:icon1366:السلام عليكم ورحمة الله وبركاته

بصوا يا جماعة عايزة اقول لكم خبر يمكن يزعلكم قوي .خبر يختص بحاجة غالية عندنا في صناع بدأت معانا من يوم بدأنا وشهدت معانا جميعا كل المواقف .ومفيش حد بينا الا وله معها ذكرى وموقف.تعبت معانا قوي .واتبهدلت قوي قوي. ورناها الويل .بس هي برده وريتنا كتير.
عارفين ايه هي الحاجة ده


:confused::confused::confused::confused::confused: :confused::confused:


:icon1366::icon1366:
:icon1366:
:icon1366:
:icon1366:
:icon1366:
:icon1366:
عربية:icon1366: عايدة


:icon1366::icon1366::icon1366::icon1366::icon1366: :icon1366::icon1366:



مفيش شنطة رمضان ولا معرض ولا قافلة ولا توزيع اضحية ولبس عيد وتوزيع بطاطين و لا اطعام ولا اي مشوار قضاء حوائج مسلمين الا وكانت معانا فيه ......
وعلى المستوى الشخصي العربية ده زفت بها عرايس صناع وشاركت في كافة التنزهان للأخوات
حتى الإنتخابات شاركت فيها .
ويوم فتح المعبر بين غزة ورفح غرقت العربية في الامطار

وانا بقول الكلام ده عنها لأن الليدر عايدة ربنا يسامحها فرطت فيها .هانت عليها بعد العشرة الطويلة ده تبيعها .وتجيب عربية تانية.ربنا يرزقها الخير.ونشوف مع العربية الجديدة احلى الايام .
بس انا مش عايزة اقول لكم العربية ده حزنت عليها اد ايه .العربية ده ليها معايا احلى الذكريات وقضيت فيها اجمل الاوقات ورحنا بيها كل مشاوير الخير. واشهد الله ان العربية ده لم اراها قط الا وتسرع نحو الخير حتى انني اطلقت عليها


عربية الجنة


كنت بقول لعايدة اذا ربنا تقبل مننا عملنا ودخلنا الجنة .العربية ده حتدخل الجنة قبلنا .:bigsmile::bigsmile::bigsmile:

وتكريما للعربية ده انا بقترح موضوع نعملة على المنتدى هنا نسجل فية مواقفنا وذكراياتنا مع عربية الجنة
الشباب قبل البنات لهم ذكريات معاها .مفيش شاب الا وساق العربية وعملت معاه مغامرة
:nosweat::nosweat::nosweat::nosweat::nosweat:


يلا نبتدي

ايه يا شباب الخير محدش عايز يحكي عن مغامراته يلا
انا موش عايزة ابتدي
ها

السلام عليكم ورحمة الله وبركاته

شـكــ وبارك الله فيك ـــرا لك ... لك مني أجمل تحية .

فكره جميل اوى ياولاء :ahmed52::ahmed52::ahmed52:. ده بيثبت ان الوفاء مش للناس بس .
انا صحيح شوفتها بس للاسف ماليش معاها ذكرى ..
بس مستنيه اسمع منكم ذكرياتكم ومغامراتكم معاها ..

جزيتي خيرا يا ولاء علي الموضوع الجميل ده ربنا يبارك فيكي ونشوف مع العربية الجديدة أيام احلي وأحلي ونستخدمها في طاعة أكبر وأكتر إن شاء الله والذكريات كتير بس انا شخصيا مش هاحكي حاجة دلوقتي لما نشوف الناس هايقولوا ايه

ولن أنسى يوم المطر أبداً :no::no:بالتحديد الجمعة 25 / 1 بعد العشا :shiny: :shiny:
كدا برضه ذنبي أنا إيه إني أقف تحت المطر لمدة ربع ساعة او اكتر
واني الاقي اي مكان اقف تحته عشان احمي نفسي من المطر مفيش ..
وان السيارة تشتغل مفيش ... تكون دي النهاية !!!
ودي النتيجة !!!! :icon1366::icon1366:
يتعوض دور البرد دة إزاااااااي !! :icon1366:
عموماً المهم إن الرحلة قامت ووصلنا بسلامة الله في البرد الشديد :ahmed52:

