السلام عليكم ورحمة اللة وبركاتة

انا بصراحة مش عارف اقول اية لان الحفل كان فى رائع:ahmed(1): :ahmed(1): اكثر من رائع واجمل حاجة فية كانت المشاعر الانسانية ورسائل الابناء لاسرهم حجاة جعلتنى ابكى:ahmed26: :ahmed26: بجد واتاثر لدرجة انى منمتش فعلا امبراح ومردتش افتح الموضوع لحد ما احد الاعضاء غيرى يفتحة لكن واضح ان الكل كان متاثر وشغول

انا عاوز كل واحد يقول احساسة اية :ahmed6: :ahmed6: بجد بجانب رائية بصراحة فى سلبيات وايجابيات الحفل:confused: :confused:

وهحط كمان تصويت ان شاء اللة

جزاكم اللة خيرا

السلام عليكم ورحمة الله وبركاته
أخى الكريمdr_asa

مع الأسف أنا كنت من اللى ما كملوش الحفل
فياريت الأول حضرتك تعرض ملخص للحفل وفقراته
للى مش قدر يحضر واللى ماكملش
وأنا إن شاء الله بعد كده هقول رأيى فى الجزءاللى حضرته

انا عاوز استاذة عايدة هى الى تعرض كل دة

جزاكى اللة خيرا

[بجد الحفل كان اكثر من رائع و استمتعت جدا وخاصة توزيع الجوائز على الاباء و الامهات وكان ختامه مسك بخبر خطوبة الاخ اسامة وعبير الففففففففففففففففففففففففففففففف مبروووووووووووووووووووووووووك
ادعو الله ان يجمعنا دائما على خير فى الدنيا و الاخرة

سبحان الله .. انا فعلا عملت موضوع عن خواطرنا عن الحفله.. بس حقوم حالا بإلغاؤه و اجيب مشاركاتى هنا علشان نكون كلنا فى مكان واحد نكتب ما شعرنا به جميعا..

كانت الحفله.. مزيج من المشاعر العجيبه التى كانت تجول بخاطرى و أنا أشاهد الحفل..

شريط من الذكريات يمر عليا..كأنه بالأمس..

وقت أشتراكى بصناع الحياه.. فاكره كويس أوى كل لحظه..


فاكره أوى لما عايده وولاء جاءو إليا فى درس الفيزياء و أنا أيام الثانويه العامه.. و أول مره وقتها أعرف حد من صناع الحياه وجها لوجه..

كان إحساسى بالحفل بالأمس غير طبيعى..

حتى كتير من أخواتى بالأمس بيقولولى.. مالك يا بنتى شغاله عياط ليا..مش عارفه كان مالى..

كنت فرحانه أوى..

فرحانه بكرم الله الذى أغدقه على أمته الفقيره إليه أن أكون معكم.. فعلا و الله .. ظللت أقول.. ماذا فعلت ياربى لأكون فى هذا الشرف.. و ان تختارنى لأكون فى هذه الصحبه..

ثم ظللت أسترجع شريط الذكريات.. خصوصا فى كلمه أخونا أحمد مختار.. حينما قال.. أنا عايز أقول رساله لمن شارك فى شنطه رمضان العام السابق و هذا العام.. افرح أوى بنعمه الإستخدام.. أن يستخدمك الله لعامين لخدمه الناس.. شىء رائع.. اللهم أستخدمنا و لا تستبدلنا يارب...

و أكتر كلمه أثرت فيا.. حينما قال أخونا فى الله الأستاذ محمد خالد.. راحتنا الحقيقيه.. مش فى الدنيا.. راحتنا الحقيقيه.. لما نحط أول قدم لينا فى الجنه..

بجد لقيت نفسى برتعش.. يااه.. ممكن صحيح نكون فى الجنه.. يارب يارب..

و سبحان الله.. الحفله السابقه لو تفتكرو.. ساعه ما بابايا قال عن أن صناع الحياه بيعطل عن الدراسه.. ووقتها قلت قدام الناس كلها.. يا بابا أنا بوعدك أنى حرفع راسك و اجيب تقدير.. و فعلا ربنا بكرمه .. جبت جيد جدا..

يا جماعه.. مهما أتكلمت.. بجد مش حوفى هذه المشاعر التى جعلتونى اشعر بها حقها..

و لى مشاركه اخرى بأذن الله أحكى أكثر عما دار بداخلى..

..

السلام عليكم ورحمة الله وبركاته
ماشاء الله عليكى يا أمنية احساسك بالكلام عالى قوى ووصل
بصراحة أنا رجعت قبل ما الحفل يخلص
بس طول مأنا هناك كان فيه احساس غريب
مش كنت فاهماه
كانت أقوى حاجة بجد لما أخ لينا قال ان من نعمة ربنا اننا دلوقتى فى المكان ده مع الصحبة دى ومن نعمة ربنا عليكم انكم تشهدوا تانى شنطة لرمضان
بس بجد كمان أقوى لحضة حسيتها لحظة ما عدد الشنط ظهر ع الشاشة
قلت ياه ايام التعبئة كنا بنقول يا رب نقدر نسد وكنا قد ايه يوميها بندعى بجد وبنفكر بعض بالإستغفار
والحمد لله ربنا أكرمنا
بالرغم انى ما أشتركتش فى كل مراحل الشنطة بس كنت حاسة بيها قوى
بس قلت ان شاء الله ربنا هيتقبل من كل واحد شارك
وأفتكرت امبارح اتنين من أعز الشخصيات لقلبى
وهما ديانا ومنة
ديانا فى الثانوية بس لما عرفت معاد اول يوم تعبئة حبت تشارك ولو بعشر دقايق بين الدرسين
ومنه فى السعودية بس أنا متأكدة انها كان نفسها تكون معانا
افتكرتهم امبارح مع باقى ذكرياتى فى 3شهور ونص مع صناع والإنجازات بتتعرض
وكان معايا ناس مش من صناع لو تسمعوا قد ايه كانوا بيدعوا ان ربنا يثبتنا
وعاهدت نفسى انى هكون معاكم فى رمضان القادم وفى الشنطة الجاية بإذن الله

يلا يا شباب كلة يقول الى جواة

مش عاوزين حد يطلع جواة حاجة كلة يفضى هنا

جزاكم اللة خيرا

كانت مناظر الأباء و الامهات و هم يصعدون على المسرح.. حقا مهيبه.. يتولد بداخلك شعور بالإجلال لعظم هذه اللحظات..

لا تستطيع السيطره على نبضات قلبك من أن تخفت و بقوه.. من رهبه هذه المشاعر النقيه..

مشاعر من أبن.. لأبيه.. و لأمه... يكن لهم كل الإحترام و الحب و التقدير..

لا تملك سوى البكاء و الدعاء..

فعلا.. كم أرتعشت من هول ما ارى.. فأنا أرى الدين الجميل .. ديننا بكل معانيه الحقيقيه.. البعيده عن أى صراع و لا مشاحنات.. يتجسد أمامى فى أناس.. اودعهم الله فى الأرض.. لتصير قلوبهم.. لله فقط.. هم لله.. و مع الله

و كم كانت لحظات جميله حينما صعد والد أختنا إسراء و شماء و صافى و أسماء.. عمو عادل السمطى.. و تكلم عن فضل إسراء على أدخل باب الخير لبيته..

ليس لأنه يشكر فينا نحن صناع الحياه..

لكن لأنى عرفت إسراء منذ بدايه معرفتها بصناع الحياه..

و أسمحو لى أن أتكلم عن بدايه معرفه إسراء بنا.. ( فى المشاركه القادمه..

عرفت إسراء من الكليه.. و تعجبت أن هناك من هو فى مثل طيبتها و نقاء مشاعرها..

قالت لى.. انا عايزة أكون معاكم فى صناع الحياه.. أنتو عندكم جمعيه.. قلت لها لسه.. بنحاول..

كل يوم تسألنى.. طيب أنا عايزة أعمل حاجه.. بجد أنا نفسى أعمل حاجه.. كان عندها إصرار جميل..

و مش عارفه كانت الظروف موقفه كل شغلنا..

ثم جاء قرار منى أن أزور أختنا فى الله نهله من صناع الحياه بالشرقيه.. و قلت أهى فرصه الواحد يتعرف على صناع الحياه بالشرقيه اكتر..

و مش عارفه إية إللى خلانى اقول لإسراء.. يا إسراء أنا حروح الشرقيه أزور صناع الحياه هناك.. قالت لى أنا حاجى معاكى.. و ماما حتيجى معانا.. قلت لها تتفضل طبعا .. و ساعتها جابت أختنا الحبيبه جدا أيه ..

