السلام عليكم ورحمة الله وبركاته

طريقك لتكون مصمم مواقع

مرحباً بكم إخواني وأخواتي الكرام http://www.klamaraby.com/vb/images/icons/icon7.gif

الموضوع دا فعلاً أنا فكرت أكتبة من زمان عشان ناس كتير كانت بتسألني إزاي تبدأ في مجال تصميم المواقع ومش فاهمة ولا عارفة تبدأ منين

أنا عايز أوضح بس إن دي مش دورة لكن هي هتكون عبارة عن حلقات والهدف منها إننا كلنا هندردش وإلي عندة خبرة في المجال دا هيوضح إزاي إبتدي الطريق دا وإزاي أتعلم ومشي فيه وبقا مصمم مواقع

ومش بس كدا لا أحنا عايزين كمان أي حد عندة سؤال يكتبة وكلنا نرد عليه ونحاول نساعد بعض عشان أي حد عايز يدخل المجال دا يبدأ فيه لإنوا مجال ممتع فعلاً سواء التصميم او التطوير

نبدأ بسم الله

كيف تصبح مصمم مواقع

أول حاجة لازم نعرفها يعني أيه مصمم مواقع ؟

مصمم المواقع هو الشخص القادر علي تصميم موقع بلغات أو بأدوات التصميم المختلفة ,يعني هيجيلك عميل هيقولك انا دلوقتي عايز أصمم موقع شخصي أقدر من خلالة أعرف الناس بخبراتي وكمان من خلالة أقدر أستقطب شريحة معينة للتعامل معايا

كل إلي هتعملة إنك هتفهم المطلوب من العميل كويس وهتبدأ تقعد مع نفسك وتفكر في شكل الموقع وفي عدد الصفحات وفي كل حاجة مطلوبة بشكل مبدئي ,بعد كدا هتفكر إزاي هتنفذ دا بشكل فعلي وأي الأدوات هتستخدمها عشان تخرج الموقع دا للنور

هتقول مثلاً أنا هستخدم في التصميم برنامج الفوتوشوب ,وهستخدم كمحرر برنامج الفرونت بيج أو الدريم ويفر وهستخدم لغات البرمجة لغة الهتمل HTML والـ CSS

مش عايزين نقول ايه الحاجات دي ,كل الحاجات دي هنعرفها بعدين واحدة واحدة ,المهم دلوقتي عرفنا إننا فكرنا إزاي هنعمل الموقع عشان يطلع للنور وبالشكل دا نقدر نبدأ في تصميم فكرة ولو معجبتناش نصمم تاني ونعيد ونزيد لحد منخرج بشكل تصميم محترم يناسب مستوانا وطلب العميل

هيجي عميل تاني هيقول أنا صاحب معرض سيارات ,أنا محتاج الزائر يدخل يلاقي قسمين سيارات جديدة وقسم سيارات مستعملة ,ولما يضغط علي أي قسم منهم يظهرلة كل الفئات وهتبقا فيه ترتيب كمثال السيارات أقل من 100.000 دي فئة والسيارات أقل من 50.000 دي فئة وهكذا ..

ويبقا فيه جزء تاني لإختيار فئات السيارات بالترتيب التالي (سيارات فيات - هوندا - بي ام دابليو - مرسيدس - تيوتا - سبرانزا - لانسر) وهكذا ..

كمان عايز الزائر يقدر يضيف تعليق ويبعتلي رسالة بطلب شراء السيارة

وكمان أنا أقدر أضيف بسهولة كل يوم موديل سيارة جديد سواء في قسم السيارات الجديدة أو قسم المستعمل وفي الفئة بتاعتها

أيه دا أنا توهت

لا براحة هنرد علي العميل هنقولة أحنا بنصمم بس لكن من خلال خبرتنا علي الويب فيه أكثر من سكربت (برمجة جاهزة) موجودة ممكن من خلالها نعمل الموقع إلي أنت عايزة

وهتعرض علي العميل أمثلة من البرمجيات دي

أفرض عجبتة ؟ : هنا هتبدأ تفهم فكرة البرمجة دي وتصميمها ماشي إزاي وهتعمل تصميم جديد علي البرمجة سواء كانت بالـ CSS أو بأي شكل كان

أفرض مفيش برمجة عجبتة ؟ : هنا هنقولة الموضوع كدا محتاج برمجة خاصة ولو أنت ليك معارف يخلصوا الموضوع دا هتكلمهم ولو متعرفش هتقولة إنك بتصمم بس حالياً وهو عليه يعمل البرمجة وأنت مستعد تصممهالة (وبالتأكيد العميل هيطفش ومش هيجيلك تاني)
طيب خلونا نرجع ونقول أنا قولت الكلام دا كلوا ليه ؟

عشان أعرفك أيه الفرق بين لما يجيلك عميل وهتقدر تعمل شغلة ولما هيجيلك عميل تاني ولازم تدور علي حل عشان تعملة شغلة ,أنا عارف ومتأكد إن الأرزاق بيد الله ,لكن ليه متعملش شغل الإتنين ,أنت كمصمم مواقع لازم تعمل شغلك وتطور نفسك بحيث مترفضش الأعمال إلا في حالة إنها كانت غير مناسبة (تصميم موقع أغاني مثلاً) أو إن كنت مش فاضي وحتي دي بردوا المفروض متبقاش حالة تخسر فيها عميل ,ممكن جداً تتفق مع زميل ليك إنك لما تكون مشغول هو يعملك الشغل بإسمك وياخد نسبة (صرف نفسك بأي شكل)

أنا بقول الكلام دا ليه ؟

بقول الكلام دا عشان إلي بيكلموني في موضوع التصميم دا شباب كتير لسه في بداية الطريق ,الطريق إلي عايز تعب وإجتهاد وعايز منضيعش فرص ونفكر إزاي ناخد خطوة حقيقية عشان نتعلم مهنة ممكن تكون بداية كويسة لينا إننا نكسب بالحلال ونقدر نعيش في مستوي كويس

بعدنا عن الموضوع معلش لكن أنا فعلاً زيي زي أي شاب في الدنيا أتخرجت لقيت نفسي قدامي طريق من الإتنين يا واسطة الشغل ودي مكانتش موجودة ,يا إما الإعماد علي الله ثم النفس ودا الطريق إلي خدتة في حياتي ,أة تعبت حبتين لكن ربنا كرمني في شغلي وقدرت أعمل حاجة في مجالات عملي

المهم عشان مطولش عليكم في الحلقة دي خلونا نبدأ نقول أيه هي أدوات التصميم بعد كدا هنتكلم وهنقول أيه هي المصطلحات إلي ممكن تقابلك عشان تبقا عارفها

أي مصمم في الدنيا عايز يبدأ تصميم سواء جرافيك أو ويب أو دعايا أو أي حاجة ممكن تتخيلها لازم يعدي علي برنامج الفوتوشوب لإنوا الأساس زي مبيقولوا

يعني مصمم الدعايا بيحتاج الفوتوشوب والإليستريتور
مصمم الجرافيك بيحتاج مثلاً الفوتوشوب والثري دي ماكس أو المايا

نفهم من كدا إن الأساس بتاعنا هو الفوتوشوب ,وللناس إلي مشتغلتش عليه عايز أقولكم برنامج الفوتوشوب تقدر تعمل بيه أي حاجة ,زي الصلصال تشكلة زي منتا عايز لحسابك

إصدارات الفوتوشوب دائماً ميبقاش فيها إختلاف كلي ,لكن بين كل إصدار وإصدار شوية مميزات بسيطة وأنا عن نفسي بحب الفوتوشوب CS3

يبقا زي مقولنا لازم أول حاجة نتعلمها هي الفوتوشوب كأساس للتصميم وأنا في أخر الموضوع هديكم شوية كورسات فيها المفيد لتعليم الفوتوشوب ,بعد كدا هنبتدي نشوف برنامج لتحرير المواقع وأشهر البرامج المستخدمة هما الدريم ويفر أو الفرونت بيج ,لكن عشان أكون واضح الدريم ويفر طبعاً أفضل مليون مرة من الفرونت بيج ,لكن أنا كتير بستخدم الفرونت بيج عشان سهل وسريع لما بكون عايز حاجة منة ومتوفرة فيه هوا والدريم ويفر

وعشان الموضوع دا يبقا أوضح ,الأفضل لو هتصمم موقع إنجليزي أو موقع ديناميكي إستخدم الدريم ويفر

لو هتصمم موقع عربي أو إستايل لمنتدي فالفرونت بيج هيقوم بالواجب وزيادة ومش هتقابل منه أي مشاكل

نيجي للجزئية الأخيرة وهي برنامج الفلاش ,ودا طبعاً عشان نعمل بيه قوائم متحركة أو عشان نعمل بيه صورة يكون ليها تأثيرات خاصة أو أي إستخدامات أخري مطلوبة والفلاش يعتبر برنامج كبير جداً وطويل في تعليمية (لأن الفلاش ينقسم لتعليم قوائم البرنامج نفسها وجزئية تانية برمجية وهي الأكشن سكربت) فالأفضل إنك حتي علي الأقل تتعلم تستخدم الفلاش بشكل كويس ويكون مستواك فيه متوسط ,يعني مش ضروري أوي تكون محترف فيه ودا كبداية لإنك بعد كدا لما هتحتاج تعمل مؤثرات في أعمالك بشكل خاص هتضطر تكون عارف البرنامج دا كويس

كدا عشان أقول علي نفسي إني مصمم مواقع لازم أبقي عارف فوتوشوب بشكل عام كويس ,وأبقي عارف الدريم ويفر والفرونت بيج بشكل مقبول ,والفلاش بشكل متوسط ,كدا أحنا فهمنا هنستخدم برامج أيه في شغلنا عشان نقدر نصمم أي موقع

ندخل بقا علي الجزئية التانية وهي (التكويد)

دلوقتي أي برنامج محرر هتلاقية بيكتب أكواد الـ HTML بدل منك يعني مش لازم تكون عارف الهتمل كويس ,لكن أنت كمصمم لازم تبقا عارف ايه إلي مكتوب في الصفحة عشان لو أضطريت تعدل علي كود بإيدك في أي وقت تبقا فاهم مش حافظ http://www.klamaraby.com/vb/images/icons/icon7.gif

وعشان تتعلم الـ HTML من البداية للنهاية هياخد منك الموضوع مجرد 3 - 4 ساعات كدا وأنت بتشرب شوية شاي تكون مخلصة

خلي بالك إحنا عايزين نفهم الهتمل مش نحفظة ,مش مطلوب تكون محترف يعني ,لا المطلوب بس يكون عندك نبذة كويسة عن أكوادة

بعد متخلص تعليم الهتمل لازم دلوقتي تبدأ في تعلم مباديء الجافا سكربت ودي لإن معظم المواقع دلوقتي أصبحت ديناميكية ولغة الجافا تؤدي هذا الدور ,فأنت حتي مطلوب منك في البداية أنك تفهم نبذة كويسة عن الجافا بحيث تقدر تعدل علي الأكواد الجاهزة وبعد كدا مع نفسك واحدة واحدة طور نفسك في الجافا

بعد متخلص تعلم مباديء الجافا هتحتاج دلوقتي تتعلم مباديء الـ PHP بردوا ودا لإن هيقابلك برمجيات كتير هتحتاج من خلالها تعدل علي أكواد بي اتش بي فلازم تبقا فاهم أنت بتعدل علي كود بيعمل أيه أو تعدل عليه إزاي أصلاً ,فالمطلوب ليس إحتراف الـ PHP مع إن إحترافة شيء كويس في صالحك لكن المطلوب تعلم مباديء لغة برمجة الـ PHP وهي لغة هامة جداً وأصبح يعتمد عليها الأن في بناء وبرمجة معظم المواقع الديناميكية الجديدة

خلاص أتعلمنا مباديء (هتمل وجافا وبي اتش بي) ,دلوقتي بقا يا جميل أنت ناقصك تتعلم الـ CSS بل تحاول أن تحترف الـ CSS وهل لغة جميلة وبسيطة وهي خاصة بالتحكم في شكل الصفحات من الناحية الجمالية (الألوان - النصوص - الروابط - شكل وتنسيق الصفحة) ,وبالنسبة لوقت تعلم السي اس اس لن يستغرق سوي يومان أو ثلاث أيام متواصلة

نعيد تاني يا شباب ؟

مطلوب مباديء (أو إحتراف) HTML لإنها أصلاً لغة بسيطة في تعلمها
مطلوب تعلم مباديء JAVA
مطلوب تعلم مباديء PHP
مطلوب إحتراف الـ CSS

دلوقتي نقدر نقول بعد منتا أتعلمت الحاجات دي كلها إنك عندك مقومات مصمم المواقع الحقيقي ,لكن هينقصك شيء واحد وهو التدريب الكتيييييييييييييييييييييييير ,أنا أفتكر إني أول موقع عملتة ووريتة لصديق ليا مصمم مواقع وصاحب شركة كبيرة هو بصراحة بصلي كدا وقالي بص أنا عارف ان دا اول تصميم ليك لكن حاول تراعي كذا وكذا وكذا وقعدت كل يوم أعمل تصميم وأوريلة وكل مرة إيدي كانت بتمشي عن اليوم إلي قبلة لحد موصلت لمرحلة إني خلاص أقدر أشتغل دلوقتي وفعلاً أشتغلت والموضوع مشي ولحد النهاردة كل موقع بعملة بيبقا أفضل من إلي قبلة بفضل الله

السلام عليكم ورحمة الله وبركاته

مرحباً بكم إخواني وأخواتي الكرام

أتمني أن يكون الجميع بخير وبصحة جيدة


إحنا عايزين نخرج النهاردة من الموضوع دا نبقا عارفين هنتعلم منين وإزاي

المرة إلي فاتت قولنا هنتعلم أيه وليه ,لكن المرة دي هنتعلم إزاي وأيه الكورسات إلي ممكن نشوفها عشان نحسن مستوانا ونقدر نأسس نفسنا كويس ونشتغل في مجال تصميم المواقع الشيق

قولنا المرة إلي فاتت الحاجات إلي المفروض نتعلمها هي (HTML والفوتوشوب والفلاش والدريم ويفر أو الفرونت بيج والجافا سكربت والسي اس اس)

دلوقتي زي محنا عارفين إحنا عندنا هنا في المنتدي كورسات كتير جداً للحاجات دي كلها ,لكن إحنا عايزين نختار من كل شركة أفضل كورس فيها ,يعني هناخد إلي يفيدنا من كل شركة

وطبعاً موضوع التعليم دا أزواق بردوا ,لكن عايز أقول إن أفضل شركتين في مجال التصميم هما شركة توتال تريننج TotalTraining.com وشركة ليندا Lynda.com

بس فيه فرق شاسع بين الشركتين ,الشركة الأولي توتال تريننج دائماً بتجري في الكورسات عشان كدا أنا بفضلها للناس إلي بتحب تزود معلوماتها ,يعني أنت أتعلمت فوتوشوب كويس يبقا تطور نفسك وتشوف كورس لشركة توتال تريننج كمراجعة وزيادة معلومات ,لكن ليندا بتمشي واحدة واحدة ولو مش فاهم أي حاجة في البرنامج هتخرج منه فاهمة

ناس حبايبنا هيقولوا بس فيه مشكلة ,إحنا مبنعرفش إنجليزي كويس

أيه المشكلة ؟ ,دائماً يا جماعة وأجمل حاجة في المجال دا إنك بتتعلم التصميم يعني هتتفرج علي المدرس وهتشوفة بيعمل أيه وهتعمل زية وأكيد هتفهم 100% بدون تعب ,الإعتماد علي اللغة في مجال التصميم عموماً مبيكونش كبير زي مجال البرمجة أو الشبكات مثلاً

فأنت هتحمل الكورس وهتقعد براحتك تتفرج علي الكورس وكل حاجة تتعلمها توقف الكورس وتطبقها ومتقلقش بيبقا فيه ملفات عمل (Exercise Files) لكل الكورسات عشان لو حبيت تشوف المدرس عمل أيه بالظبط

مهم جداً تتفرج علي الكورس ومتدخلش علي غيرة إلا لما دا يخلص الأول ,وفي العادة أنت هتقدر تخلص الكورس في 3 - 4 أيام لو أنت شبه متفرغ ,وحاول بين كل شابتر والتاني وبعد متطبق تاخدلك ريست كدا تلعب فيه شوية جيمز أو تعمل كباية شاي عشان بس تخرج من مود الكورس وكمان تعزمني أنا كمان علي كباية معاك

معلش أنا طولت عليكم لكن انا بكلم الناس إلي لسه بتحط إيدها وعايزة تعرف تبدأ في مجال تصميم المواقع إزاي

هنقول دلوقتي هنبدأ بأية بالظبط ومنين

أول حاجة زي مقولنا المرة إلي فاتت هنتعلمها هي الفوتوشوب ,ودي أهم كورسات هتبدأ تتعلمها بالترتيب دا

Photoshop CS4 Essential Training

ودا كورس المبتدئين

ثم

Photoshop CS4 One-on-One: Advanced

ودا الكورس للمحترفين

ثم

Photoshop CS4 for the Web

ودا كورس جديد للويب

وهتحمل الكورسات دي كلها من هنا

http://www.klamaraby.com/vb/showthread.php?t=67311 (http://www.klamaraby.com/vb/showthread.php?t=67311)

أو من منتدي الإسطوانات التعليمية بالإنجليزية (http://www.klamaraby.com/vb/forumdisplay.php?f=19)

(همسة للجميع : تقدر قبل متشوف كورسات ليندا تتفرج علي كام كورس عربي كدا عشان تاخد فكرة عن الفوتوشوب لو متعرفش عنه حاجة أصلاً ودا هيكون أفيد كتير ليك ,لكن متكترش من الكورسات العربية ,يعني شوفلك كورس ولا إتنين عشان منضيعش وقت طويل)

وبكدا نكون خلصنا كورسات الفوتوشوب

ندخل دلوقتي بقا علي الدريم ويفر

Dreamweaver CS4 Essential Training

دا كورس لتعليم الدريم ويفر وأنت مش هتحتاج تعرف أكتر من كدا فيه

ودا تقرير جميل هيفيدك عن الكورس

تقرير حول Total Training For Macromedia Dreamweaver (http://www.klamaraby.com/vb/showthread.php?t=11673)

ثم

Dreamweaver CS4 with CSS Essential Training

دا كورس للدريم ويفر بردوا لكن مع السي أس أس

ثم

Creating a CSS Style Guide: Hands-On Training

ودا بردوا كورس تاني لكن أعلي من السابق للدريم ويفر مع السي اس اس

خلصنا كدا تعليم الفوتوشوب + الدريم ويفر صح ؟

نخش بقا علي الفرونت بيج ودا كورس عربي واحد كفاية عليك عشان تعرفة كويس

http://www.klamaraby.com/vb/showthread.php?t=18877 (http://www.klamaraby.com/vb/showthread.php?t=18877)

ودا كمان كورس مفيد جداً

http://www.klamaraby.com/vb/showthread.php?t=14080 (http://www.klamaraby.com/vb/showthread.php?t=14080)

دلوقتي بقا نتعلم الهتمل HTML ودا تتعلمة من موقع الخيمة من هنا

www.khayma.com/HPINARABIC/HTMINTRO.HTML (http://www.khayma.com/HPINARABIC/HTMINTRO.HTML)

الدروس مفيدة جداً وسهلة لكن لو لقيت نفسك زهقان تقدر تتعلمة من هنا http://www.klamaraby.com/vb/images/icons/icon12.gif

http://www.klamaraby.com/vb/showthread.php?t=13961 (http://www.klamaraby.com/vb/showthread.php?t=13961)
http://www.klamaraby.com/vb/showthread.php?t=13963 (http://www.klamaraby.com/vb/showthread.php?t=13963)

ودا كورس تاني شبية للسابق

http://www.klamaraby.com/vb/showthread.php?t=13608 (http://www.klamaraby.com/vb/showthread.php?t=13608)

ودا كمان كورس جميل لكن زيادة

http://www.klamaraby.com/vb/showthread.php?t=3869 (http://www.klamaraby.com/vb/showthread.php?t=3869)

ها حسيت كدا إنك تهت ولا لسه

لا مفيش توهان إن شاء الله الموضوع بسيط ,أنا هختصرلك الموضوع مع إني مختصرة وعايز أديك الكورسات الصح إلي هتخليك 10/10

دا كورس للزيادة لتعليم الفرونت بيج مع الهتمل

http://www.klamaraby.com/vb/showthread.php?t=10679 (http://www.klamaraby.com/vb/showthread.php?t=10679)
http://www.klamaraby.com/vb/showthread.php?t=10680 (http://www.klamaraby.com/vb/showthread.php?t=10680)

دلوقتي حد هيقولي وفين بقا السي أس أس ؟ ,هقولة لو صبر الصابر علي المصبور كان صبر لواحدة

لو عايز تتعلم السي أس أس صح أتعلمة من هنا

http://www.w3.org/standards/webdesign/htmlcss (http://www.w3.org/standards/webdesign/htmlcss)

همممم ,أة نسيت إنك مبتحبش القراءة http://www.klamaraby.com/vb/images/icons/smailes58.gif

لكن معلش إتعب نفسك لأن دا أفضل مصدر هتتعلم منه الـ CSS

خلصت دلوقتي (الفوتوشوب - الدريم ويفر - الفرونت بيج - الهتمل - السي اس اس) ؟

يبقا أنت كدا تقدر تقول علي نفسك إنك مصمم مواقع فعلياً ,لكن ناقصك دلوقتي شوية حاجات تطور مستواك وتخليك أحسن وأحسن

زي أيه يا هيثم ؟

زي الجافا - الفلاش - الأجاكس - البي اتش بي

كل دي حاجات هتخليك أحسن

طيب عشان أريحك ومتعبكش مش هقولك شوف كورسات إنجليزي ,كفاية تتعلمهم من كورسات عربي http://www.klamaraby.com/vb/images/icons/icon12.gif

ودا يا رياسة كورس تعليم الـ PHP

http://www.klamaraby.com/vb/showthread.php?t=13968 (http://www.klamaraby.com/vb/showthread.php?t=13968)
http://www.klamaraby.com/vb/showthread.php?t=13970 (http://www.klamaraby.com/vb/showthread.php?t=13970)
http://www.klamaraby.com/vb/showthread.php?t=28883 (http://www.klamaraby.com/vb/showthread.php?t=28883)
http://www.klamaraby.com/vb/showthread.php?t=28884 (http://www.klamaraby.com/vb/showthread.php?t=28884)

ودا كورس الجافا (معلش دا إنجليزي)

http://www.klamaraby.com/vb/showthread.php?t=3839 (http://www.klamaraby.com/vb/showthread.php?t=3839)

ودا كورس الفلاش

http://www.klamaraby.com/vb/showthread.php?t=14036 (http://www.klamaraby.com/vb/showthread.php?t=14036)
http://www.klamaraby.com/vb/showthread.php?t=14037 (http://www.klamaraby.com/vb/showthread.php?t=14037)

نعيد تاني ونقول دلوقتي أنت أتعلمت أيه

الفوتوشوب - الدريم ويفر - الفلاش - الهتمل - الجافا - الهتمل - البي أتش بي - السي اس اس

المهم منهم جداً هو (الفوتوشوب - الدريم ويفر - الهتمل - السي اس اس) ,الباقي لتطوير نفسك ومهم طبعاً

ترتيب التعليم (هااااااااااااام) :

1- الفوتوشوب
2- الدريم ويفر
3- الفرونت بيج

بعد متشوف دول أتفرج علي الكورس دا وكمل باقي الكورسات (الكورس دا من إنتاج كلام عربي)

http://www.klamaraby.com/vb/showthread.php?t=15498 (http://www.klamaraby.com/vb/showthread.php?t=15498)

4- الهتمل
5- السي اس اس
6- الفلاش
7- البي اتش بي
8- الجافا

ويا جماعة زي مقولت فيه حاجات لازم نحترفها وفيه حاجات مهم بس نعرف مبادئها ودا وضحتة كويس في الجزء الأول

كدا يبقا الحمد لله عرفنا هنتعلم أيه ومنين وإزاي وأيه ترتيب الكورسات بالظبط عشان منلخبطش نفسنا

وقت كل حاجة معانا المفروض تكون متوسطها كدا :

1- الفوتوشوب ,دا ياخد منك ثلاث أسابيع تكون شبعت منه

2- الدريم ويفر ,دا أسبوع - 10 أيام كفاية جداً لتعليمة

3- الفرونت بيج ,دا هياخد منك من 4 - 7 أيام

4- الهتمل ,مش هياخد أكثر من 3 - 4 ساعات لو مركز ,أما لو مكنتش مركز يبقا يوم كامل
5- السي اس اس ,هياخد منك ثلاث أيام

6- الفلاش ,أسبوع لتعليم الفلاش عشان يبقا مستواك متوسط فيه (أو أقل من المتوسط قليلاً) عشان إلي هيتعلم فلاش صح لازم يعدي علي حاجة إسمها الأكشن سكربت ودي لغة برمجة فيه ودي قصة لوحدها طويلة وبلاش تشغل بالك بيها دلوقتي خااااااالص

7- البي اتش بي ,هياخد منك أسبوعين إلي 3 أسابيع عشان مستواك يبقا معقول فيه

8- الجافا ,هتاخد وقت طويل نسبياً نقول 3 أسابيع عشان بردوا تقدر تكون مطلع علي أكوادها زي البي اتش بي كدا بالظبط


يعني من الأخر هتاخدلك شهرين كدا وهتقول علي نفسك بقيت مصمم بجد


http://up4.m5zn.com/9bjndthcm6y53q1w0kvpz47xgs82rf/2009/12/24/01/rtq7fqtfk.jpg


شوفتوا نسيت أقول حاجة مهمة ,أنا كنت قفلت الموضوع علي كدا لكن لما أفتكرت قولت أضيفها عشان يبقا الموضوع شامل بإذن الله (كنت حاسس إني ناسي حاجة)

نسيت أقول كل حاجة من دول هتتعلمها ليه أصلاً :nosweat:

1- الفوتوشوب : هتتعلمة عشان أي موقع لازم يتصمم علي الفوتوشوب (مش لازم يعني لكن أفضل وأسهل أداة هتصمم بيها موقعك ومواقع عملائك)

2- الدريم ويفر : بعد مهتخلص التصميم علي الفوتوشوب هتخرج التصميم ولازم يروح علي محرر ومن أفضل المحررات وأجودها هو الدريم ويفر

3- الفرونت بيج : الفرنت بيج عامل بالظبط زي الدريم ويفر لكن أسهل منه لكن مميزاتة أقل لإنوا أقدم منه ,لكن مازال مفيد للغاية لسهولتة

4- الهتمل : معظم الصفحات لابد أن يتواجد بها أكواد هتمل ,عشان كدا لازم تعرف أيه الأكواد دي

5- السي اس اس : دلوقتي وفي ظل التطور الحادث محدش بقا بيجمل الصفحات بأكواد الهتمل القديمة والمستهلكة والثقيلة علي المتصفح ,الأن تقدر بالسي أس أس تعمل كل حاجة في الصفحة من تعديل الألوان والأشكال والجداول وحاجات تانية كتير جداً

6- الفلاش : دا هتصمم بيه زي فيلم متحرك لكن سواء كان بنصوص أو بصور أو بأي شكل ممكن ,الفلاش هيفيدك إنك تعمل تصميمات متحركة ,يعني كمثال صورة متحركة بشكل معين أو نص متحرك أو زرار متحرك ,أو رسمة معينة ,من الاخر تقدر تعمل بيه أي شيء متحرك حتي لو كان فيلم فعلاً

7- البي اتش بي : دي لغة برمجة تقدر من خلالها تبرمج سكربت يأدي وظيفة معينة ,زي مثلاً منتديات كلام عربي دا عبارة عن سكربت مكتوب بلغة البي اتش بي وأديك شايف بتقدر من خلالة تعمل أيه من كتابة موضوع جديد ورد جديد ورسائل خاصة وغيرها ,كل دا مكتوب بالبي اتش بي

الإتش تي أم أل لغة تتعامل مع المتصفح فقط ,يعني إلي بتكتبة بالهتمل هيظهر في المتصفح

لكن البي أتش بي بتتصل بقواعد البيانات كمثال (سيكوال سيرفر) ,بمعني إنك بتكتب معلومة معينة ,المعلومة دي تروح السيرفر تتحلل وتتفهم ,السيرفر يرد علينا بالنتيجة في المتصفح

طيب إفرض عندنا سكربت عبارة عن برمجة موقع لمدرسة

المفروض عشان أطلع نتيجة الطلاب لازم أخزن أسماء الطلاب في قاعد بيانات مش كدا ؟

هكتب أنا بالأتش بي كدا ,هعمل فورمة وكتب فيها أدخل البيانات التالية :

إسم الطالب : ......
رقم جلوس الطالب : ........

لما هيشوف الكلام دا الزائر أكيد هيدخل البيانات دي ,وأول مهيضغط إنتر ,هيروح إستعلام للسيرفر علي قاعدة البيانات المرتبطة بالبرمجة دي ويروح يسأل ويقول هات نتيجة الطالب فلان إبن فلان إلي رقم جلوسة كدا

إفرض البيانات صح ؟ ,هيقول النتيجة كما أدخلت في قاعدة البيانات وليكن الطالب ناجح ودرجات المواد

إفرض البيانات غلط ؟ ,هيقول كمثال عفواً البيانات التي قمت بإدخالها غير صحيحة

نفهم أيييه من الكلام دا ؟؟؟؟

أنك بتكلم المتصفح ,بتقولة معلومة ويديك معلومة وهي دي لغات البرمجة زي البي اتش بي أو الـ ASP مثلاً

فهمت يعني أيه لغة برمجة ديناميكية ؟ ,لغة تقدر من خلالها تدي بيانات وتاخد بيانات ,لكن الهتمل من خلالة تاخد بيانات بس كُتبت مسبقاً في صفحة وأنت أستعرضت الصفحة دي

8- الجافا سكربت : دي لغة برمجة يطول الحديث فيها ,لكن إختصاراً نقول إنك من خلالها تقدر تخلي للمواقع ديناميكية زي كمثال (نظام المنتديات مكتوب بالبي اتش بي والجافا سكربت ,أو اليوتيوب ,أو الفيس بوك) كل دول أمثلة ليس إلا

http://up4.m5zn.com/9bjndthcm6y53q1w0kvpz47xgs82rf/2009/12/24/01/rtq7fqtfk.jpg

دلوقتي أتعرفنا علي كل حاجة ناقص حاجة صغيرة بس المفروض تتعلمها في طريقك لكن تقدر تقول تتعلمها في الأخر أو مع السي أس أس (يفضل جداااا) ,وهل الـ XHTML

واحد منكم هيطلع دلوقتي يقولي يوووووووووووة أنت كل مهتيجي تخلص هتطلعلنا بحاجة تانية ,ايه ياعم دا كمان

أنا : معلش إستحملني ,الـ XHTML دي عبارة عن HTML + XML

الواحد : يييي يعني لازم تصدمني كدا مش تقولي واحدة واحدة ,وأيه بقا الـ XML دي ؟

أنا : بص أحنا قولنا إن الـ HTML دي معظم الصفحات لازم يبقا فيها الإتش تي أم ال صح ؟ ,أما بالنسبة بقا للإكس أم أل فهي كالتالي :

الـ xml هي احدي التقنيات التي اضيفت الي الـ dot net platform

XML هي تمثيل لل data بشكل مقروء و standard يعني كل ال platforms تقدر تفهم ال data دي

وكمان نقدر ننقلها عبر النت عن طريق الHTTP وهو standard

يعني عندنا data كل الدنيا تفهما واشهر تطبيق لها هو ال web services

افرض ان عندك linux based server و ال client عنده windows و مستخدم برامج JAVA

ال XML بتمكن كل دول من استقبال و ارسال الـ data لانها standard data formate



الواحد : أيه ياعم دا كلوا هوا انا فهمت يعني أيه XML عشان تقولي الحوار دا كلوا ؟

أنا : هوا مفيش حد غيرك بيسأل ؟ ,أصبر ياعم لسه هوضحلك حاضر


ماهي XML ؟؟
هي اختصار للجملة eXtensible Markup Language والتي معناها باللغة العربية ( اللغة القابلة للتوسع ).

وقد سميت بهذا الاسم لعدم وجود وسوم محددة لصفحاتك كوسوم لغة الـ HTML ، ولكن تعتمد لغة الـ XML على لغات أخرى لتحديد صفات هذه الوسوم .

ما فائدة هذه اللغة ؟؟

لنقل أنك تريد البحث في الويب عن العنوان البريدي لشخص اسمه أحمد ، سوف تجد أن نتائج البحث تأتيك بمعلومات قد تتعدى ال 10 ألاف صفحة . ماذا يمكنك أن تفعل بهذه المعلومات ؟
من أحد أسباب وجود لغة الـXML هو تسهيل البحث عبر شبكة الانترنت ، فمثلاً تستطيع عبر مثالنا السابق تحديد من خلال محرك البحث أنه يبحث عن الاسم أحمد الموجود بين الوسمين <mail-ddress> و <mail-address> ، سوف تأتيك نتائج مبهرة حيث سوف تجد الشخص المراد البحث عن بريده بسهولة بالغة .
كما للغة الـXML أهداف أخرى كتسهيل النشر المكتبي وتسهيل عملية فرز المعلومات و ...

طبعاً دا كلوا مثاااااااااال ليس إلا ..

ومن الأخر بقا بطل أسئلة وأتعلمها وخلاص ,هي غلاسة مش أكتر

وعايز أقولك مش مهم تحترفها لكن مهم يكون مستواك مقبول فيها

http://www.klamaraby.com/vb/showthread.php?t=3868 (http://www.klamaraby.com/vb/showthread.php?t=3868)

وفيه أخ لينا قال في موضوعنا السابق إنوا شاف كورس Total Training For CSS/XHTML Web Delvelopment وإستفاد جداً ,عشان كدا ممكن تشوف الكورس من هنا

http://www.klamaraby.com/vb/showthread.php?t=77691 (http://www.klamaraby.com/vb/showthread.php?t=77691)

ركز في كلامي : الموضوع دا تتعلمة في الأخر زي البي اتش بي


ملحوظة هامة : تم تحديث الموضوع بعد تحدث أخي العزيز محمد alexfox بخصوص الكورسات وهو قدم نصيحة أنا بتفق فيها معاه وهي مشاهدة كورسات الـ CS3 أفضل من كورسات الـ CS4 لإن ليندا في الـ CS4 مشرحتش الفوتوشوب كمثال كما يجب مش زي الـ CS3 ,عشان كدا ممكن تشوفوا كورسات الـ CS3 أفضل وبعد كدا للي عايز ينقل للـ CS4 ممكن يشوف كورس صغير بيبقا إسمة النيو فيوتشر ودا عبارة عن أيه الجديد في السي اس فور

وأنا عن نفسي بفضل إستخدام الفوتوشوب والدريم ويفر والفلاش كلهم CS3 ودا لإني بلاقي فيهم كل إلي محتاجة ,لكن عموماً متابعة التطور شيء جيد ومٌفضل لأي مصمم مواقع

عموماً محمد إداني تورنت لكل كورسات lynda cs3

http://www.4shared.com/file/-gwxK1Dv...ng_Videos.html (http://www.4shared.com/file/-gwxK1Dv/isoHunt_Training_Videos.html)

وده رابط الكورس الوحيد اللى مش موجود فى الملف اللى فوق

photoshop cs3 for the web

http://www.4shared.com/file/qOAXMw0L...fortheWeb.html (http://www.4shared.com/file/qOAXMw0L/Lyndacom-PhotoshopCS3fortheWeb.html)

والتورنت سريع جداً ومُجرب من أخونا محمد جزاه الله خيراً

طيب هعمل أيه وهطبق إزاي وهدرب نفسي إزاي ؟

كل الحاجات دي هنعرفها بإذن الله في الجزء الثالث بتاعنا وإن شاء الله هيكون فيه حاجات كتير جداً مهم هتتقال في الجزء القادم وغالباً هيكون دا الجزء الأخير

وأنا في إنتظار أي إستفسار عن أي جزئية سواء خاصة بالموضوع السابق أو الحالي أو حول موضوع تعليم التصميم عموماً

النهاردة في الجزء الثالث هنتعرف علي كذا حاجة مهمة ,خلونا نبدأ الأول ونقول إننا شوفنا الكورسات السابق ذكرها في الجزء الثاني وشوفنا الحاجة بالترتيب المذكور ..

ياتري دلوقتي هعمل أيه ؟ http://www.klamaraby.com/vb/images/icons/smailes39.gif

حالياً أنت أتعلمت وبقا عندك العلم إلي يأهلك تكون مصمم مواقع ,لكن معندكش الخبرة إلي تخليك تصمم موقع إحترافي

طيب أيه الحل في الموضوع دا ؟

الحل هو التمرين الكثير ,ودا بإنك هتصمم موقع وتعرضة هنا في المنتدي وإحنا كلنا هنشوف التصميم وهنقولك علي الملحوظات علي التصميم لو كانت موجودة

وطبعاً هتاخد الملحوظات دي في الإعتبار وهتعمل تصميم جديد وبردوا هنقولك المحلوظات عليه وهتكرر دا لحد لما تلاقي نفسك تصميمك معليهوش أي ملحوظات لأكثر من مرة

هل كدا كفاية ؟

لا طبعاً كدا مش كفاية ولا حاجة ,دلوقتي هتبدأ تقلد التصميمات ودي نقطة مهمة جداً عشان هتاخد منها خبرة كبيرة

هنا هتلاقي قسم تحميل قوالب المواقع (http://www.klamaraby.com/vb/forumdisplay.php?f=44) ,أهو عندك في القسم دا ألاف القوالب لمصممين أجانب محترفين ,وأغلب الأعمال دي مش مجانية ,بمعني إن دا شغل لناس بيتباع لجمهور أو لأصحاب مواقع محتاجين الداتا دي

فأنت هتدخل القسم دا تستعرض القوالب الموجودة وأكثر القوالب هي لشركة تمبلت منستر Template Monster وهي شركة كبيرة وسيطة بين الصممين والراغبين في شراء التصاميم

هتحمل أي قالب موجود وهتلاقي القوالب معاها ملفات العمل زي الـ PSD ودا الملف المفتوح للفوتوشوب ,أو الـ FLA وهو الملف المفتوح للفلاش + بعض الملفات الأخري

المهم هتفتح ملف الـ PSD بالفوتوشوب وهتشوف الليرات وهتشوف التصميم معمول إزاي وبعد كدا هتفتح عمل جديد بمقاسات المواقع المعروفة 770*600 مثلاً ,مع العلم إن مقاس العرض مهم يكون 770 او 780 عشان يناسب شاشات الـ 800*600 أو شاشات الـ 1024

لكن بالنسبة للطول دا مش مهم أيه طول التصميم علي الفوتوشوب براحتك يعني

هتبدأ بقا تحاول تقلد التصميم دا وتعيد وتزيد لحد متعمل تصميم مشابة ليه

خلصت كدا ؟ ,أعمل تصميم كمان وتصميم كمان وهكذا ,أقعد كل يوم قلد تصميم

عارف دا هيفيدك في أيه ؟

1- هيفتحلك أفكار جديدة في التصميمات
2- هتاخد خبرة أكتر وإيدك هتمشي في التصميم بشكل كبير
3- هتشوف شغل ناس غيرك وهتحاول تشوف بيعملوا أيه وممكن تطلعلك أفكار أحسن منهم تعملها في تصميماتك عشان تتميز عنهم

http://i40.tinypic.com/8vrxy1.jpg

بعد مخلاص إيدك مشيت في التصميم (وزي مقولت مهم جداً تطرحوا أعمالكم هنا في منتديات كلام عربي عشان نقدر أشوفها ونشوف أي ملاحظات) ,وصدقني دا عمروا مكان عيب

أنا لما أتعلمت التصميم في البداية كان ليا صديق مصمم وهوا إلي كان بيعلق علي تصميماتي وكل مرة كنت بتعلم من أخطائي لحد مإيدي مشيت وبقيت بعمل تصميمات كفيء هوا نفسة دلوقتي بقا بيعجب بيها

دلوقتي بقا لازم تاخد جولة في تصميم البرمجيات المختلفة لإن مش كل الناس إلي هتجيلك هتقولك صمملي موقع إستاتيك معمول بالـ HTML

عندك برمجيات مهمة لازم تتعلم التصميم عليها زي مثلاً سكربت المنتديات vBulletin

البرمجة دي هي برمجة المنتدي إلي أنت بتشوف عليه الموضوع دلوقتي

فيه شركة فيها مجموعة من المبرمجين عملوا برمجة المنتدي دا وعملوا منها إصدارات كتير جداً والنسخ دي بتباع بمبالغ كبيرة

المهم زي منتوا شايفين فيه منتديات كتيرة علي الساحة العربية ,يبقا لازم نتعلم تصميم المنتديات عشان هنلاقي عملاء عايزين يصمموا تصميم خاص بموقعهم

ودي أمثلة لتصميمات مختلفة في المنتدي هنا كمثال ليس إلا :


كود:
http://www.klamaraby.com/vb/index.php?styleid=26http://www.klamaraby.com/vb/index.php?styleid=27http://www.klamaraby.com/vb/index.php?styleid=28http://www.klamaraby.com/vb/index.php?styleid=29http://www.klamaraby.com/vb/index.php?styleid=30http://www.klamaraby.com/vb/index.php?styleid=22http://www.klamaraby.com/vb/index.php?styleid=31
دي أمثلة مختلفة علي تصميمات موجودة في المنتدي

وطبعاً طريقة تصميم المنتديات مختلفة تماماً عن تصميم المواقع ,لكن المبديء واحد

يعني زي السواقة كدا المبديء كلوا واحد ,لكن فيه إختلاف لما تسوق عربية صغيرة ولما تسوق أتوبيس ولما تسوق متوسكل ولما تسوق طيارة

ففيه قواعد ثابتة في التصميم ,وفيه متغيرات حسب نوع البرمجة لإن كل برمجة معمولة بشكل معين أنت بتصمم علي الشكل دا

يعني كمثال المنتديات عشان تصممها أنت بتعمل التصميم وبعد كدا بيتقسم التصميم لثلاث أجزاء

الجزء الأول الهيدر (Header) وهو عبارة عن رأس الصفحة

الجزء الأخير فوتر (footer) وهو الجزء الأخير من الصفحة

والجزء الوسط في الصفحة وهو ما يعرف بالمحتوي (content)

جزء الأول والجزء الأخير أنت بتصممة بإيدك ,لكن الجزء الموجود في الوسط دا هو عبارة عن محتوي المنتدي ودا عبارة عن الوان وبيتعمل من خلال الـ CSS الموجودة في لوحة تحكم المنتدي


هممم شكلك توهت مني صح ؟؟؟ http://www.klamaraby.com/vb/images/icons/icon7.gif

أنا شكلي أتكلمت كتير وأنت مش معايا في إلي أنا بقولة دا ,عشان كدا أحسن حاجة تعملها دلوقتي تسطب نسخة منتدي علي جهازك وتشوف المنتديات بتتسطب إزاي وإزي بتقدر تديرها

وأنا قبل كدا قمت بعمل أكثر من كورس لتعليم إدارة المنتديات

vBulletin Forums management Essential Training (http://www.klamaraby.com/vb/showthread.php?t=16567)

vBulletin Forums Management Beyond the Basics Part one (http://www.klamaraby.com/vb/showthread.php?t=50997)

شوف الكورسين دول وهما هيوضحولك إزاي تسطب المنتدي علي جهازك وإزاي تقدر تشتغل عليه بشكل معقول

أما موضوع تصميم المنتديات فدي حاجة محتاجة شوية وقت لتعليمها وموجود شروحات ليها كتير في المنتدي

نسيبنا بقا دلوقتي من موضوع المنتديات وندخل في برمجيات تانية وهما كتير بصراحة لكن أنت يفضل تاخد خبرة في تصميم سكربتات كتير

فيه برمجيات مهم تكون بتعرف تصممها زي (الداتا لايف ودا سكربت إدارة محتوي) (الوردبريس ودا سكربت المدونات) ,وفيه برمجيات كتير تانية مهمة ,لكن كل لما تمشي إيدك وتتعلم حاجة من دول هتلاقي نفسك عندك خبرة أكتر وعندك مقدرة إنك تدخل سوق التصميم بشكل أفضل

طيب نفترض إنك جبت كذا سكربت من منتدي تطوير المواقع هنا (http://www.klamaraby.com/vb/forumdisplay.php?f=73) وبقيت جامد وبتعرف تصمم بشكل ممتاز

واحد هيقولي طيب دلوقتي يا هيثوم أنا هعمل أيه وهشتغل إزاي ومنين هقدر أجيب شغل لنفسي ؟؟؟

دلوقتي هيبقا عندك حاجة من الإتنين ,يا إما تدور في الجرنال او علي الإنترنت عن شغل علي أرض الواقع (ودا الأفضل)

وطبعاً لما هتروح تعمل مقابلة لازم يكون ليك أعمال تاخدها معاك علي إسطوانة أو فلاشة عشان تفرج مدير القسم هناك علي أعمالك

