مشاهدة النسخة كاملة : بجد ياجماعة اغيثونا بأفكاركم بالله عليكم فكروا معانا
محمدحسام 24 Nov 2006, 12:07 PM بسم الله والصلاة والسلام على رسول الله صلى الله عيله وسلم
من الآخر كده عندنا مشروع المشغل محتاج شغل جامد المشغل بيعمل سدالات وحاجات ولبس أطفال حاولوا تساعدونا ايه اللي ممكن نعمله للتسويق ومين عنده فكره جديدة للجنة عشان بجد اللجنة ده مهمة جدا وعايزة رجاله باعت نفسها لله بجد ونفسنا ييجي اليوم اللي نقف فيه جميعا والمنطقة الصناعية تتملي مصانع ونقول الحمدلله كل الشباب اللي شغالين وفاتحين بيوت بأذن الله في ميزان حسانتنا واللي مش مصدقني بكره باذن الله هفكره وربنا المستعان
اللي هيقول فكره حلوة ليه عشوة حلوة عند حسن وكمن الوجبة شاملة المواصلات رايح جاي مع الحاجة الساقعة وانا لله وانا اليه راجعون..
:ahmed26: :ahmed26: :ahmed26: :ahmed26: :ahmed26: :ahmed26: :ahmed26: :ahmed26:
dr_asa 24 Nov 2006, 02:20 PM نعملك اعلانات لمنتجاتنا بالصور هنا على السايت
اية رايك اعتقد فكرة كويسة وان شاء اللة الشباب يشتروا
ومستلزمات موسم الحج نظبطها ونجهزها
كدة هتعشى ولالا
محمدحسام 24 Nov 2006, 03:52 PM حسب المبيعات اللي هتيجي من الشباب يا زكوة
همسة 24 Nov 2006, 04:27 PM انا كمان عندى فكرة
اولا ان اى حد فيكم يعرف منتديات تانية على النت ينزل عليها اعلانات لمشروعكم لان كل منتدى لازم يكون فيه جزء للاعلانات
تانى فكرة هى عبارة عن الاعلانات المصورة بمعنى انها زى المنشورات او او ورق مصور مكتوب فيه عن المشروع وخدماته ومعلومات عنه هو ومديرينه بصورة مختصرة ويتوزع فى الجامعات او الاماكن العامة مثلا زى ما بنشوف لما اى محل جديد يفتح مثلا
يارب اضمن العشوة والحاجة الساقعة بقى
islamic girl 24 Nov 2006, 04:28 PM نعملك اعلانات لمنتجاتنا بالصور هنا على السايت
اية رايك اعتقد فكرة كويسة وان شاء اللة الشباب يشتروا
ومستلزمات موسم الحج نظبطها ونجهزها
كدة هتعشى ولالا
أخى الفاضل دكتور احمد..
ما طرحته حضرتك.فكره كويسه.. ... لكن ماعتقدش أنها عمليه أوى.. لأن أكيد الناس .. و خصوصا فى مصر.. التسويق.. يعتمد على الدعايا بأحتكاكنا مع الناس و معرفتهم بالسلع.. و لو كان فى ناس حتشترى من خلال الدعايا من السايت.. يبقى هيبقو صناع الحياه.. و أحنا مش عايزين كده.. عايزين ندخل فعلا السوق و يبقى لنا مكان مهم وسط الناس.. لأن كده حنبقى بنضحك على نفسنا.. غللى بنصنعه بنشتريه.. و فين المكسب الذى يجعل المشروع يستمر..
أنا أسفه على مداخلتى.. و اتمنى أن تتقبلها بصدر رحب.. و جزاك ا لله كل خير..
dr_asa 24 Nov 2006, 06:53 PM ايوة انا معاكى يا دكتورة بس انا قصدى بردة زى ما ذكرت اختنا همسة على سيتات تانة مش هنا بس علشان نقدر نعمل حملة كويس بجانب طبعا الاعلانات العادية وصدقينى يا دكتورة فى ناس فى صناع كتير ميعرفوش اية منتجات صناع وانا واحد منهم فممكن نعرف ونفعكم بس دى الفكرة
وجزاكى اللة خيرا على المداخلة
ra7ooom 24 Nov 2006, 07:35 PM أعتقد أول حاجة إننا إحنا نكون دعايا متنقلة .. يعني نتكلم عن الحاجات دي مع إللي نعرفهم و لو اشترينا منها نوريهالهم .....
