السلام عليكم ورحمة الله وبركاته
ازيك يا جماعه وعاملين ايه
طبعا انا النهارده وانا فى موقف لا احسد عليه الكل بيسأل والمطلوب منى انى اجاوب على كل حاجه وبصراحه تامه
سعيد جدا وانا معاكم فى هذا الحوار والله
طبعا انا حأحاول انى اجاوب على كل حاجه على قدر إستطاعتى وياريت تعذرونى لو كان فيه إجابات مش واضحه لإن مش كل حاجه حأقدر اقول عليها
على اى حال ربنا يبعد عنى الرياء ويرزقنى الإخلاص ويوفقنى فى إجابتى ويزيد بيها رصيد المحبه بينا
يلا نبدا على بركة الله________________________________________
اسمك وسنك وعنوانك ودراستك وبلدك؟الإسم
عبدالرحمن محمد عبدالرحيم حبت ده إسمى الحقيقى
بس فيه اسم تانى يمكن كتير ما يعرفوش بس بأحبه جدا وفيه كتير
يعرفونى بيه وهوادم
العنوان
والله عنوانينى كتير ممكن تقول انى اصلا من المحموديه محافظة البحيره من منطقه اسمها المنشيه
وفى نفس الوقت قاعد فى مصر بصفه دائمه عشان الدراسه فى مدينة نصر
وكمان ساعات بأبقى مقيم فى الإسماعليه فى يا اما عند هانى ومحمد حسام او فى مغسلة محمد سعيد الله يرحمها يا إما عند وليد مهدى
شفتوا بقى ماليش عنوان محدد
دراستى
كلية هندسه جامعة الأزهر فى قسم ميكانيكا
بلدى
اعيش لمصر واموت لمصر
مصر مصر تحيا مصر
اقرب قارئى القران الى قلبك ؟
محمد جبريل
مشارى راشد
امنية نفسك تحققها؟
حلو اوى السؤال ده ليا امنيه نفسى فعلا ربنا يحققها ليا فى يوم من الأيام
امنيتى ان ربنا يدينى حاجتين قوه جامده جدا وفلوس كتيره
القوه الجامده ساعة اما ابقى راكب فى قطر واشوف حد بيفترى على حد او فى ميكروباص او حد بيسب الدين او او من الحاجات الكتيره دى بيبقى نفسى اعمل اى حاجه بس للأسف ما بأقدرشى عشان كده عاوز القوه
اما الفلوس لإنى فعلا بابقى مخنوق جدا اما بأشوف راجل عجوز او طفل صغير او بنت صغيره بيلفوا فى الشوارع عشان فى الأخر يلاقوا فلوس يجيبوا بيها حاجه ياكلوها وعشان كده عاوز الفلوس عشان ما اخليش حد من دول محتاج حاجه خالص
اقرب واحب سور القران الى قلبك؟
سورة يوسف
ماهى اكثر الموضوعات التى تشدك لقرائتها بشكل عام؟
الموضوعات المتعلقه بعلم الخوارق
والموضوعات المتعلقه بالرقائق
ماهى هواياتك
السفر - القراءه- انى اقعد لوحدى فى مكان ضلمة
ماهى الصفات التى تحب ان تجدها فى اصدقائك؟
الإخلاص - العطاء- عدم الأنانيه - ان يكون حبه خالصا لوجه الله
المرح - النصيحه
ماهى الصفات التى لا تحب ان تجدها فى اصدقائك؟
الغرور - الأنانيه - انه يعمل نفسه مفتح عليا - انه يكون بتاع مصلحته
احساسك ايه لما عرفت انك هتبقى ضيف فى حوار اون لاين ؟
كنت سعيد جدا جدا والله ومحمد خالد بيبلغنى
مين اللي نفسك تضربه دلوقتي
واحد صاحبى قاعد معايا فى الشقه
مين اللي عايز تشوفه دلوقتي
عمرو خالد وشخصيه كمان
ايه رايك في صناع نهضه البحيره
الله يسهلهم وينور ليهم طريقهم
لو مكنتش في صناع البحيره كنت تحب تكون في اي صناع
صناع الإسماعليه طبعا
عبد الرحمن ايه رايك في صناع الحياه دلوقتي
طريقهم مليان شوك ومش واضح ومحتاجين إعادة ترتيب
عبد الرحمن مين اقرب شخصيه ليك في صناع النهضه
ما يخصكشى
و مين أحب صناع ليك
صناع الإسماعليه
عبد الرحمن / ايه عيوبك الشخصيه
التسرع - عدم التركيز - المغامره