و رحنا و أتعرفنا على أخواتنا هناك.. و فرحت أوى إسراء بشغلهم.. و أنهم متجمعين فى جمعيه.. و كانت منبهره.. قلت لها بأذن الله أنتى حتتعرفى على الناس هنا.. و حتشوفى ناس .. لا تتخيلى جمالهم..

لكن إسراء.....

أختلفت عن أناس كثيرون..!!!

هى بجد عايزة تعمل حاجه.. و عايزة تشارك..

مش مستنيه أمنيه تتصل بيها و تقول لها تعالى..

مش مستنيه حد يقول يا جماعه أحنا مزنوقين و محتاجينكم..

كان عندها دايما عامل المبارده..

و قد كان.. و أنطلقت إسراء.. بعائلتها الجميله.. و والدها الفاضل.. لطريق الخير.. لا يألون جهدا لخدمه الإسلام..

علشان كده.. لما عمو عادل تكلم عن إسراء.. انا كنت حاسه بكل كلمه.. و كأن شريط الاحداث و السفر.. يمر امام عينى.. و أنا غير مصدقه أن الله قد فتح علينا كل هذا الفتح..

الحمدلله.. .. اللهم ارزقنا الإخلاص..

لا أعلم.. لماذا أسترجع كل هذه الذكريات.. لكنها ذكريات جميله حقا..

و أكتملت فرحتنا بالحفل .. خبر خطوبه أخونا الفاضل جدا أسامه.. و أختنا الحبيبه عبير..
اللهم بارك لهما و بارك عليهما و أجمع بينهما فى خير..


حقا أتخيل بيتهم بأذن الله.. و هو يعلمون جيلا .. كيف يهبون أرواحهم.. و جهودهم لخدمه الإسلام.. كيف يزرعون فيهم ما تعلموه فى صناع الحياه من روح الأخوه فى الله..

اسأل الله ان يرزقهم الذريه الصالحه.. و يجعل حياتهم سعاده بحب الله..

السلام عليكم ورحمه الله وبركاته


بجد انا مش عارفه اقول ايه ؟ الحفل كان رائع جدا ومكنتش متخيله انى اشوفه بالشكل ده كان فى حاجه كده بتمس

القلب وبالذات ساعه عرض عدد الشنط اللى اتوزعت بجد جسمى قشعر وصقفت جامد اوى كنت فرحانه جدا مكنتش

متخيله اننا ممكن نوصل للعدد ده ماشاء الله وساعه عرض لبس العيد ولما اخونا محمد سعيد قال انهم فضلوا يوزعوا فى

لبس العيد لغايه الفجر بجد حسيت اد ايه الناس دى بتتعب لله واحسن لحظه كانت تكريم اولياء الامور ولحظات الفرح

والدموع اللى شوفناها كلنا بجد انا عينيه دمعت وكنت حاسه بفرحه جامده اوى يمكن مش جاتلى من زمان حسيت بجد

انى وصلت للمكان الصح اللى حلاقى نفسى فيه وكنت مستنياه من زمان بس جت متاخره سنه كامله لانى لسه مشتركه

فى صناع السنادى لانى بجد مكنتش اعرف ان فى صناع الحياه فى اسماعيليه بقالهم سنه كامله شغالين بس الحمد لله

انى بقيت معاكوا ((واخر خبر واجمل خبر خطوبه اخونا اسامه واختنا عبير ربنا يبارك ليهم يارب)) ...وربنا يعز الاسلام

والمسلمين بينا ان شاء الله ويرزقنا اهم حاجه الاخلاص فى القول والعمل ... امين يارب... واسفه على التطويل

بجد يا جماعه.. ربنا يبارك لكم.. خواطركم.. جميله بجد..

و سبحان من قذف فى قلوبنا.. هذه المشاعر الجميله..

الحمدلله حمدا كما ينبغى لجلال وجهك و عظيم سلطانك..

قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ {58}
السلام عليكم ورحمة الله وبركاته
ياربي لك الحمد كما ينبغي لجلال وجهك وعظيم وسلطناك
ياربي لك الحمد كله ولك الشكر كله وإليك يرجع الأمر كله علانيتة وسره إنك علي ماتشاء قدير
ربنا ولك الحمد حمدا طيبا مباركا ملئ السموات والأرض وملئ ما شئت من شئ بعد أهل الثنا والمجد أحق ما قال العبد وكلنا لك عبد
والله يا جماعة بفضل الله وحدة كان يوم جميل جدا جدا جدا مش هاننكر وجود بعض الأخطاء في التنظيم بس درجة الصدق اللي كانت في اليوم كانت أعلي بكتير وغطت علي حاجات كتير أوي وهاخد في المشاركة دي لقطات ورسايل
أ.محمد خالد: جزاكم الله خيرا لي المجهود الكبير
د.أحمد سعيد: ليك مستقبل هايل في الإخراج
أسامة : ليك مستقبل هايل في التمثيل
أحمد مختار: حقيقي ربنا يعزك انا مبسوطة جدا من الكلمة اللي انت قلتها لأنها بصراحة عبرت عن كل مشارع انا شخصيا تجاه الشنطة وجزاك الله خيرا حاسة انك اتكلمت بلسنا كلنا
انا في وجهة نظري ان نجوم الحفل والد ووالدة محمد سعيد انا كنت فرحانه جدا بتشريفهم لينا لأن دي أول مرة يشتركوا معانا وكلمة محمد سعيد كانت رائعة وكان فيها مشاعر كتير أوي جميلةز
من الحاجات اللي آثرت فيه جدا جدا امبارح الشباب وعددهم اللي كبر والمجموعة اللي انضمت لينا في رمضان أصبحوا جزء لا يتجزء من الكيان والنسيج والبنات كذلك يارب ديما في زيادة وفي حب ونسأل الله عز وجل الثبات علي الحق والإخلاص ونعوذ بالله أن نكون جسورا يعبر عليها الناس إلي الجنة ويقذف بنا في النار
محمود فؤاد كان هو طنط منورينا فعلا
امبارح كنت حاسة بدفء في المشاعر عالي أوي أوي حاجات كتير نفسي أكتبها وحاسة اني متلغبطة بس آخر رسالة بوجهها لأخي في الله محمد حسام
مبروك بس اللي جاي أصعب بكتير

تسلم إيدك يا عايوده يا جميله.. بس ماتضحكيش علينا بالمشاركه دى.. احنا لسه مستنيين تقولى أكتر و اكتر..

اكيد وانا مصر يا استاذة عايدة ان مفيش حد هيشرح تفاصيل الحفل بكل فقراتة غيرك انتى

مستنينك

السلام عليكم و رحمة الله و بركاته
أنا كل الي عاوز أقوله إن شوفت في الحفلة دي ملائكه و حور عين و لم أري في حايتي عدد من الناس تجمعوا علي حب الله و بيرتجموه بعباده و عمل صالح يخدم الأمه بهذا الشكل مع تحفظي طبعا علي موضوع شنطة رمضان و أتمني أن نفكر جميعا بما هو الأفضل و الأحسن للأمة الأسلامية .
و أريد أن نفكر سويا أين ال 240 ألف جنيه التي دفعت من أموال المسلمين الأن ؟ و الله لا أريد أن أضيع هذه الفرحة التي رأيتها ولكن إني أحبكم في الله و أريد أن نبحث لما هو أنفع و أصلح .
و لأجابة أين ال240 ألف جنيه دول عند محمد حسام و د.عايده :) هم ألي أصروا إني أقول رأي حتي في الحفلة و أنا كنت رافض علشان مضيعش الفرحة الجميلة و النية الصفية ألي شوفتها و ربنا يهديني و يهديكم لما هو أنفع و أصلح لينا كلنا إنشاء الله.
و أنا أكرر أني لم أري في حايتي هذا العدد من تجمع أهالي و أبناء مؤمنين و تجمعوا علي حب الله و الخير بالشكل دا فعلن ملائكة و حور عين هذه الدنيا و كان نفسي بجد أكون عملت أي حاجه معاكو من ألي عاملتوه دي علشان لما إنشاء الله تدخولوا الجنه أكون معكم .
ربنا يكرمك و يعنكم علي الرساله دي.
و أخير و ليس أخرا :- إن الي أنتو فيه دا جهاد و مفيش جهاد سهل و الجنة مش هاتيجي غير بالتعب و المشقة و إن الله لا يضيع أجر من أحسن عمل
ربنا يكرمك

يارب يديم عليكم الفرح دايما
و يديم عليكم نعمه الحب و الاخوه في الله
و الله الناس وحشاني جدا
نفسي اشوف عايده و امنيه و رشا و كل المجموعه الجميله دي
اللهم اجعلكم ممن يدخلون الجنه زمرا

