مشاهدة النسخة كاملة : محتاجين كل الناس تقرأ وتشوف اذا كانت تقدر تساعد
Eslam_moussa 06 Jul 2007, 11:09 PM السلام عليكم
يا جماعة هو في سؤال بسيط او بمعني اصح هو محاولة معرفة عدد الناس اللي عندها استعداد تشتغل في لجنة المشروعات او موضوع النهضة الاقتصادية ان شاء الله
محتاجين ناس مؤمنة بأهمية دور اللجنة واهمية ايجاد مصادر دخل ثابتة ومتجددة
ان شاء الله حيكون في دورات خاصة بالمجال ده من تسويق ودراسات جدوى وادارة
فا ياريت الناس اللي مستعدة تشارك تقول هنا كدة وتقول دراستها وخبراتها اذا وجدت في اي مجال كان
Eslam_moussa 10 Jul 2007, 11:59 PM يااااااه كل دي ناس ؟؟؟:icon1366:
محمدحسام 15 Jul 2007, 08:17 PM يلا شباب ايدينا في ايد بعض بالله عليكوا
عايزين ننجح المحل بتاعنا
عهايزين نعمل دعاية
عايزين نفوق بقى
عبدالله 15 Jul 2007, 11:32 PM إن شاء الله الدعاية هتنزل على صفحة مخصصة ليه
ويارب ينجح المشروع دة ونعتبره مشروع صغير ..
اللهم ارزقنا الاخلاص 31 Aug 2007, 12:56 PM ماشى بس يعنى انا شايفه ان حاجه زى دى لازم فيها تانى وناس فاهمين فيها يعنى بمعنى اصح متخصصين مش همه وبس بصراحه الشباب لما بيدخلوا فى حاجه لو حدهم كده حتى لو عزيمتهم قويه ده وحده مش كافى وممكن تفشل مش احباط بس حسه الموضوع مش بسيط ومحتاج ايادى عاليه
EL_GANA 01 Sep 2007, 02:28 PM السلام عليكم ورحمة الله
انا مستعدة ان شاء الله بس انا ماليش خبرات قد كدة ومعاى بكالوريوس علوم
Eslam_moussa 01 Sep 2007, 08:41 PM السلام عليكم ورحمة الله وبركاته
طبعا كلام مظبوط جدا جدا
لازم يكون في ناس خبرة بتشرف على المشروعات وعلى ادارتها وهو ده اللي احنا بنجهزله حاليا - لجنة الادارة
بس غير اللجنة احنا محتاجين فريق عمل من الشباب اللي عايزين ياخدوا خبرة ادارة المشروعات عمليا وعلميا
اتمني كل الناس اللي عايزة تشارك او تعرف حد من الخبراء في مجالات ادارة المشروعات , الجدوى , التسويق , المحاسبة ويكون عنده استعداد للانضمام للجنة الادارة ياريت يبلغنا هنا على المنتدى او يبلغ د. عايدة او م. وليد مهدي او يبلغني
السلام عليكم
dr_asa 01 Sep 2007, 10:43 PM ان شاء الله اكون معاكم
dr_menna_saad2008 03 Sep 2007, 03:55 AM ان شاء الله اشارك معكم
انا كان نفسي فى الموضوع ده من زمان بس كنت مش عارفة اعمله ازاى
جزاك الله خيرا عنا جميعا
أنا منة السنادى ان شاء الله بكالوريوس صيدلة
وشكرا
Eslam_moussa 03 Sep 2007, 08:22 PM جزانا الله واياكم يا دكتورة ان شاء الله
ربنا يتقبل ويوفق الجميع الى ما يحب ويرضى ونقدر نعمل النهضة لعلها تكون معذرة لنا عند لقاء ربنا يوم القيامة
ما شاء الله موضوع المشروعات بدأ يمشي بخطوات متلاحقة وان شاء الله نكمل على خير
احنا حاليا في مرحلة تجميع اللجنة الادارية اللي حتشرف على المشروعات
