aida kilany
21 Nov 2006, 07:42 PM
السلام عليكم ورحمة الله وبركاته
أحب أشرككم معايا في قصة طريفة حصلت معايا خلال يومي الأحد والإثنين الماضيين 19 و 20 / 11/2006 قدم رجلي الشمال أصيب بورم مفاجئ منذ أسبوع وكل يوم أفكر أروح للدكتور ويطلع ميت مشوار واطنش الموضوع بس رجلية لسه وارمة وبدات توجعني كمان ملهاش حل توكلت علي الله ورحت يوم الأحد لدكتور في مستشفي الجامعة الكشف ما طولش عن 5 دقايق
السلام عليكم
وعليكم السلام
خير
مشط رجلي وارم من حوالي اسبوع
وريني كده
وقعد يضغط علي الورم وانا كان نفسي اصوت من الالم
بصي ياستي انت عندك نقرس هههههههههه (مش عارفة ايه اللي كان بيضحكه)
إنا لله وإنا إليه راجعون ومدنيش فرصة أكمل الدعاء
بصي كل انواع المياه الغازية السوداء ممنوعة
كل البقوليات الفول الطعمية الفاصلويا البيضاء اللوبية البسله العدس..............
كل اللحوم الحمراء لحمة بط فراخ حمرا الفراخ البيضاء ماتكليش غير الصدر (هههههههههههههه) ضحك تاني وانا في حالة من الذهول
قول لي معتدك سليمة
الحمد لله
احنا بقي هانبوظهالك (ههههههههههههههههه) وكتب كوم من البراشيم والفوار الأكل ده ماتجيش نحيته باقي حياتك والبراشيم دي ماتسبيهاش من ايديكي باقي حياتك حاجات قبل الأكل وحاجات بعد الأكل
محمد عامل ايه؟ ابقي سلمي عليه كتير(هههههههههههههههههههه) مع السلامة مش عارفة هو كان ليه في منتهي السعادة
أول ما خرجت اتصلت بدكتور أحمد سعيد بصراحة كان في منتهي اللطف ومخضنيش وقعد يهزر معايا ويقول أحسن علشان تبطلي تكلي من لحمة الإطعام اتكشفتي وفي الأخر اتفقنا انه هاروح لدكتور تاني بالليل وكان الحاجة اللي مطمناه ان مافيش تحاليل اتعملت يعني الكلام كده ممكن مايكنش صح روحت البيت وكنا عازمين واحدة قربيتي متزوجة قريبا هي وزوجها علي الغداء في ناي الشراع انا عارفة ان بابا بيحب يطلب هناك مكرونة واسكلوب ديما انا طبعا عشت في دور مريضة وطلبت سمك ولقيت بابا وماما طلبوا سمك اتضايقت وقلت خلاص المشاكل هاتبدأ هما هايشركوني ومايكلوش اللي انا ممنوعة منه وانا هاتضايق بس ما اتكلمتش علشان الضيوف خلصنا الغدا ونزلنا لقيت زوج قربتي عاملنا مفاجأه عنده فلوكة صيد اتصل باللي ركبها علشان يجي ونركب نعمل جولة في البحيرة و كان وقت تحفه قبل المغرب بساعة ومنظر الغروب كان رائع والشواطئ فاضية ولاقتني بناجي ربنا سبحانة وتعالي جاية أقول أذاكار المساء بدأتها بياربي لك الحمد كما ينبغي لجلال وجهك وعظيم وسلطانك وحسيت ان الفسحة دي ربنا بيطبطب عليها فيها بحنان وعطف وافتكرت كل الأكل اللي بحبه وهايبقي قدامي ومش هاكله طول حياتي وافتكرت خروف العيد وقد ايه انا بحب لحمة الخروف افتكرت كل ده ولقتني بقول لربنا