يا إما بقا هتسلك الطريق المبدئي وهو الشغل من البيت ودا كويس أوي في الحالات التالية :

1- كنت لسه بتدرس
2- بتشتغل الصبح في عمل أخر وبالييل عايز تشتغل من البيت مصمم لتحسين دخلك
3- لسه متخرج قريب وعايز تشتغل من البيت لحد ميجي الفرج وتشتغل في شركة

لو نويت إنك تشتغل في البيت ,لازم تعرف إن فيه ناس كتير زيك ولازم تكون متميز عنهم بشوية حاجات عشان تعرف تنزل السوق وتثبت نفسك

1- أول حاجة لازم تصميماتك تبقا عصرية
2- لازم أسعارك تكون متوسطة ,ومناسبة للمجهود إلي هتقوم بيه
3- لازم تريح العميل ومتتعبوش لإنوا هوا إلي هيسوقك بعد كدا
4- العميل دائماً بيحب يتعملة الشغل في وقت قياسي وبدقة ممتازة

يعني متقعدش في التصميم شهرين علي اساس إنك بتعمل تصميم وهمي محدش عملة قبلك ,لا لازم تنجز عشان العميل عايز التصميم عشان يخلص بيه شغل هو التاني

وخلي بالك إنك ممكن دائماً تستعين بأجزاء من تمبلتس أو من أشكال جاهزة تساعدك إنك تنجز التصميم بشكل أفضل وأسرع لكن دا مش معناة إنك تنقل التصميم من مكان تاني وتنسبة لنفسك

يبقا هنعمل أيه دلوقتي ؟

1- هروح أعمل فيزا إنترنت عشان أي حاجة أحتاج أشتريها من الإنترنت ,ودا موضوع بيوضح القصة دي بشكل كويس

http://www.klamaraby.com/vb/showthread.php?t=52415 (http://www.klamaraby.com/vb/showthread.php?t=52415)

2- هروح أشتري دومين ودا سعرة لا يتعدي الـ 60 جنية مصري وفيه شركات كتير جداً بتقدم خدمة حجز الدومينات ,منهم وأفضلهم

1- شركة جودادي http://www.godady.com (http://www.godady.com/)

2- شركة إينوم http://www.enom.com/domains/default.asp (http://www.enom.com/domains/default.asp)

3- أشترتيت الدومين وخلاص ,يبقا أروح أحجز إستضافة بقا عشان أرفع موقعي عليها ,ودا موضوع بيشرح القصة دي

http://www.klamaraby.com/vb/showthread.php?t=8988 (http://www.klamaraby.com/vb/showthread.php?t=8988)

ومن أفضل الشركات الأجنبية إلي ممكن تشتري منهم إستضافة

http://www.hostmonster.com/ (http://www.hostmonster.com/)
http://www.ixwebhosting.com/index.php/v2/pages.dspmain (http://www.ixwebhosting.com/index.php/v2/pages.dspmain)
http://www.ixwebhosting.com/index.php/v2/pages.dspmain (http://www.ixwebhosting.com/index.php/v2/pages.dspmain)
http://www.hostgator.com/ (http://www.hostgator.com/)

وأنا برشح شركة هوست منستر ثم هوست جيتور

ودا ترتيب لأفضل 10 إستضافات أجنبية

http://www.best10hosts.net/ (http://www.best10hosts.net/)

ومن أفضل الشركات العربية إلي ممكن تشتري منهم إستضافة

شركة ألتميت سيرف http://www.ultimateserv.com (http://www.ultimateserv.com/) ودي شركة أنا بثق فيها علي الجانب الشخصي

خلاص كدا أنا حجزت الدومين وحجزت الإستضافة ؟


يبقا أصمم موقع ليا بقا بإسم موقع شركة فلان أو موقع المصمم فلان

ودائماً إختار لموقعك إسم مناسب ,يعني بلاش شركة الأمل والتحدي والعبقرية والحاجات دي

إختار أسماء وسطية ومناسبة وتكون مميزة عشان الناس تفتكرها

بعد متخلص تصميم موقعك هتبدأ الشغل بقا وتستقطب العملاء ,وعندك حاجة من الإتنين هتعملهم ,يا ما هتعلن عن موقعك في جوجل أدورد ودي إعلانات تدفع نظير زيارات لموقعك (الزيارة أي الكليك علي الإعلان بتاعك بيحسب بمبلغ صغير)

يا إما هتدخل علي المواقع التطويرية إلي بتشتغل في المجال دا وهتعرض موقعك هناك ,هما كتير حالياً لكن أفضلهم علي الساحة حسب ما أتذكر (سوالف سوفت - ترايدنت - الويب العربي - دعم في بي) وفيه غيرهم كتييييير جداً ,لكن معظم المواقع دي بتركز أكثر علي تصميم المنتديات مش المواقع

وبكدا هتبقا عملت موقعك وقدرت تشوف عملاء عشان يتفقوا معاك علي أعمال

لكن أوعي تعمل الخطوة دي وأنت لسه معندكش المقدرة علي التصميم بشكل إحترافي ,لازم الأول يكون عندك الأساسيات وبعد كدا الشغل موجود مش هيروح في حتة ,وأهم حاجة التميز في مجالك مش أكتر


هممم مش عارف أقول أيه تاني ,أنا نفسي أطلع كل إلي عندي ومش عايز أكتم أي علم عندي عن أي حد ناوي وعايز يدخل المجال دا

فعلاً يا جماعة المجال دا جميل ومن حيث الشغل والفلوس فيه معقولة وكويسة لكن مهم تكون متميز عشان تعرف توصل لشركات ولناس وتفتح لنفسك سوق ويكون ليك إسم وأول مهيكون ليك إسم والناس بتحب شغلك هتلاقي ساعتها نفسك وصلت وهتقدر تفتح بعدها شركة خاصة بيك علي أرض الواقع وهترخصها والموضوع هيمشي معاك بإذن الله

لكن المهم يكون ليك قاعدة وليك أعمال كويسة وليك إسم في السوق

بجد أنا بتمنالكم الخير من قلبي وبتمنالكم النجاح والتوفيق في شغلكم

حاجة أخيرة نحب نوضحها للعاملين في المجال

اذا كنت ناوي تستعمل أى من البرامج المشار إليها لأغراض تجارية فيجب شراء رخصة البرنامج أولا حتى نتحرى الحلال في مكسبنا من التصميم

والبديل هو البحث عن برامج مجانية بديلة والتي ستكون للأسف أقل كفاءة

جزاكم الله الجنة
السلام عليكم ورحمة الله وبركاته