السلام عليكم ورحمة الله و بركاته
أنا مش المفروض أكتب هنا لأني ما حضرتشالحفلة
بس والله الذي لا إله إلا هو و الكثير منكم يعرف معنى الحلفن دة
والله أنا بكيت و أنا بقرأ المشاركات دي مش لأني ما كنتش موجود لأ
لأني شفتكم بعينيكم و حسيتكم بقلوبكم و كنت معاكم بكلامكم
أنا بحبكم كلكم اللي أعرفه و اللي ما اعرفوش اللي قابلته و اللي إن شاء الله لسة هقابله
أكثر حاجة أثرت في هو كلام أحمد هوارة
البني آدم دة من أحب الناس إلى قلبي في العالمين و أرجوا أن نجتمع في الجنة مع الحبيب المصطفى صلى الله عليه و سلم و كل صناع الحياة معانا
الراجل دة اشتغل مع ناس كثيييييييييييييييير و شاف مجاميع كثييييييييييييييييييييير و الشهادة دي يفهمها اللي عاشره زيي
طبعاً الحفلة كانت هتبقى أحلى بي :00000005: :00000005: :00000005:
بس والله بحبكم اوي اوي اوي
ممكن احكيلكم حكاوي كثير عن ناس كثير منكم
بس هتكلم المرة دي عن واحد بس يمكن لأنه جاب سيرتي فلازم نرد الشيء لأصله

هو يتقال عليه وسط الكبار ولد بس راجل و وسط الشباب يتقال واد راجل و وسط الصغار راجل و مع صناع الحياة يتقال هوة دة الراجل اللي تعتمد عليه
من أرق الناس قلوباً لله
و من أكثرهم غلظة لله
من أكثرهم حرصا على العمل لله
و من أسرعهم تحركاً في الله
و عمل حتى آخر نفس مع الله
فأحسبه و الله حسيبه
لله و في الله و مع الله إخلاصاً
بحبه بجد بجد

أحكيلكم موقف مش كثير يعرفوه
في شنطة رمضان اللي فاتت اشتغلنا كثييييييييير و تعبنا اوي في يوم التوزيع الأول
رجعنا من التوزيع آخر حد محمد سعيد و مجموعته الساعة واحدة بالليل و بعد ما فضينا الأوتوبيس في المحلات
كنت واقف جنبه و من كثر التعب فجأة لقيته بيقول
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآه مكتومة و راح قاعد على الأرض مش قادر يتحرك
قلتله بسسسسسس انت كدة تطلع تنام و ما تمدش ايدك فيحاجة
وشه اصفر من الهبوط و طلع نام لحد الظهر ثاني يوم رغم الدوشة الجامدة اللي كانت جوة البيت و براه من الساعة 7 او 8 الصبح
و فضل تعبان بعدها اسبوع
تخيل دة اشتغل لحد ما فضى قد ايه من طاقته
نرفوزشويتين بس للهو حبوب و رجاع و ممكن يعتذر عن خطأه
و في الآخر يقولاتعلم مني
ربنا يسامحك يا عم الحاج
هوة طبعاً
حبيبي
أحمد مختار

يارب يديم عليكم الفرح دايما
و يديم عليكم نعمه الحب و الاخوه في الله
و الله الناس وحشاني جدا
نفسي اشوف عايده و امنيه و رشا و كل المجموعه الجميله دي
اللهم اجعلكم ممن يدخلون الجنه زمرا

واال واحنا اشتقنا لرؤيتك ربنا يعزك ويجمهنا ببعض في الجنة

السلام عليكم ورحمة الله و بركاته
أنا مش المفروض أكتب هنا لأني ما حضرتشالحفلة
بس والله الذي لا إله إلا هو و الكثير منكم يعرف معنى الحلفن دة
والله أنا بكيت و أنا بقرأ المشاركات دي مش لأني ما كنتش موجود لأ
لأني شفتكم بعينيكم و حسيتكم بقلوبكم و كنت معاكم بكلامكم
أنا بحبكم كلكم اللي أعرفه و اللي ما اعرفوش اللي قابلته و اللي إن شاء الله لسة هقابله
أكثر حاجة أثرت في هو كلام أحمد هوارة
البني آدم دة من أحب الناس إلى قلبي في العالمين و أرجوا أن نجتمع في الجنة مع الحبيب المصطفى صلى الله عليه و سلم و كل صناع الحياة معانا
الراجل دة اشتغل مع ناس كثيييييييييييييييير و شاف مجاميع كثييييييييييييييييييييير و الشهادة دي يفهمها اللي عاشره زيي
طبعاً الحفلة كانت هتبقى أحلى بي :00000005: :00000005: :00000005:
بس والله بحبكم اوي اوي اوي