تاني حاجة مينفعش نعمل كده زي مندوبين المبيعات أو الصينيين إللي بيلفوا عالبيوت و يعرضوا منتجاتهم !!!!! .... فكرة مجنونة ... صح .... بس هيه إللي جت في بالي ... و حاسة إنها هتجيب صدى كويس ...
ممكن بردوه نحاول نتعاقد مع محلات و نوريهم منتجاتنا عشان يشتروها مننا و يبيعوها عندهم ...
هييست أنا مش كده ...:ahmed6: .
أعتقد إنها حاجات عملية يعني ...
dina 24 Nov 2006, 07:46 PM أنا مش شايفاها مجنونة يا رحمة
فكرة المحلات دى هى اللى جت فى بالى
مقابل نسبة من الأرباح ليهم لأنهم هيعرضوا حاجتنا عندهم
ولو الحاجات اتباعت هما اللى هيبقوا عايزين يشتروا
بس الدعايا تبقى الاول علينا فى كل مكان
aida kilany 24 Nov 2006, 11:10 PM أنا شايفة غن الدعاية امتحركة أفضل حل يعني كل بنت مننا تشتري سدال وكل واحدة فينا تصلي الجمعة في مكان علشان تبقي دعاية متنقله
ra7ooom 25 Nov 2006, 12:33 AM أنا شايفة غن الدعاية امتحركة أفضل حل يعني كل بنت مننا تشتري سدال وكل واحدة فينا تصلي الجمعة في مكان علشان تبقي دعاية متنقله
يسلااااااااااااااااااااااااااااااااااااااااااااااا اااااااااااااااااااااااااااام .... هوه إنتي بتنزلي تصلي بالسدال ...:ahmed(1): بتطلعي بيه بره البيت أصلا :ahmed(1): !!!!!!
نورالصباحy 26 Nov 2006, 11:48 PM السلام عليكم ورحمة الله وبركاتة
والله انا عندى فكرة ممكن كتابة اسم المشغل وعنوانة
على كتيب اذكار الصباح والمساء وتوزيعة فى الجامع اثناء صلاة الجمعة او اى يوم
يوجد بة تجمع نسائى كبير ودة بيكون دعاية وثواب فى نفس الوقت
وجزاكم الله كل خير
المدرسه المحمديه 27 Nov 2006, 04:05 PM والله ياجماعه أنا عندى حل حلو انشاء الله هعلنه لما يتم ولكن أدعو الله أن ييسر لى كل عسير أدعوا باخلاص وأنا لدى ثقه فى الله أن يتم هذا الموضوع ونفرح ببيع منتجاتنا وبالذات عايده أدعى بضمير 0
مروه-التعليم 28 Nov 2006, 11:54 PM وانا بضيف على فكره نور الصباح (ماما) 1- ان ممكن تكون بدل الاذكار كمان نتائج صغيره
لسنه 2007 مثلا ويطبع عليها الاعلان المناسب لجذب الناس
2-يمكن توزيع هدايا مثلا كاقلام مطبوع عليها الاعلان كوسيله جذب
3-يمكن توزيع اعلانات تتضمن خصم لحامل هذا الاعلان
4- وهى فكره مجنونه جدا بس احنا لازم ننفرد بافكار تميزنا
وهى ان نرفق بالاعلان عينات كاسدالت مفصله فعلا ولكن بحجم صغير جدا
مما يجذب الناس ويوضح القدره الجيده والتمكن فى الانتاج