و ايه أحسن حاجه في عبد الرحمن
إرادته
سؤالي إ متى يكون عبد الرحمن ............ طفل _ غبي _ عبيط_ حنون_ مغامر
طفل - اما يكون محتاج حنان
غبى - ساعة اما بيكون جعان
عبيط - ساعة اما يحب يعيش حياته
حنون - ساعة اما بيشوف طفل او طفله مالهومشى بيت ولا مأوى
مغامر - طول حياته
ماذا تعني هذه الكلمات لك......................الغدر_ الصدق_ الحياة_
الموت
الغدر - واحده كانت معانا فى صناع الحياه
الصدق - كنز اوعك تفقده
الحياه - صعبه جدا ولازم تاخد بالك من نفسك فيها
الموت - بيخطف اعز الحبايب

مكان له أثر في حيا تك ومنه كانت نقطة تحول هامه في حياتك
المكان ده كان سيبر نت فى مصر فى الحى السابع فى مدينة نصر
من حوالى سنتين وبالفعل هو كان نقطة تحول فى حياتى يمكن اللى يدقق شويه ممكن يعرف التوقيت ده كان بتاع ايه
الى اي مدي كان لصناع الحياة تغيير في حياتك
صناع الحياه غيرت حياتى بنسبه 100% هى غيرت كل حاجه
إهتماماتى - علاقاتى - عاداتى - حتى إلتزامى
أقرب الشخصيات لك في صناع الإسماعيلية
بأمانه شديده يمكن ده اصعب سؤال يمر عليا وده لإن فعلا كل فرد من صناع الإسماعليه انا باحبه حب لا يوصف بس يمكن الأقرب ليا
كان هانى الله ير جعه بالسلامه ومحمود فؤاد
إنضم ليهم ناس كتير اوى بعد كده منهم حبيبى محمد حسام ووليد واحمد مختار ومحمد خالد ومحمد باسم مؤمن واسامه وكل واحد قابلته منهم
وااعقلها
احمد ابو المجد
واكثرها مرحا
وليد مهدى اما بيكون عامل دماغ محترمه
واكثرها عزيمة
عايده كيلانى
1- رستلة توجهها لمحمود فؤاد لأن ربنا كان جعله سبب لمعرفتك بفريقنا؟(من الآخر بتدعي له ولا علي
بادعيله من كل قلبى وباقله اللهم اجعلنا هذان الشابان اللذان تحابا فى الله اجتمعا على طاعته وتفرقا على طاعته
2- بكل صراحة ايه نقاط الضعف والقوة في الفريق عموما لأن حضرتك بتبص علينا من بره فأكيد الصورة عندك أوضح؟
الكلام الكتير - عدم التنظيم -
دى نقاط الضعف
اما نقاط القوه فهى
الحب بتاعكم لبعض - الإراده القويه - إنكم ما عندكوش جمعيه لحد دلوقتى - العدد بتاعكم
3- ايه شعورك وانت بتدي أول كورس ليك في التنمية البشرية؟
شعور رائع بالنجاح والسعاده باللى وصلتله وانى مش مصدق نفسى
بتتعامل إزاي مع اللي أكبر منك وانت بتدربهم؟
بابقى خايف ساعات بس فى الأخر بلاقيهم بيحبونى جدا جدا
5-أصعب موقف مر بيك أثناء التدريب؟
كنت بادى محاضره فى الحزب الوطنى
واول ما دخلت اكتشف ان اللى واقفين قدامى اجسام كالعجول وعقول كالبغال وكلهم بيدخنوا وبيهيصوا يومها فعلا كنت فى موقف لا احسد عليه
بس سمعت احلى جمله فى حياتى اما خلصلت
ان كنت واثق من نفسك جدا وليك مستقبل
6-أطرف موقف مر بيك خلال التدريب؟
كان يوم عجيب
7-ماهي الصعوبات العامة اللي ممكن تواجه أي إنسان في تحقيق
هدفه؟
انه يبقى عارفه كويس اوى
وانه يستمر فى الطريق الصحيح وما يحبطشى
وانه يسيبه من كلام الناس
صعوبات وجهة انت شخصيا؟
عدم التركيز
الإنشغال بأكثر من حاجه
الدراسه
هل أنت راض عن معدل أدائك للوصول إلي هدفك؟
بنسبه 70 % راضى والحمد لله
10-نصيحة لمن يستغرقة العمل التطوعي ويطغي علي تحقيق هدفه وعلي باقي اهتمامته الشخصية؟
اعقل وفوق ابل فوات الأوان
