السلام عليكم ورحمه الله وبركاته
ان شاء الله هنتكلم النهارده عن موضوع مهم جدا اعتقد ان كل منا يعانى من ويخشى كل منا منه على عمله
ولست انا بهذا الذى يتحدث عن هذا الموضوع لأنى اكثركم وقوعا فيه , فمثلى انا اتحدث عنه كمثل هذا الذى وصفه الشاعر فى قوله
غير تقى يأمر الناس بالتقى طبيب يداوى الناس والطبيب عليل
ولكنى والله ماتحدثت الا من باب قوله تعالى ( فذكر فأن الذكرى تنفع المؤمنين )

وموضوعنا هو ( العمل التطوعى والأختلاط )

- وحتى أكون محدد فى كلامى فسوف يدور الكلام حول 5 محاور رئيسيه :
1- ( من بين فرث ودم لبنا خالص ) 2- خيانه الأمانه .
3- العلاقه بين الألتزام والاختلط . 4- الأنسان بين الطبع والشرع .
5- قواعد الاختلاط .

أولا : - ( من بين فرث ودم لبنا خالص ) :
- وقد ذكر هذا المعنى فى القران وققد صور اعمال العباد باللبن وصور مرحله خروجه من بطون الدواب وانه يخرج من جننب الدم والفضلات من دون ان يتلوث حتى تقبل ان تشربه ولكن أذا كان به ولو ذره من هذه الشوائب فأنك لا تقيله لو اجتمع على ذلك بنى أدم كلهم
- ولله المثل الاعلى فقد قال النبى صلى الله عليه وسلم ( أن الله طيب لايقبل الا طيبا ) فما بالكم بأعمالنا التى هى ملئا بالشوائب من فرث الرياء ودم العجب ونحن نزيد على كل هذا الطامه الكبرى ( الاختلاط المحرم ) ونريد فى النهايه ان يتقبلها الله ............... فأنى لنا ؟ اللهم تقبل عملنا المشوب .

ثانيا : - خيانه الأمانه :
- كلنا بالتأكيد سمعنا حلقه الاستاذ عمر لما تكلم على الامانه ولما ذكر أن الولد الي يعرف بنت من وراء أهلها هيجى يوم القيامه يرفع لواء مكتوب عليه هذه خيانه فلان .
- طب ايه الي جاب ده لكلامنا . هو مش نفس الموضوع ولكن خلينا نحكم على هذا الموقف :
البنت لما تنزل من بيتها وأهلها يعلمون انها ذاهبه للعمل التطوعى لله مع مجموعه من البنات والولاد الملتزمين ( نحسبهم كذلك والله حسيبهم ) ولكن الي بيحصل احيانا انه ممكن معظم الوقتت يمر فى حوار مع احد الشباب فى ضحك ووهزار وكلام فى امور شخصيه جدا مينفعش يتكلموا فيها . ( فهل من الممكن ان يكون هذا ليس بخيانه وانه امر عادى ) ..................... أرجوكم انتوا الي تحكموا .

ثالثا : - العلاقه بين الألتزام والاختلط :
- لو نظرنا نظره متخصصه شويه فى جانب من جوانب الالتزام وهى التعامل مع الطرف الاخر (سواء ولد او بنت ) ..... فما الفرق فى هذه العلاقه بين ناس عاديه وناس نحسبهم ملتزمين ؟ هل الفرق هنا ان االبنت ملتزمه بالزى الشرعى والولد ملتحى ولكن الشله هى هى والضحك والهزار والكلام هو هو أم ان الموضوع ليه ابعاد اكبر واعمق من ذلك .
- انا من وجه نظرى التافهه أنه لا يجوز العمل الا فى ضروره فأذا وجدت الضروره فأن هناك ضوابط سوف أذكرها لاحقا .

رابعا : - الأنسان بين الطبع والشرع :
- كان أخويا هانى واحنا فى الزقازيق اكلم معانا فى الموضوع ده وهو صراع الانسان بين الشرع والطبع والحيره بينهم دائما وقد بين انهم قد يختلفوا قد يتفيقا . فاللهم جزيه خيرا .
- فلو طبقنا هذا على مشكلتنا هنرى ان الطبع بيقول ( فيها ايه لما نتكلم ونهزر ونضحك ونهيس مدام ما بنعملش حاجه غلط ) ولو جينا نبص على الشرع فقد ذكرنا رأيه . فأى الفريقين تتبع وتوالى ؟
ولكن كن حذرا لان اتباع الطبع المختلف مع الشرع سينطبق عليهم قول الله ( أرءيت الذى اتخذ الهه هواه أفأنت تكون عليه وكيلا ) أما من أتبع الشرع فأنه يفوز بوعد الله ( ان تنصروا الله ينـصركم ويثبت أقدامكم ) . فنحن من أتباع من ؟

- وأظن بهذه المحاور أنا قد أصلنا الموضوع يالتفصيل فليعرض كلا منا نفسه على هذه المحاور وليختر لنفسه ما يريد .
- وحتى لا أكون عرضت الموضوع عرضا سلبيا فسوف نتعرض للمحور الخامس والاخير وهو :

خامسا : - قواعد الاختلاط : وهذه القواعد قد وضعت من قبل وكانت كأنها لم تضع الا ما رحم ربى :

1 – الا يكون هناك تعامل الا ى الضروره .
2- التلفونات فى اضيق الحدود ( أن السمع والبصر والفوائد كل أولئك كان عنه مسئولا ) .
3- لا يجوز الرنات والرسائل الوديه بين الاخوه والاخوات ولا صحيان الفجر وو حاجه من ديه .
4 – الالتزام با لضوابط الشرعيه غند التحدث من غض البصر وخفض الصوت وعدم االخضوع فى القول للاخوات .
5 – عدم وجود موضيع شخصيه تكون موضوع الحوار بينهم .
6 - عدم وجود علاقات اجتماعيه بين الولاد والبنات واسرهم .

- وهناك العديد من القواعد التى تم خرقها بواستطنا للاسف فأمال ان تعود مره اخرى للتطبيق ولو انا نسيت حاجه منها ارجو انكم تذكروا حتى تكتمل الفائد .

ملحوظه اخيره : انا لما كتبت الموضوع ده كان الهدف هو المصلحه العامه للفريق وانا لم أقصد أحد بعينه ولو حد ظن ذلك فقد ظن بي سوء وانا من ظنه بريء وانا مسامحه او سمحها لان والله ما حد يعرف انا بحب الفريق ده قد ايه وانا لا يمكن اتعدى على حد فى يوم من الايام لان أنا اقل واحد فيكم وجزمكم فوق رأسى


( وأتقوا يوما ترجعون فيه الى الله ثم توفى كل نفسا ما كسبت وهم لا يظلمون )

:bism:


والصلاه والسلام على سيد المرسلينسيدنا ونبينا محمد بن عبد الله
والله يا استاذ احمد بعد كلامك الممتاز لايوجد كلام جزاك الله عنا خير الثواب
ولكن الاهم من ذللك هو ان نبداء نحن بانفسنا ولا ننتظر اكثر من ذللك
حتى يرحمنا الله ويعفو عنا
وانا شخصيا اكثر شخص فى الجروب اقع فى هذه المشكله التى اتمنى من الله عز وجل ان يجنبنى اياها
يلا ياجماعه ياريت كل الولاد يساعدم بعض وكذللك كل البنات تساعد بعض
ونقف وقفه رجاله لعلل الله سبحانه وتعاله يرحمنا ويغفر لنا ويتقبل اعمالنا
اللهم اغفر لنا وارحمناوتغمدنا برحمتك انك انت الغفور اللرحيم
ا

http://www.arabswell.com/vb/up/38792_1143860371.gif

بعد انشغالى الفترة الماضية لا اجد افضل من هذا الحوار للرد علية والتحدث فى هذا الموضوع

جزا الله احمد مختار عنا خير الجزاء لانة اتكلم فى موضوع كان ومازال يشغل تفكيرى

اتكلمت فية مع ناس كتير ومحدش بيسمع لدرجة انهم حسسونى فعلا ان مفيش بينا اى نوع من الاختلاط خالص

بس انا اتقدم بطلب لليدر من هنا الا وهو

وضع قواعد الاختلاط بوضوح وتوزعيها على كل افراد الفريق ونشرها هنا على المنتدى مع مراعاة وضع عقوبات رادعة لمن يكسر هذة القواعد حتى ولو وصلت الى ترك الفريق
وهذا كله حتى لا تشوه صورة بقية الفريق او يشوة عمل الخير وسعيا للافضل دائما

وجزاكم الله خير

منتظر رد الليدر

:bism:
أخي في الله
جزاكم الله خيرا علي التذكره
وأنا أقرأ كلام حضرتك تذكرت قول المولي عز وجل:
{بل الإنسان على نفسه بصيرة، ولو ألقى معاذيره}.فعلا ماحدش هايقدر يتحكم في قصة الإختلاط دي غير لما كل واحد مننا يقف واقفة صريحة يراجع فيها نفسه ويشوف هو وقع فين وليه وعلي فكرة القواعد اللي حضرتك قلتها مش ولا كأنها اتحطيت ولا حاجة أنا عايزة أولا كل واحد فينا يقرأ هذا الرابط
http://www.boshretkhair.com/vb/showthread.php?p=3447#post3447الرابط ده نزلنا عليه ندوة الحب الصادق للأستاذ الفاضل مصطفي حسني وبعدها نزلت قواعد الاختلاط واحنا كان لينا تعليقات انا منزلاها علشان نتذكر احنا كان ايه رد فعلنا لما أخ فاضل ذكرنا ساعتها حطنا قواعد وطبقناها بالفعل لكن أكيد كلنا عارفين إن الايمان بيزيد وينقص دي عقيدة لا يوجد إختلاف عليها فالمشكلة إننا بعد فترة نسينا والشيطان طبعا واقف بالمرصاد ما بيصدق يلاقي حد وقع ويكمل علي الباقي.
جزاكم الله خيرا إن حضرتك عدتنا من المؤمنين لأن ربنا يبحانه عز وجل لما وجه كلامه لنبينا :mohd: صلي الله عليه وسلم قال له:
(وذكر فإن الذكري تنفع المؤمنين) فأي حد حاسس(وانا أولهم) إن حضرتك بتذكره لازم يشكرك إنك تحسبه علي خير تحسبه من الذين إذا ذكروا اتعظوا في رابط تاني مهم لازم برده كلنا نقراه هو رأي د.يوسف القرضاوي في مسألة العمل التطوعي واإختلاط
http://www.boshretkhair.com/vb/showthread.php?t=162دا تعليقي علي مشاركة حضرتك تابعوا المشاركة التاليه اللي فيها رأيي لحل المشكلة لأننا كلنا معترفين إن في بالفعل مشكلة موجودة وعلي فكرة يا جماعة ياريت كل اللي بيقرأ الموضوع حتي لو فعلا هو بفضل الله مش واقع في المشكلة يقول رأيه لأن مشكلة زي دي ممكن توقع الفريق بأكمله فالمشكلة مشكلتنا جميعااااااااااااااااااا.

أخي الفاضل د.أحمد سعيد
أولا عود أحمد إلي منتداك
ثانيا أنا رأيي علشان نحل المشكلة دي جزريا لازم ناخد عدة خطوات هاقولها علي الترتيب
1- ننزل موضوع علي المنتد فيه كل القواعد السابقة لسببن أولا في ناس ماتعرفش القواعد دي أساسا وتاني حاجة علشان نناقشها بموضوعية بعد فترة اقتربت من سنة لوضعها هانبدي رأينا فيها كلنا بدون خجل ولا خوف مع احترام الجميع يعني مش هانعد نذكر القاعدة دي يا جماعة غلط لأني لما جيت أطبقها مع فلانة حصل وحصل لالالالالالا احنا هاناقش كلنا القواعد دي بشكل عام لمدة اسبوع مثلا ايه اللي مش فعال منها وايه اللي ماحطنهوش ولا زم يتحط ونناقش معاها ايه العقوبات الرادعة وانا أعني ما أقول لأنها فعلا لازم تكون رادعه لأن الموضوع جد خطير.
2- خلال هذه الفترة وبصدق شديد وأمانة شديدة كل اللي شايف في نفسة أو في أخو للشباب وأخته للفتيات عدم تطبيق للقواعد الحالية أو خروج عن الصح من غير تصييح وحكايات يذكره بالتي هي أحسن انك وقعت ولازم نشد بعض للصح.
3- بعد انتهاء فترة اسبوع المناقشات علي النت نعمل اجتماع عام لكل الفريق نعرض فيه قاعدة قاعدة من القةاعد اللي أثمر عنها نقاشنا علي النت وكذلك العقوبات ونعمل تصويت يعني اليوم ده يبقي للتصويت مش للمناقشة .
4- من أول مانخرج من الاجتماع يبدأ مباشرة تطبيق هذه القواعد علي الجميع ويتعمل بيها موضوع علي النت يكون اسمه مثلا قبل ان تكون عضوا في فريقنا يكون الموضوع مثبت وليه دعاية في جزء الإعلانات ثابت بره ويتكتب في ورقة توزع علي مسئولي اللجان وهما مسئوليتهم ان أي عضو جديد هاينضم ليهم ياخد نسخة من الورقة دي.
ده رأيي لو انتوا شيفين الخطوات دي صح نبدأها من اليوم لو شايفين تعديل عليها ياريت تقولوا علشان عاوزين نبدأ بسرعة

:bism:
والصلاة والسلام على خاتم الانبياء والمرسلين سيدنا محمد صلى الله عليه وسلم وعلى آله وصحبه وسلم

أخى فى الله جزاكم الله خيرا
الموضوع ده نفسى اطرحه من زمان ومكنتش عارفة أبدأ منين
احنا مشكلتنا بجد اننا مش عارفين نبدأ من نفسنا بنقول قواعد وبننشرها وبعد كده كأن شيئا لم يكن
والسؤال على لسان البعض بيكون ايه احنا فعلا ممكن نفصل ممكن نعمل اجتماعات للبنات وللشباب فقط
وحاجة كمان بتتقال احنا شبابنا وبناتنا ملتزمين
ياريت ياخوانى محدش يفهمنى غلط طبعا احناشبابنا وبناتنا من خيرة الشباب ولا نزكيهم على الله وكمان مش قصدى حد معين هو اللى بيسأل الاسئلة ده لان انا واحدة من الناس اللى كنت بتسائلها

ومش عشان انا منضمة للجنة مفيهاش شباب أكبر ومكلمش لا احنا ياجماعة منظومة واحدة وبحب الفريق جدا ويشهد الله على ذلك

لكن انا واحدة من الناس اللى ساعات بكون عايزة احضر اجتماع لتنظيم معرض او قافلة وبرجع عن قرارى واحطلى اولوية لاندايما فى الموضوع ده بستفتى قلبى

انا من وجة نظرى التعبانة نفسى يكون لينا هيكل تنظيمى للولاد والبنات وصدقونى ياجماعة هنقدر باذن الله لان هدفنا هيكون رضا الله
جزاكم الله خيرا
والسلا م عليكم ورحمة الله وبركاته
----------------------------------------------------------------------------
سبحانك اللهم وبحمدك اشهد ان لا اله الا انت استغفرك واتوب اليك

:bism:
السلام عليكم و رحمة الله و بركاته

جزاكم الله خيرا يا أخى الحبيب الصغير سنا و الكبير مقاما أحمد على موضوعك المهم جدا

كنت ناوى أتكلم فى حاجة و كنت هافتح موضوع منفصل ليها بس أنا شايف انها على صلة وثيقة بموضوعنا ده
هاتكلم بشكل بسيط عن النوايا و الفكرة اساسا بدأتها أختنا الفاضلة المهندسة رشا شكرى (ربنا يجزيها عننا خيرا) على صفحتنا على منتدى أ/عمرو خالد

فى حديث سيدنا أنس بن مالك‏:‏ لما خرج رسول الله صلى الله عليه وسلم في غزوة تبوك قال‏:‏ ‏"‏ إن بالمدينة أقواماً ما قطعنا وادياً ولا وطئنا موطئاً يغيظ الكفار ولا أنفقنا نفقة ولا أصابتنا مخمصة إلا شركونا في ذلك وهم بالمدينة‏‏"‏
قالوا‏:‏ وكيف ذلك يا رسول الله وليسوا معنا
قال‏:‏ ‏"‏ حبسهم العذر فشركوا بحسن النية ‏".‏

