على خطى الحبيب
04 May 2008, 12:44 AM
السلام عليكم ورحمة الله وبركاته
من جديد رجعنا تاني بس في موضوع جديد
اه الحمله خلصت بس في مدمنين كتييييييييير في رقبتنا حياتهم متوقفة على العلاج احياء انفس تاني
" من احياها فكانما احيا الناس جميعا "
من تاني بطلم منكم المشاركة بجدية في حمله التبرعات ياي طريقة من الطرق اللي فاتت كل واحد يدفع 5 جنيه على الاقل
كل واحد مسئول يجمع 100 جنيه من الناس اللي حواليه
مطلوب مننا حوالي 10000 جنيه الاسبوع ده انا عارفة اننا قدها يا جماعة ان شاء الله نجيب اكتر من المبلغ ده بس كولنا نشارك وبجديه
عايزين كمان تبرعات عينيه من ارز او زيت او سكر او اي مواد غذائيه عشان الفيلا واكل المدمنين
ياريت يا جماعة اللي يقدر يعمل حاجة يعملها ويبلغنا بيها اي حاجة هتفرق معانا اوي
اروا الله من انفسم خيرا
اللهم ارزقنا الاخلاص
اللهم استخدمنا ولا تستبدلنا
على خطى الحبيب
05 May 2008, 01:29 AM
السلام عليكم ورحمة الله وبركاته
ايه يا جماعة الخير الكل بيدخل يشوف ومفيش مشاركات خالص يا ترى بنعمل حاجة فعلا ؟؟؟
اتمنى من الله ان يرزقنا الاخلاص وان يمن علينا بنعمة الفتح من عنده
بجد يا جماعة الموضوع في غاية الاهمية بجد ارواح المدمنين متعلقة بينا وبهمتنا
اروا الله من انفسكم خيرا
على خطى الحبيب
05 May 2008, 10:35 PM
فعلا والله يا بشمهندس الموضوع كبييييييييير
وياريت بجد الكل يشارك في جمع التبرعات
على خطى الحبيب
29 May 2008, 11:06 PM
السلام عليكم ورحمة الله وبركاته
عدنا من جديد عشان ننشط الموضوع ده بجد لان احنا في احوج مليم نلمه دلوقتي
الوضع بقى صعب جدا في الفيلا لان المدمنين قاعدين وبيتعالجوا وبقالهم اكتر من شهر ونصف مدخلش في حسابهم فلوس ووضعنا بجد دلوقتي لا يحسد عليه
محتاجين دلوقتي بجد على الاقل اللي معندوش اختبارات بجد يتعاون معانا زي ايام الحملة وبنفس الهمة والروح اللي كنا شغالين بيها
وممكن يكون التبرعات اما فلوس وده طبعا احسن
وممكن مواد تموينية " زيت - سكر - ارز - مكرونة - شاي - ......" اي شئ ممكن نساعد بيه
وياريت اللي عنده حاجة ممكن يتبرع بيها يتصل بيا واحنا هنروح هنخدها من عنده ان شاء الله
بجد ياجماعة عايزين نبقى ايد واحدة ونقدر ان شاء الله نلم الدنيا
اللهم ارزقنا الاخلاص
اروا الله من انفسكم خيرا
aida kilany
29 May 2008, 11:24 PM
السلام عليكم ورحمة الله وبركاته
عاوزين تحرك جدي يا جماعة حتي النالس اللي في الامتحانات ظبط أمروك مع الناس اللي في البيت شوفهم ممكن يتبرعوا بإية كيس رز كيس سكر زيت سمنة شاي قهوة اللي تقدروا عليه واتصلوا بيه وهاجي آخدها من عند البيت الوضع بجد صعب والمشكلة اننا مدخلين 4 حالات عاملين مشكلة الواحد المفروض يدفع 2000 في الشهر واحد بس من الأربعه حسابه خالص والتلاتة التانين احنا مدينوين للمكان ب 9 الآلف جنية زطبعا لن المكان مكنا ورئيسة الجمعية أم لينا فهي بتدينا الحل الآخر اللي هو التبرع العيني علشان نخفض من المصاريف بالله عليكم ماتنسوش بالله عليكم اهتموا خلي بالكم في 10 حاليا في قائمة الانتظار غير التلاتة دول عاوزين همه عاوزين عزيمة عاوزين شغل جااااااااااااااااااااامد
تسابيح
29 May 2008, 11:30 PM
السلام عليكم ورحمة الله وبركاته
حاسه بجد أن دماغى مشلوله عن التفكير الموضوع كبير وسبحان الله مش عارفين نتحرك بس أكيد فى حل وحل كبير إن شاء الله نفسى نتحرك أكتر ونبذل فى الموضوع ده
طيب أنا عندى اقتراح بسيط كده بالنسبه للتبرعات التموينيه نحاول نركز معاها دلوقتى لحين أخوانا اللى بيمتحنوا ما يخلصوا يعنى كل واحد من الفريق ملزم أنه إن شاء الله يطلع من مؤنه بيته مثلا :-
زيت - سكر - ارز - مكرونة - شاي - ......
احنا فى الفريق غالبا 100 أو أكتنر إذا طلع كل من بيتنا كيلو من كل صنف وعدد بكوات شاى يبقى كده ضمنا أكلهم لله الحمد ومثلا نحدد بيت نجمع فيه الطعام أو اللى مش هيقدر ينزل نذهب له لاحضار الكميه التى تخرج من بيته ده يا جماعه كيس مكرونه وكيس أرز وكيس سكر و3 باكو شاى مثلا بكده ضمنا الأكل واللى عايز يزود يزود إن شاء الله 0
وممكن نعمل معرض لصالح الحمله زى المعرض اللى اتعمل قبل كده هنقول عشان الطلبه طيب يا جماعه المعرض ممكن يقوم على 6 أو 10 بالكتير قوى إن شاء الله يعنى من الناس اللى متخرجين ممكن نعمل معرض وفى النهايه إذا أخلصنا وصدقنا مع الله هيصدقنا إن شاء الله 0
وأى أفكار جديده سنكتبها إن شاء الله