11- كتب تنصح أي إنسان يريد أن يكون ناجحا أن يقرئها؟
ممكن كتاب العادات السبع للشخصيه الناجحه
وكتاب ابتسم فأنت تستحق
وكتاب كيف تصبح عظيما
12- رؤيتك لمستقبل صناع الحياة عموما ولصناع البحيرة
صناع الحياه عموما انا قلت رايى ابل كده فيهم
صناع البحيره اكيد بع الليل حيطلع النهار
والإسماعيلية كل علي حدا خصوصا؟
مستقبل مشرق جدا جد ا طول ما هما مع الريس
13- شخصيات تعلمت منها من هم وماذا تعلمت منهم؟\
د/نذار المحلاوى (الثقه بالنفس ) وده المدرب بتاعى
هانى حسام (الشجاعه فى الحق ) حبيبى
عايده كيلانى ( التضحيه والإارده )ربنا يكرمها
محمود فؤاد (البساطه وجمال التعامل مع الناس ) احبك فى الله
وليد مهدى ( المرح والتفائل )البلد المضغوطه
محمد خالد ( العمل فى صمت والتفانى فيه )ربنا يعزك ويحفظك
محمد حسام (الإصرار وعدم اليأس والتحفيز للمستقبل) قصر الثقافه
محمد سعيد (التعصب الشديد لشغله وحبه ليه )استاذ الشنقره
نجلاء فتحى (التفائل )صناع البحيره
ريهام ابو العينين (حب الناس بإخلاص )صناع البحيره
ايمان الزواوى (التفانى فى العمل )صناع البحيره
صناع الإسماعليه ( الإصرار والعزيمه ) ربنا يكرمكم
صناع النهضه (عدم اليأس ) ان شاء الله حيكون ليكم مستقبل
الفشل!!!كلمة ليس لها معني في عمل التنمية البشرية كما درسنا في البرمجة فهي تجارب وخبرات متي يمكن ان نطلق علي إنسان إنه فاشل؟ ومتي يعترف الإنسان بفشله؟
الإنسان يطلق عليه لفظ فاشل لو قعد طول عمره يعمل نفس الغلطات ويمشى فى نفس السكه الغلط وما اتعلمشى من اخطائه وتجاربه
هنا نقول عليه فاشل لإن المقصود بالتجارب والأخطاء انها تقوم الإنسان وتغير من حياته للأفضل
يعترف الإنسان بفشله فى اخر حياته وهو بيموت لو بص على نفسه لقى مالهوش بصمه فى الحياه
ولو بص على هدفه اللى كان حاطه لنفسه وما عرفشى يوصل ليه ومشى فى سكه تانيه خالص

علم التنمية البشرية والسنة النبوية موضوع كبير جدا انا عارفة بس سؤالي بعد درست علم التنمية البشرية ايه مشاعرك ناحيتك كمسلم عندك هذا العلم الغزير في دينك ولم تستفد به حتي تعلمته من العجم؟
هو انا ما اتعلمتوش من العجم لإن بفضل الله كل حاجه كانت موجوده عندنا بس محتاجه اللى يطلعها والحمد لله انها طلعت
اما كون العجم سبقونا فهما اجتهدوا ولهم نصيب من إجتهادهم
والحمد لله اننا قدرنا نحصلهم
علم الإدارة والقصص القرآني عاوزين قصة كده علي الماشي من قصص القرآن الكريم ويكون فيها مبدأ من مبادئ الإدارة؟
سؤال شخصي إمتي عبد الرحمن حبت هايقول أنا وصلت لهدفي في الدنيا انا عارفة ان هدفنا جميعا الوصول للفردوس الأعلي إن شاء الله
فى الدنيا هدفى ان شاء الله اقول انى وصلتله اما ابقى معروق كمدرب وكاتب تنميه بشريه فى كل مكان فى مصر وبره مصر
والحمد لله بدأ المشوار ولاح الأفق وقريبا بإذن الله سيتحقق الهدف
التنمية بالإيمان مطلوب منك تعريفها فيما لايزيد عن خمسة أسطر
التنميه بالإيمان وببساطه وبالفلاحى كمان
هى انك تكون إنسان متميز دنيا ودين بحيث انى اما اشوفك
إنسان ملتزم اعرف فيك عظمة الإسلام وتقدر بيك إنت كشخص انك تغير فى اللى حواليك فى اسلوبهم فى سلوكهم فى بيتهم
لإنهم حسوا إنك فعلا إنسان ملتزم متميز فبكده تقدر تعمل تنميه إيمانيه تنتشر فى كل حته فى بلدك ومحافظتك
ايه هى اجمل صفة اتوجهت ليك من الناس سواء في ورق او وجها لوجه ومكنتش تعرف انها فيك وفرحت بيها اوى
انى لماح وبافهم الناس كويس اوى وانى طيب
وايه هى اوحش صفه اتوجهت ليك ومكنتش حاسس انها فيك وبتحاول التخلص منها
انى قليل الذوق مع البنات (ههههههههههه)اه والله
يعنى ما باقلشى شكرا وميرسى ويا افندم وكده
عبدالرحمن كمان 5 سنين هيكون فين وبقى ايه وصناع البحيرة
هتكون فين
عبدالرحمن كمان خمس سنين حيكون فى بيت عدله إن شاء الله
بقى ايه ( هو يكون حاجه حلوه اوى بس اصبر انت )
صناع البحيره حيكونوا فين ( ده فى علم الغيب لإنهم كل يوم فى شأن مختلف ربنا يستر عليهم )
2- مبن من اكثر الشخصيات اللي بتحبها وايه اللي بتحبه فيه
اكثر الشخصيات العامه اللى باحبها الشيخ محمد حسين يعقوب
وباحب فيه كل حاجه صراحته وشجاعته فى قول الحق
وتربيته لتلاميذه تربيه صح
3- عايز رايك بصراحة في الأستاذ كباية
الاستاذ كبايه استاذ فاضل ومربى جليل ينقصه بعض الليونه والمرونه والا حينكسر فى يوم مش حيعرف يقوم ده غير انه متعنطز وشايف نفسه بيه وناسى انى عارف عنه اسرار عسكريه توديه ورا الشمس
4- ايه رايك في فريق اسماعيلية دلوقتي وايه في رايك هيكون شكلهم بعد سنة من دلوقتي
دلوقتى انا قلت رايى فيهم فوق بس ازيد عليه انهم ملتخبطين او ملخبطين نفسهم
كمان سنه اتوقع انكم تكونوا كلمكم متجمعين فى مكان واحد وعلى اكله واحده عيش وحلاوه فى بيت جميل كل ابيض فى ابيض

5- حاجة نفسك تقولهالي بعد الأسئلة الخفيفة اللي انا قلتهالك دي (محمد حسام غيظ)
باحبك اوى فى الله يا محمد والله
1-ما تأثير البلد المضغوطه عليك وما رؤيتك لجمعيتك فى المستقبل(بعدسنه)؟
البلد المضغوطه دى يا بيه بلد فقر عامله زى البدله اللى فيها عيب وبتتباع للناس الدرجه تانيه فى حتت زى العاشر من رمضان
بصراحه انا ما باحبهاش خالص باحس انى ماشى فيها مضغوط وانى مخنوق بس بقى نقول ايه ما باليد حيله
2-ما الشئ الذى قلته فى دوراتك ولم تستطيع ان تطبقه ؟ ولماذا لم تستطيع تطبيقه؟
تنظيم الوقت - الإستمرار
عشان انا ما بأركزى كتير وبافتح فى مجالات كتير فى وقت واحد
3- ما اسوأ شئ يعوق النهضه فى صناع الاسماعيليه ؟ وما احسن شئ يساعد على النهضه فيها ايضا؟
الكلام الكتير والهرجله
اللى يساعد هو
الأراده بتاعتكم - حبكم لبعض - ايدكم الواحده
4- ما تأثيرصناع الاسماعيليه عليك؟ ما تأتير صناع النضهه عليك؟ ما تأثير جمعية صناع الحياة البحيره عليك ؟
صناع الإسماعليه (دايما بيرفعوا روحى المعنويه وباحس معاهم بمعنى اخوه صادق ما عرفتوش ابل كده )
صناع النهضه (وقفوا جنبى فى وقت كنت فيه رايح فى سكه تانيه خالص وادونى الثقه والحب )
صناع البحيره (البدايات الرائعه ومعانى حب رائعه لا استطيع نسيانها ما حييت )
5-احكى لنا عن تجربه مرت بك واثرت فيك وغيرت منك ؟
تجربه مريره بسبب تسرعى فى التجربه دى
كنت حادبس فى مشكله لا حدود لها وربنا اعلم كنت حابقى فين دلوقتى
اثرت فيا كتير وبينت ليا حاجات كتير من طبائع البشر والدنيا
وعلمتنى معنى نصيحة الأب الغاليه اللى يبقى ليه تجارب وخبرات فى الحياه
هى ممكن نقول انها كانت نقطه تحول فى حياتى انى تخلصت تماما من التسرع والحمد لله بقيت باوزن كل حاجه ابل ما اعملها
6-ما الموقف الذى غلبتك فيه الدنيا وتوقفت فيه عن التحرك لهدفك ؟
مفيش الحمد لله إلا فى لحظات الكئاااااااااااااااااااااااااااااااااابه
وما تأثير علم التنميه البشريه عليك فى هذا الوقف؟
بيساعدنى وبيدينى امل انى اقوم تانى واكمل المشوار
مين اللي لو مات انهاردة تحس ان الدنيا وقفت بيك و مش هتمشي
مفيش حد لإن الحمد لله دايما الدنيا بتمشى معايا فى احلك المواقف
تاني ابداً ؟؟ و ليه ؟؟ و ليه الدنيا مشيت بعد الحبيب لى الله عليه و سلم
لو كانت هتقف بيك ؟؟؟
عشان الدنيا مش بتقف على حد
ايه أسعد يوم ليك مع صناع واليوم الأسوأ اللي مش هيتكرر و خد
بالك انا تقريباً عارف الجوز مش عاوز هجص؟؟
طيب يا اخى طالما انت عارف لازمته ايه الإحراج هههههه
بص اسعد يوم يوم هما اكتر من يوم بس اسعدهم بالنسبه ليا يوم ما اتصلت بيا اميره حجازى وقاللتى تعالة بكره الأستوديو بتاع القناه
ويومها حضرت حلقه من صناع
اسوأ يوم وبصراحه مش عاوز افتكره كان يوم حصل ليا فيه موقف فى جمعيه صناع
ايه الهمسة اللي تعتب بيها على عمرو خالد لو قابلته و ايه الشكر اللي
تقولهوله؟؟؟و ايه الزعيق اللي مش هتخاف تقوله؟؟؟
تعبت كتير بس ما اخدتش بالك من حاات بسيطه خلتنا فى موقف وحش خالص دلوقتى
اشكره على كل واحد كان هو سبب فى هدايته فى كل مكان فى العالم
وعلى صناع الحياه اللى عرفتنا ببعض
ازعقله على حقى وحق الناس اللى ضاع فى الشهادات بتاعة حماة المستقبل ورد فعله اللى ما كانشى مناسب لحجم المشكله
ناوي تشتغل ايه بالضبط و فين بعد 30 سنة لو عشت ربنا يديك العمر في طاعته؟؟؟
اكون مدرب كبير جدا جدا واكون قدرت انى اوصل ولادى اللى حاعلمهم تعليم لم يسبق له مثيل إلى مراتب عليا

مين أحب اليك في صناع كلها و بعد كدة في البحيرة و بعد كدة اسماعيلية؟؟؟؟
فى صناع كلها (صناع الإسماعليه ) وفى البحيره (مفيش حد )وفى الإسماعليه (انا قلتهم فوق )وربنا يستر
ايه اول كلمة هتقولها للنبي صلى الله عليه و سلم لما تقابله (بعد واحشني و الذي منه)؟؟؟
بصراحه وبكل امانه فى المواقف دى ما باعرفشى اقول حاجه خالص
مين اللي نفسك تقابله حالاً و هتقوله ايه؟؟؟
اللى نفسى اقابله حالا هوانت
عشان اقولك إكتئاااااااااااااااااااااااااااااااااااااااااااااا اااااااااااااااااااااااااااااااب
إكتئاااااااااااااااااااااااااااااااااااااااااااااا اااااااااااااااااااااااااااااااااااااااب
هتدفعلي كام عشان ما انشرش صورك وانت قايم من النوم و انت عامل عرض ازياء؟؟؟
واهون عليك بردو ياهن ثانيا دى كانت بالقوه وبدون وعى منى ههههه
ايه الحكمة اللي نفسك تعيشبيها و ايه الحكمة اللي نفسك الكل يعيش بيها؟؟؟
الدنيا إلى زوال والأخره هى دار القرار
بتقرأ كام كتاب في الشهر؟؟؟
حوالى 5 او سته
امتى آخر مرة حسيت انك عاوز تسكت شهر ؟؟ و ليه ؟؟؟
من حوالى اسبوع
اما سمعت شريط الشيخ يعقوب بعنوان اسكت
وكان فيه بيتكلم وبيقول لو تعرف انت كلامك ده بيوديك فين ولسانك كنت تتمنى الاتنطق وانك تفضل ساكت طول عمرك
لو هتعيط تحب مين من الناس يكون معاك و اشمعنى هوة ؟؟؟
اى حد يقدر يفهمنى ويطبطب عليا ويحيتوينى وكفايه كده
اشمعنى هو عشان انا بطبعى باحب الحنان
13- مين البني آدم اللي تحب تعيش معاه طول عمرك و ما تزهقش ؟؟؟ انا صح
بص يا هانى إنت قعدتك والله ما يتشبع منها طبعا
بس ده فى حالة ما اكون قاعد مع حد
لكن اللى لو عشت معاه العمر كله ما ازهقشى منه هو انا يعنى انا احب اقعد مع نفسى وانا جدا بنتفاهم مع بعض حافظين بعض وعارفين اسرار بعض وبنتناقش مع بعض وبنهذر مع بعض وكل حاجه بنظبطها مع بعض عشان كده عمرى ما ازهق منى انا خالص
امتى بيجيلك اكتئاااااااااااااااااااااااااااااااااااب؟؟؟
اكتئاااااااااااااااااااااااااااااااااااااااااااااا ااااااااااااااااااااااااااب اكتئاااااااااااااااااب
اكتئااااااااااااااااااااااااااااب
ساعة اما باحس ان الدنيا بتخنق عليا وانى ضعيف وانى بعيد عن ربنا وانى مظلوم او مقهور على امرى ومش عارف اعمل ايه
رسالة خاصة لكل من: جمال الإتربي-عمرو خالد-تامر شاور-محمد قاسم-محمد خضر-م/أحمد عز-محمود فؤاد-عبد الرحمن حبت-صناع الحياة-المسلمين؟؟؟
جمال الإتربى (مش عارف مين الظالم من المظلوم ) ربنا يسامحك
عمرو خالد (اتبهدلت كتير بس ثوابك عند ربنا كبير حبك فى قلبى ذاد اوى الفترى اللى فاتت ) ربنا يجعله خير
تامر شاور (تعمل فى صمت وبإخلاص شديد وبإتقان وتفانى ) حفظك الله ورعاك احبك فى الله
محمد خضر ( بهدلتك معايا ومع صناع واتخرب بيتك من ورايا هههه)بس ربنا يجعله فى ميزانك
مهندس عز (بهدلتنا معاك كتير وظلمتنا )وكان الجزاء من جنس العمل
محمود فؤاد (حتكون حاجه جامده اوى لو حددت هدفك ومشيت فيه وخليت بالك من صحابك ) فاهمنى طبعا
عبدالرحمن حبت (ادم ) بأحبك اوى اوى
بس خليك ماشى فى طريق ربنا واعرف ان الدنيا مهما طالت فهى قصيره
صناع الحياه (فات القليل والفتره اللى جايه صعبه جدا ) خلو بالكم وشدوا حلكم
المسلمين جميعا ( الكل بيحارب فيكم اثبتوا فأنتم على الحق) انا اقصد العرب وحال الإسلام
لما بتقع بتستنى مين يسندك؟؟؟؟
بردك اما باقع باستنى ربنا يسندى ودايما ربنا كان معايا فى كل وقت

سؤال غلس ...... انت بتغني في الحمام و انت بتستحمى؟؟؟؟ (رخم
اوي السؤال دة
اه باغنى طبعا باقول ظلموووووووووووووه
عملت ايه في البدلة اللي عمرو خالد طبطب على كتفها؟؟؟
دى شايها عشان اعمل عليها مزاد بعد عمر طويل ان شاء الله تسوى كتير انت عارف ههههههههه
ايه الحاجة اللي لو قالولك هتغير حاجة واحدة في مصر انهاردة هتغيرها؟؟؟؟
الغى اى بيوت بيضا فى مصر
بتغير ايه في عبد الرحمن اليومين دول ؟؟؟؟(محتاج مساعدة؟؟
عبدالرحمن اليومين دول بيعمل عمره شامله فى حياته ومحتاج الدعاء الصادق بالتوفيق والنصيحه الصادقه بإخلاص
تفتكر ايه المفاجأة اللي أنا عاملهالك ؟؟؟(بعينك
لسه بردك بعنيا ههههههههههههههه
لو قالولك قدامك في مشوار النهضة سنين طويلة بس مش هتاخد معاك غير اثنين طول الطريق تاخد مين و ليه ؟؟؟؟(ما تشكرش في كثير يلا
حاخدك عشان نفسك طويل وحاخد مراتى اللى حاتجوزها
لو هتموت دلوقتي و مش هتعرف تعمل غير مكالمة تليفون واحدة .هتكلم مين ............ و هتقوله ايه ؟؟؟؟
هكلم اى برنامج على الهوا اعلن فيه انى باموت وانى باطلب من كل الناس تسامحنى وتدعيلى
لو قالولك هتطلع على قناة فضائية بكرة تدي دورة لكل المسلمين هتكون دورة ايه ؟؟ و ليه؟؟؟ (فكر كويس لأضربك