وفي نفس الوقت الشباب بدأو يختاروا أفكار مشروعات ويدرسوها الى ان نقدم كل الافكار دي للجنة الادارية ونشوف ايه التعليقات والمقترحات منهم , ايه المطلوب علشان ينجح المشروع وطريقة الادارة تبقي ازاي , نختار شريحة السوق اللي حنحاول نسوق منتجات المشروع ليها ازاي وكدة
موضوع الافكار ودراستها من الشباب شغال حاليا - بدأ النهاردة الصبح الحمد لله ولسه شغال
لو حد عنده فكرة او عايز يعرف ايه الافكار الموجودة ويشوف ايه المناسب ليه منهم ياريت يتصل بالمهندس وليد مهدي او بي
السلام عليكم
dr_menna_saad2008 23 Sep 2007, 06:17 PM ايه رايكم يا جماعة فى مشروع صناعة الشموع ده مشروع سهل جدا ومش مكلف والناس اللى بتعمله بتقول عليه مربح انا ممكن اجيبلكم طريقة الصناعة
m_abdelmgeed 24 Sep 2007, 08:39 PM فعلا مشروع رائع د/منه
انا ابتديت انا وناس صحابي دراسة الموضوع
وهنبتدي بشراء شمع وتسويقه في المرحله الاولي
وياريت اي معلومات
وجزاكي الله كل خير
rainbow 18 Oct 2007, 03:03 AM السلام عليكم ورحمه الله
يا لجنه المشروعات الصغيرة انا عايزة انضم للجنه
يا ريت تقوليلى اخر اخباركم والمشوعات عشان اشترك معاكم باذن الله
انا ممكن اكون مفيده ليكم
ياريت تقبلونى معاكم
وتقولولى اخر اخباركم ايه
منتظرة رد منكم
والسلام عليكم ورحمه الله
Eslam_moussa 27 Oct 2007, 03:06 PM السلام عليكم
بالنسبة لموضوع الشموع يا جماعة انا لقيت صفحة اتحاد مصنعي الشموع في صناع الحياة - في موقع الاستاذ عمرو خالد
والموضوع شكله مبشر ومربح بس الفكرة كلها انه لازم يدرس كويس ونشوف حيتسوق فين الانتاج علشان منخسرش فلوس ومجهود ووقت ويحصل احباط
اللينك هو :
http://forum.amrkhaled.net/showthread.php?t=129307
اللي ناوي يشتغل في مشروع الشموع وعنده القدرة يبدأ يقرأ الاول فيه ويعرف بيحتاج ايه ورأس مال كام وايه الالات جميع عناصره
وبعد كدة يبدأ يقرر اذا كان حيكمل فيه فعلا ولا لأ
ده لينك لدورة صناعة الشموع على موقع الاستاذ عمرو خالد
http://forum.amrkhaled.net/showthread.php?t=56655&page=8
اذا كان ناوي يكمل ياريت يبقي في اتصال ونقدر ننسق مع بعض
Eslam_moussa 27 Oct 2007, 03:19 PM السلام عليكم ورحمه الله
يا لجنه المشروعات الصغيرة انا عايزة انضم للجنه
يا ريت تقوليلى اخر اخباركم والمشوعات عشان اشترك معاكم باذن الله
انا ممكن اكون مفيده ليكم
ياريت تقبلونى معاكم
وتقولولى اخر اخباركم ايه
منتظرة رد منكم
والسلام عليكم ورحمه الله
السلام عليكم ورحمة الله وبركاته
ياريت حضرتك تنضمي للجنة وتقدري تساعدي معانا في وقوف اللجنة على رجليها واستمرارها وافادة الناس
احنا اخر اخبارنا - اللي هي ماشية ببطء جدا وده طبعا تقصير مني - اننا بدأنا نتفق مع اللجنة الادارية - لجنة الخبرة - اللي ممكن تشرف على المشروعات وتساعدنا فيها
في مشروع بنحاول نقومه دلوقتي ولكن لسه في مراحله الاولى
