مشاهدة النسخة كاملة : كنا نداعب الملائكة اليوم في يوم الميت طفل
محمدحسام 01 Dec 2006, 08:36 PM بسم الله والصلاة والسلام على رسول الله صلى الله عليه وسلم
اخوتي في الله السلام عليكم ورحوة الله وبركاته
بارك الله فيكم انا مش قادر اوصف فرحتي النهارده بس الفرح من حاجات كثير
1 - فرحة الأطفال النهارده وهما بيقولوا الجمعة الجاية في تاني يا عمو.
2- حضن كبير من احد الأطفال لأحد افراد الفريق وهو ماشي في اخر اليوم
3- فرحتي الكبيرة بأستاذة رشا زيدان وأستاذة ولاء وأسامة لأنو بصراحة التنظيم كان هايل جدا لا تعقيب وربنا يتقبل منهم.
4 - فرحتي بعلاقات البنات مع الأطفال .
5 - فرحتي بالكفته ( ما أقدرش أنكر كنت هعيط من الفرح
والله والله انا جت عليا فترة حسيت بسكينة جميلةفي المكان انشاء الله الملائكة كانت في المكان
انا اسف اني انا اللي كتبت الموضوع ده ومش حد من اللجنة الاجتماعية بس انا مااقدرتش انام من غير مااكتب على اليوم
ولسة ياصناع والله انشاء الله الجاي احسن واجمل (بحبكم في الله (للرجال فقط ) والبنات بحب لمتكم في الله مع بعض ) وربنا المستعان انشاء الله هييجي اليوم اللي نقول فيه 1000طفل في الاسماعيلية ) :ahmed29:
نجلاء فتحي 01 Dec 2006, 08:40 PM استاذ محمد ربنا يكرمكم
و يجعله في ميزان حسناتكم
و يوم الالف طفل يكون قريب
بإذن الله تعالي
و ربنا يجمعكم دايما علي طاعه
محمدحسام 01 Dec 2006, 08:57 PM جزاكم الله خيرا با استاذة نجلاء وربنا يكرمنا جميعا بالاخلاص وربنا معاكم ويقويكم
the_tolerant 01 Dec 2006, 09:01 PM السلام عليكم و رحمة الله و بركاته
جزاكم الله خيرا يا محمد على العنوان الجميل للموضوع
الحقيقة أنا مشيت فى نصف اليوم و أنا متضرر بس كان ورايا حاجة مهمة
بس الوقت اللى قضيته كان جميل جدا جدا
شكرا لـ أ/ رشا زيدان و أ/ ولاء وأسامة
التنظيم جميل بجد
جزاكم الله على إدخال السرور على قلوبنا و قلوب الأطفال
و يجعله فى ميزان حسناتكم
السلام عليكم و رحمة الله و بركاته
dissy 01 Dec 2006, 09:42 PM بسم الله والصلاه والسلام على رسول الله سيدنا محمد معلم الجيال عليه افضل الصلاه والسلام
مش عارف اقول ايه ولا ابدا بايه يامحمد ياحسام والله مش لاقى كلام ممكن يعبر عن مدى سعادتى فى اليوم ده
انا شايفه يوم من اجمل الايام والله على المستوى الشخصى عمرى ما هنساه والله ياجماعه
يوم جمييل اوى بجد ورائع وتنظيم هايل يحسب لاخواتنا جميعا استاذه رشا واستاذه ولاء واسامه محمدى
مش كده وبس انا كمان عايز اهنى كل الناس اللى شاركت لانهم فعلا شاركوا فى اليوم لانهم فعلا شاركوا فى صنع النجاح ده
واعتقد ان كل الناس ماشيه مبسوطه الاطفال ماشيين فرحانين اوى وهما بيسلموا علينا واحنا مبسطويين اوى باليوم يارب تقبل منا بقى تقبل منا ولو حتى ابتسامه طفل واحده هى اللى تشفعلنا كلنا يوم الحساب وندخل بيها الجنه بقى
