احنا المرة دي مش هندخل نقول ايه اللي حصل في اليوم زي كل مرة


المرة دي مختلفة جدا


انتو اللي هتدخلوا وتقولوا ايه رايكم بصراحة في اليوم انهارده يوم اطفال مرضى السكر


ارجو يا جماعة تدخلوا وتشاركوا معانا بايجابية وتقولوا رايكم بصراحة جدا لان رايكم بجد


هيفيدنا جدا لاننا كلنا فريق واحد ومصلحتنا واحدة

السلام عليكم ورحمة الله وبركاته
بجد اليوم كان حلو جدا جدا ...والصراحة انا انبسطت جدا مع الاطفال .وشكلى همسك فقرة المراجيح كل مرة....بجد كانت جميلة اوى...بس الحفلة هى اللى فيها حاجات كدا معجبتنيش ..بس نعمل ايه بقى ..مش بايدينا ....اخر حاجة اليوم كان قصيراوى ..ربنا يجزيكم كل خير ويجعله فى ميزان حسناتكم..

السلام عليكم ورحمة الله وبركاته



أنا أحب أكتب وبكل صراحة إنه اليوم كان مش من المتوقع بالنسبة لي خالص :no: :no: :no:
كل اللي كنا عارفينه ومظبطينه إننا هنعمل يوم أطفال عادي لو تخللته فقرات لهذا الذي يسمى ..... :icon28:
عشان يظهر نفسه باي شكل لكن قدر الله وما شاء فعل إنه اليوم يتقلب رأساً على عقب بدل ما يكون الأطفال
في كلاس 3 طلعوا كوووولهم عند المنصة عند الـ .... والحمد لله فضي كلاس 3 وكإنه محجوز للجان الفريق
كل لجنة واخدين ركن وبيناقشوا المشاكل بتاعت لجانهم وخطط اللجان وغيره .... الحمد لله الحمد لله :ahmed52:
بأحمد الله على اليوم أنا فعلاً راجع مبسوط كتييير من اليوم إنه الفريق إجتمع كدة ولأول مرة خارج جمعيتنا المعهودة :shiny:
الواحد عامل حسابه إن اليوم هيكون للأطفال سبحان مغير الأحوال ولا كإننا نعرف الأطفال وأنا سيبت الليستة
وخلينا إحنا مع نفسنا أحسن منحطش نفسنا في اللي ملناش فيه ودة تحذير لنا من ربنا عز وجل إننا اليوم
مكنش بتاعنا خالص بس جينا لكن ربنا سبحانه وتعالى علشان يرفع الحرج عنا خلانا نجتمع كولنا
على شغل الفريق وعلى اجتماع كل لجنة بأعضائها ..... اللهم لك الحمد وتقبل منا ياربنا


لسة باقي شوية بس لما دماغي ترجع لي تاني عشان مصدع بجد :bigsmile: :bigsmile:

كان نفسي أكون معاكوا :no:.......
لكن الحمد لله ........
يارب بس يكون اليوم جميل .......
وربنا يجعله في ميزان حسناتكوا ياااااااااااااااااااااااااااااااارب ........

بسم الله والصلاة والسلام علي خير خلق الله
حقيقي أحلي حاجة في اليوم تجمع هذا الكم من الفريق مع ترمس الشاي وكيكة اختنا سماح سمك (الحاجة الوحيدة اللي اكلتها مع ساندوتش فول سلف من آل زيدان فعلا خلق الإيثار ضاع بين الناس مش ممكن تخيلوا انا مجودة علي تربيزة فيها كل السندوتشات الكفتة والكباب ويوم ما عزوموا عليه عزموا عليه بكنز شويبس ماحدش قدر يقول اتفضلي ساندوتش كفتة واللي عزم عزم بساندوتش مش بتاعه) ما علينا ديما لما بكون موجودة وسط الفريق وبتحصل مناقشات سواء في أمور متعلقة بالفريق او امور عامة بفتكر الحكمة اللي بتقول لأن تكون عضوا في جماعة الأسود خير لك من ان تكون قائدا علي جماعة من النعاج طبعا ربنا يعزكم كلكم أسود عقول ماشاء الله عليكم بس نصيحة في أذن كل واحد واحدة استخدم عقلك وفكرك في النهوض بالفريق مش بالسخط عليه!!!!!!!!!
بصراحة يكفيكم كلمة أخوكم نادر وهو ماسك كيس في منتهي الشياكه الكيس لوحده ثمنه مش هايقل عن خمسة جنية غير الهدية اللي جوا وساندوتشات اللحمة البارده وهو قاعد بمنتهي الثقة علي الكرسي وبيقول إيه اليوم التعبان ده احنا عاوزين يوم من أيامكم الحلوة....
يارب ديما أيمنا حلوة وفي طاعة الرحمن ومتجمعين علي الخير يا صحبة الخير

كاااااااان نفسي اكون معاكوا
ان شاء الله المرة الجاية في يوم بتاعنا احنا
ربنا يجازيكم خيييير جميعا

يا رب يجمعكم ديما على ..الحب .. والصراحه..
:rose67: