:bism:
الأخوة والأخوات الأفاضل صناع الحياة بالإسماعيلية
:salam:
هذا الموضوع هدفه فقط رضا الله سبحانه عز وجل عاوزين نطور نفسنا للأحسن مع ربنا عاوزين نقيم نفسنا ونقيم القواعد اللي ماشيين عليها هانحط دلوقتي كل القواعد السابقة واللي بقالها تقريبا سنة بتتطبق هانقشها بكل موضوعية نشوف ما لها وما عليها ايه نقاط القوة نسبيها وايه نقاط الضعف ندعمها ايه الحاجات اللي غفلنا عن وضعها ونضيفها ومعا لمدة اسبوع كامل ان شاء المولي عز وجل عاوزين مناقشة بصراحة مناقشة موضوعية ممكن رأي حضرتك شايفة هايف ويكون ليه آثر كبير وتاخد بيه جبال من الحسنات عاوزين مشاركة فعاااااله لأننا لو مش احنا اللي ناقشنا عيوبنا وحاولنا نجد لها حلول ماحدش هايحل لها لنا وبعدين نخلي بالنا ان تنازلنا عن هذه القواعد هايخلينا ننحدر واحدة واحدة ونعوذ بالله من ذلك ونخلي بالنا ان كلنا بنتعب جدا في شغلنا ده وبنهمل حاجات كتير علشانه فتخيلوا لو لا قدر الله عملنا ده لم يقبل يبقي ما نبناش غير التعب وبس .
استحلفكم بالله تهتموا وتشركوا وتناقشوا نقطة نقطة وقولوا أفكار جديدة عاوزين ايجابية شديدة في هذا الموضوع واللي هانتفق عليه هنا هانعمل اجتماع عام ونصوت عليه كلنا علشان يبقي الكل مشارك وماننساش اننا محتاجين كمان نتفق علي عقوبات اللي هايكسر هذه القواعد
نبدأ علي بركة الله

قواعد الإختلاط:


عدم رفع الآلقاب فى التعاملات "أستاذ, أستاذة, آنسة , دكتور, دكتورة, مهندس, مهندسة, حاج, حاجة ........"
مواعيد الإجتماعات فى الصيف و الشتاء تنتهى عند الساعة التاسعة مساءا كحد أقصى.
إجراء المكالمات التليفونية يقتصر على ضروريات العمل فقط و مسئولى اللجان و ينتهى فى الساعة العاشرة مساءا كحد أقصى.

ممنوع الرنات بين الشباب و الفتيات لصلاة الفجر
التعامل مع الماسينجر يطبق عليه نفس قواعد التليفون.

فى المهام التى يمكن أن يقسم فيها العمل إلى فريقين (فريق شباب و فريق فتيات ) نرجو التقسيم و المهام التى لا يكمن عمل ذلك بها يكون الكلام للضروريات .
ممنوع الوقفات الجانبية بعد إنتهاء الإجتماعات و الانتهاء من كل الحوارات داخل قاعة الإجتماعات.
فى الأعمال المشتركة كالقوافل و المعارض و ما يستجد من أنشطة يكون كل جانب على حده.
على جميع مسئولى اللجان الإلتزام بتطبيق هذه القواعد لأنهم قدوة لباقى الفريق
قواعد التعامل على المنتدى و الجروب :
عدم إستخدام أسماء بها ميوعة.

عدم توجيه كلمات مثل إنى أحبك فى الله بين بنت و ولد أو العكس.
عدم توجيه إنتقاد لشخص أو لعمل على المنتدى.
عدم طرح مشكلات العمل على المنتدى.
قواعد التعامل بين أعضاء الفريق :
الإحترام بين الصغير و الكبير

السلام عليكم ورحمة الله وبركاتة
مشكورة استاذة عايدة على القواعد
وان شاء الله موافقة عليها جدا جدا وبشكرك جدا

السلام عليكم ورحمة الله وبركاته
أختي روضه
جزاكي الله خيرا علي الايجابية واحنا عاوزين أرائكم لو في تطوير.
بالنسبة لرأيي أولا إن ما ينفعش نطلق علي القواعد دي قواعد الإختلاط أنا شايفة إن بما إننا حاطين فيها قواعد التعامل علي المنتدي وقواعد تانية يبقي نسميها قواعد التعامل بين أعضاء الفريق علي أساس انها تشمل كل التعاملات في لاجتماعت في العمل الميداني علي النت كده دا أول إقتراح وخلي بالكم انا كنت من الناس اللي اشتركت في وضع هذه القواعد بس انا حاسة انها أثبتت بعض القصور لأنها علجت مواقف وقتية ساعة حطها لكن مع زيادة حجم الفريم عددا وعملا خلال السنة الماضية ثبت إننا اتحطينا قدام مواقف كتيرة وتساؤلات عاوزين القواعد دي ترد عليها يعني ياريت مثلا اللي اتعرض لموقف في التعامل مع أحد الأعضاء وشايف إن القواعد ماكنتش مغطياه يتسائل علشان نحاول نوصل لأفض شكل وتذكروا دائما العمل ده مش لينا وبس لو متنا تاني يوم ما حطينا القواعد واللي بعدنا طبقوها يا هاتكون في ميزان الحسنات يا السيئات نسأل الله عز وجل أن تكون في ميزان الحسنات إن شاء الله

ما موقف الاسر من هذة التاعاملات داخل وخارج صناع

وجزاكم الله خيرا

جزاكم الله كل خير قواعد عادلة جدا و غير متشددة بالمرة

ما موقف الاسر من هذة التاعاملات داخل وخارج صناع

وجزاكم الله خيرا

السلام عليكم ورحمة الله وبركاته
الأخ الفاضل د.أحمد متهيألي ان الجملة دي بتحوي عدة نقاط للمناقشة
الأسر عائلتنا يعني ايه موقفها وطبعا احنا بنطرح هذه النقطة لأن في علاقات كتير نشأت بين أسرنا يعني دي حاجة يعني موقف أولياء أمورنا مع بعض؟
بينا وبين الأسر دي حاجة تانية يعني هل ينفع ان ولد يزور وادل زميلة أو العكس؟ بنت تزور والدة زميل أو يكون في بينهم علاقة صداقة؟
كلمة داخل وخارج صناع أظن ان دي كلمة كبيرة بيندرج تحتها كذا نقطة مفصلة زي مثلا بينا احنا وبين بعض ينفع يبقي فيه حاجات داخل صناع وحاجات خارج صناع مع العلم إن العلاقة اللي بينا كلنا نشأت تحت مظلة صناع!!ولو مثلا في مصلحة ممكن شخص يطلبها من آخر اانا مثلا بشتغل في حته معينة وزميل احتاج خدمة ممكن يطلبها مني ولو طلبها يبقي بأي شكل ويلتزم فيها بالقواعد يعني بعد إذن حضرتك ممكن كذا كذا وشكرا ولا الطلب ده بره صناع يبقي نتكلم ونحكي عادي؟
انا مش هاقول وجهة نظري دلوقتي بس نفسي كلنا نرد علي هذه التساؤلات علشان نوصل مع بعض لحل عملي وواقعي ولا هو فيه تشدد فظيع ولا يكون فيه تسيب فظيع

:bism:
والصلاه والسلام على سيد المرسلين سيدنا ونبينا محمد بن عبد الله اما بعد
اختى الفاضله دكتوره عايده الموضوع بصراحه بقى اكبر من الاختلاط احنا المفروض اولا ان نبداء بانفسنا ونظبطها اوووووووووووووى
ونشوف اخطائنا فين ونحاول نعدلها علشان ربنا يرضى عننا ويرحمنا
وكل ولد يحاول يخلى باله من اخوة ويقومه ويساعده وكذللك البنات
وكل من يخالف القواعد التى سوف توضع ان يكون له عقاب شديد ومن رائى هو ترك الفريق لئنه يكون سبب فى تفككنا وغضب ربنا علينا
ان نبداء بانفسنا وانا اولكم لو حد ندهنى باسمى بدون لقب ححرجه وبلتالى فى المره القادمه هومش حيقدر ينسى والعكس لوانا نسيت وندهت حد بدون لقبه يحرجنى واللى يزعل يضرب
--------فى الحيط المهم هو رضا ربنا وليس رضا العبد

السلام عليكم ورحمه الله وبركاته
جزاكى الله خيرا يا عيوده على القواعد دى انا شخصيا موافقه عليها كلهاوبالاخص ان مفيش مناقشات بعد انتهاء الاجتماع يعنى الكلام يبقى على ترابيزه الاجتماع فقط وبالالقاب وبالحدود وكمان انا شايفه اهم حاجه يبقى فيه متابعه من روساء اللجان على الموضوع ده ولا نترك الامر كده حتى لا ينسينا الشيطان ونفضل نطبقه على طول مش فتره وبس
وانا معى رايك فى ان توضع القواعد دى على المنتدى وتوزع ايضا على الاعضاء الجدد وكمان منطلقش عليها قواعد الاختلاط ولكن نطلق عليها اساس التعاملا او قواعد التعامل واهم حاجه نحدد عقوبات على عدم تطبيق القواعد لاننا لا نسمح لاى حد انه يهد اللى بنيناه ولا ننسى ابدا ان السيئه تعم والحسنه تخص واحنا لانسمح ابدا بكده على ان يكون المسئوليه كامله على روساء اللجان ويكون هناك اجتماع من حين لاخر نتابع فيه ونذكر انفسنا بالامر.

:bism:
الاخ العزيز دكتور احمد سعيد من وجهه نظرى اننا استخدمنا علاقه اهالينا ببعضها استخدام سيء مثلا اختى بتكلم واحد فى صناع فى مواضيع شغل وفى اخر المكالمه انت عامل ايه وسلملى على ماماو على بابا وكلمه بتجيب الاخرى وبذللك استخدمنا القنوات الشرعيه بطرق غير صحيحه اتصال البنات والولاد للاطمئنان بعضهم على بعض بعد الامتحانات
اصلى هو اخويا الصغير اوالكبير او هى اختى الصغيره او الكبيره
فهل هذا يرضى الله؟
فلو الاهالى اصبحم على علاقه ببعضهم فهذا من فضل الله علينا ولذللك لابد ان نستخدم هذه القناه بما يرضى الله ؟
مثلا لو امى رايحه عند منزل دكتوره عايده ان اوصلها وامشى
ولو والدى هو اللى ذاهب ممكن ان اذهب معه لئنه فى هذه الحاله سوف يكون بيزور والدها فممكن ان اذهب معه ويجب على صاحبه المنزل اى الدكتوره عايده عدم حضور الجلسه اى
الترحيب بنا ومراعاه قواعد الاختلاط بين الطرفين
الاهم من ذللك كله هو اننا نتقى الله فى انفسنا
وفى اهالينا وفى اخواتنا ولا نعمل غير اللذى يرضى الله
ياريت نبطل كلمه هو اخويا وهى اختى لان احنا مش اخوات (احنا مسلمين وموحدين بالله)
وهذا من نعم الله علينا

السلام عليكم ورحمة الله وبركاتة
اختى عايدة انا وافقت على القواعد لانى شايفة انها مناسبة جدا لكن بالنسبة للاقتراحات والتطبيق اذا كان هينفع او لا فانا معرفش لانى فى لجنة كلها بنات وتعاملى كلة مع البنات بس لكن بالنسبة للولاد فانا معرفش الضرورة هنا تبقى امتى او اية اللى ممكن يتقال
وجزاكى الله كل خير

ربنا يعزك ويجزيكى كل خير
قواعد سليمة جدا وتستحق أن تطبق

السلام عليكم ورحمه الله وبركاته
اختى الفاضله عايده قلبى معاكى وربنا يوفقك الى ما يحبه ويرضاه وان شاء الله هتوصلوا لنتائج جميله خصوصا ان الكل عاوز يرضى لله واللى غير كده اكيد هيبان بمساعدة الاخوات والاخوة الافاضل المفروض كل واحد يشوف حاجه غلط لازم يتكلم فيها ومن غير زعل وسعتها لازم يستبعد فورا من يتجاوز

:bism:
:salam:
:sm5: :sm5: :sm5:
دي تحيه وشكر لكل من يتمتع بإيجابية عالية واشترك معانا في الموضوع جزاكم الله جميعا خير الجزاء عاوزين المزيد من التساؤلات والحلول أعتقد ان الناس دلوقتي متفقة معانا علي ان الاسم يتغير من قواعد الاختلاط لقواعد التعامل في الفريق
النقطة الثانية اللي بناقشها حاليا تشابك العلاقات الأسرية اللي حاصل دلوقتي إزاي نوجهه توجيه إيجابي لرضا ربنا سبحانه عز وجل ومصلحة العمل؟ إزاي يكون نقطة قوة مش نقطة ضعف؟ مازال النقاش مستمر في هذه النقطة نرجوا المزيد من المشاركة

السلام عليكم ورحمه الله وبركاته
ما موقف اعتبار المعاملات الاسريه شخصيه لا صالح للفريق بها؟؟
ما لقواعد الممكنه التعامل بدافع تعدد النوايا - بنيه رفع المعنويات- والدوافع الانسانيه؟؟
ما موقف الرسائل الموبايلات بهادف المعايده والرنات؟؟

السلام عليكم ورحه الله وبركاته
لا اعتراض على العلاقات الاسريه المحبه فى الله جميله بس المشكله نها ممكن يندرج تحتها مما يساعد على تعاملات قد تغضب الله يعنى ممكن تزاور الاباء بدون الابناء -احوة واخوات- بالشكل الذى تعرض له الاخ/ اسامه

السلام عليكم ورحمه الله وبركاته
ما موقف اعتبار المعاملات الاسريه شخصيه لا صالح للفريق بها؟؟
ما لقواعد الممكنه التعامل بدافع تعدد النوايا - بنيه رفع المعنويات- والدوافع الانسانيه؟؟
ما موقف الرسائل الموبايلات بهادف المعايده والرنات؟؟

السلام عليكم بالنسبة للسؤال الأول ده احنا بننقشه حاليه شكل العلاقات الأسرية اللي أصبحت موجودة بالفعل وإزاي نستفيد منها
النقطتين الثانية والثالثة دو موجودين في القواعد الموجودة حاليا يعني الرنات والرسائل اللي ملهاش علاقة بالعمل دي مرفوضة أساسا في معاملاتنا لإن الاتصلات التليفونية سواء بيت أو موبيل والنت كلهم معملتهم واحده علي قد الشغل وبس لو حضرتك شفتي غير كده يبقي التقصير مننا احنا المسئولين عن الفريق عايدة ومحمد حسام لأننا لم نهتم بإننا نعرف أي شخص منضم جديد لينا بهذه القواعد وهو ما سيتم مراعاته بعد التجديدات دي ان شاء الله

السلام عليكم ورحمه الله وبركاته
التقصير من الكل مش من المسؤلين كل واحد مسؤل عن نفسه

النقطة الثانية اللي بناقشها حاليا تشابك العلاقات الأسرية اللي حاصل دلوقتي إزاي نوجهه توجيه إيجابي لرضا ربنا سبحانه عز وجل ومصلحة العمل؟ إزاي يكون نقطة قوة مش نقطة ضعف؟ مازال النقاش مستمر في هذه النقطة نرجوا المزيد من المشاركة


كل واحد منا يراجع نفسه ويشوف ايه الغلط اللى كان بيعمله- -اكيد طبعا بحسن نيه - ويبدأ يغير نفسه
ولما كل واحد يعرف حدوده وما ليه وما عليه - بلا مجاملات - ويساعد اخوه فى الله -الاخ للاخ والاخت للاخت - بإنه شاف تصرف منه يسئ لنفسه او للجماعه يساعد فى عدم حدوثه مرة اخرى وبإسلوب مفهوش احراج اوعدم مراعاة شعور بعضنا واللى شايف مننا نفسه هيزعل او مش هيقدر يلتزم بالقوانين ينسحب لانه ملوش مكان بينكم علشان الخير يزيد و نوصل للهدف ابتغاء مرضات الله وتحقيق هدف الفريق - صناعه الحياة - بنا ولمن ياتى من بعدنا

:salam_text:

أنا للأسف أتأخرت أوى فى المشاركه لكن أنا معاكم فى وضع قوانين للعمل بين أفراد الفريق
أنا شايفه أن مبدئيا كل واحد لازم يضع لنفسه حدود ويحاسب نفسه أولأ
بأول ويعمل جاهدا على ألا يتخطاها

ولكن أنا ليا رأى فى القواعد وهو بالنسبه للتليفون والأميل بين الأعضاء (بنات وشباب طبعا)ولو فى حدود الشغل بصراحه أنا خايفه من الموضوع ده
وحاسه أن ممكن يكون فيها شيء لا يرضى الله
ممكن تقولوا أنى بفتى أو بتكلم فى شيء لا يمكن ألغائه
ولكن كما قالت روضه نحن نعمل فى فريق بنات بس
(لجنه التعليم) بعمل دعايه:ahmed2:
فمش عارفه ظروف العمل عندكم
أنا قلت رأىومش عايزه غلط:ahmed8: :ahmed8:

السلام عليكم ورحمة الله وبركاته
جزاكم الله خيرا جميعا علي المشاركة في الردود ربنا يعزكم ويبارك فيكم جميعا وينفع بينا الإسلام ويجعلنا من المتبعين لا المبتدعين ويشرح صدورنا وعقولنا لما فيه خير لنا ولأمتنا
في كلمة عجبتني في إحدي المشاركات ألا وهي خطأ بحسن نيه وده اللي كنت عاوزة أعلق عليه إننا وأنا أعني ما أقول نحسب الجمييييييييييييع علي خير ونحسن الظن في أخواننا وأخواتنا ولكن!!!!!!!!!!!!!!!!!! النوايا الحسنة لا تصلح العمل الفاسد يعني أنا فعلا ممكن تكون نيتي خييييير بس أعمل حاجة غلط واحنا كلنا إلا من رحم ربي (وأنا وبعترف بيها إني من الناس اللي وقعوا في أخطاء علشان كده بتكلم في الموضوع بحماس) وقعنا بشكل من الأشكال في أخطاء كلها كانت بتبدأ بحسن نيه وياريت علشان ماحدش دماغه تروح لبعيد كل الي بيتكلم هنا صدقوني بيكلم نفسه قبل ما بيكلم الآخرين .
أختي الحبيبة مروة جزاكي الله خيرا علي المشاركة الفعالة حضرتك يا فندم فتحتي نقطة جديدة للنقاش ألا وهي الاتصال دلوقتي انتوا فعلا لجنة كلها بنات يعني معندكوش أي مشكلة لكن في لجان فيها شباب وبنات وحاجة العمل أحيانا مش علي طول طبعا بيتطلب كلام مع رجال حتي لو مش من الفريق زي مثلا فريق التعليم بنحتاج نكلم أستاذ فلان أو أستاذ علان أو دكتور فلان علشان الموضوع الفلاني فلو اتعاملنا مع اللي جوه زي اللي بره رسميات فقط الشغل هايمشي وفي نفس الوقت مش هايحصل تجاوز مع العلم إن في حاجتين مهمين أوي أولا ودي نصحية للأخوات اللي معانا لو ظروف الشغل هاتقتضي ان زميل يتصل بيه يبقي قبل ما أدي نمرتي لحد أمون مستئذنة من ولي أمري وأفهمه كويس انه لو مش موافق مافيش مشكلة يعني مش معني اني في عمل تطوعي ان لازم شاب يتصل بيه ممكن تلاقي والدك تجاوب وخلي نفسه هو حلقة الوصل اللي بينك وبين زميلك ودي هاتبقي نقطة كويسه ولو رفض نغير حلقة الوصل المسألة بسيطة النقطة التانية ودي للبنات والشباب (بل الإنسن علي نفسه بصيرة) لاقي اجابة لما المولي عز وجل هايسألك كلمت فلانة ليه؟ اتصالك بفلان كان ايه أهميته ولما تلاقي نفسك هاترد بثقة يبقي ماتخفش أرجوا من وجهة نظري تكون واضحة وان الرغي كتير بتاعي مايكنش توهكوا

السلام عليكم ورحمه الله وبركاته
من وجهة نظرى ان كلام الاخت مروة صح لان البدايه بتكون فى حدود الشغل وبغير قصد يبدا الاختلاط خارج حدود الشغل - سؤال عن الامتحان ، رنه بهدف دفعه للامتحان ، رساله علشان العيد ، رساله لتفريج كرب مسلم، توصلنا لمعلومه دينيه قيمه بدل تبليغ مصدرها نتطوع بشرحه بالتفصيل - جزاهم الله خيرا - نكون فى اجتماع ممكن يكون فيه تأخير والناس جعانه نجيب اكل ، التطوع بعمل رحله داخليه لمجموعه ........ غيرها من المواقف التى تنتج عن الاتصال وطبعا الكل نحتسبهم عند الله وبلا استثناء ذات نوايا حسنه وبلا شك لكن ده اكيد يغضب ربنا حنا نفسنا اماره بالسوء الا ما رحم ربى فكل دى أبواب بيفتحها ابليس اللعين ليغير مسار اعمالنا الفاضله لى معاصى وذنوب اجرنا الله وانار بصائرنا لما يحبه ويرضاه اميييييييين "دى مش فتوة بص بضم صوتى للاخت الفاضله مروة " فالتحرى بين مايغضب الله وما يرضيه واجب علينا لانه هدفنا

السلام عليكم ورحمه الله وبركاته
من وجهة نظرى ان كلام الاخت مروة صح لان البدايه بتكون فى حدود الشغل وبغير قصد يبدا الاختلاط خارج حدود الشغل - سؤال عن الامتحان ، رنه بهدف دفعه للامتحان ، رساله علشان العيد ، رساله لتفريج كرب مسلم، توصلنا لمعلومه دينيه قيمه بدل تبليغ مصدرها نتطوع بشرحه بالتفصيل - جزاهم الله خيرا - نكون فى اجتماع ممكن يكون فيه تأخير والناس جعانه نجيب اكل ، التطوع بعمل رحله داخليه لمجموعه ........
السلام عليكم ورحمة الله وبركاته
أختي الفاضلة جزاكم الله خيرا علي التنويه وإن كنت أري إن دي وجهة نظر ولا يمكننا الحكم علي الأمور من خلال حوادث فردية إن وجدت .

قواعد الإختلاط:
عدم رفع الآلقاب فى التعاملات "أستاذ, أستاذة, آنسة , دكتور, دكتورة, مهندس, مهندسة, حاج, حاجة ........"

في إقتراح من بعض الناس مش كلهم ودا للعرض ان البنات كمان يتكلموا مع بعض بالألقاب وكذلك الشباب يتكلموا مع بعض بالألقاب في وقت العمل كالجماعي كالقوافل والمعارض لإضفاء نوع من الجدية علي العمل يعني علي سبيل المثل هاجي أنادي ولاء هاقول لها قدام الناس يا أستاذة ولاء؟ عاوزين نسمع آرائكم

السلام عليكم ورحمه الله وبركاته

انا موافقه يا دكتوره عايده على القواعد دى لانها مهمه جدا فى العمل الجماعى اللى بيبقى مختلط بنات وولاد وربنا يكرمك على تذكيرنا بيها

وانا موافقاكى على فكره اننا ننادى بعض بالالقاب بس فى الشغل قدام الناس يعنى مثلا فى قافله فى توزيع حاجه لكن اكيد مع بعض نبقى عادى علشان مش يبقى الموضوع رسمى اوى ونحس ان فى حواجز بينا

وانا كمان معاكم وموافق

قواعد الإختلاط:
مواعيد الإجتماعات فى الصيف و الشتاء تنتهى عند الساعة التاسعة مساءا كحد أقصى.


دي يا جماعة قواعد مواعيد الاجتماعات اللي عنده أفكار ياريت يرد

في إقتراح من بعض الناس مش كلهم ودا للعرض ان البنات كمان يتكلموا مع بعض بالألقاب وكذلك الشباب يتكلموا مع بعض بالألقاب في وقت العمل كالجماعي كالقوافل والمعارض لإضفاء نوع من الجدية علي العمل يعني علي سبيل المثل هاجي أنادي ولاء هاقول لها قدام الناس يا أستاذة ولاء؟ عاوزين نسمع آرائكم

أنا موافقة أكيد على وضع الألقاب في تعامل كلا الطرفين مع الآخر ... لكن بصراحة إننا ننادي بعض كمان بألقاب لأبأه ... كده أتخنق ... يعني بعد ما كت بقول ياعيودة ويا لوءة ويا ديلو ... أقول يا دكتورة عايدة و يا أستاذه ولاء و ياأستاذه هديل !!!!! لالالالالا .... بلاش دي ... أو أقلوكوا على فكرة ... خلوها اختياري ... مش إجباري ... :msn-wink:

فعلا يعنى انا هقعد اخنق على نفسى مع كل الناس
انا شايف ان الاحترام والتقدير مش مجرد لقب وكلمه
الاحترام والتقدير بيكون فى النظره نفسها ولا انتوا ايه رايكم
بالنسبه لموضوع الاجتماعات انا شايف ان 9 كويس فى الصيف بس ممكن تكون 8 فى الشتاء عشان بتكون الشوارع فاضيه وعشان البنات تعرف تروح برضه
بالنسبه لموضوع الالقاب بين الولاد والبنات مش عارف اقول فى ايه الصراحه يعنى انا عن نفسى محتفظ بيه جداااا وعمرى ما ناديت حد من غير لقب والصراحه مش عارف ازاى حد ممكن يتخلى عن الموضوع ده سواء ولد او بنت بجد لازم كلنا نرجع لموضوع اللقب بين الولد والبنت تانى عشان منرفعش الحاجز كده مره واحده
اما بالنسبه لباقى القواعد انا شايف انها فعلا حتما لابد ان نلتزم بيها كلها ياجماعه عشان ربنا يكرمنا ويرضى عننا
وفعلا لازم بقى نحدط الحدود دى ونتعامل بيها كلنا ويكون فيه جزاء لمن يخالف هذه القواعد عشان مش بسبب واحد او واحده نروح كلنا فى داهيه وربنا يغضب علينا او ميتقبلش عملنا واظن ان مفيش حد فينا يقدر على كده
لازم كلنا نلتزم بكل القواعد دى ونتعامل بيها كلنا اما موضوع الالقاب بين الولاد وبعضها والبنات وبعضها دى نفسها حريه شخصيه لكل فرد
لان اعتقد ان اكثر ما يميز المجموعه بتاعتنا العلاقات الشخصيه القويه بين الافراد ساعتها بقى يكون كل واحد حر فى تحديد علاقته بين وبين صحابه ولا ايه رايكم؟؟

:salam_text:

أنا للأسف أتأخرت أوى فى المشاركه لكن أنا معاكم فى وضع قوانين للعمل بين أفراد الفريق
أنا شايفه أن مبدئيا كل واحد لازم يضع لنفسه حدود ويحاسب نفسه أولأ
بأول ويعمل جاهدا على ألا يتخطاها

ولكن أنا ليا رأى فى القواعد وهو بالنسبه للتليفون والأميل بين الأعضاء (بنات وشباب طبعا)ولو فى حدود الشغل بصراحه أنا خايفه من الموضوع ده
وحاسه أن ممكن يكون فيها شيء لا يرضى الله
ممكن تقولوا أنى بفتى أو بتكلم فى شيء لا يمكن ألغائه
ولكن كما قالت روضه نحن نعمل فى فريق بنات بس
(لجنه التعليم) بعمل دعايه:ahmed2:
فمش عارفه ظروف العمل عندكم
أنا قلت رأىومش عايزه غلط:ahmed8: :ahmed8:

مروة جزاكم الله خيرا لخصتى اللى عايزة اقوله

ودي نصحية للأخوات اللي معانا لو ظروف الشغل هاتقتضي ان زميل يتصل بيه يبقي قبل ما أدي نمرتي لحد أمون مستئذنة من ولي أمري وأفهمه كويس انه لو مش موافق مافيش مشكلة يعني مش معني اني في عمل تطوعي ان لازم شاب يتصل بيه ممكن تلاقي والدك تجاوب وخلي نفسه هو حلقة الوصل اللي بينك وبين زميلك ودي هاتبقي نقطة كويسه ولو رفض نغير حلقة الوصل المسألة بسيطة النقطة التانية ودي للبنات والشباب (بل الإنسن علي نفسه بصيرة) لاقي اجابة لما المولي عز وجل هايسألك كلمت فلانة ليه؟ اتصالك بفلان كان ايه أهميته ولما تلاقي نفسك هاترد بثقة يبقي ماتخفش أرجوا من وجهة نظري تكون واضحة وان الرغي كتير بتاعي مايكنش توهكوا
اختى الحبيبة /عايدة
جزاكم الله خيرا عجبتنى أوى النقطة ده
وياريت بجد نحطها ضمن القواعد
والسلام عليكم ورحمة الله وبركاته

والله يا جماعة انا سعيدة جدا بالإيجابية والمشاركة في هذا الموضوع احنا بنطرح هنا كل الأفكار وإن شاء الله يوم السبت القادم في تمام الرابعة عصرا هانجتمع في الجمعية النسائية للتصويت علي كل هذه الاقتراحات الجميلة والفعاله ونسأل الله عز وجل ان يرزقنا جميعا الإخلاص وأن يثبت علي الحق أقدامنا

قواعد الإختلاط:
إجراء المكالمات التليفونية يقتصر على ضروريات العمل فقط و مسئولى اللجان و ينتهى فى الساعة العاشرة مساءا كحد أقصى.
ممنوع الرنات بين الشباب و الفتيات لصلاة الفجر
التعامل مع الماسينجر يطبق عليه نفس قواعد التليفون.

دي يا جماعة مجموعة القواعد الخاصة بالتليفونات والمسنجر
أولا بالنسبة للفتيات يقترح استئذان ولي الأمر قبل إعطاء رقم الموبيل لأي شاب في الفريق
ثانيا جميع المكالمات تنتهي في العاشرة شتاءا وفي الحادية عشر صيفا ومافيش ضرورة بعد كده غير للإتصال غير في حالة واحدة متهيألي لو عرفنا ان في حد مننا مشرف في البيت الأبيض غير كده متهيألي لو استحضرنا النية صح يبقي مش هانلاقي ضرورة ولو حصلت ممكن أخلي والدي يكلم الزميل أو أختك تكلم الزميلة كده يعني هتلاقي حل وجميع المكالمات ينطبق عليها الشغل يعني ما ينفعش ولد يرفع سماعة أو بنت علشان ترغي مع فلان أو تحكي مشكلة شخصية أو تطمن عليه.
ثالثا الرنات في الفجر و الرسائل العامة اللي ملهاش علاقة بسير العمل متهيألي بفضل الله 99% مننا التزم بيها ان شاء الله بعد يوم السبت يبقي بنسبة 100 % .
المسنجر يطبق عليه نفس القواعد في المواعيد ونية الحوار.
عاوزين نسمع التعليقات

السلام عليكم ورحمة الله وبركاته
أنا سماح ربنا يبارك فيكم ونحشر في الجنة زمرا
أنا عايزة أقول حاجة أنا عارفة أني أنتم بتقولوا الكلام في القواعد تاني وبتتكلموا فيه كتير عشان خايفين من المولي عز و جل والحمدلله وأحب اطمنكوا ( ولمن خاف مقام ربه جنتان ) أنا معاكم وربنا يعيني و أنفذ القواعد بجد ويعينني علي شر نفسي ويعينا جميعا علي شر أنفسنا
وبطلب منكم طلب بجد أني لو أي حد لقاني بخترق القواعد بأي شيء بجد ياريت يجيب رشاش ويطخني من غير تفكير ويذكرني ( فذكر فان الذكري تنفع المومنين ) وجزاكم الله خيرا

السلام عليكم ورحمة الله وبركاته
أختي الفاضلة سماح جزاكي الله خيرا علي المشاركة وإن شاء الله الآية الكريمة:وَذَكِّرْ فَإِنَّ الذِّكْرَى تَنفَعُ الْمُؤْمِنِينَ
هاتكون قاعدة من القواعد يعني ما ينفعش أشوف أخويا أو أختي بيغلط وأسيبه علي خطأه وماينفعش اسيبه وأروح أحكي علي خطأه لناس تانية لازم أروح وأكلمه يمكن يكون في حاجة انا مش شايفها ولو أخي أو اختي أعترف بالخطأ وكرره ساعتها يكون في وقفة وأحسبنا إننا كلنا بنتحري الحلال والحرام وكلنا إن شاء الله نكون ممن قال فيهم المولي عز وجل:
وَالَّذِينَ اجْتَنَبُوا الطَّاغُوتَ أَن يَعْبُدُوهَا وَأَنَابُوا إِلَى اللَّهِ لَهُمُ الْبُشْرَى فَبَشِّرْ عِبَادِ {17} الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ أُوْلَئِكَ الَّذِينَ هَدَاهُمُ اللَّهُ وَأُوْلَئِكَ هُمْ أُوْلُوا الْأَلْبَابِ {18}

:bism:
والصلاة والسلام على افضل الخلق وافضل المرسلين سيدنا محمد صلى الله عليه وسلم وعلى آله وصحبه وسلم

السلام عليكم ورحمة الله وبركاته

اخوتى فى الله ياريت واحنا بنحط القواعد بتاعتنا نركز على قواعد التعامل اثناء المعارض
يعنى فى اخت لينا قالتلى على فكرة وقالتلى انزلها وهى ممكن اثناء المعارض نخصص يوم للبنات ويوم للشباب
ولو يعنى المسألة صعبة ممكن نعمل اماكن مخصصة للبنات وللشباب يعنى طرابيزات مخصصة للبنات وزيها للشباب

:bism:
والصلاة والسلام على افضل الخلق وافضل المرسلين سيدنا محمد صلى الله عليه وسلم وعلى آله وصحبه وسلم

السلام عليكم ورحمة الله وبركاته

اخوتى فى الله ياريت واحنا بنحط القواعد بتاعتنا نركز على قواعد التعامل اثناء المعارض
يعنى فى اخت لينا قالتلى على فكرة وقالتلى انزلها وهى ممكن اثناء المعارض نخصص يوم للبنات ويوم للشباب
ولو يعنى المسألة صعبة ممكن نعمل اماكن مخصصة للبنات وللشباب يعنى طرابيزات مخصصة للبنات وزيها للشباب
السلام عليكم ورحمة الله وبركاته أختي الحبيبة أسماء طبعا دي نقطة مهمة لازم نراعيها التجمعات مش المعارض بس والقوافل كمان ويوم الطفل بس القواقل ويوم الطفل اتحلوا تقريبا بفكرة إن اللي مالوش شغل مايكنش موجود وياريت يحتسب النية لله وهو مش موجود غنه بيعين المجموعة علي إن شغلها يطلع في أفضل صورة بالنسبة للمعرض مشكلته اننا بنتواجد كذا يوم ورا بعض لفترة طويلة أحيانا مابيكنش في حركة بيع فبالتالي حتي اللي عنده شغل بيبقي فاضي بيحصل أكل وساعة الأكل الدنيا شوية بتبوظ معانا علشان كده عاوزينكم تقولوا نعمل ايه يوم ويوم مع العلم ان يوم البنات هايتوفر ولدين علي باب المعرض احتياطي لأي خناقة :) انا بتكلم جد الفكرة دي كانت مطبقة في المعرض بتاع مسجد أبو بكر البنات هما اللي كانوا واقفين علي البضاعة وكان في شابين باستمرار في الخارج وكان في شابين بيسعدوا في نقل الحاجة عموما احنا سابين المساحة للكل يعرض أفكاره في هذه النقطة

ماشى الكلام..
بس يا ريت نبطل التحايل على الدين
ودى اهم نقطة.
صح ولا انا غلطان؟؟
&thanks

بسم الله و الصلاة و السلام على رسول الله
اخيرا جت الفرصة علشان اشارك فى الموضوع الهاااام جدا ده بس بصراحة فى الاول مكنتش لاقية كلام اقوله لانى كنت موافقة على كل اللى قولتوه و انت يا عايدة مش عايزة حد يدخل يثنى على الفكرة و بس انت عايزة حد يساهم باقتراحاته لحل المشكلة علشان كده اسمحولى اتكلم عن كيفية التعامل فى المعارض " كل واحد و تخصصه":sly: :sly:
انا شايفة ان معرض ابو بكر مكنش محتاج لعدد من الشباب لانه كان معرض لملابس المدرسة فبالتالى التعامل كان اكتر مع الامهات او الاسر بشكل عام ده غير ان رواد المعرض كانوا من اسرنا لكن اى معرض تانى من المعارض اللى بنعملها بييجى فيه جميع الفئات و الاعمار و ناس نعرفها و ناس منعرفهاش ده غير انه بيبقى فيه قسم رجالى و ده مينفعش يقف فيه بنات علشان كده انا بقترح ان القسم الرجالى فى اى معرض يكون مفصول نهائى عن قسم الحريمى و الاطفال و يكون فريق الشباب مسئوا " فقط " عن القسم الذى يخصه بما فى ذلك ترتيب المكان و تنظيم الملابس و دخولها و خروجها كل يوم و البنات كذلك كل على حده .
و المشكلة الاكبر اللى بيحصل فيها كلام كتير و الفة اكتر بين الطرفين و هى الاكل هتكون فيه بنت متطوعة لشراء الاكل للبنات و شاب متطوع لشراء الاكل للشباب و كله بياكل فى مكانه و بكده حتى التعامل اللى بيحصل علشان طلب الاكل او غيره مش هيكون موجود و فى نفس الوقت الشغل يمشى بالشكل اللى يرضى ربنا.
اما فى حالة حدوث اى مشاكل فى قسم البنات فدى هتكون مسئولية المشرفين على المعرض هما يتصرفوا بالشكل اللامثل لحلها .
وفى الاخر اللى بيحكم تعاملتنا كلها قوله سبحانه و تعالى
صدق الله اعظيم
وفقنا الله و اياكم لما يحب و يرضى

وفى الاخر اللى بيحكم تعاملتنا كلها قوله سبحانه و تعالى
" فاتقوا الله ما استطعتم " و قوله سبحانه و تعالى
" بل الانسان على نفسه بصيرة "
صدق الله اعظيم[/size][/color]
وفقنا الله و اياكم لما يحب و يرضى[/quo

انا بس كنت بصلح الايات لانى اكتشفت انى كتبت فيها حاجات غلط " غفر الله لى و لكم "

