مشاهدة النسخة كاملة : البنت أحسن من الولد
dissy 12 Feb 2007, 10:57 PM النهارده جايب موضوع لكل الناس اللى عارضتنى فى موضوعى الاول بتاع نصائح العكننه على الزوجه انا بس جايب الموضوع ده عشان اعرفكم اد ايه ان البنات دول مدلعين خاااالص واحنا طول عمرنا مظلومين معاهم
بعض التدقيق والتدوير والتنقيب
اثبتت التحريات ان البنت احسن من الولد والاسباب :
- تتكلم براحتها في التليفون وابوها او جوزها اللي هيدفع الفاتوره
- البنت مش ملزمه تجهز نفسها ابوها او خطيبها اللي هيدفعو دم قلبهم
- مفيش حد بيبص علي بدله العريس كله بيركز في فستان العروسه
- لو واحده عملت مخالفه مرور تعيط شويه للظابط وهو يعديها لو راجل هياخد علي دماغه
- البنت مش ملزمه تدفع ضرايب ابوها او جوزها بيدفعوها
- لو واحده مدتش لقرايبها عديه مفيش حد هيتكلم ولا يقول ياه دا راجل تبت وبخيل
- لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس
- لو حصل زعل بين البنت وباباها مش هيطردها بره البيت بس هي يدوب دتخل الاوده وتعيط شويه وبابا يروح يصالحها أما الولد فيدوب يلحق مكان ينام فيه جنب البواب
دلع البنات :
ياختي قميله ) سنتين)
يا عسوله (5 سنين)
يا عروسه (12سنه)
يا قمر (18سنه)
يا هانم (40سنه)
يا ست الكل (50سنه)
يا أم العيال (60سنه)
دلع الأولاد:
انت ياد (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سنه)
شوفتوا بقى ان الولاد مظلومين اوى وحقهم را يح
أصيل 13 Feb 2007, 12:23 AM - لو واحده عملت مخالفه مرور تعيط شويه للظابط وهو يعديها لو راجل هياخد علي دماغه
- لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس
انا مع حضرتك فى كل الى عدى....عندك حق....
روضة 13 Feb 2007, 07:36 PM ايوة عندك حق بس كمان نسيت تقول حاجة :ahmed8: :ahmed8: :ahmed8:
الولد مش ملزم يساعد مامتة فى الطبيخ بس البنت ملزمة :icon24:
الولد مش ملزم يساعد مامتة فى ترويق الشقة اللى هوة بيبهدلها:ahmed(1): لكن البنت ملزمة
الولد مش ملزم يكوى هدومة لكن البنت ملزمة تكوى لة هوة والبيت كلة :FHF:
لو فى يوم الراجل طبخ يبقى كانة فتح مالطة لوحده:FHF: اما البنت لو فى يوم ماطبختشى تبقى كانها هى اللى دخلت امريكا الوطن العربى (لوحدها كمان):FHF:
لو الولد ساب اختة الصغيرة مرمية على الارض وعدا من جنبها ولا بص يبقى عادى:) لكن لو البنت تبقى ماعندهاش دم :icon24: :ahmed8:
لو الولد ساب غرفتة مبهدلة يبقى عادى:FHF: لو البنت تبقى مهملة ازاى ماتروقش غرفة اخوها (مش غرفتها كمان):ahmed(1): :ahmed(1):
اقول تانى ولا كفاية كدة ؟؟؟؟
وبعدين بالزمة انتوا مش بتعملوا عمايل تفقع المرارة اكتر من البنات!!!!!!!!!!!
جزاك الله خير على الموضوع :sm128:
dissy 13 Feb 2007, 08:42 PM اييييييييييييه ده كله
لا طبعا كل ده واجبات عاديه انا بتكلم عن الخوارق والحاجات المكلفه
وبعدين كل اللى حضرتك قولتيه ده حاجات بسيطه اوى
والصراحه بقى انا ناوى انفذ النصايح اللى انا كتبتها قبل كده للعكننه على الزوجه
هههههههههههه
امل الحياه 13 Feb 2007, 10:48 PM ياربنا
شايل في قلبك ده كله وساكت يا ربنا... طب والله مفيش احسن البنات ..
على الاقل بيحسو بالمسؤليه عن الولاد..
ومش كلهم زي بعضهم
ra7ooom 13 Feb 2007, 11:21 PM هههههههههههههههههههه ... مش عارفة إيه النظرة دي بس ...
ياعيني عليكي ياروضة شكلك كده نفسك :ahmed8: :icon24: ولا أنا بتهيألي ؟؟!!!
عالعموم بردوه إحنا هنطلع أحسن منكوا ....
معلومة بسيطة :أول من آمنت برسالة الحبيب المصطفى محمد صلى الله عليه و سلم .. امرأة (دول البنات إللي مش عجبينكو) و كمان زوجته (إللي إنتوا عايزين تطلعوا روحهم دول و تتفننوا في الغلاسة عليهم ) و معلومة أبسط كمان .. همه مش مفروض عليهم يعملوا كل ده ... دا تفضلا منهم بس .. يعني ربنا مأمرناش إننا نغسل و نكنس و نطبخ و نمسح ... المفروض إن مهمتنا هي تربية الأولاد .. هاه ...
ياللا ... ربنا يسامحكوا ....
dissy 13 Feb 2007, 11:30 PM :[QUOTE=ra7ooom;3807][COLOR="Purple"][SIZE="3"][RIGHT][B][FONT="Tahoma"]هههههههههههههههههههه ... مش عارفة إيه النظرة دي بس ...
ياعيني عليكي ياروضة شكلك كده نفسك :ahmed8: :icon24: ولا أنا بتهيألي ؟؟!!!
ايه ده كلكو عليا ولا ايه.....:ahmed26: :ahmed26:
وبعدين المفروض اننا نجيب ناس من الفلبين لشغل البيت ولا ايه:ahmed(1):
abdo.hero 22 Feb 2007, 12:49 AM جزاك الله خيرا موضوع رائع وبصراحة عندك حق
كل واحد له حقوق وعليه واجبات
روضة 24 Feb 2007, 08:32 PM السلام عليكم ورحمة الله وبركاتة
والله يا رحمة انا الحمد لله مش عندى اخوات ولاد عشان كدة انا مرتاحة انا بس اتغظط من كلامة مش اكتر
وبعدين يا استاذ ديزى زعلان لية وبتعيط مش حضرتك اللى جبتة لنفسك ولا انا غلطانة ؟؟؟؟؟؟؟؟؟؟؟؟؟؟؟؟؟؟؟؟؟
اة وبمناسبة شغل البيت مش محتاجة الفلبين ولا حاجة لو الاولاد بطلوا يبهدلوا وساعدوا شوية فى شغل البيت الموضوع هيتحل شفت الموضوع سهل ازاى !!!!!!!!!!!!!!ههههههههه
والسلام عليكم ورحمة الله وبركاتة
dissy 26 Feb 2007, 11:43 PM على فكره بقى ياجماعه
انا فعلا من اكتر الناس اللى بيقدروا التعب الواقع على البنات وبقدر اكتر انهم حاجه مؤثره جدا وانهم فعلا ساعات كتير بيكونوا بالنسبه للاهل اريح من الولاد انا الكلام اللى بقوله ده كله شوفته من اختى الصراحه اللى انا بحبها جدااااااااااااااااااااااااااااااااااا
rainbow 26 Feb 2007, 11:52 PM 1 مين اللى بيخرج وقت ماهو عايز ؟
2 مين اللى يتاخر وقت ماهو عايز؟
3 مين اللى بياخد عربية العيله ويسوقها؟
4 مين اللى يزعق ويشخط وينطر وصوته يجيب اخر الشارع ويبقى عادى ومين اللى لو صوتها طلع برة الاوضه تبقى عيبه؟
5 مين اللى يقوم اخته عشان تعمله شاى مهما كانت بتعمل وهو ميهونش عليه يجبلها كوبايه ميه؟
6 مين اللى لو ماما جات من المشوار ولقيت البيت مش متودب وقاعد على الكمبيوتر يبقى عادى ومين اللى لو كانت نايمه تقوم بالعافيه ؟
7 مين اللى لما بيتخانق مع خطيبته اول حاجه بيقولهلها عايز الهدايا بتاعتى(حاجه قله ذوق)
8 هو فى حد دلوقتى بيدفع مهر ولا بيجيب شبكه ولا بيجهز عروسته كل الولاد دلوقتى بيجوزه ببلاش
9 مين اللى مبيعملش حاجه غير ياكل ويلعب ومين اللى من غيرها يبقى البيت يضرب يقلب؟
ياريت اللى يعرف حل الاسئله دى يبقى يبعتلنا واصلا الاجابه سهله جدا
dissy 27 Feb 2007, 12:11 AM 1_ من ناحيه الخروج فهو مش كل حاجه اكيد انتوا برضه ليكوا مزايا تانيه يعنى الموضوع موقفش على الخروج ابدا كفايا الدلع والتدليل
2_ كمان التاخير ده غلط ومش صح يعنى مش حاجه كويسه عشان نتكلم فيها
3_فى بنات كتييير اوى بتسوق عربيات دلوقتى ده البلد دى باظت من كتر البنات اللى بتسوق عشان مش بيعرفوا يسوقوا اصلا
4_اولا الصوت العالى عيب على الكل بس للبنت عشان عيبحد يسمع صوتها لكن الولد الصوت القوى الخشن علامه للرجوله
5_ بالنسبه للشاى والاكل وكده مع انى عمرى ما عملت كده الصراحه بس شايف انه قله ذوق لو حد عمل كده بس برضه ما البنات هى دى شغلتها زى ما اختى لو عايزه تروح كليتها الصبح بدرى وتصحينىعشان اجى اوصلها ولا مثلا عايزه تنزل مشوار مهم ولازم اوصلها وانا الغى مشوارى عشان خاطر عيونها وطبعا مقدرش اقولها بلاش مشوارك او روحة لوحدك
6_ برضه موضوع التوضيب ده شغل البنت اعمال البينت كلها لبنت وده كلام مفهوش فصال بقى
7_ موضوع هات الهدايا اللى عندك ده ملوش علاقه بولد وبنت زى ما موضوع اللى كل البنات بتقوله ان كل الولاد خاينه ومش عارف ايه كل ده كلام ملوش اساس من الصحه الموضوع له علاقه بالشخصيه والاخلاق فقط
8_المهر والشبكه والكلام ده كله بدعه اصلا وكله بيعجز فى الجواز وموضوع ان محدش بيجيب بقى عشان الحاله صعبه وبعدين هو حد لاقى يتجوز اصلا عشان الناس تتكلم فى شبكه ومهر البنات كتروا اوى ولازم بقى الولاد تطبق السنه فى تعدد الزوجات
وانا عن نفسى هعمل زى بابا واتجوز 4 مع ان بابا اتجوز 7 مش 4
9_ يعنى ايه ياكل ويلعب احنا اللى بنشتغل وبنصرف على البيوت واحنا اللى بنرعى الاسر والست من غير راجل زى المركب من غير مجداف يعنى مش هتمشى
ادينى انا جاوبت اهو على حضرتك
عبدالله 13 Mar 2007, 09:15 PM كفاياكم خناقات وحرب اهلية!!
احنا فى ايه ولا ايه؟؟
عندى فكرة:
هنعمل استفتاء حول
(مين الاحسن الولد او البنت؟)
وياريت الناس تشارك علشان دة حق المصير
ولا نرفع شكوى ل-بان كى مون-؟
:bism:
:salam_text:
أنا من رأيي إن كلنا لينا لازمه والله متعملوش في نفسكم كده يا جماعة بس برضو أرجع أقول احنا وبسسسسسسسسس :sm1:
:bism:
:salam_text:
أنا من رأيي إن كلنا لينا لازمه والله متعملوش في نفسكم كده يا جماعة بس برضو أرجع أقول احنا وبسسسسسسسسس :sm1:
hend 16 Mar 2007, 12:21 AM بسم الله الرحمن الرحيم انا عايزة اقول ان مافيش حد احسن من حد بس كنت عايزةاعقب على كلمة المهر بدعةاولا المهر مش بدعة وكان ايام الرسول عليه الصلاة والسلام بدليل انه قال "أعظم النساء بركة أيسرهن مهرا"
rainbow 16 Mar 2007, 11:37 PM :bism:
:salam_text:
أنا من رأيي إن كلنا لينا لازمه والله متعملوش في نفسكم كده يا جماعة بس برضو أرجع أقول احنا وبسسسسسسسسس :sm1:ايوة كده ياجماعه انتوا فين من زمان هو ده الكلام يلا كده شجعونا:sm5:
بس بالله عليكوا مش كلامى صح :ahmed8: :ahmed8: :ahmed8:
rainbow 16 Mar 2007, 11:44 PM بسم الله الرحمن الرحيم انا عايزة اقول ان مافيش حد احسن من حد بس كنت عايزةاعقب على كلمة المهر بدعةاولا المهر مش بدعة وكان ايام الرسول عليه الصلاة والسلام بدليل انه قال "أعظم النساء بركة أيسرهن مهرا"
اه صحيح انا كنت عايزة اعلق على النقطه دى المهر والشبكه دى مش بدعه ولا حاجه بالعكس
قال رسول الله :salam: التمسوا ولو خاتم من حديد
عبدالله 18 Mar 2007, 07:33 PM :51: لسة فى عقول قادرة على المواجهة:51:
:ahmed22:
|