فى غزوة تبوك , مجموعة من الصحابة اللى ماكنش معاهم نفقات تجهيز أنفسهم للمسيرة البعيدة لتبوك خدوا أجر زى اللى خرجوا فى الغزوة

أخدو ا أجر غزوة مع الرسول صلى الله عليه و سلم بالنية بس

طيب ايه علاقة ده بموضوع الاختلاط
انا شايف ان العلاقة قوية جدا
لان الاختلاط اللى يتم من غير ضوابط و قواعد أكيد هايضيع نوايانا

مفيش اختلاف على ان اللى بيشتغلوا فى العمل الخيرى أكيد فى جواهم خير
عاوزين يقدموا حاجة تشفع لهم يوم القيامة أمام الله

أول ما ننضم بتبقى الهمة عالية و النوايا خاصة لله
بس بمرور الوقت بتختلط النوايا
و اللى كان جاى فى البداية علشان يشتغل لله , بيبدأ بعد فترة بسيطة و نتيجة عدم ضبط نيته ينظر لمن حوله
يقول فى نفسه فلان انا بشتغل اكتر منه و رغم كده هو ماسك مسئولية حاجة و انا لا
يسأل قبل ما يشترك فى شغل معين هو فلان/ة جه/جت و الا لا
لو جه ممكن ييجى و لو مجاش ممكن مايجيش
ساعتها يعرف ان نواياه اختلطت و لازم يقف مع نفسه شوية

انا جاى اشتغل لله مش مهم اكون مسئول
مش مهم أشتغل حاجة كبيرة
أخلص معاذ يكفك القليل

تانى هاقول الاختلاط اللى يتم من غير ضوابط و قواعد يضيع النوايا

طيب نتنقل لنقطة عاوزين قواعد للاختلاط

مش هاقول هنا قواعد بس هاقول موقف ممكن يتحط منه قواعد

قصة سيدنا موسى اللى ذكرت فى القرآن الكريم و سمعت شرحها فى حلقة للأستاذ/عمرو خالد

عندما أتى سيدنا موسى إلى البئر ليشرب .. ووجد الرجال قد استحوذوا على البئر .. ووجد من دون البئر امرأتين تذودان وسألهما ما خطبكما واخبراه بالأمر ..
سارع هو إلى خدمتهما ثم ( تولى ) إلى الظل دون ان ينتظر شكرا من احد لأنه كان يرجوا الثواب من الله ..

و صدق هو على هذه النية بدعوته وهو متذكر حاجته الى الله : ( رب إني لما أنزلت إلي من خير فقير ) ..
رغم أنه كان قادرا في حدود اللياقة والأدب
أن يسأل البنتين عن مكان يستريح فيه أو بيت يأوي إليه ..
كان يقدر يقف يتكلم معاهم
مش قدم لهم خدمه
بس علشان كانت نيته المساعدة بس
ذهب مسرعا تحت الشجرة وسأل الله سبحانه وتعالى ..
فهذا نبي الله يعلمنا كيف نتعامل مع قضية الإختلاط عندما نريد أن نعمل عمل خير ..

عندما جائته الفتاة تمشي على استحياء .. وفي قراءة للقرآن : ( على استحياء قالت .. ) فدلت القراءة الأولى أن طريقة مشيها كانت تدل على الحياء .. ودلت القراءة الأخرى أن طريقة كلامها تدل أيضا على الحياء . وأخبرته بطلب والدها ان يراه ..
تعالوا نقرأ كيف ذهب سيدنا موسى مع هذه الفتاة الى بيت أبوها ..

أولا .. مشت هي امامه كي تدله على الطريق .. وتبعها هو خلفها ..
أعتقد ان ذلك الموقف في غاية الاعتياد في حياتنا الشخصية ..
لكنه لم يكن شيئا معتادا بالنسبة لسيدنا موسى .. كليم الله ..ذو الفطرة السوية السليمة ..

