الانتر نت

************ ********* *
وبإيه يفيد الإنترنت وخدماته

فى بلد بتصحى الناس وتنام على أزماته

ومش باقيلهم من خيره إلا فُتاته
لكن هقول أنا ايه ؟ أصل اللى اختشوا ماتوا !!
****
هيحلها ازاى أزمتنا الاقتصادية
فى الفرق بين الأسعار الاستفزازية
ودخل أى موظف مربوط له ماهية
وماهى إلا مُسكَن بيزيد أناته !!
****
هيحلها ازاى أزمة زحمة مدارسنا
والمنهج الأمريكى الغربى اللى فارسنا
واحنا اللى أصل العلم خرج من كراريسنا
للناس فى كل الدنيا على مدى قرون فاتوا !!
****
هيحلها ازاى أزمتنا المستعصية
ع الحل ، واللى بتتسمى دروس خصوصية
وهى من أخطر أشكال اللصوصية
فى بلد بتُستنزف كافة مُدخراته !!
****
هيجيب منين الحل لأزمة مشافينا
وهى ولا بتموتنا ولا بتشفينا
بقى مُر مع سيق الإصرار أحلى ما فينا
والبركة فى التأمين الصحى وعياداته !!
****
إعلامنا منحاز راديو وتلفاز وصحافة
للجانب الرسمى وكله نفاق وهيافة
هل يقدر النت بقى بروحه الشفافة
يرضى المواطن ويخفف من مأساته ؟
****
النت يعمل إيه لبلد إدّى شبابه
شهادات وسابهم ع القهوة بعد ما خابوا
شباب صحيح لكن قبل التلاتين شابوا
بسبب شعورهم بالإحباط ومضاعفاته !!
****
يا قوم قاوموا الجهل بقى وعيشوا الواقع
وآمنوا إنه ( اتسع الخرق على الراقع )
ومستحيل هتلاقوا على النت مواقع
تقدر تعيد للميت من تانى حيانه !!

السلام عليكم ورحمه الله وبركاته
اع>رني اخي علي اعتراضي علي قصيدتك التي ماتزيدنا الا تاخرا وتخلفا وتراجعا الي الوراء لا يليق بانسان مسلم يعرف ما يامره به الله والرسول الكريم بمتابعه العلم وتعلم كل جديد الم تسمع الي من تعلم لغه قوم امن مكرهم والم تعرف ان الانترنت الان يمثل احدي اهم خطوات الوصول الي النهضه انك بكلمك ه>ا اخي الكريم تدمر كل الجهود التي تنادي بالتقدم التكنولوجي والتطور
اخي الكريم اعت>ر لك ثانيه علي كلامي ولكني اري انك تبعث بعض الرسائل السلبيه الي اخواننا الشباب ياخي استخدم قلمك فيما يفيدنا واكتب مايحكي سيرتنا وامجادنا ه>ا ما نحتاجه
والسلام عليكم