aida kilany
14 Dec 2006, 12:19 PM
في العام الماضي كنت ذاهبة لإستقبال أخي بعد رحلة سفر قصيرة في المطار ودخلت صالة الاستقبال وجدت شئ غريب جدا مجموعة من الشباب يرتدون تي شيرتات حمراء تعودت أن أراها في مدرجات النادي الأهلي وبعض الوجوه المألوفة التي تقود التشجيع في المدرجات إنها رابطة مشجعي النادي الأهلي وبيغنوا حبيتك يا أهلي من غير ما أسئل سؤال وأغاني كتير للنادي الأهلي ومعاهم لافتة قماش طويلة جدا مكتوب عليها موعدنا في اليابان 2006 انا واقفة في حالي مستنية أخويا وفي نفس الوقت بتابع الموقف وفجأة لقيت واحد بقول لي امسكي امسك؟ امسك ايه امسكي معانا اليافطة الكباتن هايخرجوا خلاص انا امسك يافطة للأهلي؟ شكلك كده زملكاوية قلت لا مش زملكاوية بس مش ماسكة حاجة ماكليش في الكورة يعني؟ قلت لا انا بشجع الاسماعيلي هو انت من الاسماعيلية لسه هجاوب لقيته سبني وإدي اليافطة اللي واقف جنبي (وكان خالي) لأن اللاعبين بدأوا يظهروا تباعا هادي خشبة يلية وائل جمعة وهما الاتنين اختفوا تقريبا ركنين عربيتهم في حته مهمة عصام الحضري زوجته كانت منتظراه وشفت يرحمه الله محمد عبد الوهاب كان هو وابو تريكة خارجين مع بعض وانا مركزه أوي كده لقيت واحد جاي من ورا ومتنرفز يعني انا عاوز افهم انت جاية تستقبلي الأهلي ولا تستقبلني وكان محمد أخويا وبعد ما أخدنا الشنط وركبنا العربية كنا هاندوس واحد اكتشفنا انه ابو تريكه