لكل صناع الاسماعيليه [الأرشيف] - منتديات بشرة خير ( صناع الحياة بالاسماعيلية )


منتديات بشرة خير ( صناع الحياة بالاسماعيلية ) > المنتديات العامة > المنتدى العام > لكل صناع الاسماعيليه المساعد الشخصي الرقمي مشاهدة النسخة كاملة : لكل صناع الاسماعيليه نجلاء فتحي 25 Nov 2006, 03:52 PM السلام عليكم و رحمه الله و بركاته ايه يا جماعه مش ناوين تروحوا زياره لاخوانا الفلسطينين ضحايا مجزره بيت حانون و اختنا رميصاء انا عارفه إن الناس بتجمع تبرعات بس و الله يا جماعه الزياره اهم و بعدين مش صناع اسماعيليه اللي يفوتهم حاجه زي دي انا حقولكم صور بسيطه من اللي شوفته هناك و إن شاء الله حتقرروا انكم تروحوا يالا يا جماعه عشان أجي معاكم نفسي أروح تاني نجلاء فتحي 25 Nov 2006, 03:53 PM انهرده يوم الحمد و الله يا جماعه اللي مرحش لاخوانا الفلسطينين و اختنا رميصاء هو اللي خسران خسران إحساس ربنا مايحرمش حد منه يارب نجلاء فتحي 25 Nov 2006, 03:54 PM ضحايا مجزره بيت حانون المكان معهد ناصر الدور الرابع الغرفه 420 اول ما تدخل تلاقي محمد تقريبا 22 سنه وجهه ملائكي محمد عنده اصابه في عنيه عمليه في بطنه كلها اصابه في ايده كل ده عادي بس اللي مش عادي احساسك لما تشوفه ايه عزه النفس و ايه الحياء ده يخليك تنكسف من نفسك قدام ربنا يارب سامحنا في تقصيرنا نجلاء فتحي 25 Nov 2006, 03:55 PM الدور الرابع الغرفه 408 و المفاجاه هبه تقريبا 20 سنه الاصابه كسر من اول الحوض و رجليها واحده مش بتتحرك و التانيه شيلين منها حتت و بدأت تحركها عارفين الاصابه من ايه هبه فكت حصار 73 فلسطيني و جزائها انضربت بصاروخ طيرها 10 متر هبه بطله و فدائيه انت ايه محدش حيحس بالكلام ده الا اللي يشوف هبه نجلاء فتحي 25 Nov 2006, 03:56 PM الحالات كتييييييييييير و الاصابات اخطر الاطفال حمزه 10 سنين اصابه في الرئتين يا حبيبي مش عارف ياخد نفسه خااااالص موسي 7 سنين شاظيه في رقابته بس يا حبيبي مش عايز يكلم حد خالص كل مايشوف حد يغطي وشه عشان شكله طارق 11 سنه زرع نخاع بس قمر و لذيذ كده عبدالله 6 سنين حبيب قلبي ده قمر قمر و الله يا جماعه بس تعبلي قلبي خااااااالص و يتعب قلب اي حد يشوفه مش حقولكم إصابته الا لما تشوفوه حسبنا الله و نعمه الوكيل انهرده فعلا يوم الحمد و الشكر اللهم لك الحمد كما ينبغي لجلال و جهك و عظيم سلطانك نجلاء فتحي 25 Nov 2006, 03:57 PM و المفاجأه نجلاء فتحي 25 Nov 2006, 03:59 PM المعادي الدور الرابع الغرفه 405 تدخل تلاقي ملاك نايم الرميصاء بجد يا جماعه بسكوته ايه ده 15 سنه و ايه الايمانيات العليا دي انا مش حقدر اوصفلكم حالتها البنت يا حببتي بقت فرحانه و كل اللي يدخل تقوله اكتبلي الايميل و التليفون و سبحان الله البنت حركت ايدها بعد 20 يوم و الدكاتره كانوا بيقولوا بعد 6 شهور علي الاقل اقل حاجه ممكن نعملها لاختنا الدعاء و التبرع اللهم اشفها و انت الشافي يارب نجلاء فتحي 25 Nov 2006, 04:01 PM يالا يا جماعه عايزين الناس كلها تقول إحنا رايحين إن شاء الله و نجدد نوايانا يالا بقي عشان أجي معاكم نجلاء فتحي 25 Nov 2006, 04:17 PM أنا أسفه خالص إني طولت عليكم سبحانك اللهم و بحمدك أشهد ان لا