احلى ما فى الكون بجد ابتسامه طفل برىء ابتسامه صافيه من قلبه احنا ساعدنا ولو بقدر قليل اننا نرسمها كده
فرحه مفيش بعدها فرحه والله
هنوا انفسكم وادعوا الله ان يثبتنا جميعا على افعالنا اللهم استخدمنا ولا تسبدلنا ياااارب
والسلام عليكم ورحمه الله وبركاته
احمد محمدى
dr_asa 01 Dec 2006, 10:25 PM السلام عليكم ورحمة الله وبركاتة
جزا الله خيرا كل من كان سببا فى اخراج اليوم بهذا الشكل الاكثر من رائع
وكدة الحمد لله كان الاسبوع ده اجمل اسبوع عدى على لانى ختمتة بحاجتين زيارة القاهرة للروميصاء وضحايا بيت حانون ويوم 100 طفل والاطعام (تصدقوا طلعوا اربع حاجات ههههههههههه)
كده انام وانا مرتاح واوعدكم بوجود مفاجاه تشمل بعض الصور والفديو للزيارات السابقه بجانب خطبة البشمهندس محمد حسام فى مسجد مدرسة المنار
وربنا يتقبل منا جميعا
aida kilany 02 Dec 2006, 10:20 AM بسم الله الرحمن الرحيم
بصراحة يا جماعة اليوم امبارح كان أكتر من رائع انا كنت راجعة مبسوطة جدا جدا جدا حاسة اني طايرة في السماء حاسة ان ربنا جعلنا سبب إن شاء سبحانه عز وجل لإسعاد هؤلاء الأطفال
أول حاجة لما شفت الأطفال جايين ولبسين لبس العيد اللي ربنا أنعم علينا وجعلنا سبب في إننا نشتريه لهم حسسني بمعني كبير أوي كنا مفتقدينة ألا وهو التواصل علشان نوصل رسالة لازم نتابع الناس يعني لازم يبقي لينا عدد معين من الأسر والأطفال متبعينهم قريبين منهم وبفضل الله عز وجل ده اللي حصل معانا السنة دي من شنطة رمضان والإطعام اليومي ولبس العيد إلي يوم أمس بس طبعا يوم إمبارح حط علينا مسئولية كبيرة اوي أوي وخصوصا الثلاثي رشا وولاء وأسامة مش هانرضي بأقل من المستوي ده بديل مش مستوي اليوم مستوي أداء اللجنة الإجتماعية اللي انا بالله حسيت إمبارح ان ده هو حلمنا اللي كان من زمان ربنا يعزكم
تاني حاجة كانت موجودة امبارح وكنا مفتقدينها في أعمال كتير توزيع الأدوار واللإتزام به كل واحد ليه دور مركز فيه وبس انا ماسكة فريق كذا هو وبس ماليش دعوة ايه اللي بيحصل هناك وفي ناس هي اللي قائمة تلف علي الباقي تطمن علي سير الشغل عموما وأحلي حاجة اني تقريبا دي تاني مرة من ساعة ما مسكت الشغل في المجموعة اني اتكلف بدور محدد وماليش دعوة بالباقي وفعلا الحمد لله قعدت علي المسرح مع الأولاد نسمع القرآن ونقل أناشيد وبطلب من اللجنة لو يسمحوا لي إني أمسك الفقرة دي كل مرة علشان انا حاسة إننا ممكن نطور فيها كل مرة بجديد وإن شاء تسمعوا اناشيد من الأولاد أكتر من اللي سمعتوها المرة دي.
ارتباط الأولاد بمشرفات الفريق كان رائع وليه معني كبير وخصوصا أشهر قصة حب في الفريق ياسر صاحب العام الواحد وهند محسن ماكنش عاوز يركب الأتوبيس ويسبها.
تواجد بنات اللجان الأخري وخصوصا اللجنة الصحية د.لمياء وشركائها رنا يعزكن جميعا
أحلي مشهد شفته وانا وافقة علي المسرح في نهاية اليوم ولقيت أخونا أحمد مختار واقف بصندوق كوكاكولا بيوزع علي الأطفال الصغيرين ربنا يعزك يا أخي.