أحمد مختار
السلام عليكم ورحمة الله وبركاته
أخي هاني
أولا انت من حقك تكتب اللي انت عاوزة في الحتة اللي انت عاوزها ومش هاقول ليه علشان انت مش عاوز
تاني حاجة بعتذر علي الكلمة اللي ما اتذعتش بس بالله كان غصب عني وحكاية انها نزلت علي المنتدي هنا دا إعتذار انا بقدمه لك وياريت تقبله مني وماتكنش زعلان
انا حاسة اوي كلامك عن أحمد هواره لأني عرفت فيه حاجة حلوة انه بينطق ديما بالحق وسمعت منه قبل كده أكتر من نقد لينا وكانوا في محلهم ربنا يعزه ويجزيه عننا خير الجزاء وكفاية أوي أوي انه شرفنا
فعلا فعلا الحفلة كانت هاتبقي أحلي وأحلي في وجودك بس انا عشمي في ربنا ان كل اللي اشتغل في المجموعة دي من سنتين ليوم القيامة نتجمع مرة واحدة مع النبي في الجنة نعد قاعدة حلوة سوا كلنا معاه نحكيله اللي هو أكيد عارفة عننا ونتمتع بالنظر بيه بس استحلفكم بالله لو ماكنتش معاكم من حقكم تشفعوا لي عند الرحمن لأني عارفة كويس أوي قد ايه انا ممكن أكون أوحشكم و والله مابحقرني بس دي الحقيقة
بالنسبة لكلام أحمد مختار عنك هو سبقنا وكالعادة خلانا نعيط عارف أقولك علي حاجة بس ما تزعلش؟
أول قافلة طلعناها تاني يوم سفرك 10/2 واحنا متجمعين كان معانا ناس أول مرة يحضروا وأحمد قال كان نفسنا يكون وسطنا هاني كلنا عيطنا قام محمد سعيد وقال نسقف كلنا لأخونا هاني كان في دكتور قاعد جنب محمد أخويا قال له هو هاني ده ماله قال له سافر قال يعني عايش؟ أمال هما بيعطوا ليه !!!!!
أقول حاجة علي أحمد مختار لأول ماقلتهاش غير مرة للإيمان أخته بالرغم من كل المسئولية والرجولة اللي بتتكلم عليها انا بالله بحس ان أحمد ده ابني والله وياريت هو مايزعلش من الكلمة دي بس دي الحقيقة وبفتكر ديما أول مرة جه فيها يحضر اجتماع ماكنتش انت موجود وانا اللي مسكت الاجتماع وقلنا مين ياخد ورق الأسر دي يفلترها ولاء قالت أخدها أنا قلت لها لا حضرتك ممكن تخدها؟ رد بمنتهي الثقة وقال ايوة وولاء بتعاتبني واحنا مروحين قلت لها ان ماينفعش نفضل لحنا وبس اللي شغالين والولد ده هايعمل شغل كويس
طولت عليكم
ربنا يعزك يا هاني ويرزقنا جميعا الإخلاص

إية يا جماعه.. ماشاء الله عليكم..

إيه المشاعر الرائعه دى..

أولا: أخى فى الله أحمد هواره.. أنا يمكن ماعرفش حضرتك ..لكن كنت أرى دوما أسمك فى جروب بشره خير.. و أسمع عن حضرتك كل خير.. و احسن حاجه.. أن سبحان الله من قدرك أن تكون معنا.. و لا يعرفك الكثيرون.. فأحسبك من المخلصين يارب و لا أزكى على الله أحدا.. و يارب يزيدك يارب إخلاصا.. و على فكره أنا أتفق مع حضرتك تماما فى فكره شنطه رمضان..


ثانيا: أخى فى ا لله هانى.. كما قلت لك دوما.. سبحان من سخرك لنا.. لتكون أداه تعيننا دوما على الجهاد فى سبيل الله.. ربنا يبارك لك يارب.. وو الله لما أخونا أحمد مختار أتكلم.. فقد تكلم بما شعرنا به جميعا.. و و الله فاكره كأنه إمبارح يوم ما نزلت مع جيرانى و مع حضرتك فى أتوبيس المنار السنه إللى فاتت نوزع فى الشيخ زايد.. ربنا يجازيك كل خير..

