aida kilany
10 Dec 2006, 10:15 PM
الحمد لله حمدا طيبا مباركا ملئ السموات وملئ الأرض
كنا علي موعد يوم الجمعة الماضية مع تحد جديد مع النفس والوقت والحمد لله رب العالمين نجحنا في الأختبار مش عارفة ليه يا جماعة مابحسش بفرحة غير لما نكون مزنوقين أوي أوي وتتفك من عند ربنا سبحانه عز وجل .
تانا هاسيب تقرير القافلة للناس اللي اشتغلوا فيها ونظموها انا كنت ضيف شرف بس وحبيت أنقل لكم مشاعري السعيدة بمجموعة العمل من أول الناس اللي راحت تتفق علي لمكان لحد الناس اللي رجعوا الدواء بعد القافلة للصيدلية ربنا يعزكم جميعا ويبارك فيكم عاوزين نسجل في هذا الموضوع ذكريات هذا اليوم والتحضير له ومغامرات الجميع مع الفئران والسحالي والقطط والكلاب
ra7ooom
10 Dec 2006, 11:49 PM
القافلة دي كانت أول قافلة أطلعها .. ربنا مقدرليش أطلع قوافل معاكو قبل كده .. كنت سعيدة جدا يومها .. أول ما وصلنا .. و إحنا بنشيل الكراسي نطلعها من الصيدلية للمكان التاني و بنجب ترابيزات في الصيدلية عشان نحط عليها الأدوية .. لفت نظرنا حاجات كبير كده بتجري على الشارع من الناحية التانية .. حاجات سودة ومتختخة كده .. ياترى دي إيه ؟؟!! ياترى دي إيه ؟؟!! .. اكتشفنا في الآخر إن المخلوقات العجيبة دي يطلق عليها فئراااااااااان :ahmed(1): .. قلبي وقع .. كنت عايزة أروح .. وولاء طبعا راحت تتفرج عليهم .. كانت عايزة تعمل معاهم حوار صحفي .. لكن للأسف الفئران رفضت تتصور أو تتكلم ..
على رأيك يا عيودة .. أول مرة نشوف تناغم بالشكل ده بين الفئران و القطط و الكلاب ... كلهم بيلعبوا مع بعض بكل حرية .. عادي يعني ..
المهم بعد كده وقع حظي في ترتيب الأدوية ألفابيتيكل مع د/ولاء مهدي .. فضلنا نرصص فيها لحد ماجالي أرتيكاريا من الأدوية والدكاترة والصيادلة .. كان الموجودين كلهم في الصيدلية مابين صيدلة و طب أسنان .. و أنا الوحيدة إللي معاهم فلتة كده .. حسيت بغباااء فظيييييييييييييييييع و أنا معاهم .. مكتش فاهمه حاجة .. يقولوا اكتبي دول هنا و شوفيهم كام و معرفش اعملي فيهم إيه عشان نلحق نصور الورق و ندي للدكاترة .. ياحلاوة عليه لو كتبت حاجة غلط .. الدكاترة هيقولوا إيه بس .. هيفتكروهم همه إللي كاتبين الكلام ده .. و يقولوا عليهم كلام مش ولابد ...
المهم بعدها بشوية دخلت دكتورة شرين و دكتور تاني مش فاكره اسمه إيه عشان يشوفوا الأدوية إيه الموجود و إيه المش موجود .. المهم همه سابوا الناس إللي في الصيدلية كوووووووووووولهم و جايين يسألوني أنا !!!!! هوه المعرفش إيه ماله و المشعرفه إيه جراله مين ؟؟ و أنا متنحة و مش عارفة أقول حاجة ولا فاهمه حاجة أصلا .. فرحت ندهتلهم صافي تتعامل معاهم و خلعت منها أنا .. وبعدها اتكرر الموقف تاني بس مع الدكتور قريب المهندس محمد .. فقلت مبدهااش بأه .. ومشيت و أنا حاسة بقمة الغباء إللي في الدنيا ...
ra7ooom
11 Dec 2006, 12:16 AM
طلعت من الصيدلية قلت أروح حتة تانية يمكن أنفع فيها .. قالوا اقفي عند الدكتور عبد المعطي أو عبد العاطي (حاجة كده ) المهم رحت هناك كان المفروض إني هدخله مريض مريض .. و لسه بفهم المفروض أعمل إيه يعني .. لقيتهم بيقولوا واحدة بس تقف و التانية تروح الصيدلية عشان في عجز هناك !!!!!! قلت يااااربي هيه الصيدلية دي ورايا ورايا .. المهم قلت حرام مروة تحس بالغباء دا زيي و قولتلها خليكي إنتي هنا و أنا هروح هناك تاني ..
