شفت ناس حذائهم أغلي مني [الأرشيف] - منتديات بشرة خير ( صناع الحياة بالاسماعيلية )


منتديات بشرة خير ( صناع الحياة بالاسماعيلية ) > المنتديات العامة > منتدى أخبار الدنيا > شفت ناس حذائهم أغلي مني المساعد الشخصي الرقمي مشاهدة النسخة كاملة : شفت ناس حذائهم أغلي مني aida kilany 02 Dec 2006, 11:12 PM عمرك شفت حد من صحابة رسول الله؟ عمرك شفت حد بيجاهد في سبيل الله؟ عمرك شفت حد ربنا سبحانه عز وجل ورسوله أحب إليه من نفسه التي بين جنبيه؟ حد فينا يعرف يعني إيه صبر؟ حد فينا فهم الاحتساب؟ انا شفت كل ده قدام عيني في عيون أطفال وشباب ونساء وشيوخ رجاااااااااااااااااااااااااااله ده أقل وصف ليهم ناس صدقوا الله فصدقهم . يا جماعة زيارة يوم الخميس اللي فات لضحايا مجزرة بيت حانون يا جماعة دي ناس عاليه أوي أوي أوي وعظيمة أوي واحد بيقول لنا انتوا بتحسدونا علشان ربنا اخترنا نكون في أرض الرباط أب ابنه فقد رجليه وذراعيه من صاروخ اباتشي بيتمني الشفاء لأبنه حتي يعود سريعا لأرض القتال آخر يقول لنا احنا هنحاربهم بأي حاجة تقابلنا في ايدينا طفل يبلغ عشر سنوات رأسه كله ملفوف بالشاش افتكرنا ان دي بس الاصابة لقينة بشيل الغطاء حيث لا نجد قدمه ولكل اللي مارحش معانا أقول له كلمة أخ فاضل هناك انا لما أعرف انكم جايين من الاسماعيلية علشان تزورونا مخصوص لساني يعجز عن الكلام انا بحب مصر ودرست تاريخ مصر وجغرفيتها أكتر من فلسطين وغيره قال لنا انه ديما حاسس ان أكتر شعب حاسس بينا المصريين احنا حاسين انكم هنا في جهاد ربنا يعينكم dr_asa 05 Dec 2006, 11:37 AM يا جماعه الزيارة كانت متتوصفش فعلا فاتكم كتير اوى اوى والى مزعلنى انى كنت فاكر الاتوبيس هيبقى مليان لكن للاسف كنا 9 بس كل الى قالته الدكتوة عايدة دة عينة من الى حصل بس كفاية اقولكم اننا طلعنا من هناك مش عارفين نتكلم فاقدين الكلام امام ما شاهدناه من ايمانيات عالية اوى من ابتسامات ونور فى وجوة الجميع حاجة فعلا متتوصفش تتحس بس ان شاء اللة نرتب زيارة تانية وللاسف انا زعلت اوى لما عرفت ان الناس دى بيقولوا جت هنا الاسماعيلية الاول فى مستشفى الجامعة ومحدش عرف dr_asa 05 Dec 2006, 11:39 AM ودى صورة الى قدرنا ناخدها انا واستاذ محمد خالد مع احد الابطال url=http://www.arbshare.com/]http://www.arbshare.com/uploads/0d1948a8b2.jpg[/url] the_tolerant 05 Dec 2006, 09:20 PM السلام عليكم و رحمة الله و بركاته أولا جزاكم الله خيرا يا حاجة خديجة جزاكم الله خيرا يا دكتورة عايدة جزاكم الله خيرا يا دكتور أحمد جزاكم الله خيرا يا من رافقتمونا فى الزيارة جزاكم الله خيرا يا من أردتم مرافقتنا فى الزيارة و لم تستطيعوا لظروف مختلفة جزاكم الله خيرا أخونا يحيى الزامل(اللى بيسلم على الجميع) و أخونا عمرو (من صناع الحياة بالمعادى) يوم الخميس كان يوم صعب أوى على نفسى رايحين نزور أخوة لنا فى الله نواسيهم فى مصابهم و رجعنا و إحنا بنواسى نفسنا فى تقصيرنا تقصيرنا فى