ولو سمحتم مش عايزه تريقه بالذات على رقم 4:ahmed8:
وجزاكم الله كل خير ووفقكم الى الصواب
أختكم فى الله مروه:00000005: :00000005:
هذا بلاغٌ للناس 29 Nov 2006, 07:50 AM عاوزين افكار من غير مجاملة اشربوا بقى
1- تغيروا الوان الاسدالات المعفنة اللي الناس مصرة عليها و هاتوا الوان جيدة او خلوه سادة
2- تعرفوا من البنات ايه أكثر حاجة بتضايقهم في الاسدال و تعالجوها
3- تعملوا مسح للسوق و تعرفوا الدنيا ناقصها ايه
4-قبل دة كله لازم يبقالكم علامة مميزة عشان لما الأفكار تتسرق يبقى ليكم السبق
5- بعد ما تعملوا منتج محترم مختلف تكلموا جمعيات صناع حياة تانية بتنتج بردة انتم تسوقولهم في اسماعيلية و هم يسوقولكم عندهم (زقازيق-اسكندرية-معادي)
6- الأطفال محتاج صرف تشتروا كتالوجات 2006 و 2007 و تعرفوا ايه الجديد و تسبقوه او تمشوا مع الجديد
7- تشوفولكم مدرسة تتفقوا معاها ع الزي بتاعها
8- تشوفولكم حضانات و تعملولها زي
9- تشوفولكم مطاعم تعملولها زي موحد
10- الملايات تبطلوا الوان معفنة
11- ركزوا على نوع واحد اطفال او عادي او عرايس من الملايات
12- تعملوا عصف ذهني مرة واحدة لله بقىىىىىىىىىىىىى
13- كلموا محمد نجم عشان الميداليات بتاعة المفاتيح و اعملولكم واحدة جديدة بشكل شعار الحج مثلاً هوة هيوصلكم للراجل
اتعلموها بقى :436: :436: :436: :436: :436:
dissy 10 Dec 2006, 06:02 PM السلام عليكم ورحمه الله وبركاته
والله كلامك ياخ هانى مظبوط وانا قبل كده قولت لمحمد حسام تعالى نقعد ونتفق وانا ممكن اروح المشغل ونشوف مشاكله
بحكم انا ليا خبره فى مجال الملابس وخصوصا الحريمى ونقدر نعمل اعاده تاهيل للمشغل ده ونشوف منتجاتنا نطورها ونضيف منتجات جديده
ياريت بقى نتحرك فعليا
businessman 15 Dec 2006, 11:42 PM السلام عليكم ورحمة الله
انا عندي مشروع حلو وارباحه جميلة جدا
ويكاد لا يكون فيه جهد ولا وقت
مش سحر ولا حاجة
بس فعلا انا بدأت فيه والحمد لله بقطف الثمار
وانا علي استعداد تام لمساعدتكم واقامة المشروع
علي فكرة المشروع فكرته تقوم علي رأس المال والارباح الآتية منه
وليس علي الافراد
وكمان ليه هدف سامي جدا جدا جدا
ايميلي
businessman5154140 @ yahoo . com
وانا في الخدمة
اخوكم عمرو
w.mahdy 16 Dec 2006, 10:57 AM السلا م عليكم ورحمة الله وبركاته : اهلا وسهلا اخى عمرو ومرحب بيك معانا وعايزين نتعرف عليك اكتر وعلى مشروعك السحرى كمان .