:icon28: :icon28: :icon28:
بس برضه أبداً دة رد فعل أولي طبعاً
:bigsmile: :bigsmile:

كان يوم ولا اي يوم
هو فعلا كان يوم غريب
بس احد المواقف مع عربية الجنة
طول النهار كنت وعايدة بنجمع تبرعات بعربية الجنة لنقابة الاطباء عشان فتحوا معبر رفح
روحنا بعد العصر .وبعد المغرب عايدة عدت عليا عشان نروح النقابة نشوف الوضع هناك ايه.رحنا شوية كانت حركة التبرعات عالية قوي الجو بدأ يمطر على خفيف.جالنا محمد سعيد وزوجته سارة .اخدنا سارة ورحت وعايدة نجيب شوية تبرعات من وسط البلد.المطر شد قوي.كانت سيول.حنفيات نازلة من السما .والبرق والرعد شغالين والشوارع بقت بحور..خلصنا وجبنا التبرعات.قلنا نوديها ونروح بسرعة عشان الوقت بدأ يتأخر والجو غير مطمن خاصة ان عايدة بيتها بعييييييييييييييييد

عايدة الجميلة واحنا راجعين كعادتها بتحب تختسر المسافات.دخلت من شارع جانبي .ضلمة كحل محدش بيمشي فيه اصلا(شارع نقابة الزراعيين) الماية كانت عالية قوي والشارع اساسا واطي عن الطبيعي .فجاءة العربية وقفت .والرعد صوته مخيف .والبرق بينور السما والحته مفيش فيها غير فرح في نادي النقابة ومحدش جوه حاسس باللي بره.

نزلت انا وسارة نزق العربية .قمنا غرقنا في المية واتزحلقنا .
وكالعادة اتصلنا بالنجدة (شباب صناع) د /احمد ابو المجد* ا/عبدالله رياض*م/ محمد حفظي * ا/ محمد سعيد
كانوا في نقابة الاطباء .والكهرباء قطعت عليهم. طلبوا من واحد يوصلهم لينا. الراجل رحب بس راح وقف على جنب وقعد يدعي فرصة باب السما مفتوح. المهم محمد سعيد مصبرش طبعا مراته معانا . اخدها جري ومعاه المهندس حفظي والاخ عبدالله .لكم ان تتخيلوا كان شكلهم عامل ازاي. عارفين كل حتة منهم بتنزف مايه . بيسقوا مايه.
والاخ عبدالله كان يعيني عفوا زي الكتكوت الغرقان .كانوا صعبانين علينا قوي.
قعدوا يزقوا العربية لحد مكان مرتفع شوية.وطبعا العربية موش عايزة تدور. طبعا موش عايزة اقول لكم التليفون مبطلش رن
البيت هيتجننوا عليا .
جه الدكتور احمد ومعاه عربية اخد مننا التبرعات. ومشي. واحنا والشباب وعربية الجنة وربنا معانا والمطر بيرخ عليهم واحنا جوه في العربية.
طبعا الاخت سارة اهم حاجة عندها زوجها الاخ محمد سعيد .بتنادي عليه وتقوله تعالى . وال2 الباقين يعيني موش لاقين حاجة يقفوا تحتها تحميهم من المطر ومعرضين لصعق البرق.
شوية جه خال عايدة بعربيته وقفل عربية الجنة واخدنا وخد محمد سعيد معانا ووصلنا لبيوتنا. بس بعد عناء وصراع مع المطر استمر اكتر من ساعة ونص تقريبا.
كل اللي كان مزعلني يومها ان الاخ عبدالله مسافر غزة وقتها . وهدومه مبلولة وهيجي له برد

اهاااا بالتأكيد أنا كنت شايف الموقف دة والشباب اللي كانوا واقفين تحت المطر
كان موقف بجد محتاج أصوره بس للأسف ما كان معنا كاميرا
مش قادر أعبر عن الموقف
الحمد لله إنو وفق الجميع انهم ياخدوا أجر المشاركة والأخ عبدالله انو يسافر

ياريت يا جماعة بلاش نستفيض في الحكايات عن اليوم ده لنه كان من أصعب أيام العربية الجميله وخصوصا انه تم اني ماعرفتش أروح بيتنا وأضطررت للبيات عند خالي