سبقها سيدنا موسى وطلب منها ان تدله على الطريق ( كلاما ) وهي من ورائه ..
حتى وصلا إلى المنزل .

تصرف على هذا الشكل ..
مع أننا متفقين جميعا أنه ( نبي الله .. بل وكليمه أيضا ) ..

وبما أنها قصة ارتضاها الله ان تذكر في كتابه ..
فأولى بنا اننا نتعلم منها و متمرش علينا مرور الكرام ..

لازم نعرف أن الشيطان ينصب 99 فخا من الحلال كي يقع المؤمن في الحرام ؟

الشيطان ترك أهل الحرام في شأنهم .. وذهب يتربص بأهل الخير كي يوقفهم عن عمل الخير فإن لم يستطع ..
يحاول بشتى الطرق أن يفسد عيهم أعمالهم ..

هي دعوة ان نكون صادقين مع انفسنا
فالعبرة ليس بعمل الخير في حد ذاته
إنما في كيفية وصول هذا العمل إلى الله وفق منهج الله

في جميع مجالات الحياة أخذنا الكورسات وانتقلنا من نجاحات لنجاحات
لكننا جئنا في علاقتنا ببعضنا البعض وتوقفنا عن البحث في كيفية الوصول بهذا العلاقة الى شاطئ الجنة

فيه فرق كبير من أحب الخير ومن طبق الخير في بيته قبل أن يطبقه مع الآخرين

الكتالوج بيعلمنا ازاى نستخدم الجهاز ..
القرآن بيأمرنا ازاى نصرف شئون حياتنا .
الله تعالى يقص علينا قصة سيدنا موسى حتى نذاكرها لمن أراد ان يعمل الخير ويصل بثوابه إلى الله ..
فليس العبرة انك تعمل العمل ..
لكن العبرة أن تصل بهذا العمل إلى الله ..