اخوك وليد مهدى
محمدحسام 16 Dec 2006, 02:09 PM ياريت يا اخ عمرو تتواصل معانا
وجزاك الله خيرا
لينصرن الله من ينصره 28 Dec 2006, 08:17 PM انا كنت اقترحت قبل كده فكرة مشروع اعتقد انه وقعى وهو بختصار
اولا
عندنا فى لجنة التعليم بنات كتير ماشاء الله مدربين كويس على الاعمال اليدويه ممكن نستغلهم فى انتاج بعض المنتجات وافتكر انهم معندهمش اى مانع احنا نجبلهم الخمات وهما ينتجوا واسمحولى انا اول المشركين معاكم من لجنة التعليم
وممكن نبداء بالمنتجات الى مطلوبه الايام دى ذى
المحافظ والشنط الحريمى والمقالم والدوسيهات مع بداية الترم الجاى هتبقى مطلوبه قوى
وممكن كمان البرويز المخلفه من برويز المريان والزجاج وكمان دبابس السراميك
وكمان الهدايه هتبقى مطلوبه جداجدا قبل عيد الام يعنى نعمل شوية قلوب فيبر مع شوية خدديات مكتوب عليها امى الحبيبى وكل سنه وانتى طيبا ياماما يعنى نتمشى مع احتياجات السوق
وكمان ياجماعه التغليف النهائى للانتاج مهم جدا جدا
يعنى نحاول نستغل الى يقدرو يعملولنا تصميمات للاغلفة الهدايه المختلفه
وانا شيفه ان من الممكن نعمل دوره تدربيه على المنتدى علشان الكل يقدر يشارك معانا فى الانتاج بنات وشباب واحنا عندنا فى اللجنه CD لكل منتج طريقه عمله خطوه خطوه بالصوره
اما بالنسبه لموضوع التسويق فانا عندى كام اقتراح
اولا
ممكن كل واحد مننا يحاول ياخد عينه من منتج ويكون متغلف كويس ويعرضه على المحلات القريبه منه فى المنتقه
وعلى فاكره احنا جربنا الطريقه دى وتلات محلات عجبها انتاجنا وطلبو مننا شغل
ممكن بجهز فريق من البائعه المتجولون بالمدارس والوظائف الحكوميه وده على فاكره بيحصل كتير جدا انا والله شفتو كذا مره فى كذه مدرسه وكمان فى الجامعه الجديده و المحافظه وحى تانى وعندى الطب البطرى ومش فاكره فين تانى بصراحه
المهم الى انا قصداه اننا مش لزم نعمل ذى اليابانين وننزل البيوت لان فى ممننا كتير بيشتغلو فى اماكن حكوميه مختلفه ومدرسين فى بعض المدارس
ممكن نستغلهم فى التسويق وانا هرفع المبدره دى واسمحولى اعرضلكم كل المنتجات الى تنفع تتباع عند بتنا احنا عندنا سوبر ماركت تحت امر الجميع
وكمان ممكن نعرض فى بعض المعارض ذى معرض المنتزه كان موفقين على عرض انتاجنا عندهم ونادى السلام ولو دورنا هنلقى اكتر بكتير
واخيرا
انا كان حلمى اننا نعمل اعلان كده فى ورقتين تلاته ذى مجله يعنى تكون فيها نموذج من كل منتج من انتاجنا وكل واحد يوزعها على الى يعرفه
وكمان دى ممكن تساعد كتير الى هينزلو المحلات لعرض انتاجنا
ذى كده وايفون وايفون
ولو ده هيسبب مشاكل ممكن نعمله تحت اسم اى جمعيه
وكمان ممكن نعمل دوره انتاجيه للاعمال اليدويه
نعلن عن بداء دوره انتاجيه لمدة شهر بمعدل يومين فقط فى الاسبوع
والدوره دى بختصار هنعلم فيها الاعضاء انتاج المنتج فى مقابل انه ينتج لنا منتج مما تم تدريبه عليه من اجل لجنة المشروعات الصغيره ويتم فى نهاية الدوره جمع المنتجات وعرضها فى احدى المعرض او على محلات الهديه
محمدحسام 29 Dec 2006, 11:07 AM جميلة اوي كل الافكار اللي جت ربنا يتقبل منكم ولسه عايزين افكار تاني
mohamedel-sayed 02 Jan 2007, 04:33 PM احنا ممكن نكتب معلومات عن الموضوع في موقع صناع الحياة , ومع الحافز الي انت مقدمه هتلاقي1000000000000000000000فكرة.
ريهام عثمان 29 Jun 2007, 10:51 PM :confused:
|