إله إلا انت استغفرك و اتوب اليك Dr Amira84 25 Nov 2006, 05:05 PM جزاكى الله خيرا اختى نجلاءوربنا يجعل زيارتك دى فى ميزان حسناتك انا نفسى بجد اروح ازورهم بس مش عارفه اروح ازاى وفى حد رايح تانى ولا لا وبعدين كمان اليومين دول انا مشغوله جدا فى المذاكره عشان عندى امتحانات بعد اسبوعين ادعيلى ربنا يوفقنى ياريت يا اختى لو عرفتى ان فى زياره قريبه ليهم تعلنى عنها فى المنتدى ((يسلام لو بعد اسبوعين))ولو مفيش ممكن ننظم احنا زياره ليهم وفى اقرب فرصه علشان ناخد ثواب انا نفسى بجد اقابل حد من ابطال فلسطين دول بس مش عارفه الواحد حيقدر يستحمل يشوفهم كده قدام عينيه ربنا يشفيهم وينصرهم ويرزقهم الفردوس الاعلى باذن الله وربنا يجازيكى خير the_tolerant 25 Nov 2006, 06:52 PM السلام عليكم و رحمة الله و بركاته أختنا الفاضلة أ / نجلاء ربنا يبارك فى حضرتك مع كل سطر فى مشاركة حضرتك أدرك ما فاتنا إن شاء الله نرتب زيارة قريبا جدا جزاكم الله خيرا السلام عليكم و رحمة الله و بركاته islamic girl 25 Nov 2006, 09:30 PM أختى الحبيبه نجلاء..يا بختك بجد أنك رحتى.. حتى لو كان ما رأيتيه قمه الالم.. لكن كفايه أنك عملتى حاجه.. و مش حاسه أنك قاعده عاجزه هنا.. و أوجه كلامى لصناع الإسماعيليه.. أنا أستأذنت ماما ..و قالت لى لو عملنا رحله لهم بأذن الله.. حروح.. لأن بجد.. أنا متأكده.. أن ما سنشعر به هناك.. لا يمكن أن يصفه احد.. ياريت بجد يا جماعه تنظمو رحله.. ياريت.. ra7ooom 25 Nov 2006, 09:35 PM بجد بجد بأه .... أنا نفسي أرووووووووووووووووووووووووووووووووووووووح ..:ahmed26: .. اتصرفوا ..... شوفوا حـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــل .....:ahmed24: هذا بلاغٌ للناس 25 Nov 2006, 09:47 PM السلام عليكم و رحمة الله و بركاته جزاكم الله خيراً يا نجلاء على كلامك الهايل و يا حسرة قلبي عليكم يا صناع اسماعيلية إتأخرتم خطوة ربناما يأخركم دنيا و لا آخرة عارفين احكيلكم حكايةبسرعةلأن الساعةواحدة الا ثلث و لازم انام بس مش هعرفانام من غيرما اقولكم سيدنا سهيل بن عمرو و اثنين من اشراف قريش كانوا واقفين على باب سيدنا عمر بن الخطاب و جايين يقابلوه و جنبهم سيدنا عماربنياسر و سيدنابلال و سيدنا صهيب فلما أخبروا سيدنا عمر قال أدخلوا بلالا و صهيبا و عمارا فوجد سادات قريش في نفسهم يدخلهم قبلنا و نحن الأشراف فقال سيدناسهيل كلمة تهز الجبال أتحزنون أنه أدخلهم دعوا الى الإسلام و دعيتم فأجابوا و تباطأتم و إن الله لا يساوي بين من أسرع إليه و من أبطأ عليه يااااااااااااااااااااااااه يا صناع اسماعيلية أبطأتم على أنفسكم قال رسول الله صلى الله عليه و سلم يا ذا الجوشن هل لك إلى أن تكون من الأوائل ؟؟؟؟؟ قبلوا رأس كل من تزوروه و قولوا رسالة مني للرميصاء أمانة في عنق من يزورها يقول لك أخوكي هاني حسام (هذا بلاغٌ للناس) إذا أحب اللهعبداً ابتلاه و أنه يقول لك و دموعه ملأ عينيه أنه سمع حديثاً قدسياً معناه "أن الله قال اذا ابتليت عبدي بمرض فصبر و رضي استحييت أن أحاسبه يوم القيامة" اصبري و ارضي و ادعي لنا بالهداية و الرضا أخيراً لكم والله إن الله لا يساوي بين من أسرع إليه و من أبطأعليه أرجوا منكم أن تسألوا لو يجوز أن تكون هذه السفرية فقط بلا محرم كضرورة مؤازرة اخواننا من فلسطين و اليمن ؟؟؟ و الا فهل لي أن أطلب تجاوزا هذه المرة لو ليس فيه اخلال بالنظام فالأمر و الحدث والله جلل و ليس بالهين اللهم اقبضنا اليك لا ضالين و لا مضلين ra7ooom 25 Nov 2006, 10:01 PM و يا حسرة قلبي عليكم يا صناع اسماعيلية إتأخرتم خطوة ربناما يأخركم دنيا و لا آخرة و إن الله لا يساوي بين من أسرع إليه و من أبطأ عليه يااااااااااااااااااااااااه يا صناع اسماعيلية أبطأتم على أنفسكم بجد بجد الكلمة دي خلتني أعيط أوي ... يارب متبقاش دي أخرتنا أوي في دخول الجنة ... يارب ... أرجوا منكم أن تسألوا لو يجوز أن تكون هذه السفرية فقط بلا محرم كضرورة مؤازرة اخواننا من فلسطين و اليمن ؟؟؟ و الا فهل لي أن أطلب تجاوزا هذه المرة لو ليس فيه اخلال بالنظام فالأمر و الحدث والله جلل و ليس بالهين أنا موافقة على الفكرة دي و بضم صوتي لصوت حضرتك .... رغم إني مشغولة جدا الفترة دي لكن لو رحتوا إن شاء الله هآجي معاكوا ... الحاجات دي تتأجل أو تتزنق شوية ... لكن الأجر ده كله مش هتنازل عنه ..... ra7ooom 25 Nov 2006, 10:56 PM أنا بسحب كلامي لأنه واضح إنه عمل مشاكل .... و شكرا ياعايدة إنك كتبتي الكلام ده بدل ما نفضل نتكلم و الموضوع منتهي أصلا .... aida kilany 25 Nov 2006, 11:08 PM السلام عليكم ورحمة الله وبركاته أختي العزيزة رحمة ولا مشاكل وولا حاجة بس في ثوابت لازم تتوضح لأن في ناس معانا هنا مش هاتكون عارفة أصل القصة ايه وربنا ما يجيب مشاكل نجلاء فتحي 26 Nov 2006, 06:32 AM السلام عليكم هو الظاهر إني أتسببت في مشكله هو أنا كان نفسي الناس كلها تحس اللي الواحد حسه هناك و علي فكره كل واحد لو عايز يسافر بمحرم حيسافر أنا مش قصدي حاجه طبعا بس إحنا تقريبا بقالنا 3سنين في المواضيع دي و عارفين إن كل مشكله و ليها حل ربنا يقدر لكم الخير و تسافروا هذا بلاغٌ للناس 26 Nov 2006, 07:33 AM أختي نجلاء أبداً والله ما عملتي مشكلة بس المشكلة اننا اتأخرنا على الثواب و كلامك نقلنا الاحساس كما شعرتي به و أحزنني علينا:ahmed26: :ahmed26: :ahmed24: :ahmed24: :ahmed24(1): :ahmed24(1): أختي رحمة الكل من حقه يعرض رأيه و يناقشه مع مجلس الإدارة في أي وقت و هم مجبرين يسمعوا و اللي مالوش مرارة يسيب مجلس الادارة و يا انا يا السفارة في قلب العمارة :ahl--: :ahl--: أختي عايدة الله يفتح عليكي و يباركلك ردك غاية في الروعة أما موضوع الثوابت فأنا قلت اسأله هوة مش السؤال من الثوابت و لا انا غلطان:ahmed8: :ahmed8: :ahmed8: :436: :436: و قلت لو اتقال لأ ساعتها لو ممكن تتجاوزوا بس أنا قدمت السؤال على التجاوز و موضوع الثوابت لو حد غير رشا حب يتطوع لوضع قواعد و ضوابط المرجعية (اللي أكيد هتنطبق على مرجعيتنا الكريمة) بس هتدخل شيوخ ثانية جوة الموضوع فليتطوع و نسمع منه و نناقش (موضوع المرجعية مش وحي يعني قابل للنقاش و التعديل) و الأهم ما تحولوش الموضوع إن الله لا يساوي بين من أسرع إليه و من أبطأ عليه هذا بلاغٌ للناس 26 Nov 2006, 07:56 AM بس سؤال يا عايدة أنت كنت بتكتبي المشوار دة بعد نص ساعة جري و لا كنت لسة