السلام عليكم و رحمة الله وبركاته
اولا احب اشكركم علي هذا الموضوع المهم جدا
لكن في را‘يي ان كل شخص هو/
- ريموت كنترول لنفسه يستطيع ان يتحكم في افعاله
-ترمومتر يستطيع ان يعرف هل تخطي الحد المسموح به
وعلينا ان نتقي الله في اعمالنا و اقوالنا ولا يوجد احد منا لا يخطئ ولكن علينا دائما ان نعلم خطاْنا ونصححه.
وانا كنت في الاول اقول احنا بنعمل عمل خير يعني ايه اللي هيدخل الشيطان في وسطنا لكن بعدها قولت ما هو احنا و احنا بنيجي نصلي الشيطان بيدخلنا و يفكرنا بحاجات نسينها وحاجات حصلت لنا في يومنا واهيه و المفروض ان دي صلاة فما بالكم بشئ بيتجمع فيه شباب و بنات فرصة يستغلها الشيطان و لذلك انا بخاف من حاجة وهي التعود و يصبح الشاب تعود علي الكلام مع البنات و العكس طبعا ويشوف ان الكلام عادي و ان انا مش بعمل حاجه غلط لان نيتي سليمة فاحذروا ثم احذروااااااااااا من التعود علشان كده انا مع اقتراح ان كل واحد يبدأ بنفسه و مايشغلش نفسه بعيوب و تصرفات غيره
وعلي كل واحد شايف حد بيعمل حاجة غلط وهو مش واخد باله لازم ينصحه
وعلينا جميعا ان نتقي الله حيثما كنا ونجعله شعارنا ونعلم ان (من يتق الله يجعل له مخرجا ويرزقه من حيث لا يحتسب)
حت يبارك الله لنا في اعمالنا و يفتح علينا و يتقبل منا
ودي كانت وجهة نظري حبيت بس اعرضها
وجزاكم الله خيرا
والسلام عليكم ورحمة الله وبركاته

السلام عليكم ورحمه الله وبركاته
انا بس داخل اكتب خاطره جاتلى وانا بتصفح الموقع وهى (ان كل الناس باين من كلامهم انهم مش راضين على الوضع الحالى وشيفين ان العمل ممكن لا يقبله الله بسبب الاختلاط المفرط الى احنا (انا ) فيه وكله عمال يقول كده غلط ماشى طب ايه الحل لا اصل انت مش فاهم اصل كده غلط ماشى طب ايه الحل لا ااصل انت برده مش فاهم اصل كده غلط طب فين االحل

الصراحه : انا شايف ان المشكله الام هى وجود البننات مع الاولاد اساسا يعنى مينفعش نحط نار جنب البنزين ونقعد نقول نخفف الناار شويه لا طب نخفف تركيز البنززين شوويه وفى النهايه هيولع هيولع لا محاله يعنى طول ماهما مع بعض هيحدث الى احنا خايفين منه وجزاها الله كل خير الاخت الى اتكلمه عن الفه الحديث وهو ده الى حاصل دلوقتى ربنا يسترنا .
وده الى كان مخلينى لم اشارك من اول الموضوع لانى حاسس ان الناس كلها بتلف فى دائره مغلقه وراء بعض

وملخص الكلام الى انا قولته ( ان الحل االنهائى فى هذه المشكله هو الفصل النهائى )
وده يعتبر رأيى الى اتمنى انه يطرح يوم التصويت ولو حد يحب ينافش فيه انا تحت امره لحد يوم السبت الى جاى ( يوم التصويت )

اخيرا :بالله عليكم لا تنسوا حديث االنبى صلى الله عليه وسلم ( من ترك شيئا لله ابدله الله خيرا منه )

ماشى الكلام..
بس يا ريت نبطل التحايل على الدين
ودى اهم نقطة.
صح ولا انا غلطان؟؟
&thanks
السلام عليكم ورحمة الله وبركاته
أخي الفاضل جزاكم الله خيرا علي النصيحة ونحسب الجميع عي خير وان كان هدفنا التحايل فلا فائدة مما نفعل وإن كان هدفنا صدقا رضا الله عز وجل فإن شاء الله انه سيفتح علينا فتحا عظيما واذكرك ونفسي :
مانزع الرفق من شى الا شانه وما وضع في شى الا زانه

الأخت الفاضلة رشا زيدان جزاكم الله خيرا وسيتم وضع رأيك في الاقتراحات الخاصة بالمعارض

الأخت الفاضلة dr_aem
جزاكي الله خيرا كلام حضرتك مهم جدا ومفيد ربنا يعزك ولازم يكون نصب أعينا

الأخ الفاضل أستاذ أحمد مختار
جزاكم الله خيرا علي رأيك اللي بيه بنفتج مجال مهم جدا جدا للمناقشة وأكيد أر رأي تم طرحه هنا هايتم عرضه للتصويت بس ياريت حضرتك توضح لنا تخيل حضرتك للفريق وهو منفصل يعني هايكون في تنسيق بين الفريقين ولا كل فريق ولا كل فريق هايبقي مستقل تماما عن التاني ولا هايتم تقسيم اللجان يعني يبقي زراعة تبع البنات والاجتماعية علي سبيل المثال تبع الولاد؟

السلام عليكم ورحمه الله وبركاته
اولا : جزاكم الله خيرا يا ا\ عايده على سرعه التجاوب ولى عند حضرتك طلب ( الدكاتره بتتوع القافله قفلين تلفوونتتهم ومش عارفين نوصلهم علشان القافله )
ثانيا : انا فكرتى هى الفصل تماما اى يكون هناك فريق ولاد وفريق بنات لا علاقه بينهم لان لو عملنا ذىما حضرتك قولتى لجان ولاد ولجان بنات فأن المشكله مازلت قائمه لان لازم يكون هناك اتصال وتنسيق وشويه شويه هيرجع الوضع لما كان عليه وهذا ايضا سيظهر مشكله تانيه وهى ستوضح من هذا االمثال : لو قوولنا اللجنه الصحيه مثلا ( لجنتى علشان محدش يتكلم ) كلها بنات فلو جاء دكتور بشررى او صيدلى وممكن نستفيد منه بشكل كبيرفسوف نخسره امكانيه استغلاله الاستغلال الامثل .
- ده بس كان رد على كلام الدكتوره عايده وان شاء الله للحديث بقيه .

