعد ما مالطا خربت ,ونفس الجهاز الفني اللي بيلاعب محمد محسن أبو جريشة , ونفس الجهاز الفني اللي مش عارف يحط حدود للاعبين والمشاكل اللي بيهم ..
باتريك نوفو ده في رأيي يروح يدرب مركز شباب الشيخ زايد يمكن يعرف يعمل حاجه ..

كلنا بننقد على لعيبة الإسماعيلي ونسيين أهم حاجة !!
النادي الأهلي بيلعب أزى .... ما فكرة وما هدفه ؟؟:confused:

حد فكر أنهم بيلعبوا بخطة المكسب وبس:evil_lol:
وليس عرض لكورة حلوة وإمتاع الجماهير:no:
يعنى فريق بيفكر ويخطط ازاى يوصل للبطولة:ahmed52:

السؤال هنا :
هل فريق الإسماعيلي بيفكر انه يدخل التاريخ من اصغر أبوابة:ahmed59:
ويحرز بطولات ولا نكتفي بأننا بنقدم لعبة حلوة
وفى المستقبل ....... لا شئ:tears:

المشكلة أننا بنقول أن أبو جريشة مش لاعب ....:sadwalk:
هل فكرت لو أنت مديرا فنياً للنادي الإسماعيلي
ازاى تخليه نجم ..... بالتدريبات وتعليم واجبات راس الحربة المهارة القتالية
للحصول على هدف في اى وقت ...:sly:

اين خطة اللعيب .... وخطة المباراة :confused:

وفى النهاية لازم نستفيد من أخطئنا
ونحطها نقطة قوة لنا في تحديات المستقبل

وشكرا لكل محبي الكرة المصرية:ahmed52:

وألف مبروك يااهلي على تحقيق البطولات
لمصر الغالية :icon31:

السلام عليكم ورحمة الله وبركاته
الإسماعيلي عمره ما هايكون نادي بطولات طول ماهو فريق فقير وماعندوش موارد مالية ثابتة ولعلم حضرتكم ماحدش هيحل المشكلة دي لأن ماحدش عاوز يحلها هو بالنسبة لهم كده حلو اوي فريق بيدي طعم للمسابقة وبيطلع لاعبية للأهلي والدليل لي ذلك رفض اتحاد الكورة ان الشيخ صالح يكون الراعي الرسمي للنادي الإسماعيلي يصرف عليه ويكون رئيسه الشرفي

مهو برضه لما الكومي ييجي ويلغي اشتراكات اللي دفعوا اشتراكات قبل كده ويعلي الاشتراك ل 20 الف , على ايه يعني؟ النادي ملوش مقر اجتماعي محترم ولا ليه أي نشاطات تانية تتشاف غير كرة القدم , فريق اليد اتسرح ومتهيألي المصارعه الروماني كمان ..
النادي عايز إدارة كويسة وقبل ده كله عايز دعم من المحافظة والمجلس المحلي اللي كل شوية يعطل حاجه , زي موضوع نادي النخيل مثلاً ..

انا سمعت موضوع الشيخ صالح قبل كده بس سمعت كلام كتير مختلف منه انه الشيخ صالح كان عايز يغير اسم النادي ..معرفش الحقيقة فين بصراحة..