و كلامك عن أخونا أحمد مختار.. بجد صادق تماما.. فأنا أحترم أخى فى الله أحمد كثيرا.. سبحان الله أنا عرفت أنى أكبر منه سنا.. لكن حينما أقف أمامه.. أشعر انى كأنى أمام شاب من شباب الإسلام الأقوياء فى الحق.. و لديه قدره غريبه على أن يكون قوى فى الحق.. و لكن بأدب جم.. و باحترام لجميع الناس.. و بحرص شديد على تقوى الله و عدم التساهل فيما يرضى الله.. اللهم زده أخلاصا و أجعله من الفائزين يارب..

ثالثا: أختى فى الله عايده.. كلامك بالظبط و الله حصل لى.. يوم القافله الطبيه.. واحده قالت لى.. هو هانى ده.. توفاه الله.. قلت لها.. لأا.. هو سافر.. قالت لى يا ستى خضتونى.. قلت لها.. اصل أنتى ماتعرفيش أخونا هانى دا كان بالنسبه للفريق إية.. و برضو إمبارح.. كان معايا أخت جديده معنا.. قالت لى هو هانى جه يبقى أخو أحمدمختار.. قلت لها لأا.. هو أخوه فى الله.. لأن بجد كان واضح و أخونا أحمد بيقول أخويا هانى.. كانت طالعه من القلب.. أخ قلبا و قالبا..




ربنا يبارك فيكم يا صناع الحياه يارب.. و يبعد عنا الشيطان.. و يرينا الحق حقا و يرزقنا أتباعه.. ويرينا الباطل باطلا و يرزقنا أجتنابه..

بصراحة الحفل كان رائع ورغم انى كنت سعيدة جدا فى الحفل لانى شاركت فى شنطة رمضان و لكن حسيت انى مقصرة لما شوفت العرض اللى انتوا قدمتوه
بجد ربنا يوفقكوا ويفتح عليكم ويرزقكم الاخلاص و ربنا يكرمنى و اشارك معاكم اكثر
وكل حفل و انتم بخير

تقرير حفل صناع الحيـــاة 9/11/2006 :00000005: :00000005:
المكان مدرسة المنار الخاصة للغات
الزمان السابعة و النصف مساءا
الحدث الحفل صناع الحياة (احتفالا بمشروع شنطة رمضان و مشروعات أخرى مرتبطة به)

1. بدأ الحفل بمقدمة قصيرة لأخونا المهندس و ليد
2. القرآن الكريم و تلاه علينا أخونا المهندس محمود فؤاد
3. كلمة الحاجة خديجة مديرة المدرسة
4. فقرة د/ محمد هاشم مدرب التنمية البشرية الذى تحدث عن الوالدين و حقوقهم علينا و دورهم فى عملنا التطوعى
5. كلمة لأستاذ/ وائل ميسرة حول دورات اللغات و الكومبيوتر التى تقدمها مدرسة المنار.
6. العرض التقديمى لانجازات صناع الحياة بالاسماعيلية منذ حفل 7/3/2006 و حتى 9/11/2006 باستثاء مشروعات شنطة رمضان و ملابس العيد و الاطعام اليومى.
7. قامت الشاعرة أ/ليلى سيد أحمد بإلقاء شعر لصناع الحياة.
8. تلا ذلك كلمة المهندس محمد حسام عن مشروعات:
a. شنطة رمضان 2006
b. الإطعام اليومى
c. ملابس العيد (عيد فطر 2006)
تكلم أخوتنا الأفاضل أحمد مختار و احمد سعيد و أحمد هوارة ضيفنا العزيز:ahl--:
9. تم تكريم الآباء و الأمهات الحاضرين و كذلك الأدلة الذين ساعدوا الفريق فى مشروع شنطة رمضان.
10. تكريم و مداخلات للآباء و الأمهات الحاضرين
a. عمو عادل السمطى والد أختنا الفاضلة د/إسراء
b. طنط فاطمة
c. طنط و الدة أختنا الفاضلة أ سماح و تكريم عمو و طنط والديها
d. عمو سعيد والد أخونا الفاضل محمد سعيد
e. كلمة عمو مصطفى الشريف والد أخونا الفاضل المهندس مؤمن
f. كلمة والدة اختنا الفاضلة أ رشا زيدان و تكريم عمو و طنط والديها
g. كلمة دليل المجموعة فى عين غوصين.
h. تكريم والدة أخونا المهندس محمود فؤاد
i. تكريم عمو محمد والد أخونا المهندس وليد
j. تكريم عمو و طنط والد و والدة دكتورة عايدة
k. تكريم و الد أختنا الفاضلة أ ولاء وحيد
l. .......................................
m. .................
n. و عذرا ان كنت قد نسيت أحدا ..... العدد ما شاء الله كان كبير و انا مثل الجميع كنت أبكى فأكيد
فاتتنى حاجة.....
o. نعتب على الأخت الفاضلة أ حسناء عدم إخبارنا بوجود والدها فى الحفل الا بعد انتهاؤه.
فى خلفية الفقرة الثامنة و التاسعة عرض أخونا الفاضل و المجتهد جدا د أحمد سعيد إحدى لمحاته المبتكرة بفيلم يعرض صور لصناع الحياة بالاسماعيلية فى مشروعات و قوافل و تجمعات مختلفة و رافق الصور أناشيد قام بتركيبها على الصور كانت أكثر من مؤثرة.