- وأخيرا :بالله عليكم لا تنسوا حديث االنبى صلى الله عليه وسلم ( من ترك شيئا لله ابدله الله خيرا منه )

السلام عليكم ورحمه الله وبركاته
دى اول مشاركه ليا فى الموضوع ده
وانا شايفه ان كل شويه حد بيدخل يكتب حاجه احنا بنعملها ونقول خلاص بلاش منها مدام هى حاجه غلط
كل ده هيوصلنا لحاجه واحده وانا شايفه ان هى الحل
انا مع اقتراحالفصل النهائى
وياريت ده يبقى من الاقتراحات الموجوده
وانا متهيالى الاقتراح ده هيوافق عليه ناس كتير
وبالنسبه لشكل الفريق هيبقى كل فريق بيشتغل بمفرده كان فى جمعيتين كل واحده بتشتغل بفكرها هى
ولو الحل ده مش نافع فى اقتراح تانى اننا نستفيد من تجربة الجمعيات فى محافظات تانيه ونشوف عملوه ايه و تغلبوه على الموضوع ده ازاى؟؟؟؟
وبصراحه لو حصل فصل نهائى ان شاء الله البنات اللى جمعيتهم احسن عشان هما اكتر عددا واكتر حماسا
وبصرحه ساعتها هيكون التعامل اسهل يعنى مثلا ممكن اتكلم مع واحده بنت زى فى التليفون زى منا عايزة او اهزر معاها براحتى مش هاكون متنشنه وانا بتكلم ولا ايه رايكم؟

السلام عليكم ورحمة الله وبركاته
الأخ الفاضل الفكرة طيبة وكما اتفقنا من قبل فإنها ستعرض للتصويت علي الفريق ولكن هدفنا في البداية كان تجمع مجموعات العمل الخيرية لتصبح تنموية ولتصب كلها في بوتقه واحد وهذا لا يعني إنني أرفض الفكرة ولكن ما اود الإشارة إليه أن يكون هناك تنسيق عام عبر صفحات المنتدي مثلا اللجنة الطبية لفريق الشباب لديها قافلة طبية تعلن عي صفحات المنتدي عن مكانها وتوقيتها حتي يقوم فريق البنات بعمل قافلة في مكان آخر مثلا في اللجنة الاجتماعية حتي لا تتكرر المساعدات يتم تقسيم مناطق الاسماعيلية بين الفريقين حتي لا يكون هناك تكرار للأسر وحتي نحصل في النهاية علي معدل واضح لعدد الأسر التي يتم خدمتها.

جزاكي الله خيرا يا دعاء علي المشاركة وبالنسبة لموضوع الجمعية وجهة نظري اننا نكمل اجراءتنا والله المستعان ربنا يسهل ويكون لينا جمعية ونتفق سويا انها تكون فعليا للبنات أو الشباب هما اللي يرحوا المقر ويعملوا المجالس علشان تبقي شغالة وفي نفس الوقت نستفيد منها للفريقين في تطليع التصاريح والأوراق دي برضه مجرد وجهة نظر شخصية وفقنا الله لما يحب ويرضي

بسم الله و الصلاة و السلام على رسول الله

جزاك الله خيرا يا استاذ احمد على اقتراح الفصل النهائى و انا حبيت بس اشارك براى فى موضوع ازاى هيكون شكل الفصل ده او هنشتغل ازاى
انا بقترح ان احنا نقسم الاسماعيلية مناطق و يكون فريق البنات مسئول عن مناطق معينة و فريق الشباب مسئول عن مناطق معينة وتوضع خطة واحدة لكلا الفريقين لكل لجنة على حدا و كل فريق يبتدى ينفذها بالمناطق المسئول عنها و يكون التواصل اللى بنا عن طريق المنتدى و انا شايفة ان ده هيكون ليه فاعلية اكبر ان شاء الله
و اكيد ربنا هيعنا و هيفتح علينا لاننا كل اللى يهمنا مرضاته سبحانه و تعالى " و من يتق الله يجعل له مخرجا و يرزقه من حيث لا يحتسب " صدق الله العظيم

انا اوافق تماما ...

السلام عليكم ورحمة الله وبركاته
كان في نقطة كمان عايزه اضيفها وهى التخاطب علي المنتدى فيجب ان يكون هناك قواعد للمحادثة و بالاخص في منتدى حوار اون لاين
وارجو ان يتم التصويت على هذا الموضوع
وجزاكم الله كل خير
والسلام عليكم ورحمة الله وبركاته

أرى ان هذه القواعد عادلة ولكن أضيف ان يتم تقسيم العمل مثلا انا اقترح ان تكون قافلة ولاد واخرى بنات

أخوتى فى الله أدعو الان لاخواننا فى فاسطين فهم فى أحوج شى الي دعائنا

بسم الله والصلاة والسلام علي رسول الله
إن شاء الله يا جماعة نلتقي يوم السبت بعد صلاة العصر مباشرة بالجمعية النسائية للتصويت علي قواعد الإختلاط أي حد يهمه امر الفريق ياريت يكون موجود وجودك دليل علي حبك لأن يكون الفريق علي خير ما يرام ان شاء الله احنا في البداية هانعمل تصويت علي كونا نفضل فريق واحد بنات أولاد او كونا ننقسم فريقين مع شرح وتخيل للوضعين وعلي حسب نتيجة التصوية الأولي هانبدا نناقش لو كنا فريق واحد ايه القواعد اللي بتجمعنا ولوكنا فريقين إزاي نقسم الشغل بينا عندنا فرصة لحد صلاة الظهر يوم السبت لكتابة أي أفكار ومقترحات وربنا يوفقنا ولإياكم لما يحبه ويرضاه

:salam_text:
يا ترى اين الجمعية النسائية ؟

ربنا المستعان
اللهم ارنا الحق حقا وارزقنا اتباعه وارنا الباطل باطلا وازقنا اجتنابه

الجمعية النسائية في الحرفي بجوار مسجد بلال بن رباح

السلام عليكم ورحمه الله ويركاته
بصراحه أنا أفضل وبشده فكره الفصل النهائى
وأنا تصورى للفكره أن كل فريق يعمل منفردا تماما ويكون المنتدى ليعرض فيه كل فريق أنجازاته لاكتساب روح الحماس والتحدى بين الفريقين
اما بالنسبه لرأى الأخت رشا فانا شايفه أننا لايجب أن نحدد عمل الفريق بأماكن معينه حتى تكون هناك حريه ومجال للتنافس فان الأسماعيليه بها الكثير من الجمعيات الأهليه وكلا منها تعمل على حدى
ولكن أرى أن الاستثناء الوحيد الذى يمكن أن يعمل هو عمل الفريقين تحت أسم لجمعيه واحده مشهره
اذا تعزر أشهار جمعيتين منفصلتين نظرا لصعوبه الاجرائات
وشكرا
جزاكم الله كل خير
ووفقنا الله لما يحبه ويرضاه

جميل جدا اننا نعرف ان فى اجتماع قبله بيوم يعنى اللى ما يدخلش يوم واحد يفوته

السلام عيكم ورحمة الله وبركاته
الأخت العزيزة هبه
الاجتماع كان متفق علي موعده في الاجتماع الذي يسبقه وكان متفقا علي ان يكون السبت اللي قبل اللي فات ولكن لعدم تأكيد المواعيد علي كل الأعضاء تم تأجيله اسبوع آخر ولم يعلن عن الموعد عشية موعد الاجتماع وجزاكم الله خيرا