نصرتهم تقصيرنا فى السؤال عليهم تقصيرنا فى الدعاء لهم و تقصيرنا فى حق أنفسنا علينا زى ما دكتورة عايدة كتبت بعد زيارتها لأختنا زينب فى المستشفى منذ فترة عن أن الزيارة وضعتها فى إختبار إيمانى ممكن أكرر نفس الكلام هنا بعد يوم الخميس الماضى بدأنا أولا بزيارة أختنا الرميصاء (من صناع الحياة باليمن) شكلها صغير جدا 15 سنة تتكلم بصوت منخفض و تحرك يدها اليمنى فقط تبتسم أثناء الحديث معنا كانت مبسوطة بالزيارة وصلنا كلمة أخونا هانى تطلب منا أن نكتب فى سجل الزوار (مخصصة كشكول بكتب كل زائر لها كلمة فيه) إصابتها صعبة و رغم كده روحها عالية عندها 15 سنة تخيلوا ربنا يثبتها خرجنا و احنا حاسين اننا صغيرين أوى رحنا على معهد ناصر حيث يعالج أخوتنا و آخواتنا فلسطين (من بيت حانون) موعد الزيارة كان انتهى قبل وصولنا بساعتين بعد محاولات دخل 5 مننا إلى المستشفى أخوتنا الفلسطينيين بالدور الرابع داخلين و إحنا متوقعين اننا نشوف ناس مصابة و حالتها النفسية صعبة و تحتاج من يخفف عنها و يهون عليها الحقيقة الاصابات كانت أكبر مما تخيلت بكتير أوى الغالبية شباب (2 منهم كانوا خارجين من يوم واحد من العناية المركزة) و فى كبار و فى سيدات و فى أطفال إصاباتهم مختلفة بتر بالذراع بتر بالقدم جهاز تقويم لتثبيت عظام الذراع المكسورة اصابات بالرأس تشوهات بالوجه جراء شظايا انفجار ............... ............. كلهم بلا استثناء بيبتسموا تخيلوا الابتلاء اللى همه فيه ده و بيبتسموا ناس كده تحس أنهم مليانين بالايمانيات و الرضا عن الله مش بس كده أخ مصاب بنحاول نخفف عنه و بندعيله بالثبات يرد هو و يقول الحمد لله الناس بتحسدنا على اللى إحنا فيه جاء فى بالى كلمة أم فلسطينية استشهد أحد أبنائها فى فلسطين و المذيع يجرى معها حوار فقالت من ضمن ما قالت "البيت الفلسطينى اللى مفيهوش شهيد بيبقى أهله مكسوفين" ما شاء الله لا قوة الا بالله صبر عظيم على الابتلاءات يا رب ثبتهم و ثبتنا اللهم استخدمنا و لا تستبدلنا أنا كتبت اللى ممكن يتكتب بس فيه حاجات مينفعش تتكتب ممكن نحسها بس السلام عليكم و رحمة الله و بركاته princes_shimaa 05 Nov 2007, 10:18 PM استحلفكم بالله زيارة اخرى لهم ولمعهد ناصر ومستشفى 57357 الله يكرمكم ويعزكم بجد نفسى تكرر الزيارة تانى انا مش عارفه انتوا ليه بتعملوا الزيارات دى قليله قوووى معكم ان شاء الله ف اى مكان واى زيارة لاخواننا الفلسطنين ويارب ينصر المسلمين ف كل مكان عبدالله 06 Nov 2007, 10:47 AM والى مزعلنى انى كنت فاكر الاتوبيس هيبقى مليان لكن للاسف كنا 9 بس والله يا دكتور أحمد ما فى أحد بلغنا عن الرحلة خاصة إننا فى القاهرة ياريت يا جماعة لو فى حاجة تانية إما على المنتدى بإعلان أو على تليفونات ويا سلام بقى لو رحلة تانية كدة بس للعالقين عند معبر رفح ومحتجزين عند مطار العريش وعلى بوابة صلاح الدين .. aida kilany 06 Nov 2007, 02:20 PM يا جماعة الزيارة دي كانت من سنة تقريبا كانت بالظبط في ديسمبر 2006