يعني بنحاول نتفق على تسويق المنتج بتاعنا قبل مرحلة الانتاج الفعلي
وفي منتج تاني تسويقه موجود بالفعل - يعني في شركة عارضة تأخد الانتاج - لو قدرنا ننتج المنتج ده بجودة وسعر مناسبين بس للاسف احنا لسه بنشوف ازاي ننتجه
هو للاسف مفيش اتفاق على اجتماع دلوقتي لان للاسف انا معرفش اصلا مين اعضاء اللجنة كلهم - انا اعرف بعضهم بالطبع
عامة لو حضرتك تحبي تعرفي تفاصيل اكتر ممكن نبدأ نحضر لاجتماع للجنة واقول للناس على كل التفاصيل اللي عندي واحنا وصلنا لغاية فين ومحتاجين ايه
السلام عليكم
Eslam_moussa 27 Oct 2007, 03:26 PM السلام عليكم
يا جماعة النقطة المهمة اللي لازم الناس كلها تكون عارفاها ان الدنيا مش وردية قوي في المشروعات
ومتتحمسش للكلام عن الارباح الخيالية لاي مشروع وانه سهل جدا ومش عارف ايه
اكيد اي مشروع في عقبات ومحتاج جهد ووقت
انا بس حبيت اوضح النقطة دي كتييير علشان محدش يتحمس ويحط فلوسه او فلوس عائلته ويرجع يندم
ياريت الامور تكون واضحة ومدروسة الاول كويس
rainbow 27 Oct 2007, 06:10 PM السلام عليكم ورحمة الله وبركاته
ياريت حضرتك تنضمي للجنة وتقدري تساعدي معانا في وقوف اللجنة على رجليها واستمرارها وافادة الناس
احنا اخر اخبارنا - اللي هي ماشية ببطء جدا وده طبعا تقصير مني - اننا بدأنا نتفق مع اللجنة الادارية - لجنة الخبرة - اللي ممكن تشرف على المشروعات وتساعدنا فيها
في مشروع بنحاول نقومه دلوقتي ولكن لسه في مراحله الاولى
يعني بنحاول نتفق على تسويق المنتج بتاعنا قبل مرحلة الانتاج الفعلي
وفي منتج تاني تسويقه موجود بالفعل - يعني في شركة عارضة تأخد الانتاج - لو قدرنا ننتج المنتج ده بجودة وسعر مناسبين بس للاسف احنا لسه بنشوف ازاي ننتجه
هو للاسف مفيش اتفاق على اجتماع دلوقتي لان للاسف انا معرفش اصلا مين اعضاء اللجنة كلهم - انا اعرف بعضهم بالطبع
عامة لو حضرتك تحبي تعرفي تفاصيل اكتر ممكن نبدأ نحضر لاجتماع للجنة واقول للناس على كل التفاصيل اللي عندي واحنا وصلنا لغاية فين ومحتاجين ايه
السلام عليكم
انا معاكم ان شاء الله وياريت لو فى معاد اجتماع قريب تقولولى
وجزاكم الله خيرا
princes_shimaa 27 Oct 2007, 07:50 PM اكيد ان شاء الله انا معاكم بجد مشروع جميل
يارب يوفقنا بكالريوس تجارة
Eslam_moussa 28 Oct 2007, 05:42 PM اهلا بيكي يا اخت شيماء معانا
ان شاء الله يكون في خطوات اسرع وتقدم اكبر في لجنة المشروعات وفي مجالات صناع الحياة عامة
اللي انا شايف بصراحة انها فيها مشكلة كبيرة جدا
وهي ان معظم الانشطة متجهة ناحية التكافل الاجتماعي من ايتام ومعارض ملابس وشنطة رمضان
ونسينا ان مش هي دي الطرق للنهضة - دي وسائل مساعدة ممكن - طرق تحفيز الهمة وتجميع الناس ممكن - طرق تجديد نية واكتساب رضا الله على باقي الانشطة
انما مش هي طريق النهضة
ده رأيي الشخصي ورأيي صواب يحتمل الخطأ ورأي غيري خطأ يحتمل الصواب
|