كنت بفرح أوي لما بلاقي كل شوية مرة أسامة ومرة رشا ومرة ولاء يعدوا عليه بالرغم إني كنت في حتة مهجورة مش قصدهم عاوزة تشربي محتاجة حاجة إيه الأخبار؟
بصراحة يوم جميييييييييييييييييييييييييل ربنا يديم علينا نعمه كلها ظاهرها وباطنها ويؤلف علي الحق قلوبنا .
ولا ننسي في دعائنا صاحبة الفضل في هذا اليوم بعد ربنا سبحانة عز وجل الحاجة خديجة التي لم تبخل علينا بشئ من إمكانيات مادية ومكانية ربنا يعزها ويزدها من فضلة ويرزقها ويرزقنا الإخلاص
dissy 02 Dec 2006, 02:56 PM بسم الله الرحمن الرحيم
طبعا بعد الكلام اللى قولناه على اليوم وجماله ومدى روعته احنا بقى عايزين نبدا نسمع تعليقات الناس اللى شاركت كلها ونسمع منهم احلى المواقف اللى حصلت فى اليوم ده وايه اكتر حاجه عجبتهم فى اليوم عشان نستفيد من اراء الجميع كمان عايزين نسمع لو حد كان شاف سلبيات فى اليوم برضه عشان نقدر نتلاشى اخطائنا فى الايام القدامه باذن الله
Rasha Zedan 03 Dec 2006, 06:33 PM :1syellow1: :ahmed24: بسم الله و الصلاة و السلام على رسول الله
و الله يا جماعة انا فعلا مش عارفة اقوا ايه بس كل اللى اقدر اقوله ان فضل ربنا كان علينا عظيم
, و انه انتوا كمان من اصحاب الفضل ان اليوم ده يظهر بالشكل اللى ظهر بيه
انتو كلكم شكرتونا انا و اسامة و ولاء مع انى ده شغلنا و واجبنا و "ولا شكر على واجب ولا ايييييييييييييييييه ؟؟ "
اسمحولى اشكر الحاجة خديجة على كل اللى عملتوا معاناو كمان الناس اللى شاركت فى اليوم ده و تعبت بجد امكن اكتر مننا
الباشمهندس وليد / انا عارفة قدر المعاناة اللى شفتها فى الصحراء اللى كنت قاعد فيها طول اليوم و ربنا يجعله فى ميزان حسناتك:ahmed8: :ahmed8:
أ/ محمدى و البلالين " كان طول اليوم ينفخ فى بلالين لما حسيت انه خلاص الرئتين عنده اشتكوا .:ahmed26: :ahmed24:
ا/ سيد عاشور كان المسئول عن لعبة الحواجز " جزاك الله خيرا "
الباشمهندس محمد حسام / لعبت كرة قدم لسنة قدام و طبعا انت ممكن دلوقتى تدخل بطولة فى لعبة السمكة و الصياد انت و استاذ ماجدى جمعة:1syellow1: :1syellow1:
:00000005: :00000005: عايدة كيلانى / " فقرة العرافة " عايزة اقولكوا يا جماعة ان عايدة فضلت قاعدة طول اليوم فوق المسرح بتحفظ الاطفال قرآن و اناشيد " خلاص يا عايدة الفقرة دى بقت بتاعتك خلاص " عشان تعرفى مش حرماكى من حاجة "
ا/ احمد مختار / و فريق على بن ابى طالب و بلاش اقول على المنتدى انت عملت ايه فى العيال " السور هه ":ahmed7:
البنات / هند محسن " و بطل فريقها عبد الرحمن المعجزة :51: :ahmed5(1): " و سارة يونس و علياء منير و مروة زيدان و فريق ابو بكر اكيد كلكوا عارفينه ده كان فريق مشهور اوى و بطله النجم اللامع " ثروت الشهير بكلاظة :ahmed6(1): " و عبير حامد " اوعى تعمليها تانى ماااااااااااااااااااااشى" و نغم طارق وهبه حامد و مى و اميرة و لمياء وضى و مريم و كل البنات اللى شاركت فى اليوم جزاكم الله خير الجزاء انا عارفة انتو تعبتوا اد ايه مع الفرق اللى كنتوا ماسكينها
و مش هنسى ابطال المطبخ ايمان و مروة و خلود و مروة ماجد
بالله يا جماعة اللى محضرش المرة دى فعلا يحاول يحضر المرة الجاية ان شاء الله و زى ما تفضل ا/ محمدى اى حد من الناس اللى حضرت عنده اى اقتراح او اى تعليق ياريت يبلغنا بيه علشان اللى جاى يكون افضل ان شاء الله
انا حاسة انى طولت جدا بس انا لو هحكى عن اليوم بجد مش هخلص دلوقتى خالص
بس شكر اخير / لسمية و نسرين و ا/ محمد خالد و ا/ ايمن و كل حدساهم فى نجاح هذا اليوم الجميل جداااااااااااااااااااااااااااا " اللى نسيته ميزعلش مااااشى .