دورة كيف تحدد هدفك
لإن بدون هدف للإنسان عمره ما حيعرف هو عايش ليه فلازم يظبط الدفه الاول
ايه النصيحة اللي تحب تقولهالي دلوقتي ؟؟؟(يلا يا سيدي انتقم
بطل عصبيه وزعيق كتير
ايه الكلمة اللي قالهالك حد ماتنسهاش لحد لما تموت ؟؟؟و مين هوة؟؟؟ و قالهالك امتى ؟؟؟؟؟
انت حيكون ليك مستقبل كويس اوى
اتقالتى وانا صغير اما كنت شغال فى تجاره الشيبسى والبسكوت فى بيتنا وانا بابيع لإخواتى
اللى قالهالى كان والدى حفظه الله
يا ترى لو رجع بيك الزمان ايه الثلاث قرارات اللي هتغيرها بدون تفكير ؟؟؟؟
انى كنت انضم لصناع الحياه فى الوقت اللى انا انضميت ليهم فيه
انى اخش قسم ميكانيكا
انى اعمل حاجه انت عارفها وبلاش فضايح
لو قالولك اختار منسق عام لكل من المشاريع التالية تختار مين على مستوى مصر او الشرق الأوسط: حماة المستقبل – المنتديات – الزراعة – المشروعات – التنمية – منسق تصوير الحلقات – زيارات عمرو خالد للبلدان و المحافظات ؟؟؟؟
حماة المستقبل - كاريمان عبد المطلب
المنتديات - مش عارف
الزراع - د/هشام الطيب بلا منافس
المشروعات - واحد صينى
التنميه - عبدالرحمن حبت
تصوير الحلقات - هانى حسام عشان يجيبنى كل حلقه
زيارات عمرو خالد للبلدان - هانى حسام بردك
ايه المصيبة اللي اصابتك و حسيت انك مش هتقدر تعديها .... و عديتها ؟؟؟؟(غير الموقف اللي انت فيه دة
مفيش صراحه اصعب من الموقف الجميل اللى انا فه ده
ههههههههههه
بص اصعب موقف عدى عليا كان لحظة فراق شخص عزيز جدا عليا بس الحمد لله عدت والدنيا مشت كويسه
ايه أغلى دمعة في حياتك بكيتها ؟؟؟؟
كانت دمعه ايام ما استشهد الشيخ احمد ياسين وحسيت بالهتافات
اكنها طالعه من قلبى مباشرة
لو انت بتغرق دلوقتي و بتموت يقيناً ايه الدعوة اللي هتدعي بيها؟؟؟
يا رب اعمل معجزه وما اموتشى
تحب لون شرابك بني بأستك من فوق و لا اخضر باساتك من الجناب
؟؟؟؟و ليه ؟؟؟؟(انا لو مكانك البس شراب ابيض
فوشيا بمبمى برباط من النصف
يا ترى تفضل انك تتجوز اليومين دول و لا تاكل طرشي ع الريق؟؟؟؟
(خد الطورشي افيدلك)
اتجووووووووووووووووووووووووووووووووووووووووووووو
ووووووووووووووووووووووووووووووووووووووووووز
لما بتكون عندك حموضة بتفتكر مين من الناس؟؟؟؟
عم كبايه ههههههههه دا واحد صاحبنا من اسماعليه
ايه الدورة اللي لو قالولك اختار براحتك تاخدها هتكون هي دي بلا منازع ؟؟؟؟
اخدها يعنى ولا اديها
اجمل بيت شعر سمعته و اجمل بيت شعر غزل سمعته ؟؟؟
دخلنا فى الإحراج بقى
بص اجمل بيت شعر غزل سمعته كان بيقول
انتظرتها فلما جاءت قالت لى اين كنت لقد خفت عليك كثيرا
الدعاء اللي تسمعه تعيط ؟؟؟
اى دعاء للشيخ محمد جبريل
الموقف اللي تفتكره تعيط؟؟؟؟
وانا فى لجنة امتحان الفزياء فى الثانويه
(جبت فيها 33 من 60)
لما تحس فجأة ان ربنا قريب منك اوي و تلاقي نفسك ضحكت بتقول ايه ؟؟؟
هههههه لا سؤال فى الجون والله بص ساعتها باتكسف اوىمن نفسى واقول شفت ربنا بيبحك ازاى خليك بقى انت قد الحب ده
لو قالولك انت هتعيش في شقة واحدة مع يهودي لمدة سنة هتكون استراتيجيتك ايه ؟؟؟؟ و ازاي ؟؟؟
حاضمه للإسلام فى خلال يومين ان شاء الله
واعلمه بعد كده كل حاجه عن الأسلام بقيت السنه