عاوزين نوصل بعمل الخير لأقل نسبة اختلاط ممكنة

و للكلام بقية ان شاء الله
السلام عليكم و رحمة الله و بركاته

السلام عليكم ورحمة الله وبركاته
الأخ الفاضل محمد خالد
لا فض فوك
جزاكم الله خيرا
فعلا يا جماعة النية أهم حاجة ونشوف مع بعض أحاديث توضح خطورة النية:
إنما الأعمال بالنيات، وإنما لكل امرئ ما نوى: فمن كانت هجرته إلى الله ورسوله فهجرته إلى الله ورسوله، ومن كانت هجرته إلى دنيا يصيبها أو امرأة ينكحها فهجرته إلى ما هاجر إليهالتخريج (مفصلا): متفق عليه [البخاري ومسلم] والأربعة [أبو داود، الترمذي، النسائي، ابن ماجه] عن عمر بن الخطاب،
إِنَّ اللّهَ يُعْطِي الْعَبْدَ عَلَى قَدْر نِيَّتِهِ" الديلمي من حديث أبي موسى رفعه: "نِيَّةُ المُؤْمِنِ خَيْرٌ مَنْ عَمَلِهِ، وَإِنَّ اللّهَ عَزَّ وَجَلَّ لَيُعْطِي العَبْدَ عَلَى نِيَّتِهِ مَا لاَ يُعْطِيهِ عَلَى عَمَلِهِ، وّذلِكَ أَنَّ النِّيَّةَ لاَ رِيَاءَ فِيهَا، وَالْعَمَلُ يُخَالِطُهُ الرِّيَاءُ
كتاب "الدّررَ المنتثِرة"، للسيوطي
ونقرأ سويا هذا الحديث:
ثلاث أقسم عليهن: ما نقص مال عبد من صدقة، ولا ظلم عبد مظلمة صبر عليها إلا زاده الله عز وجل عزا، ولا فتح عبد باب مسألة إلا فتح الله عليه باب فقر. وأحدثكم حديثا فاحفظوه: إنما الدنيا لأربعة نفر: عبد رزقه الله مالا وعلما، فهو يتقي فيه ربه، ويصل فيه رحمه، ويعلم لله فيه حقا، فهذا بأفضل المنازل. وعبد رزقه الله علما ولم يرزقه مالا، فهو صادق النية، يقول: لو أن لي مالا لعملت بعمل فلان، فهو بنيته، فأجرهما سواء. وعبد رزقه الله مالا ولم يرزقه علما يخبط في ماله بغير علم: لا يتقي فيه ربه، ولا يصل فيه رحمه، ولا يعلم لله فيه حقا، فهذا بأخبث المنازل. وعبد لم يرزقه الله مالا ولا علما فهو يقول: لو أن لي مالا لعملت فيه بعمل فلان، فهو بنيته، فوزرهما سواء["فوزرهما سواء": فيكونان بمنزلة واحدة في الآخرة، كما قال المناوي (فالوزر هنا بمعنى الأجر)]ـ
التخريج (مفصلا): أحمد في مسنده والترمذي عن أبي كبشة الأنماريودا جزء من خطبة لسيدنا أبو بكر الصديق رضي الله عنه:
ومن عمل لله عز وجل كفاه الله، عليكم بالجد والقصد، فإن القصد أبلغ، ألا إنه لا دين لأحد لا إيمان له، ولا أجر لمن لا حسبة له، ولا عمل لمن لا نية له، ألا! وإن لي كتاب الله من الثواب على الجهاد في سبيل الله ما ينبغي للمسلم أن يحب أن يحضره، هي النجاة التي دل الله عليها، ونجا بها من الخزي، وألحق بها الكرامة في الدنيا والآخرة.
ودا من كلام سيدنا عمر:عن عمر أنه كتب إلى ابنه عبد الله بن عمر: أما بعد فإني أوصيك بتقوى الله، فإنه من اتقى الله وقاه، ومن توكل عليه كفاه، ومن أقرضه جزاه، ومن شكر زاده، ولتكن التقوى نصب عينيك وعماد عملك وجلاء قلبك، فإنه لا عمل لمن لا نية له، ولا أجر لمن لا حسبة له، ولا مال لمن لا رفق له، ولا جديد لمن لا خلق له.
والله يا جماعة موضوع النية مهم لازم كل فرد فينا يراجع نفسه هو نيته ايه مع ربنا من عمله ده وكل مشوار بنزله أراجع فيه النوايا والله فعلا أختنا العزيزة رشا شكري ماكناش بنزل مشوار إلا لما تعد تقول لنا ها كل فرد فينا يقول نيه ومش في المشاوير بس لا كمان احنا المفروض قبل أي تصرف في حيتنا من أول مانصحي ن النوم لحد ما نحط رسنا علي المخدة بالليل انا هاختم المشاركة دي بآيات بينات ياريت مانقرهاش بعنينا ولسنا ياريت نمررها علي قلوبنا والآيات من سورة الأنعام:مَن جَاء بِالْحَسَنَةِ فَلَهُ عَشْرُ أَمْثَالِهَا وَمَن جَاء بِالسَّيِّئَةِ فَلاَ يُجْزَى إِلاَّ مِثْلَهَا وَهُمْ لاَ يُظْلَمُونَ {160} قُلْ إِنَّنِي هَدَانِي رَبِّي إِلَى صِرَاطٍ مُّسْتَقِيمٍ دِيناً قِيَماً مِّلَّةَ إِبْرَاهِيمَ حَنِيفاً وَمَا كَانَ مِنَ الْمُشْرِكِينَ {161} قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ {162} لاَ شَرِيكَ لَهُ وَبِذَلِكَ أُمِرْتُ وَأَنَاْ أَوَّلُ الْمُسْلِمِينَ {163} قُلْ أَغَيْرَ اللّهِ أَبْغِي رَبّاً وَهُوَ رَبُّ كُلِّ شَيْءٍ وَلاَ تَكْسِبُ كُلُّ نَفْسٍ إِلاَّ عَلَيْهَا وَلاَ تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ فِيهِ تَخْتَلِفُونَ {164} وَهُوَ الَّذِي جَعَلَكُمْ خَلاَئِفَ الأَرْضِ وَرَفَعَ بَعْضَكُمْ فَوْقَ بَعْضٍ دَرَجَاتٍ لِّيَبْلُوَكُمْ فِي مَا آتَاكُمْ إِنَّ رَبَّكَ سَرِيعُ الْعِقَابِ وَإِنَّهُ لَغَفُورٌ رَّحِيمٌ {165}