dissy 03 Dec 2006, 07:09 PM بسم الله والصلاه والسلام على رسول الله
استاذه رشا زيدان بجد منوره المنتدى بمشاركتك الظريفه دى
وزى ما حضرتك قولتى فعلا احنا نشكر كل من ساهم فى صنع هذا اليوم ربنا هو اللى من علينا بفضله وفى الاخر طلع اليوم بالشكل الجميل ده
حضرتك واسامه محمدى والاستاذه ولاء كنتوا ابطال اليوم ده بجد
وفى بطله تانيه بجد عايز اقول عليها اكتر شخصيه تعبت فى اليوم ده عارفين مين هى
الاخت مروه زيدان ياجماعه كان معاها فريق ابو بكر الفريق ده كان فيه 8 اطفال وعلى راسهم الطفل المعجزه الهادى جدا الطيب جداااا ثروت الشهير بكلاظه:) مش عارف اقول ايه ولا ايه على اللى عمله
بجد طفل معجزه يخلينا بنصلى ويضرب فى العيال احنا بنسجد وهو بيركع وحاجات غريبه كده
غير الشقاوه الجامده بتاعته
كمان مين برضه كان فى الفريق طلال وياسلام عليه ده بقى فى حاجه واحده كان عايز مشرف لوحده لان فيه صفه جميله اوى بيحب يمشى وبس يخلينا واقفين ويبعد تاه مننا فى اليوم ده مرتين وكل الناس قعدت تدور عليه
حاجه جميله لا وايه كان فسيهم طفل جميل برضه ضحكنى اووى
انا كنت ماسك لعبه البلالين واللى بلونته تفرقع يطلع بره واحد منهم بلونته فرقعت قعدت يعيط وعايز يضرب الواد اللى فرقع بلونته اقوله ياحبيبى هى اللعبه كده يقولى مليش دعوه قعدت بتاع ساعه افهمه وهو برضه مصمم يضرب الواد
يعنى بجد بجد ربنا يكرمك ويجعله فى ميزان حسناتك ياخت مروه بجد كنتى من اكتر الناس اللى تعبت
ومعاكى الاخت هند برضه صاحبه قصه الحب المتاججه مع ياسر ذو العامين
بجد يوةم جميل اووى اتمنى انه يتكرر فى اقرب وقت عشان نعيش نفس اللحظات السعيده ونكون نفس المجموعه ونزيد كمان
اللهم ثبتنا واستخدمنا ولا تستبدلنا
احمد محمدى
محمدحسام 03 Dec 2006, 09:54 PM بسم الله والصلاة والسلام على رسول الله صلى الله عليه وسلم
استاذة رشا
استاذة ولاء
اسامة نرفع القبعة ليكم
ومش هنقبل بعد كده بمستوى اقل من كده والا ايه.........
aida kilany 03 Dec 2006, 10:01 PM :1syellow1: :ahmed24: بسم الله و الصلاة و السلام على رسول الله :
:00000005: :00000005: عايدة كيلانى / " فقرة العرافة " عايزة اقولكوا يا جماعة ان عايدة فضلت قاعدة طول اليوم فوق المسرح بتحفظ الاطفال قرآن و اناشيد " خلاص يا عايدة الفقرة دى بقت بتاعتك خلاص " عشان تعرفى مش حرماكى من حاجة "
ا[/COLOR] [/COLOR][/COLOR] ".