لو انت في وسط ذنب كبييييييييير و افتكرت ربنا بتعمل ايه ؟؟؟؟(مش لازم كبائر بس كبير بالنسبة ليك
بيبقى شعور متناقض جدا بس المشكله انى باكمل الذنب وبعدها ابقى مكسوف اوى اوى
ايه الكتاب اللي نفسك تقراه و تجيبه بس مش عارف لأنه غالي او مش لاقيه ؟؟؟
الكتاب اللى بألفه حاليا هو غالى جدا وفى نفس الوقت مش موجود لإنه لسه ما انطبعشى
لما بتسمع خبر عكننة في صناع بتكلم مين تتأكد منه ؟؟؟ و لو صح بتعمل ايه؟؟؟
هههههههههههه
ايام ما كان هانى هنا كنت باكلمه وكان بيدنى كلام فى التمام ههه
اما دلوقتى فبقيت ما باتكلمشى خالص وباكفى على الخبر ماجوووووور
نفسك في ايه من صناع اسماعيلية؟؟؟؟و تقولهم ايه؟؟؟؟
انهم ينظموا نفسهم وينطلقوا وما ييأسوش ابدا
اقولهم حتوصلوا فى يوم من الأيام وحتعملوا حاجه ومش حيبقى ليكم مثيل ان شاء الله
ايه احلى خبر سمعته في حياتك؟؟؟؟و عملت ايه للي قالهولك؟؟؟
احلى خبر سمعته فى حياتى كان خبر انى دخلت كلية هندسه
ويومها شربت البوستجى حاجه ساقعه
لو قابلت حد من التكفيريين هتعمل ايه ؟؟؟؟(يا خوفي
حاتكلم معاه بالعقل والمنطق ويا يقنعنى يا اقنعه
بس الأكيد انه حاخليه يسلم هههههههه ان شاء الله
ايه الدورة اللي اديتها و ندمت عليها و ليه؟؟؟و ايه اللي اديتها و فخور بيها و ليه ؟؟؟
اللى اديتها وندمت عليه كانت دوره فى كفر الشيخ
ليه عشان اسباب كتيره
اللى اديتها وفخور بيها كانت دوره كيف تحدد هدفك وكانت اول دوره اديها فى البحيره وفخرى بيها جاى من انها بفضل الله ما زالت محفوره فى العقول الى الان وكنت فيها بأتكلم بحماس غير عاااااااااادى
- اوصف كل من في كلمة واحدة:نفسك-نجلاء-ريهام-ايمان-عايدة-محمود-رخا-اسامة-مختار-ابو المجد-محمد حسام-رشا و رشا و ولاء (لو تعرفهم كويس)-هيثم زقزوق-عمرو خالد-تامر شاور-خضر-الإتربي-عبد الباقي-اميرة حجازي-احمد هوارة (لو تعرفه)أي حد تاني غيري نفسك توصفه(غيييييييييريييييييييي)؟؟
نفسك(غامض ) ع
نجلاء (مرحه )ن
ريهام (محبوبه )ر
ايمان (متزنه )ا
عايده (طوربيد حسنات)ع
محمود (استاذ برمجه )م
رخا ( تحيا مصر )ر
اسامه (جيلت هو الاصل )ا
مختار (عارف طريقه كويس )م
ابو المجد (عاقل ومتزن )ا
محمد حسام (المكافح )م
رشا (مخططه بارعه )ر
ولاء (طموحه )و
هيثم (متسرع )ه
عمرو خالد (داعية العصر )ع
تامر شاور (الصامت المنطلق)ت
خضر (الغامض )خ
الأتربى (هههههههه) بلش احسن
عبد الباقى ( الواثق )ع
اميره حجازى (غلبانه خالص )ربنا يوفقها
احمد هواره (حبيته من كتر الكلام اللى سمعته عنه )ربنا يعزه ويكرمه
هانى حسااااااااااااااااااااااااااااااااااااااااااام ( المشاغب ) شغال فى كل حاجه ويعمل اى حاجه وبإذن الله حيكون حاجه جامده اوى
هتضربني ببلطة و لا سكينة ؟؟؟نفسك تعمل ايه في دلوقتي؟؟؟؟؟
بجد والله نفسى اشوفك واخدك بالحضن واقلك
إكتئاااااااااااااااااااااااااااااااااااااااااااااا ااااااااااااااااااااااااااااااااب
وجت لحظة النهايه لحظة الوداع والله يا جماعه باحبكم جدا جدا جدا فى الله كلمكم
وربنا يعزكم ويكرمكم سعدت جدا معاكم لمده اسبوع فى هذا الحوار الجميل الشيق سعدت جدا بكل اللى سألونى وكل اللى وجهولى كلام
سعدت بردودى عليكم
حابقى اسعد بتعليقكم على الردود
إلى لقاء اخر بإذن الله
فى امان الله
ادم