لعلك حرمتني منها في الدنيا لتطعمني خيرا منها في الجنة وبدل ما أزعل افتكرت كام مرة هايبقي قدامي الأكل وهاتحرم منه وهاخد ثواب قد إيه بقيت من جوايا فرحانة وحاسة ان ربنا اصطفاني وزعلانة علشان المشاكل اللي هاتحصل مع بابا وماما المهم خلصنا الفسحة وولاء جت معايا عند الدكتور التاني الدكتور كشف وشك برده في النقرص بس طلب تحاليل لأن الأدوية صعبة جدا ما ينفعش نبدأ فيها من غير مانكون متأكدين بس كلامة كان بيؤكد وجود المرض أخدت ولاء ورحنا عند لاروز جبنا حلويات قلت دي مناسبة سعيدة ان ربنا رزقني بإببتلاء وعزمتها وروحنا مبسوطين رحت تاني يوم الصبح عملت التحاليل ولما أكلت كان عندنا لحمة ما أكلتش منها حاجة علي أساس اني مريضة أكلت خضار بالرز ورحنا فرح مي واكتشفت ان أختي وحبيبتي ولاء نشرت الخبر لدرجة ان عبير باستني وقعدت تعيط زعلانة علشان انا مريضة والبنات كلها عرفت إني رايحة أجيب نتيجة التحليل وقعدوا يدعوا جامد ولاء حسستهم إن المرض خطيييييير المهم جبنا التحليل ومفهمناش حاجة ورحنا للدكتور بص في الورق وبص لي وضحك وقال ماعندكيش ولا نفرس ولا حاجة عندك مرض وقال اسم عجيب كده معاناه خشونة في المفاصل وقعد يشرح لي أسباب المرض وطبعا نا اتوصاش في الأدوية بس طلب مني حاجة صعبة ادعوا لي فيها اني احط رجلي التعبانة خمس دقايق في ميه دفية ومرة واحدة اشيلها واحطها في طبق في ميت متلجة طبعا بحس ان رجلي اتكهربت علشان انشط العضلة اللي مش شغاله واللي سببت الخشونة بس طبعا شتان الحمد لله من مرض مزمن لحاجة هاتعد فترة وتتعالج بفضل الله إن شاء الله ربنا يجازي كل اللي اهتم بأمري وزعل علشاني خير الجزاء يارب من عيلتي ومن صناع ومن زميلاتي في الشغل اللي كانوا هما كمان زعلانين خالص وربنا يجازي د.أحمد عني خير الجزاء اللي كان محسسني فعلا ان محمد أخويا معايا وجنبي ربنا يجزيك عني خير الجزاء يا دكتور
أحب أشرككم معايا في قصة طريفة حصلت معايا خلال يومي الأحد والإثنين الماضيين 19 و 20 / 11/2006 قدم رجلي الشمال أصيب بورم مفاجئ منذ أسبوع وكل يوم أفكر أروح للدكتور ويطلع ميت مشوار واطنش الموضوع بس رجلية لسه وارمة وبدات توجعني كمان ملهاش حل توكلت علي الله ورحت يوم الأحد لدكتور في مستشفي الجامعة الكشف ما طولش عن 5 دقايق
السلام عليكم
وعليكم السلام
خير
مشط رجلي وارم من حوالي اسبوع
وريني كده
وقعد يضغط علي الورم وانا كان نفسي اصوت من الالم
بصي ياستي انت عندك نقرس هههههههههه (مش عارفة ايه اللي كان بيضحكه)
إنا لله وإنا إليه راجعون ومدنيش فرصة أكمل الدعاء
بصي كل انواع المياه الغازية السوداء ممنوعة
كل البقوليات الفول الطعمية الفاصلويا البيضاء اللوبية البسله العدس..............