الحمد لله ربنا يدخل السرور علي قلبك زي ما أدخلتيه علي قلبي انا فعلا من يوم الجمعة وانا بحلم بشكل المرة الجاية وبالفقرة بتعتي وهاعمل فيها إيه وبفكر اني أحفظ الأولاد كلهم نشيد واحد يغنوه مرة واحدة في صوت واحد يهز المسرح غير إني عاوزة أدور علي نشيد كلماته سهله عن كل إسم فريق وكل فريق يطلع يقوله كأنه بيتكلم عن الشخصية اللي بيحمل اسمها غير اني عاوزة اتابع كام طفل متميز في حفظ القرآن الكريم يعني لو عندهم تليفونات أو أعرفكم بيهم اللي بيزل المنطقة عندهم يسأل ديما عليهم والله من يوم الجمعة بحلم وبحلم والفرحة في قلبي لسه كبيرة صحيح نسيت أقول لكم بفكر يكون النشيد المشترك اللي جاي اللي يهز القاعة سنخوض معاركنا مهم وسنمضي جموعا نردعهم ونعيد الحق المغتصب في الأرض براكين تغلي ها ايه رأيكم والأطفال كلهم في نفس واحد بيقولوه وكلنا نبقي رفعين علامة النصر؟
aida kilany 03 Dec 2006, 10:16 PM وعلى راسهم الطفل المعجزه الهادى جدا الطيب جداااا ثروت الشهير بكلاظه:) مش عارف اقول ايه ولا ايه على اللى عمله
بجد طفل معجزه يخلينا بنصلى ويضرب فى العيال احنا بنسجد وهو بيركع وحاجات غريبه كده
غير الشقاوه الجامده بتاعته
احمد محمدى
الواد ده زي العسل وهو عندي كان عمال ينام علي طرف المسرح ويدلدل راسه لتحت انا طبعا جريت بقول له انت
عاوز تنتحر؟ ساب اللي في ايده وراح واقف وكشر انا خفت قلت هاتضرب لقيته بيقول يعني عاوز انتحر دي؟ ومنظره ومحمد حسام ماسكه علي المسرح علشان يتكرم البنطلون واسع وبينزل وهو عمال يرفعه لفوق بإيده بصراحة هما شوية عيال زي العسل
ra7ooom 04 Dec 2006, 05:17 PM سبحان الله ولا مرة من مرات تجمع الأطفال دي كنت معاكو فيه ... اتخنقت يعني .... يوم عندي امتحان و يوم ماما تعبانه و يوم مسافرة ....
بجد بجد لازم إن شاء الله المرة الجاية أكون موجودة .... ابقوا كلموني عشان نحدد اليوم إللي هيناسبني :ahmed6: عشان أقدر آجي بإذن الله
حكايتكوا كلها تفرح أوي أوي و تقطع القلب أوي أوي أوي و تكره الواحد في اليوم إللي دخل فيه الكلية المبجلة دي ... حاجة تنرفز .... الواحد والله بيسمع الكلام ده ويقول ياريته كان موجود ... بس قدر الله و ماشاء فعل ....
Dr Amira84 11 Dec 2006, 02:25 AM السلام عليكم ورحمه الله وبركاته
ربنا يزيدكم ويثبتكم يارب بجد كان نفسى ابقى معاكم فى اليوم ده بس اعمل كان عندى مذاكره لان الامتحان كان خلاص عل الابواب بس ياريت تكرروها تانى لانى بجد نفسى اشارك الاطفال دول فرحتهم بس الحمد لله فى نفس الاسبوع شوفت صوره مصغره من اليوم ده لانى بدرس فى قسم الاطفال فى مستشفى الجامعه وفى يوم جبت انا وصحباتى شويه طرابيش ولعب للاطفال فى القسم وبجد شوفت الفرحه فى عينيهم وقد ايه الاطفال المريضه دى محتاجه العطف والحنان وربنا يكرمكم جميعا
ويا ريت يوم زى ده قريب ان شاء الله
|