المساعد الشخصي الرقمي

مشاهدة النسخة كاملة : عندما تكون كرة القدم رسالة...

the_tolerant
22 Dec 2006, 10:04 AM
السلام عليكم و رحمة الله و بركاته

عندما تكون كرة القدم رسالة...

الموضوع ده أنا كتبته بعد مشاهدة جزء من إحدى حلقات برنامج العاشرة مساءا كان الضيف فيها هو محمد أبوتريكة لاعب النادى الأهلى

هو كان بيتكلم عن بطولة العالم للأندية اللى أقيمت فى اليابان
من ضمن كلامه ذكر موضوع سجوده بعد كل هدف يحرزه
الموضوع لفت إنتباه الصحف اليابانية اللى بتغطى البطولة
و سألوه عن مغزى قيامه بالسجود

كان رده

قال
ده ارجاع الفضل لله فى احرازى للهدف
أنا واخد الكورة دى رسالة
عاوز أقولهم إنى المسلم ناجح
مش ناجح و بس
لا و متميز فى نجاحه كمان

محمد أبوتريكة ذكر كمان لفتة إنسانية حصلت معاه فى البطولة
و هى انه أصيب قبل المباراة الأولى بإلتواء بسيط فى القدم
و طبيعى بيتحط ثلج على قدم اللاعب فى الظروف دى

تفتكروا مين حط الثلج على قدمه
الكابتن محمود الخطيب جاب الثلج و قام بتكسيره و وضعه فى شراب (جورب) و حط قدم اللاعب فيه
محمد أبوتريكة أثرت فيه لفتة بسيطة زى دى

من تواضع لله رفعه

جزاكم الله خيرا
السلام عليكم و رحمة الله و بركاته
aida kilany
23 Dec 2006, 12:48 PM
:bism:
:salam:
بصراحة وبالرغم إني مابحبش النادي الأهلي إلا إن الشخصين اللي حضرتك ذكرتهم في مشاركتك أنا بحترمهم جدا جدا نظرا لخلقهم العالي وإاتزمهم الديني الواضح في كل تصرفتهم ربنا يعز الإسلام والمسلمين في كل بقاع الأرض وياريت كل واحد فينا بيمتهن مهنه يحط نصب عينيه إن نجاحة في مهنته وفي أداء عمله نجاح للإسلام وعزة للمسلمين
dr_asa
23 Dec 2006, 05:19 PM
جزاكم الله خيرا على المشاركات الجميلة

وشكرا دكتوره على عدم التعصب هذة المره

هههههههههههههههههههههه