:bism:
ان الحمد لله نحمده ونستعينه ونستغفره ونعوذ بالله تعالى من شرور انفسنا ومن سيئات اعمالنا
وبعد اوصيكم ونفسى بتقوى الله ولزوم طاعته واحذركم ونفسى عن عصيانه ومخالفه امره
لقوله تعالى (من عمل صالحا فلنفسه ومن اساء فعليها)
ربنا يجازى كل الناس اللى شاركت فى هذا الموضوع وانا حبيت ان اشارك معكم وائول ما قرات عن الموضوع تذكرت قول الله تعالى
(الم أحسب الناس ان يتركوا ان يقولوا ءامنا وهملا يفتنون ولقد فتنا الذين من قبلهم فليعلمن
الله الذين صدقوا وليعلمن الكذبين)
وسريعا تذكرت قصه الثلاث نفر وتذكرت اللذين اغلقت عليهم صخره وحبسو فى الغار وتخيلت لو اننا مكانهم ونويانا غير مضبوطه فبماذا ندعى كى يفرج الله كربنا
واخيرا اختم بدعاء
اللهم جنبنا مضلات الفتن واعصمنا من المحن واغفر لنا ذنوبنا التى جنيناها فى السر والعلن انك قريب مجيب
اللهم من كان من هذه الامه على غير الحق وهو يظن انه على الحق فرده الى الحق
ليكون من اهل الحق
اللهم سلم سلم
اللهم سلمنى وسلم منى

انا عبير مش عايده اول مره اكتب فى المنتدى وجه حظى ان اكتب فى هذا الموضوع بالذات ابدأ الكلام بالدعاء اللهم اجرنى فى مصيبتى و اخلفنى خيراً منها طبعاً هذا الدعاء بعيد الى حد ما عن الموضوع و لكن يمثل شىء مهم الان فى حياتى و مع اعتبار ان( المصيبه فى الدعاء انى خسرت نفسى مش اى حد تانى) .................................................. .................
بحب اقول للشباب و البنات اتقوا الله فى تعاملاتكم مع بعض حتى لا نخسر نعمه التقرب الى الله بالعمل الصالح وحتى لما تضيق علينا الدنيا نجد عمل صالح خالص لله ندعو به انا مريت بأزمه نفسيه الفتره الى فاتت و كنت فى اشد الاحتياج لله و كنت بدعيه و لكن وانا بدعيه خفت و فكرت انا بنفذ كل ما امرنى به الله فى حياتى و عملى هل كان هذا العمل خالصاً لله وحده ام شابه بعض اختلاط النوايا او عند زحمت الشغل نسيت استحضار نيه العمل و تحول الى عمل روتنى نقوم به او هل بدر منى لفظ او مزحه لاى شاب ممن كان يعمل معى ضيعت ثوابه كل هذه الاسئله جعلتنى استحى من الله فى الدعاء لذلك اقول اننا خرجنا من بيوتنا و تركنا اهالينا و نسينا بر الوالدين ابتغاء مرضات الله مش عشان رايحين تجمع نضحك و نهرج اكثر من الازم
و للشباب اقول اتقوا الله فى تعاملاتكم مع البنات يكون الكلام فى حدود العمل فقط ونبعد عن التهريج و المجاملات الاجتماعيه و الذوق الذائدعشان ده مينفعش وعشان عملنا يقبل و عشان لما نقف بين يدى الله يوم الحسره و نحن ملىء بالذنوب نجد ما ندعو به الله و نطلب رحمته و خصوصاً نحن عاديين فى الطاعات مثل كل الناس و لكن ما يميزنا هو العمل الصالح و المشاركه الفعاله فى نهضه هذه الامه و خصوصاً النهضه الدينيه لذل بقول ان فاقد الشىء لا يعطيه واحب ان اختم بقول الله عز وجل بسم الله الرحمن الرحيم و من يتقى الله يجعل له مخرجاً و يرزقه من حيث لا يحسب .... صدق الله العظيم
احب لن اقول للاستاذ احمد مختار جزاكم الله خير الكلام كان هايل و منظم