متخانقة مع حد و لا هو بس جر شكل :ahmed(1): :ahmed(1): :ahmed(1): :ahmed(1): قال صلى الله عليه و سلم "ما كان اللين في شيءٍ إلا زانه و ما انتزع من شيءٍ الا شانه" بشويش يا ليدر و كانوا بيتريقوا علي حسبي الله و نعم الوكيل aida kilany 26 Nov 2006, 12:24 PM السلام عليكم ورحمة الله وبركاته نوجه ولا مشكلة ولا حاجة كل الموضوع اني كنت بذكر الناس بس مافيش مشاكل إحنا كلنا إخوات وجزاكي الله خيرا الموضوع من كتر ما آثر فينا انا حكيته لزميلي في الشغل ولبابا في البيت علشان أول للناس اننا قليلين أوي أوي ومابنعملش حاجة من أساسة ربنا يعزك أختاه طبعا مش هاوجه كلام لرحمة اختي لأننا كنا لسه مع بعض من شوية واحنا فاهمين كويس أوي ان القاواعد بتمشي علي الكل ومابنقدرش نغير فيها يني ان شاء الله لما السفرية تتحدد لو ماتوفرش محرم ليه مش هسافر طبعا هاينقصني كتير اللي شاف غير اللي سمع بس إن شاء اله يكون كده منعني العذر وأخد الثواب(طبعا أي حد مش أنا بس) الحاج هاني حسام أولا ياعم الحاج مشاركتك الأخيرة فطستني من الضحك ربنا يكرمك انا بس كنت بذكركم بحاجة وعلي فكرة انا لا كان قصدي هاني ولا رحمة كل قصدي الناس الجديدة اللي ممكن تكون ما سمعتش حاجة عن موضوع المرجعية قلت بس أذكرهم ولو الكلام كان شديد شوية معلش أعذروني ربنا يكرمكم ومن ناحية اننا تباطأنا اعترف بذلك ومن ناحية انهم كانوا بيترقوا عليك أكيد دلوقتي بيصبروا نفسهم ان ربنا جعلني سبب لتكفير سيئتهم جزاكم الله خيرا نجلاء فتحي 26 Nov 2006, 02:26 PM الهدوء :ahmed22: الهدوء يا اسمعلاويه لا تروحوا ولا تيجوا :51: احنا نعرض علي الناس يجوا يتعالجوا عندكم :ahl--: ولا علي ايه احنا نخطف المرضا و نجبهملكم:436: :436: و حنقولولهم انهم مش حيتأخروا ولا تزعلوا نفسكم ههههه انا بهزر و الله :ahmed1: ربنا يقدر اللي في الخير نجلاء فتحي 27 Nov 2006, 08:51 PM مبروك علي الزياره ربنا يجعله في ميزان حسناتكم يا رب ناس مش بتيجي غير بالعين الحمرا هههههههه e_sa 27 Dec 2006, 01:32 AM محتاجين تنظيم جاد للزيارة بس مين هيقوم بها the_tolerant 27 Dec 2006, 07:08 AM محتاجين تنظيم جاد للزيارة بس مين هيقوم بها :bism: السلام عليكم و رحمة الله و بركاته أخونا الفاضل Abdallh أولا أهلا بحضرتك عضوا جديدا على منتدانا :sm128: ثانيا جزاكم الله خيرا على إيجابيتك و رغبتك فى القيام بالزيارة الحقيقة الصفحة دى قديمة نسبيا على المنتدى الحمد لله تم تنظيم زيارتان حتى الأن لزيارة الرميصاء و أخوتنا الفلسطينيين ضحايا بيت حانون و لو ربنا كرمنا بزيارة كمان هتبقى نعمة كبيرة لكن دلوقتى مش هينفع لاننا فى وقت إمتحانات و غالبية الأعضاء طلبة فى جامعات و مدارس حضرتك ممكن تطلع على تفاصيل الزيارة الأولى على الرابط التالى http://www.boshretkhair.com/vb/showthread.php?t=428 إعلان الزيارة الثانية بدون تفاصيل على الرابط التالى http://www.boshretkhair.com/vb/showthread.php?t=460 لا تنسنا من صالح دعائك السلام عليكم و رحمة الله و بركاته dr_asa 27 Dec 2006, 02:40 PM الحمد لله المدير العام قال الى كان نفسى اقولة

vBulletin® v3.8.7, Copyright ©2000-2012, TranZ by smaahost.com