بسم الله و الصلاة و السلام على رسول الله

NO COMMENT:ahmed26: :ahmed26: :ahmed26: :ahmed26: :ahmed26: :ahmed26: :ahmed26: :ahmed26: :ahmed26:
ممكن احاول اتكلم بعد كده ان شاء الله عن تفاصيل اليوم بس الاول استعيد و عيي لان حاليا بمرحلة الافاقة:eek: :Icon213: :Icon213: :ahmed24: :ahmed8: :ahmed8: :ahmed8: :ahmed7:
بس الاكيد انهم كانوا طيبين جدا و هاديييييين جدا جدا :evil_lol: :evil_lol: :evil_lol: :evil_lol: :evil_lol: :evil_lol: :evil_lol:

السلام عليكم ورحمة الله وبركاتة
ههههههههه عندك حق استاذة رشا كانوا هادييييييييييييييين جدا جدا جدا
انا بس حابة انى اشكر اللى كانوا مسؤلين على تنظيم اليوم كلهم بصراحة جزاكم الله خير بجد كان يوم جميل وكان منظم تنظيم حلو اوى وبجد فرحنا اوى فية
جزاكم الله كل خير عنا يارب

السلام عليكم ورحمة الله وبركاته
ياربنا لك الحمد كله ولك الشكر كله وإليك يرجع الأمر كله علانيته وسره إنك علي ماتشاء قدير ياربنا لك الحمد كما ينبغي لجلال وجهك وعظيم سلطنك
الحمد لله ربنا يسر لنا بيوم تاني جديد مع الأطفال أحباب الله وربنا يرزقنا الوفاء بالوعد ونكرر هذا اليوم مرات ومرات انا عارفة إن اليوم امبارح كان في صعوبة علي كل اللي اشترك في التنظيم والصعوبة دي جت من إن المكان كان واسع جدا جدا ومن تقلب الأحوال الجوية شوية الشمس طالعة وجميلة حبه الدنيا تمطر فجأة نلاقي الشمس تاني بس الحمد لله في ظل هذه الظروف خرج اليوم بصورة جميلة والأولاد كانوا مبسوطين جدا جدا جدا وغير إنهم كانوا مبسوطين كل الأطفال اللي كانوا معانا المرة الأولي الحمد لله سبنا معاهم حاجة في نفوسهم لقيناها المرة دي سبنا أثر وبصمة من يوم واحد فمابالكم بقي لو تكرر اليوم ده كل شهر طبعا ده هايدينا فرصة نحفظ الأولاد ونتابعهم أفضل وأفضل وعلي فكرة اللي كان بيمثلنا احنا صعوبة امبارح زي مثلا اتساع المكان كان بيمثل للأطفال بهجة شديدة علشان الإنطلاق.
امبارح الحمد لله ظهرت ايجابيات كانت بفضل الله كتيييييييييييييير أولها في وجهة نظري كمية البنات والشباب المشاركين في تنظيم اليوم من خارج اللجنة الاجتماعية ومن داخلها تواجد اللجنة الصحية معانا بشكل جديد وجمييييل روح التعاون وحتي لما حد بيتعصب علي حد من ضغط الشغل ماكنش حد بيزعل من التاني بصراحة اليوم امبارح كان رااااائع وجميل نسأل الله أن يتقبله منا وإن يعنا علي المواظبه عليه نسيت أقول إني إمبارح ما فرقش معايا كبر المكان والحاجات دي لأني قاعده مكاني والعيال هي اللي بتجي ليه.
تحية لأخونا أحمد محمدي لأنه ماشاء الله بيفكر وينفذ في نفس الوقت ربنا يعزه ويبارك فيه تحية لكل اللي كانوا موجودين في اليوم معانا تحية لأخونا محمد باسم اللي طلب منه أخونا محمود إنه يشاركنا اليوم ويوقوم بدوره قبلها بنصف ساعة جزاه الله خيرا علي سرعة استجابة تحية لأخونا الفاضل محمد السيد اللي شاركنا مرة تانية بعد غياب ربنا يعينك علي شغلك وحسك معانا ديما ياربونسأل الله أن يجمعنا علي طاعته في الدنيا وأن يجمعنا بنينا وآل بيته وأصحابة في الآخره

جزاكى الله كل خير يا عيوده أنتىو كل من كان له يد فى تنظيم هذا اليوم الجميل:sm5:
بجد اليوم كان رااااااااااااااااااااااااااااااااااائع جدا جدا :ahmed42:
والأولاد كانوا مبسوطين أوى لدرجه أنهم كانوا بيسألوا على المره الجايه وأحنا لسه فى نصف اليوم
وبعدين أنا بتكلم على الأطفال دا أحنا الكبار كنا فى منتهى السعاده لكم أن تتخيلوا الأولاد الصغيرين كانوا عاملين أزاى:00000005: :00000005:
طبعا أنا مش بقول كده عشان نقول أننا عملنا مجهود أو شىءولكن عشان أوريكم أد ايه كان توفيق ربنا ورحمته بينا وبالأولاد كبير أوى
اللهم لك الحمد عدد خلقك ورضاء نفسك وزنه عرشك ومداد كلماتك
اللهم وفقنا دائما لما تحبه وترضاه
:salam_text:

:salam_text:

اولا :
احب بجد اشكر كل اللى نظم اليوم امبارح لانهم بجد بذلوا مجهود كبير رغم ان الظروف والجو كان معاندهم شوية لكن خلوا اليوم اكتر من رائع

انا احب اوضح ان اغلب شغلى مع صناع على المنتدى او فى الزيارات وبس
وكنت اول مرة اشوف العدد الهائل ده امبارح واول مرة اتعرف على اغلبهم
وكان ليا الشرف انى عرفت ناس اكتر من الاخوات كلهم زى العسل بجد

والتنظيم واليوم كله كان رائع والاطفال كانوا فرحانين اوى والصراحة احنا كنا اكتر منهم
رغم الجو لكن الكل كان مستمتع بوقته من لعب ومسابقات وفرحة الاطفال بجوايزهم
وفرحة فريقى وهو بيحفظ النشيد علشان ينافس الفرق الباقية
واللى احلى كمان ان ربنا اكرمنى ببنتين مشرفين على الفريق معايا صادف انهم اخوات وبقينا احنا التلاتة اخوات مش هما بس بجد فرحانة انى اتعرفت عليهم اوى

الصراحة ربنا يكرمكم كلكم على اليوم الجميل اللى قضيناه بفضل مجهودكم ده وربنا يقدركم على الخير دايما :ahmed42:

جزاكى الله كل خير يا عيوده أنتىو كل من كان له يد فى تنظيم هذا اليوم الجميل:sm5:
بجد اليوم كان رااااااااااااااااااااااااااااااااااائع جدا جدا :ahmed42:
والأولاد كانوا مبسوطين أوى لدرجه أنهم كانوا بيسألوا على المره الجايه وأحنا لسه فى نصف اليوم
وبعدين أنا بتكلم على الأطفال دا أحنا الكبار كنا فى منتهى السعاده لكم أن تتخيلوا الأولاد الصغيرين كانوا عاملين أزاى:00000005: :00000005:
طبعا أنا مش بقول كده عشان نقول أننا عملنا مجهود أو شىءولكن عشان أوريكم أد ايه كان توفيق ربنا ورحمته بينا وبالأولاد كبير أوى
اللهم لك الحمد عدد خلقك ورضاء نفسك وزنه عرشك ومداد كلماتك
اللهم وفقنا دائما لما تحبه وترضاه
:salam_text:
كنت عايزة اقول كدة :ahmed42: :ahmed42:

جزاكى الله كل خير يا عيوده أنتىو كل من كان له يد فى تنظيم هذا اليوم الجميل:sm5:
:salam_text:
وإياكم إن شاء الله بس أنا فعلا ماكنش ليه أي دور غير إني أعد مع الأولاد في فقرة القرآن ربنا يبارك في اللي كانوا ليهم دور التنظيم ويجزيهم خير اللجنة الاجتماعية

:bism:

انا فقت خلالالالاص و رجعت لوعييى و اقدر اتكلم دلوقتى و انا فى كامل قوايا العقلية:director: [/SIZE]
اسمحولى يا جماعة اوجه فعلا جزيل الشكر لكل اللى شارك معانا امبارح فى تنظيم اليوم من خارج اللجنة الاجتماعية ( طبعا مفيش شكر للاعضاء اللجنة علشان ده شغلهم )
لا انا بهزر فعلا جزاكم الله خيرا كلكم فعلا اليوم من غيركم بعد فضل ربنا طبعا عمره ما كان هينجح و لا هيطلع و لا حتى بنص المستوى اللى كان فيه و ده ان دل على شئ يدل اننا دايما يد واحدة وقت الشغل مفيش ده شغل لجنة غير لجنتى كله بيشتغل باقصى جهد عنده لانى الشغل فى اى لجنة هو اولا و اخيرا شغل لوجه الله سبحانه و تعالى و نسال الله سبحانه و تعالى ان يتقبل عملنا و يجعله خالص لوجهه الكريم
شكر خاااااص لمحمدى جزاك الله عنى و عن اليوم كله خير الجزاء فعلا كنت بتمثل رجل المهام الصعبة ربنا يتقبل منك ان شاء الله .
و طبعا مش هنسى المشرفين انا عارفة انكوا تعبتوا جدا بس متنسوش
( الاجر على قدر المشقة ) يعنى انا عايزة مصلحتكوا ...جزاكم الله خيرا .
و كل المسئولين عن الالعاب و الفقرات الاخرى و المطبخ ... جزاكم الله خيرا.:sm5: :efsf7: :efsf7:

فاضل بقى يا جماعة الاعتذار انا بعتذر لاى حد زعلته او اتنرفزت عليه امبارح بس و الله يا جماعة فعلا كانت نرفزة شغل و اى حد زعلان منى او من ولاء او من اسامة انا بعتذر عن الجميع " احنا اسفيين " خلاص بقى مش هفضل اعتذر كتيير :rose67: :rose67:

السلام عليكم و رحمة الله و بركاته

أنا سمعت كلمه غريبة هنا .... بتقولوا أطفال !!!! ... همه مين دول إللي أطفال .... دا أنا إللي أطفال ....
دول كانوا ملايكة بتتكلموا في إيه ... أنا روحت عندي صداع نصفي ... و رجليه مش شيلاني ....
لا بس كان يوم ممتع بصراحة .. صحيح اتبهدلت واتمرمط .. و اتهزأت كمان ... و من مين ... من الأطفال !!!!
واحد فيهم اسمه فارس .. كان فظيييييييييييييييييييييييييييييع .. ياكوكو تعالى ... يابابا اعد ساكت ...
يقول عايز ألعب في كورة ... طب ياحبيبي هنلعب في المراجيح الأول و بعدين نلعب كورة ... لا ... تودي يلعب كورة .. يقولك لا عايز ألعب المنديل .. ياحبيبي هنتنيل نلعب المنديل ... بس لما نلعب كورة ... لا ... في الآخر كنت هفقد أعصابي من الجري وراهم كل شوية ... المفروض إنهم 11 ... مفيش مرة عدناهم فيها و طلعوا كاملين !!!! ياربي ... و في الآخر بيقول لهديل هي دي إسمها إيه ؟؟؟ ... قالتله عيب يابابا .. ما اسمهاش دي ... اسمها أبلة رحمة ... قاللها دي رحمة دي ... دي ولا فيها ريحة الرحمة !!!!!!!!!
مش عارفة تقريبا كت بخوف العيال أو مسكالهم العصاية ولا حاجة ....

....الحمد لله الذي قدر لنا هذا الخير
مش كل الاطفال متعبين و الله الي شوفتهم كلهم كانو لوذاذ و لا عشان انا كنت في نشاط ؟و مستمرتش مع مجموعة واحدة طول اليوم؟
علي فكرة اليوم كان جميل جدا بس كان نفسي اشوف الحفلة .............. ان شاء الله المرة الجاية اشوفها

بسم الله الرحمن الرحيم
اولا انا بعتذرعن تاخر مشاركتى فى الموضوع ياجماعه بس معلش اعذرونى

شكرخاااااااااص لدكتوره عايده واستاذه رشا زيدان
انا مش عارف انتوا بتتكلموا كده ليه بس فعلا انا معملتش حاجه زياده
انا شايف ان كلنااشتغلنا كويس جداوالحمد لله اليوم كان كويس
هو فعلا اليوم كان بالنسبه للمشرفين والمنظمين اليوم كان اصعب من يوم لمنار بس بالنسبه للاطفال كان احلى وامتع من يوم المنار بسبب المساحات الواسعه اللى لعبوا فيهاوالخضره والحدائق دى كلها وانا شايف ان امام فرحه الاطفال باليوم فعلا كله يهون والله عشان هما روحواوهما مبسوطين جدااا
شكرا خااص جدا لاستاذه رشا زيدان تعبت جدا اليوم ده واستاذه ولاء واخويا الكبير اسامه
وطبعا كل التحيه لدكتوره عايده اللى نشاطها كان انجح نشاط كالعاده وطلعت مجموعه كويسه من الاطفال متعونا فى اخر اليوم
وطبعا كل الشكر لاستاذه مروه زيدان اللى فعلا ياجماعه معاها اشقى فريق
فريق سيدنا ابو بكر الصديق فبرغم غياب اشقى طفل الشهير بكلاظه الا برضه فى اليوم ده ربنا وعدها باطفال غيره حلوين جدا طبعا وهاديييين اوووى ربنا يجازيها خير الجزاء وكمان استاذه هند اللى تعبت كتتير
بقول اليوم كان محتاج محمد خالد وكمان وليد مهدى
بس معلش تتعوض المره القادمه
عايز اقول حاجه بسيطه
لو فعلا دكتوره عايده واستاذه رشا شايفين انى كنت ناجح فى اليوم ده
يبقى فعلا من حقكم انتوااللى تفرحوا لانى بجد تلميذكم انتوا
وانا اتعلمت دايما من اخواتى الكبار والله ياجماعه
(دكتوره عايده..استاذه رشا..استاذه ولاء... اسامه محمدى)
يعنى انافعلا تلميذكم اللى اتعلمت منكم كل حاجه وليكوا اكبر الفضل عليا بعد ربنا سبحانه وتعالى
انا برضه كنت فرحان كان فى ناس كتيراوى اليوم وده مؤشر كويس اوى ويارب دايما كده نتجمع فى كل مناسبه بترضى الله سبحانه وتعالى وربنا يثبتنا جميعا
احمد محمدى

بسم الله و الصلاة و السلام على رسول الله

بصراحة يا جماعة انا مكنتش ناوية اتكلم فى الموضوع ده على المنتدى و قلت هتناقش فيه مع اعضاء اللجنة الاجتماعية فقط .. انا فعلا ناقشتهم فيه بس لقيت انه مش من العدل ان اناقش 5 او 6 فى سلبيات يوم كان مشترك فيه اكتر من 40 فرد و انه فعلا الموضوع لا يخص اللجنة الاجتماعية وحدها بل يخص اى حد مننا عاهد ربنا انه هيكون سبب لنهضة هذه الامة .
الموضوع يا جماعة هو عدم تحمل المسئولية اللى لاحظته بشكل غير عادى فى يوم ال100 طفل اللى فات
فى كتير جدا من المشرفات و الناس اللى كانوا مسئولين عن العاب معينة لم يكونوا على قدر المسئولية و ده من الاسباب اللى ساهمت فى ان اليوم خرج بصورة غير اللى كنا كلنا بنتمناها انا طبعا شكرت المشرفين و كل من شارك فى اليوم قبل كده لان من لم يشكر الناس لم يشكر الله لكن برضه لازم نعرف فين نقاط ضعفنا علشان نقويها
اسمحولى اعرفكم ايه اللى البنات ردوا على بيه لما واتناقشنا فى الموضوع ده:-

واحدة قالت انا كل ما اكلف اى حد من المشرفات اللى كانوا معايا انهم يحضروا اى شئ للاطفال او يعملوا اى حاجة " يقولوا ماتروحى انت احنا مش قادرين "
التانية قالتلى اللى كانوا معايا كانوا كويسين و تعبوا معايا بس كانوا بيسبونى كتير لوحدى و عشان كده مكنتش بقدر اسيطر على الاطفال
و غيره و غيره
و ده يا جماعة ان دل على شئ يدل هلى عدم تحمل للمسئولية ده بقى غير الناس اللى كانت حاضرة بدون ما تشارك فى اى شئ طبعا هما شرفونا بس على ما اظن انهم لو كانوا اشتغلوا كانوا هيحسوا بلذة اكتر و انا بس بسالهم سؤال " ايه النية اللى قلتها و انت نازل من بيتك "
يا جماعة الخير انا بس هسالكم سؤال و انتوا هتعرفوا انا قصدى ايه من اللى انا بكتبه ده
فاكرين الروح اللى كنا بنشتغل بيها فى اول "شنطة رمضان " عملناها مع بعض مكنش فيه حد بينتظر ان حد يقوله تعالى او اعمل كذا كان كل واحد بيشتغل و كأنه هو الوحيد المسئول عن نجاح الشغل ده و انجازه ..
الروح دى و الاحساس العالى بتحمل المسئولية ده راح فيييين؟؟؟؟ و ليه بقينا بنرضى باقل قدر من الحسنات مع اننا محتاجين كتييير اوى ؟؟ و ليه بقينا بنشتغل فى المكان ده علشان هنقابل الناس اللى بنحبها و هنروح اليوم ده علشان اليوم هيكون لذيذ و لو مفيش الحاجات دى يبقى اقل القليل هما اللى حاضرين و الباقى مبنشوفش منه حد ؟؟؟
انا اسفة جدا طولت عليكوا بس بجد احنا محتاجين نقف وقفة جامدة جدا مع انفسنا و نراجع نوايانا علشان ربنا يتقبل
و نكون اهل ان ربنا يجعلنا و لو سبب بسيط لنهضة هذه الامة.

كلامك صح يااستاذه رشا
وعارفه ليه انا حاسس ان بعض الناس كانت جايه تغير جو
بس كده لا ياجماعه احنا الحمد لله ممكن نكون اقل من 10 افراد ونمشى اليوم كويس وده احسن لما نبقى اكتر من 40 فرد والاغلبيه قاعد
بس الصراحه فى ناس تعبت اووووى وناس كبرت دماغها اووى
مكنش فى نشاط شغال وملتزم بشغله غير نشاط القران بتاع الدكتوره عايده ومن بعده نشاط الرسم ونشاط التلوين ونشاط الهاند ماد ونشاط الكراسى بعد كده كله كان ملغبط فيه اللى مكملش فريقين وراح قعد مع بتوع الدى جى وفى اللى كبر ومش عارف راح فين وحاجات كده طبعا كمان اللى ماسكين اشراف على الفرق كل شويه الاقى عيل صغير فى مكان غريب واروح اجيبه واسال على فريقه ده طبعا غير انى كنت بلاقى مشرفين قاعدين وسايبين فرقهم وخصوصا لما دخلنا جوه كله ريح وافتكر ان اليوم خلص على كده
يعنى انا حطيت واحد مكانى عشان شايف الناس بتهزر ومسكت اشراف على الفرق لان كل واحد او كل واحده لازم حد يجى يتحايل عليه عشان يعمل شغله وبكرر ان مش كل الناس كده كان فى ناس ربنا يجازيها خير عملت كل ما فى وسعها لاخر اليوم
ياجماعه الخير انتوا شغالين عشان ربنا وبس مينفعش كده بجد لازم نقف مع نفسنا وقفه كويسه ونحاسب نفسنا اللى بياخد شغلنا على انه رفاهيه وتغير جو وتضيع وقت وكده يارييييييييييييت يقعد فى بيته احسن احنا شوفنا حرقه دم فظيعه فى اليوم ده
بس الحمد لله اليوم عدى كويس بفضل الله وباخلاص بعض الناس اللى شاركت فعلا انا لو كنت اعرف اسمائهم كنت قولتها على الملأ
بس هما كلهم بنات وانا معرفش حد فيهم بس ربنا يجازيهم خير على قد ما عملوا واشتغلوا واخلصوا فى شغلهم
عايز اقول حاجه كمان اى حد فينا بيوجه له شغل او اى مهمه لو مش قدها يقول لا ومحدش هيجبره فعلا بس لما يقبلها ومش يتمها على الوجه المطلزب ساعتها هيتحاسب قدام ربنا على كده انه قصر فى عمله العمل اللى احنا بنعمله عشان ربنا وبس
ياريت نفكر كويس فى الكلام ده ولاد وبنات
وتانى مره بكرر جزيل شكرى للناس اللى تعبت فى اليوم ده
والسلام عليكم
احمد محمدى