كان أخوتنا أسامة و محمد حسام و أخواتنا د/ عايدة و أ/أميرة و أ/عبير و أ/سماح جزاهم الله خيرا مسئولين عن تنظيم اليوم.

تم توزيع ورقة على الحضور الذين شاركوا فى مشروع الشنطة لتقييم المشروع من وجهه نظرهم و تم وضعها فى صناديق كرتونية (قام بإعدادها أخونا أسامة) عند الخروج من قاعة المسرح بالمدرسة بعد ملئها.

ده تقرير سريع عن اليوم اللى يمكن وصفه انه يوم بر و وفاء لأباءنا و أمهاتنا

و يبقى التقرير مجرد كلام لا يستطيع وصف المشاعر الفياضة التى إمتلأت بها قاعة الحفل فى هذا اليوم و فاضت لتخرج هنا على المنتدى

اللهم اجمعنا دوما على طاعتك

جزاكم الله خيرا
السلام عليكم و رحمه الله و بركاته

: :ahmed29:
بالنسبة لكلام أحمد مختار عنك هو سبقنا وكالعادة خلانا نعيط عارف أقولك علي حاجة بس ما تزعلش؟
أول قافلة طلعناها تاني يوم سفرك 10/2 واحنا متجمعين كان معانا ناس أول مرة يحضروا وأحمد قال كان نفسنا يكون وسطنا هاني كلنا عيطنا قام محمد سعيد وقال نسقف كلنا لأخونا هاني كان في دكتور قاعد جنب محمد أخويا قال له هو هاني ده ماله قال له سافر قال يعني عايش؟ أمال هما بيعطوا ليه !!!!!
ربنا يعزك يا هاني ويرزقنا جميعا الإخلاص



ثالثا: أختى فى الله عايده.. كلامك بالظبط و الله حصل لى.. يوم القافله الطبيه.. واحده قالت لى.. هو هانى ده.. توفاه الله.. قلت لها.. لأا.. هو سافر.. قالت لى يا ستى خضتونى.. قلت لها.. اصل أنتى ماتعرفيش أخونا هانى دا كان بالنسبه للفريق إية.. و برضو إمبارح.. كان معايا أخت جديده معنا.. قالت لى هو هانى جه يبقى أخو أحمدمختار.. قلت لها لأا.. هو أخوه فى الله.. لأن بجد كان واضح و أخونا أحمد بيقول أخويا هانى.. كانت طالعه من القلب.. أخ قلبا و قالبا..

ربنا يبارك فيكم يا صناع الحياه يارب.. و يبعد عنا الشيطان.. و يرينا الحق حقا و يرزقنا أتباعه.. ويرينا الباطل باطلا و يرزقنا أجتنابه..



صدقوني أنا كلامكم دة تاج على رأسي
ربنا يباركلكم و يبارك فيكم
و صدقوني كمان أنا أيامها كنت كأني ميت فعلاً و الأيام دي كانت من أقصى الأيام علي في حياتي ربنا يعملنا الخير من عنده
و عسى أن تكرهوا شيءً و هو خيرٌ لكم
أما إنكم بتعيطوا فإنتم بتعيطوا جماعة لكن أنا بعيط فردي لوحدي
أنا سبت الدعاء عشان الكل يقول آمين
بجد مفتقدكم بس مش مفتقد مشاكلكم لأنها بتوجع القلب :00000005: :00000005: :00000005: