المساعد الشخصي الرقمي

مشاهدة النسخة كاملة : لم أكن أعلم أني مازلت أذكره

ra7ooom
11 Feb 2007, 11:59 PM
:salam_text:

النهاردة جرس التليفون رن .... رحت رديت ...
سلامو عليكو
و عليكم السلام . آنسة سارة ؟؟؟
لا حضرتك والله ... النمرة غلط .
آسف ... أصدي آنسة رحمة ؟؟؟
أيوه ... مين حضرتك ؟؟؟
(قلبي وقع ... مين الراجل إللي هيتصل بيا ... مش معقوله كمان حد مننا ... وخصوصا كمان بعد القواعد و اجتماع إمبارح)
أنا يابنتي بكلمك من مكتب العميد .

العميييييييييد !!!!!!!!!! رددتها بداخلي ... و شطحت بتفكيري ... ياااااااااااااه .. أكيد هيقوللي قسم اقتصاد فتح يابنتي و إنتي كنتي كاتبه اسمك فيه ... تعالي حولي !!!!
صحيح إنه تفكير غبي ... يعني مش بعد ما ترم خلص بامتحاناته هيفتحوا القسم !!!
الكلية عمله رحلة للطلبة المتميزين يوم الأربع في اسماعيلية .. الساعة 9 عند مكتب د/محسن ... هتيجي ؟؟؟
اتخنقت ... واكتشفت إني لسه بحلم للمرة المليون .... ربنا يسهل ...
لا يابابا ... لو هتيجي قولي عشان نعمل حسابك .. ولا لأه ؟؟؟ثواني ...
بابــــــــــــــــــــــــــــــــــــــــــ ــا ... كلم التليفون

اكتشفت النهاردة إني لسه بفكر في القسم دا .... و إني منستش حلمي فيه ... ولا هدفي إللي رسمته منه ... لكن أولا و أخيرا ... قدر الله و ماشاء فعل .... و ربنا يجازي إللي كان السبب ... و إللي حيرنا كووووووووووول الفترة إللي فاتت لحد العيد الصغير ... يوم يقولوا دا فتح ... لا مفتحش ... فتح ... مفتحش ... و في الآخر ... عندكو الأقسام كتيييييييييييييييييير اختاروا منها إللي إنتوا عايزينه ... محاسبة ... إدارة .. إللي إنتوا عايزينه !!!!!!!!
hend
12 Feb 2007, 12:20 AM
:bism: اولا يا رحمة متفكريش فى حاجة فاتت وفكرى فى القسم اللى انتى فيه (اللى هو ايه؟؟) لاتعيشى فى الأحلام !! وانصحك تروحى الرحلة حد لاقى وربنا يوفقك
aida kilany
12 Feb 2007, 10:35 AM
حبيبتي في الله ماتنسيش وخلي فاكرة هدفك وحلمك وحاولي لما تتخرجي تشوفي مثلا تعملي دبلومة تتدرسي مجال حر القسم مثلا يفتح السنة اللي جاية وتعملي إعادة تخصص المهم ان يكون الاقتصاد عندك وسيلة مش غاية وربنا يوفقك ويفتح عليكي