بس الحمد لله اتنجدت لما رحت هناك لقيتهم خلاص مش عايزين حد .. قلت احمدك يااااااااااارب ...
رجعت تاني عند مكان الكشف و قعدت مع ولاء وهيه بتقطع التذاكر من الناس و تحجزلهم و تآخد منهم الفلوس .. عجبتني الشغلانة .. فاستوليت عليها و بقيت بعد أنا وولاء مع بعض .. و جه معانا سماح شوية و عبير شويتين كده يعني .. بس كت جميلة أوي .. كل شوية نعد التذاكر إللي اتحجزت و نشوف كده في كام مريض جم .. و نفرح أووووووووووي عشان الحمد لله ربنا كرمنا كرم واسع من عنده ... المهم جه وقت صلاة العصر .. المفروض الشباب يروحوا يصلوا و نوقف الكشف .. مين بأه كان ماسك بتوع العظام و بيدخلهم ؟؟!! المهندس وليد .. يعني هيروح يصلي .. و مين هيقف مكانه .. أنا طبعا بما إني مليش شغلانة .. طلعت فوق مكانه و كان المفروض الدكتور عايز يمشي عشان اتأخر فقالي هصلي العصر في اسماعلية .. دخليلي كام حالة كده بس المهم إنهم يكونوا تعبانين فعلا و محتاجين كشف .. الناس هنا عايزة تدخل عشان تآخد دوا وخلاص .. إللي جاي يشتكيلي من خشونة في رجليه من خمس سنين و إللي معرفش عنده إيه من مية سنة .. قلتله حاضر حضرتك .. هفركش الدور و ادخل التعبانين .. و طلعت قولت لطنط كبيرة كده و تعبانة تدخل تكشف !!!!!!! و ياريتني مكنت قولت حاجة خاااااااالص ... الناس كانت هتفطسني و تآكلني .. إللي بتشدني من الهدومي و إللي بتزعق و إللي بتشد من الخمار .. و يقولوا إحنا عليا الدور ياأبلة إيه إللي انتي عملتيه ده ؟؟!!! .. قلتلهم براحة يعني يرضيكي حضرتك طنط الكبيرة تفضل واقفة كل دا و حضرتك تدخلي تكشفي و هيه واقفة (هيه صغييرة هيه و كزا واحدة من المعترضين) قالتلي ملناش دعوة إحنا واقفين بالدور ياختي .. وكلام كده .. المهم يعني إن أختكوا اتبهدلت و كانت هتتحدف من فوووووووق .. وفوسط الزعيق ده لقيت مين واقف تحت ؟؟!! المهندس وليد .. يسلاااااااااااام عالوقان .. وسايبني هنا محتاسة ... ندهت عليه من فوق : يابشمنهدس ولييييييييييييييييييد .. اطلع بسرعة .. يشاورلي من تحت و يقولي لالالا إنتي كده تمام .. قلتله والله لوماجيت هنزل مليش دعوة .. دا مكانك .. فطلع علطول .. قابلته عالسلم ادتله حاجته و نزلت جري ....
و سبته يتصرف مع البشر إللي فوق .. يعيش حياته معاهم بأه ...