كل اللحوم الحمراء لحمة بط فراخ حمرا الفراخ البيضاء ماتكليش غير الصدر (هههههههههههههه) ضحك تاني وانا في حالة من الذهول
قول لي معتدك سليمة
الحمد لله
احنا بقي هانبوظهالك (ههههههههههههههههه) وكتب كوم من البراشيم والفوار الأكل ده ماتجيش نحيته باقي حياتك والبراشيم دي ماتسبيهاش من ايديكي باقي حياتك حاجات قبل الأكل وحاجات بعد الأكل
محمد عامل ايه؟ ابقي سلمي عليه كتير(هههههههههههههههههههه) مع السلامة مش عارفة هو كان ليه في منتهي السعادة
أول ما خرجت اتصلت بدكتور أحمد سعيد بصراحة كان في منتهي اللطف ومخضنيش وقعد يهزر معايا ويقول أحسن علشان تبطلي تكلي من لحمة الإطعام اتكشفتي وفي الأخر اتفقنا انه هاروح لدكتور تاني بالليل وكان الحاجة اللي مطمناه ان مافيش تحاليل اتعملت يعني الكلام كده ممكن مايكنش صح روحت البيت وكنا عازمين واحدة قربيتي متزوجة قريبا هي وزوجها علي الغداء في ناي الشراع انا عارفة ان بابا بيحب يطلب هناك مكرونة واسكلوب ديما انا طبعا عشت في دور مريضة وطلبت سمك ولقيت بابا وماما طلبوا سمك اتضايقت وقلت خلاص المشاكل هاتبدأ هما هايشركوني ومايكلوش اللي انا ممنوعة منه وانا هاتضايق بس ما اتكلمتش علشان الضيوف خلصنا الغدا ونزلنا لقيت زوج قربتي عاملنا مفاجأه عنده فلوكة صيد اتصل باللي ركبها علشان يجي ونركب نعمل جولة في البحيرة و كان وقت تحفه قبل المغرب بساعة ومنظر الغروب كان رائع والشواطئ فاضية ولاقتني بناجي ربنا سبحانة وتعالي جاية أقول أذاكار المساء بدأتها بياربي لك الحمد كما ينبغي لجلال وجهك وعظيم وسلطانك وحسيت ان الفسحة دي ربنا بيطبطب عليها فيها بحنان وعطف وافتكرت كل الأكل اللي بحبه وهايبقي قدامي ومش هاكله طول حياتي وافتكرت خروف العيد وقد ايه انا بحب لحمة الخروف افتكرت كل ده ولقتني بقول لربنا لعلك حرمتني منها في الدنيا لتطعمني خيرا منها في الجنة وبدل ما أزعل افتكرت كام مرة هايبقي قدامي الأكل وهاتحرم منه وهاخد ثواب قد إيه بقيت من جوايا فرحانة وحاسة ان ربنا اصطفاني وزعلانة علشان المشاكل اللي هاتحصل مع بابا وماما المهم خلصنا الفسحة وولاء جت معايا عند الدكتور التاني الدكتور كشف وشك برده في النقرص بس طلب تحاليل لأن الأدوية صعبة جدا ما ينفعش نبدأ فيها من غير مانكون متأكدين بس كلامة كان بيؤكد وجود المرض أخدت ولاء ورحنا عند لاروز جبنا حلويات قلت دي مناسبة سعيدة ان ربنا رزقني بإببتلاء وعزمتها وروحنا مبسوطين رحت تاني يوم الصبح عملت التحاليل ولما أكلت كان عندنا لحمة ما أكلتش منها حاجة علي أساس اني مريضة أكلت خضار بالرز ورحنا فرح مي واكتشفت ان أختي وحبيبتي ولاء نشرت الخبر لدرجة ان عبير باستني وقعدت تعيط زعلانة علشان انا مريضة والبنات كلها عرفت إني رايحة أجيب نتيجة التحليل وقعدوا يدعوا جامد ولاء حسستهم إن المرض خطيييييير المهم جبنا التحليل ومفهمناش حاجة ورحنا للدكتور بص في الورق وبص لي وضحك وقال ماعندكيش ولا نفرس ولا حاجة عندك مرض وقال اسم عجيب كده معاناه خشونة في المفاصل وقعد يشرح لي أسباب المرض وطبعا نا اتوصاش في الأدوية بس طلب مني حاجة صعبة ادعوا لي فيها اني احط رجلي التعبانة خمس دقايق في ميه دفية ومرة واحدة اشيلها واحطها في طبق في ميت متلجة طبعا بحس ان رجلي اتكهربت علشان انشط العضلة اللي مش شغاله واللي سببت الخشونة بس طبعا شتان الحمد لله من مرض مزمن لحاجة هاتعد فترة وتتعالج بفضل الله إن شاء الله ربنا يجازي كل اللي اهتم بأمري وزعل علشاني خير الجزاء يارب من عيلتي ومن صناع ومن زميلاتي في الشغل اللي كانوا هما كمان زعلانين خالص وربنا يجازي د.أحمد عني خير الجزاء اللي كان محسسني فعلا ان محمد أخويا معايا وجنبي ربنا يجزيك عني خير الجزاء يا دكتور