محمدحسام
11 Dec 2006, 01:43 PM
بسم الله والصلاة والسلام على رسول الله صلى الله عليه وسلم
الحمدلله كان يوم جميل والغرض منه اتعمل الحمدلله وعدا على خير
كنت مبسوط جداا من لمتنا على( الولاد لوحديهم و البنات لوحديهم)
وانشاء الله لسه السكة طويلة وربنا يتقبل
luta
11 Dec 2006, 07:10 PM
hghs
السلام عليكم و رحمة الله و بركاته
دى تانى قافلة اشترك فيها الحمد لله و لكن الاحساس هذه المرة مختلف لان المرة اللى فاتت كنت اول مرة اشترك فيها مع صناع و اول حاجة اعملها وما كنتش اعرف حد خالص غير مجموعة الصدلية
ولكن هذه المرة كنت عارفة كل البنات اللى كانوا معانا
يارب ديم علينا نعمة القوافل و احفظها من الزوال
luta
11 Dec 2006, 08:07 PM
بجد الوقت كان مزنوق قوى قبل القافلة معرفتش ان فى قافلة الا يوم الاربعاء وكنا لسه ماجهزناش اى حاجة فكلمت صافى و اتفقنا اننا هنروح الصيدلية يوم الخميس وهنجهز الادوية راحت صافى و فتحت الصيدلية انا رحتلها بعديها بشوية بشرتنى هناك بان فى ادوية جديدة جات ففرحنا اوى وقلنا الحمد لله واستبشرنا خير
قلنا هنرتب الادوية وبعديها نروح ناخد دش و نروح على الاجتماع ولكنننننننننننننننننننننننننننننننننننننننننن
قعدنا نرتب والوقت يمروحسنا ان احنا مش هانلحق نخلص فا حسنا باحباط:ahmed7:
وبعد شويه جالنا د.احمد وقلنا ايه الاخبار قلنا لا لسه بدرىىىىىىىىىىىىىىىىىىىىىىىىىى قلنا على العموم لسه عايدة و اسماء بيشوفوا دكاترة فى المستشفى قلنا مابدهاش بقى ناخد بعضينا كده انا و صافى ونروح الاجتماع وقلنا خلاص القافلة هتتلغى( فامشينا وعدينا جبنا صابون و غسلنا ايدينا و وشنا علشان المنظر اللى
كنا فيه)ولكننننننننننننننننننننننننننننننننننننننننننن نننننننننننننننننننننننننننن
رحنا الاجتماع حكينالهم على اللى حصل بس بجد الكل طمنا وقالوا انشاء الله القافلة هتطلع
فبجد بشكر ولاء وحيد/رشا زيدان/ولاء اللى جم معايا انا و صافى بعد الاجتماع علشان نكمل ترتيب
و بشكر الشباب اللى سهر بليل يكمل بعد ما مشينا
والحمد لله القافلة طلعت و ربنا بارك فيها
الحمد لله حمدا كثيرا طيبا مبارك فيه ملىء السموات و الارض و ما بينهماو ملىء ما شئت يا رب العالمين
المرة اللى جايه هحكيلكوا على اللى حصل فى القافلة ان شاء الله
Dr\Ahmed_Eltantawy
22 Feb 2007, 08:57 PM
الحلبه
هو نبات من العائله الفراشيه يزرع في شهر اذار.الجزء الطبي المستخدم:
البذور الناضجه.
الاستعمال الطبي :
1- علاج الدمامل والخراجات
2- علاج الجلد المتشقق
3- يساعد في معالجه مرض السكري
4- معالجه الالتهابات الرؤيه
5- يفيد في مقاومه برودة الاقدام ومقاومه الصقي
الميرميه
نبات يعيش في المناطق الجبليه يوضع على الشاي
الجزء المستخدم منه: الاوراق
الاستعمال الطبي : يستعمل لعلاج الامراض الباطنيه
الشيبه
نبات يعيش في المناطق الصحراويه .
الجزء المستخدم : كل اجزاء النبته
الاستعمال الطبي: علاج الامراض الباطنيه
النعناع البلدي
هو نبات يزرع في الحدائق المنزليه والبساتين ,ما يميزه رائحته
الزكيه.
الجزء الطبي المستخدم: الاوراق قبل ظهور الازهار.
الاستعمال الطبي :
1- علاج الاضطرابات في المرارة
2- علاج الانتفاخات المعويه وامتصاص الغازات الضارة في الجسم
Dr\Ahmed_Eltantawy
22 Feb 2007, 08:58 PM
البابونج
هو نبات عشبي من الفصيله المركبه ينمو بريا في ارض الشام.
الجزء الطبي المستخدم :رؤوس الازهار الصفراء.
الاستعمال الطبي :
1- علاج التهابات الجلد والجروح
2- علاج السعال وبحه الصوت
3- يعمل على فتح القصبه الهوائيه والشعيبات
4- علاج جفون العين الملتهبه
5- علاج تورم والتهاب الاذن
الشيح
نبات يعيش في المناطق الصحراويه
الجزء المستخدم منه :كل اجزاء النبته
الاستعمال الطبي : يستعمل لعلاج السعال
الجعده
نبات يعيش في المناطق الصحراويه
الجزء المستخدم : كل اجزاء النبته
الاستعمال الطبي :
علاج الامراض الباطنيه وخصوصا الاسهال.
الزنجبيل
الاستعمال الطبي :
يستعمل لشد الاوتار الصوتيه
الزقوح
نبات يعيش في المناطق الصحراويه
الجزء المستخدم : كل اجزاء النبته
الاستعمال الطبي :
علاج الامراض الجلديه
القيصوم
نبات يعيش في المناطق الصحراويه
الجزء المستخدم : كل اجزاء النبته
الاستعمال الطبي :علاج مرض السكري والحمى والامراض الباطنيه